ᐃᓄᐃᑦ ᒫᓐᓇ ᐅᖃᐅᓯᖃᑦᑎᐊᕈᓐᓇᓕᕐᖓᑕ ᐃᒻᒥᓃᕐᓂᕐᒥᑦ. ᐱᔭᕆᐊᑭᓐᖏᑦᑑᒐᓗᐊᖅ ᐅᖃᐅᓯᕆᓪᓗᒍ. ᑭᓯᐊᓂᓕ ᐅᖃᐅᓯᕆᕙᓕᖅᑕᕗᑦ, ᐱᐅᔪᖅ ᑕᒪᓐᓇ. ᐅᖃᐅᓯᐅᕙᑦᑐᓂᓗ ᓄᓇᓕᓐᓂᑦ, ᐊᕕᑦᑐᖅᓯᒪᔪᓂᒃ ᓯᓚᕐᔪᐊᒥᓗ.

ᐃᓚᖓᓐᓂ ᓯᓚᕐᔪᐊᒥ ᑕᒪᓐᓇ ᐅᖃᐅᓯᐅᕙᒻᒥᔪᖅ ᑲᒪᒋᔭᐅᓪᓗᓂᓗ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ. ᐱᕙᓪᓕᐊᑎᑦᑎᓂᕐᒥᑦ ᐸᕐᓇᑦᑎᓂᖏᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ ᐱᓕᕆᓯᒪᓕᖅᑐᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐃᓱᒪᓕᕆᓂᕐᒧᑦ ᑕᐃᑲᓂ ᕕᓂᔅ ᐃᔅᓯᕙᐅᔪᓂᒃ (2017-2019) ᐱᕙᓪᓕᐊᑎᑦᑎᓂᕐᒥᑦ ᐸᕐᓇᑦᑎᓂᖏᑦ ᑎᒍᓯᓚᐅᖅᓯᒪᒻᒪᑕ ᐱᒋᐊᕈᑎᔅᓴᒥᑦ ᐊᑎᓕᒃ ᐱᓕᕆᐊᖑᓂᐊᖅᑐᖅ ᓴᖅᑮᓂᖏᓐᓂ (CREATeS). ᓇᐃᓪᓕᑎᖅᓯᒪᔪᖅ ᐅᕙᓐᖓᑦ ᐅᑭᐅᖅᑕᖅᑐᒥᐅᖑᖃᑎᒌᑦ ᐃᓕᑦᑐᖅᓯᐅᓂᖏᑦ, ᐱᓕᕆᕙᓪᓕᐊᓂᖏᑦ ᐱᒋᐊᕈᑎᖃᕐᓂᖏᓪᓗ ᐅᓂᒃᑳᖅᑐᐊᕐᓂᑦ.

ᑕᒪᓐᓇ ᐅᓂᒃᑳᖅ ᐊᑐᖃᑦᑕᕋᑦᑎᒍ ᑎᒍᓯᓇᓱᐊᖅᑐᑕ ᐅᖃᐅᓯᕆᔭᐅᔪᓂᒃ ᐃᒻᒥᓃᕐᓂᕐᒧᑦ, ᐊᒻᒪᓗ ᑕᑯᓐᓇᓂᖅᓴᕆᓪᓗᑎᒍ ᐅᐱᓐᓇᕋᓂ, ᐃᒻᒥᓃᖅᑕᐃᓕᒪᑎᑦᑎᓂᖅ. ᐊᑐᖅᑐᑎᒋ ᓂᐱᓕᐅᒐᐃᑦ ᐅᓂᒃᑳᕐᓂᑦ, ᐅᕝᕙᓘᓐᓂᑦ ᓇᐃᑦᑐᒥᑦ ᑕᐃᓗᒍ ᐃᒫᒃ, ᐊᖅᑯᑎᐅᓂᐊᖅᑐᒥᑦ ᓴᓇᓯᒪᒐᑦᑕ ᓄᓇᖃᖅᑳᖅᑐᒥᓂᕐᓄᑦ ᐃᓅᓱᑦᑐᓄᑦ ᐊᒻᒪᓗ ᓂᐱᓕᐅᒐᖅᑎᒍᑦ ᑕᐃᒫᒃ ᑲᑐᑎᖃᑦᑕᕐᓂᐊᕋᑦᑎᒍ ᑭᓇᑐᐃᓐᓇᕐᒧᑦ ᓯᓚᕐᔪᐊᒥ ᑕᐃᒪᐃᒍᓐᓇᓕᕋᑦᑕ ᐅᓪᓗᒥᐅᓕᖅᑐᖅ.

ᐃᓅᓱᑦᑐᐃᑦ ᐊᓕᐅᑦ ᓯᓚᕐᔪᐊᒥ ᑲᑐᔾᔨᖃᑎᒌᖏᑦ; ᐅᑭᐅᖅᑕᖅᑐᒥ ᐋᑕᐹᔅᑕᓐ ᑲᑎᒪᔨᖏᑦ; ᒍᐃᑦᓯᓐ ᑲᑎᒪᔨᖏᑦ ᓯᓚᕐᔪᐊᒥ (GCI); ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ; ᐊᒻᒪᓗ ᓵᒥ ᑲᑎᒪᔨᖏᑦ, ᑲᑎᒪᓚᐅᖅᓯᒪᔪᑦ ᐃᓕᓐᓂᐊᖅᑎᑕᐅᓪᓗᑎᑦ ᑲᑎᑦᑐᑎᑦ ᐅᑭᐅᖅᑕᖅᑐᒦᖑᖃᑎᒌᑦ ᔮᓐᓄᐊᕆᐅᑎᓪᓗᒍ 2019−ᒥ ᐃᓇᕆ, ᕕᓐᓚᓐᒥ.

ᑲᑎᑦᑐᒋᑦ 36 ᐃᓅᓱᑦᑐᐃᑦ ᐱᖃᑕᐅᓚᐅᖅᓯᒪᔪᑦ ᑕᒪᑐᒥᖓ ᓴᓇᔭᐅᓯᒪᔪᓂᑦ 30−ᓂᑦ ᓂᐱᓕᐅᒐᕐᓂᑦ. ᑕᐃᒪᐃᑦᑐᓂ ᓴᖅᑮᓪᓗᓂ ᐱᖅᑯᓯᕐᒥᓂᒃ ᐊᑐᕐᓗᑎᑦ ᐅᓂᒃᑳᖃᑦᑕᖅᑐᑦ ᓴᖅᑮᓪᓗᑎᑦ ᐅᓂᒃᑳᖅᑐᐊᕐᓂᑦ ᐊᑐᖅᓯᒪᔭᖏᓐᓂ, ᓈᓚᑦᑕᐅᖃᑦᑕᖁᓪᓗᒋᑦ ᓇᒥᑐᐃᓐᓇᑦᑎᐊᖅ ᐅᑭᐅᖅᑕᖅᑐᒥ, ᐊᒻᒪᓗ ᐱᓕᕆᖃᑎᒋᓪᓗᒋᑦ ᐃᓅᓱᑦᑐᐃᑦ ᐱᒋᐊᖅᑎᑦᑎᓪᓗᒋᑦ ᐃᒻᒥᓃᖅᑕᐃᓕᒪᑎᑦᑎᓇᓱᐊᕐᓂᕐᒥᑦ.

ᐱᓕᕆᐊᖑᔪᖅ ᑕᒪᓐᓇ (CREATeS) ᐊᔾᔨᐅᖏᑦᑐᓕᓚᐅᖅᑐᖅ ᕕᓂᔅᒥ ᐃᔅᓯᕙᐅᑕᓂᒃ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ. ᑕᒪᓐᓇ ᑲᔪᓯᑦᑎᐊᖅᑐᐊᓘᓚᐅᖅᑐᖅ, ᐱᓕᕆᐊᕆᓇᓱᑦᑕᕗᓪᓗ ᐱᔭᕇᑦᑎᐊᖅᑐᑎᒍ, ᐱᓗᐊᖅᑐᒥᑦ ᓂᐱᓕᐅᕆᓂᒃᑯᑦ. ᐃᓛ, ᑕᒪᓐᓇᓗ ᑲᔪᓯᒃᑲᓐᓂᖁᓪᓗᑎᒍ ᒪᕐᕈᐊᖅᑎ ᐅᑭᐅᖅᑕᖅᑐᒥ ᑲᑎᒪᔩᖏᑦ ᐃᔅᓯᕙᐅᑕᖏᓐᓂ ᐊᐃᔅᓚᒥ ᑲᔪᓯᖁᓪᓗᑎᒍ ᑲᑎᒪᓂᐅᔪᓂᒃ (2019-2021), ᐅᓛᓵᒥᓗ (2021-2023).

ᖁᕕᐊᑦᑐᒍᑦ 11−ᖓᓐᓂ ᐅᑭᐅᖅᑕᖅᑐᒥ ᑲᑎᒪᔨᖏᑦ ᒥᓂᔅᑕᐃᑦ ᑲᑎᒪᑎᓪᓗᒋᑦ ᕈᕙᓂᒥ, ᐱᓐᓛᒥ ᒪᐃᖑᑎᓗᒍ 2019−ᒥ, ᑭᖑᓪᓕᖅᐹᒥ ᐅᓂᒃᑳᖅ ᐊᑎᓕᒃ “CREATeS ᐱᓕᕆᐊᖑᔪᖅ” ᐊᖏᖅᑕᐅᓚᐅᖅᓯᒪᒻᒪᑦ. ᑕᕝᕙᓐᖓᑦ ᓇᓂᔪᓐᓇᖅᑕᐃᑦ. ᐱᓕᕆᐊᖑᔪᖅ ᓴᖅᑭᖅᑕᐅᔪᒃ ᖃᕋᓴᐅᔭᒃᑯᑦ ᑕᕝᕙᓂᓗ ᑕᑯᔪᓐᓇᖅᑐᒍ.