News

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᖁᕕᐊᒋᔭᐅᑦᑎᐊᖅᑐᑦ ᐊᑐᓕᖅᑎᑦᑎᒋᐊᕐᓂᕐᒧᑦ ᐱᒋᐊᕐᓂᖏᓐᓂ “ᑕᒪᓐᓇ ᓄᑖᖅ ᐱᒋᐊᖅᐸᓪᓕᐊᓕᖅᑐᖅ”

ᒪᐃ 10, 2016 – ᐊᕐᕕᐊᑦ, ᓄᓇᕗᑦ – ᓇᓐᓯ ᖃᕋᓴᖅ−ᓕᓐᑎᐅᓪ, ᐊᖏᔪᖅᑳᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᖁᕕᐊᒋᔭᖃᕆᕗᖅ ᑲᓇᑕᐅᑉ ᒐᕙᒪᒃᑯᖏᓐᓂ ᐱᓕᕆᔪᒪᑦᑎᐊᕐᓂᖏᓐᓂ ᓯᓚᕐᔪᐊᑉ ᑲᑐᔨᖃᑎᒌᖏᑦ ᓇᓗᓇᐃᖅᓯᑎᓪᓗᒋᑦ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᓃᑦ.

ᑭᐅᕈᓕᓐ ᐸᓇᑦ, ᒥᓂᔅᑕ ᐃᓄᓕᕆᔨᑐᖃᒃᑯᓐᓄ ᐅᓪᓗᒥᐅᔪᖅ ᐅᖃᖅᑲᐅᒻᒪᑦ ᓯᓚᕐᔪᐊᒥ ᑲᑐᔾᔨᖃᑎᒌᖏᑕ ᐊᓪᓚᕕᖓᓐᓂ ᓅ ᔪᐊᒃᒥ ᑲᓇᑕᒎᖅ ᓇᓗᓇᐃᖅᑕᐅᓛᕐᖓᑦ ᓴᓂᕐᕙᖅᑕᐅᓯᒪᔪᓕᒫᑦ ᑎᒍᒥᐊᖅᑕᐅᓂᐊᓕᕐᖓᑕ ᒐᕙᒪᐅᓛᖅᑐᓄᑦ ᐊᓯᔾᔨᕈᒫᓕᖅᑐᓪᓗ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖓ ᐅᖃᓚᐅᖅᑐᖅ, “ᐅᓪᓗᒥᐅᔪᖅ ᓱᓕᑦᑎᐊᖅᑐᒥᑦ ᖁᕕᐊᓲᑎᖃᕐᓂᐊᖅᑐᒍᑦ ᐊᖏᔪᐊᓗᒻᒥᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐱᓕᕆᐊᕆᓯᒪᓕᖅᑕᖏᓐᓂ ᐊᕐᕌᒍᓄᑦ ᐊᕙᑎᐅᓗᐊᖅᑐᐊᓗᓐᓄᑦ ᐊᐃᕙᖃᑎᖃᖅᓯᒪᓪᓗᑎᑦ ᓇᓗᓇᐃᖅᑕᐅᔪᒪᓂᖏᓐᓂ ᓯᓚᕐᔪᐊᑉ ᑲᑐᔾᔨᖃᑎᒌᖏᓐᓂ, ᑕᐃᒪᐃᓐᖓᓂ ᐃᓱᒪᓗᖏᓐᓂ 1980−ᖏᓐᓂ.”

“ᓄᑖᕐᒥᑦ ᐱᒋᐊᖅᐸᓪᓕᐊᓂᐊᓕᖅᑐᒍᑦ.” ᐅᖃᖅᑐᓂ. “ᑲᓇᑕᐅᑉ ᒐᕙᒪᒃᑯᖏᑦ ᖁᔭᓐᓇᒦᕈᒪᒐᒃᑭᑦ, ᐃᓕᓴᕆᓗᒋᓪᓗ ᐃᓄᐃᑦ ᓯᕗᓕᖅᑏᑦ ᐅᓛᓵᒻᒦᓐᖔᖅᑐᑦ, ᐊᓛᔅᑲᒥ, ᑲᓛᖡᑦ ᓄᓈᓂ ᑲᓇᑕᒥᓗ ᑎᑎᕋᒃᑲᓐᓂᕆᐊᓕᓐᓂᑦ ᑎᑎᕋᓚᐅᖅᑐᑦ ᐊᐃᕙᔾᔪᑎᖃᖅᑐᑎᓪᓗ, ᐊᔅᓱᕈᓐᓇᓚᐅᖅᑐᖅ ᐅᑭᐅᒐᓚᓐᓄᑦ ᑕᒪᓐᓇ ᑲᒪᒋᓪᓗᒍ, ᑲᑎᒪᖃᑎᖃᖅᑐᑎᓪᓗ ᒐᕙᒪᒃᑯᓐᓂ ᑕᒪᑐᒥᖓ ᓇᓗᓇᐃᖅᓯᔾᔪᑎᒥᑦ ᓴᖅᑮᔪᒥᑦ.”

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖓᑕ ᑐᖏᓕᖓ, ᕼᐅᑉ ᓇᑭᒪᔪᒃ, ᐅᖃᓚᐅᕐᒥᔪᖅ ᑲᓇᑕᐅᑉ ᒐᕙᒪᒃᑯᖏᒡᒎ ᓇᓗᓇᐃᖅᓯᓚᐅᕐᖓᑕ ᐅᓪᓗᒥᐅᔪᖅ, “ᑲᓇᑕ ᓴᒃᑯᐃᓂᐊᖅᑐᖅ ᓴᓂᕐᕙᔅᓯᒪᔭᖓᓐᓂ ᑎᑎᕋᖅᓯᒪᔪᒥᑦ 3−ᒥᑦ 20−ᒧᑦ ᐊᓯᔾᔨᕐᓂᖏᓐᓂ ᑕᒪᑐᒥᖓ ᓄᓇᖃᖅᑳᖅᑐᒥᓂᓕᕆᔪᒥᑦ. ᐱᓕᕆᓂᐊᕐᓂᖏᑦ ᓄᓇᖃᖅᑳᖅᑐᒥᓂᕐᓂᑦ ᐱᔪᓐᓇᕐᓗᑎᑦ, ᓯᕗᓂᖓᓂ ᑐᓴᐅᒪᓗᑎᓪᓗ ᐊᖏᕈᓐᓇᕐᓗᑎᑦ, ᑎᒍᓯᓚᐅᓐᖏᓐᓂᖏᓐᓂ ᐊᑐᓕᖅᑎᑦᑎᓚᐅᓐᖏᓐᓂᖏᓐᓂᓪᓗ ᒪᓕᒐᕐᔪᐊᕐᓂᑦ ᐅᕝᕙᓘᓐᓃᑦ ᑲᒪᒋᔭᐅᒋᐊᓕᓂᒃ ᒐᕙᒪᒃᑯᓐᓂ ᐊᑦᑐᐃᓂᖃᕋᔭᖅᑐᓂᒃ ᐅᕙᑦᑎᓐᓄᑦ, ᑕᑯᔅᓴᐅᑎᑦᑐᕗᑦ ᐱᒋᐊᕈᑎᖏᓐᓂ.”

ᖃᕆᑕᖅ−ᓕᓐᑎᐅᓗ ᐅᖃᓚᐅᕐᒥᔪᖅ, “ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᒫᓐᓇ ᑐᓐᖓᓱᑦᑎᑦᑎᓕᖅᑐᑦ ᐱᕕᖃᖅᑎᑦᑎᓪᓗᑎᓪᓗ ᐱᓕᕆᖃᑕᐅᒍᓐᓇᕐᓂᖏᓐᓂ ᒐᕙᒪᒃᑯᓐᓂ ᐱᒋᐊᕈᑎᖃᕐᓂᖏᓐᓂ ᐊᑐᓕᖅᑎᑦᑎᒍᒪᓪᓗᑎᑦ ᑕᒪᒃᑯᓂᖓ ᒪᓕᒐᐅᔪᓂᒃ ᓇᓗᓇᐃᖅᓯᓂᕐᒨᖓᔪᓂᒃ.”

For more information: Carole Simon, ICC Canada csimon@inuitcircumpolar.com P: 613-563-2642 Inuit Circumpolar Council – Canada

Enacted by the General Assembly in 2007, the UNDRIP recognizes indigenous people's basic human

rights, as well as rights to self-determination, language, equality and land, among others. The Liberal

government committed to implementing the UN Declaration on the Rights of Indigenous Peoples as part

of its effort to rebuild its relationships with Inuit, First Nations and Métis.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.