News

Documenting our Progress

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖏᑦ ᐃᓕᓐᓂᐊᕐᓂᖏᑦ ᓴᖅᑮᓚᐅᖅᑐᑦ ᐊᑐᓕᖁᔭᐅᔪᓂᒃ ᐸᕐᓇᐅᑎᒥᑦ; ᓯᕗᒧᐊᑉᐸᓪᓕᐊᓂᖅ ᐊᑐᓕᖁᔭᐅᔪᓂᒃ

ᒪᐃ 31, 2018, ᓅᒃ, ᑲᓛᖡᑦ ᓄᓈ. ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖓ ᐅᓪᓗᒥᐅᔪᖅ ᓯᓚᕐᔪᐊᒦᓐᖔᖅᓯᒪᔪᓂᒃ ᓇᑭᑐᐃᓐᓇᖅ ᐃᓕᓐᓂᐊᕐᓂᐅᔪᖅ ᐊᑐᓕᖁᔭᐅᔪᓂᒃ 2017−ᒥᑦ ᓴᖅᑮᓚᐅᖅᑐᑦ. ᐃᓕᓐᓂᐊᕆᐊᖅᓯᒪᖃᑕᐅᔪᑦ ᑭᒡᒐᖅᑐᐃᔩᑦ ᑲᓇᑕᒦᓐᖔᖅᓯᒪᔪᑦ ᑲᓛᖡᓪᓗ ᓄᓈᓂ ᑕᐃᑲᓂᒥᐅᑦ ᐊᑐᖃᑦᑕᖅᑐᓪᓗ ᐱᑭᐊᓚᓱᕐᒥᓱᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᖃᐅᔨᓴᖅᑎᒻᒪᕇᑦ, ᒐᕙᒪᒃᑯᓐᓂ ᑭᒡᒐᖅᑐᐃᔩᑦ ᑲᓛᖡ ᓄᓈᓂ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᒐᕙᒪᐅᙱᑦᑐᑦ ᑲᑐᔾᔨᖃᑎᒌᖏᓪᓗ.“ ᐱᑭᐊᓚᓱᕐᓱᐊᖅ ᐃᒪᕕᑐᐃᓐᓇᐅᓐᖏᑦᑐᖅ, ᐅᕝᕙᓘᓐᓃᑦ ᐊᔾᔨᐅᖏᑦᑐᓂᑦ ᓂᕐᔪᑎᖃᓲᖅ ᐊᑦᑐᖅᑕᐅᓯᒪᔪᖅ ᓯᓚ ᐊᓯᔾᔨᕐᓂᖓᓐᓄᑦ. ᑕᒪᓐᓇ ᓄᓇᒋᔭᐅᒻᒪᑦ. ᑕᒪᓐᓇ ᑲᑐᔾᔭᐅᔪᖅ ᐃᒪᖅ ᓇᓗᓇᐃᖅᓯᓯᒪᔪᖅ ᑭᒃᑰᓂᑦᑎᓐᓂ − ᐊᑦᑐᐊᓂᑦᑐᐊᓂᑦᑎᓐᓂ” ᐅᖃᓕᖅ ᐃᔨᑦᓯᐊᖅ ᐅᖃᖅᑐᓂ. ᐃᔅᓯᕙᐅᑕᖅ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐊᒻᒪᓗ ᓯᓚᕐᔪᐊᒥ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖏᓐᓂ ᑲᑎᒪᔩᑦ.

ᑐᕌᒐᖓ ᐅᓪᓗᓄᑦ ᐱᖓᓱᓄᑦ ᐃᓕᓐᓂᐊᕐᓂᖏᓐᓂ ᐅᖃᐅᓯᖃᕐᓗᑎᑦ ᐋᖅᑭᔅᓱᐃᓗᑎᓪᓗ ᐊᑐᓕᖁᔭᐅᔪᓂᒃ ᐸᕐᓇᐅᑎᓂᒃ ᐃᓗᓕᖃᖅᑐᓂᑦ 2017−ᒥᑦ ᐅᓂᒃᑳᖏᓐᓂ, “ᐃᓄᐃᑦ ᓯᑯᓕᒻᒦᑦᑐᑦ ᐊᖅᑯᑎᖓ − ᓯᕗᓂᑦᑎᓐᓂ ᐱᑭᐊᓚᓱᕐᓱᐊᖅ”. ᑰᐱᒃ ᑲᓚᔅᐃᑦ, ᐱᑭᐊᓚᓱᕐᓱᐊᖅ ᑲᒥᓴᓇᖓ ᑲᓛᖡᑦ ᓄᓈᓂ ᐅᖃᓚᐅᖅᑐᖅ, “ᑲᒥᓴᓇᖏᑕ ᐱᓕᕆᓂᖏᑦ ᓄᓇᓕᓐᓂᑦ, ᓄᓇᓕᓐᓂ ᑲᒪᑦᑎᐊᖁᔨᓪᓗᑎᑦ ᐃᒪᕐᒥ ᐃᓄᐃᑦ ᐊᐅᓚᑦᑎᓂᒃᑯᑦ ᐱᔪᓐᓇᖅᑎᑕᐅᓂᖏᓐᓂ, ᐃᓄᓐᓄᑦ ᖃᐅᔨᓵᖑᐃᓐᓇᕐᓗᓂ ᒪᓕᒐᕐᒥᑦ ᐊᒻᒪᓗ ᐃᖏᕐᕋᕕᐅᔪᓐᓇᑦᑎᐊᕐᓗᓂ ᑕᒪᓐᓇ ᐊᖅᑯᑎᐅᔪᖅ ᐱᑭᐊᓚᓱᕐᓱᐊᖅ”.

ᐱᖃᐅᑕᔪᑦ ᐅᖃᐅᓯᖃᓚᐅᕐᒥᔪᑦ ᒫᓐᓇᓕᓴᕐᓂᑦ ᐊᐅᓚᑦᑎᔾᔪᑎᓂᑦ ᒪᓕᒐᕐᓂᑦ ᐱᑭᐊᓚᓱᕐᓱᐊᒧ, ᖃᐅᔨᓴᖅᑐᖃᖃᑦᑕᕇᖅᑐᖅ ᐊᒻᒪᓗ ᖃᐅᔨᓴᖅᑐᑕᓕᒃ ᐊᒥᓱᓂᓪᓗ. ᓄᓇᓕᑦ ᑕᐃᑲᓂ ᐱᑭᐊᓚᓱᕐᓱᐊᕐᒥ ᓂᓪᓕᐊᓚᐅᕐᖓᑕ ᓯᕗᓪᓕᖅᐸᐅᑎᒋᐊᓕᓐᓂ ᓇᓗᓇᐃᖅᑕᐅᓂᐊᖅᑐᑦ ᐊᑐᓕᖅᑎᑕᐅᓂᐊᖅᑐᓂᑦ ᑲᒥᓴᓇᐅᑉ ᐱᓕᕆᐊᖏᓐᓂ ᐊᐅᓚᑦᑎᓂᕐᒧᑦ ᖃᐅᔨᓴᐃᓐᓇᓂᕐᒧᓪᓗ, ᓯᕗᒃᑲᖅᑕᐃᓗᑎᑦ ᐱᐅᖅᓱᐊᕐᓂᐊᕐᓂᖏᓐᓂ ᐊᒻᒪᓗ ᓴᖅᑭᔮᖅᑎᑦᑎᑲᓐᓂᕐᓗᑎᑦ ᓄᓇᓕᓐᓂ ᐃᓚᓕᐅᔾᔨᖃᑦᑕᕐᒥᓗᑎᑦ ᖃᐅᔨᓴᖅᑎᒻᒪᕇᑦ ᖃᐅᔨᓴᕐᓂᖏᓐᓂ.

ᐄᕙ ᐋᕆᐊᒃ, ᑲᓇᑕᒥ ᐱᑭᐊᓚᓱᕐᓱᐊᖅ ᑲᒥᓴᓇ, ᐃᒃᐱᐊᕐᔪᒻᒥ ᐃᓱᒪᓚᐅᖅᑐᖅ ᐃᑉᐱᒋᔭᖃᕐᓂᖓᓐᓂ ᑲᑎᓯᒃᑲᓐᓂᓚᐅᕐᖓᑦ 2016−ᒥ ᐃᓚᖏᓐᓂ ᖄᓈᕐᒥ. ᓄᖅᑲᖅᑎᑕᐅᑉᐸᑕ ᐃᖏᕐᕋᖃᑦᑕᕐᓂᖏᑦ ᓄᓇᓕᓐᓄᑦ ᐱᑭᐊᓚᓱᕐᓱᐊᖅ ᐱᔨᕆᐊᕆᓪᓚᕆᓐᓂᐊᖅᑕᖓ ᑕᒪᓐᓇ. ᓄᓇᓕᑦ ᑕᒪᒃᑮᓐᓂᒃ ᐱᑭᐊᓚᓱᕐᓱᐊᖅ ᐊᐱᕆᓯᒪᔪᑦ ᐃᖏᕐᕋᖃᑦᑕᕈᓐᓇᕐᒪᖔᑕ ᓄᓇᓖᑦ ᐳᓚᕋᕐᓗᑎᑦ ᐃᓚᒥᓂᒃ ᐱᖃᑎᒥᓂᓪᓗ, ᐸᖅᑭᑦᑎᓗᑎᓪᓗ ᐅᖃᐅᓯᖏᓐᓂ ᐱᖅᑯᓯᖏᓐᓂᓪᓗ ᐊᑦᑐᐊᒻᒪᑕ. “ᐃᖏᕐᕋᖃᐃᓐᓇᖃᑦᑕᓚᐅᕋᑦᑕ ᓂᐅᕐᕈᔪᓐᓇᕐᓇᓂ ᐃᓚᒥᓄᑦ ᐊᑭᑐᔪᐊᓘᓂᖓᓄᑦ ᐸᐃᑉᐹᓪᓗ ᓇᓂᒐᓱᐊᖅᑐᒋᑦ ᓄᓇᓕᑦᑎᓐᓅᖓᔪᑦ ᐱᔭᕆᐊᑐᒻᒪᑕ − ᐊᑕᐅᓯᐅᒐᑦᑕ ᐃᓅᓪᓗᑕ.” ᐱᒋᐊᕈᑕᐅᓯᒪᓕᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᖃᐅᔨᓇᓱᐊᖅᑐᑎᑦ ᖃᓄᖅ ᐃᓄᐃᑦ ᐱᑭᐊᓚᓱᕐᓱᐊᖅ ᐃᖏᕐᕋᑲᓐᓂᖃᑦᑕᕈᓐᓇᕐᓂᐊᕐᒪᖔᑕ ᑲᓇᑕᒥ ᑲᓛᖡᑦ ᓄᓈᓂᓗ ᐅᑎᖅᑕᕐᓗᑎᑦ.

ᐃᓕᓐᓂᐊᕐᓂᖏᓐᓂ ᓇᓗᓇᕈᓐᓂᓚᐅᖅᑐᖅ ᐃᑲᔪᖅᑐᐃᖃᑦᑕᐅᑎᓂᖏᓐᓂ ᐃᓕᓐᓂᐊᖅᓯᒪᔪᓪᓚᕇᑦ ᒐᕙᒪᒃᑯᓪᓗ ᖃᐅᔨᓴᖅᑎᖏᑦ ᐊᒻᒪᓗ ᓄᓇᓕᓐᓂᑦ ᒐᕙᒪᐅᔪᑦ ᐱᓕᕆᖃᑎᖃᕆᐊᖃᕐᓂᖏᓐᓂ ᐃᓄᓐᓂᑦ ᑕᐃᑲᓂᒥᐅᑕᕐᓂᑦ ᐊᒻᒪᓗ ᐊᑐᓕᖅᑎᑦᑎᓗᑎᑦ ᐊᐅᓚᑦᑎᓂᕐᒧᖓᒐᔭᖅᑐᓂᒃ ᐱᓕᕆᖃᑎᒌᓪᓗᑕ ᖃᐅᔨᒪᓂᕗᓪᓗ ᐱᓕᕆᔨᒻᒪᕇᑦ ᑲᑎᑎᓪᓗᒋᑦ, ᒐᕙᒪᒃᑯᑦ, ᖃᐅᔨᓴᖅᑎᒻᒪᕇᑦ ᐊᒻᒪᓗ ᒐᕙᒪᐅᙱᑦᑐᑦ ᑲᑐᔾᔨᖃᑎᒌᖏᑦ ᐅᖃᐅᓯᖃᕐᓗᑎᑦ ᐃᑯᐱᑦᑐᓕᕆᓂᕐᒥᓪᓗ ᐊᐅᓚᑦᑎᒍᓐᓇᕐᓗᑎᑦ ᑕᒪᑐᒥᖓ ᐊᕕᑦᑐᖅᓯᒪᓂᐅᔪᒥᑦ.

ᐃᔨᑦᓯᐊᖅ ᐅᖃᓚᐅᕐᒥᔪᖅ, “ᐱᓕᕆᐊᖑᔪᖅ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖏᑦ ᓯᓚᕐᔪᐊᒧᑦ ᐊᖅᑭᔅᓯᒪᒐᓗᐊᖅᑎᓪᓗᒋᑦ ᓄᓇᖃᖅᑳᖅᑐᒥᓃᑦ ᑲᒪᑦᑎᐊᕆᐊᖃᕐᓂᖏᓐᓄᑦ ᐃᑲᔪᖅᑐᐃᓗᑎᓪᓗ ᓇᒻᒥᓂᕐᓗ ᐱᓕᕆᓗᑎᑦ ᐊᒻᒪᓗ ᓄᓇᖃᖅᑳᖅᑐᒥᓃᑦ ᐸᖅᑭᔭᐅᖁᔭᖏᓐᓂ ᐸᖅᑭᑦᑎᓗᑎᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.