News

Documenting our Progress

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖏᑕ ᐃᓕᓐᓂᐊᕐᓂᖏᑦ ᐅᖃᐅᓯᖃᕆᐊᖅᑐᖅᑐᑦ ᖃᓄᖅ ᐱᑭᐊᓚᓱᕐᓱᐊᖅ ᐊᐅᓚᑕᐅᒍᓐᓇᕐᓂᐊᕐᒪᖔᖅ ᐃᓄᓐᓄᑦ

ᒪᐃ 28, 2018, ᓅᒃ, ᑲᓛᖡᑦ ᓄᓈ. ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖓ ᑲᑎᒪᑎᑦᑎᔪᑦ ᓯᓚᕐᔪᐊᒥ ᐃᓕᓐᓂᐊᖅᑐᑎᑦ ᑲᑎᓛᖅᑐᑦ ᑕᒫᓂ 30 – 40 ᑭᒡᒐᖅᑐᐃᔩᑦ ᐱᑭᐊᓚᓱᕐᓱᐊᕐᒥᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂ, ᖃᐅᔨᓴᖅᑎᒻᒪᕆᓐᓂᒃ, ᒐᕙᒪᒃᑯᓐᓂ ᑭᒡᒐᖅᑐᐃᔨᓂᒃ ᑲᓛᖡᑦ ᓄᓈᓃᓐᖔᖅᓯᒪᔪᓂᒃ. ᑲᓇᑕᐅᑉ ᒐᕙᒪᒃᑯᖏᓐᓂ ᐊᒻᒪᓗ ᒐᕙᒪᐅᙱᑦᑐᑦ ᑲᑐᔾᔨᖃᑎᒌᓐᓂ.

ᐱᖓᓱᓄᑦ ᐅᓪᓗᓄᑦ ᐃᓕᓐᓂᐊᓚᐅᖅᑐᑦ ᑲᒥᓴᓇᐃᓪᓗ ᐅᓂᒃᑳᖓᓐᓂ ᑐᓵᓪᓗᑎᑦ “ᐃᓄᐃᑦ ᓯᑯᒥᐅᑦ − ᓯᕗᓂᕗᑦ ᐱᑭᐊᓚᓱᕐᓱᐊᕐᒥᑦ”, ᐊᒻᒪᓗ ᐱᕙᓪᓕᐊᓗᑎᑦ ᑲᒥᓴᓇᐅᑉ ᐊᑐᓕᖁᔭᖏᓐᓂ ᓄᓇᓕᓐᓂ ᐱᓕᕆᑦᑎᐊᕐᓗᑎᑦ ᐃᒪᕐᒥᐅᑕᕐᓂᑦ ᑲᑐᔾᔭᖏᓐᓂ. ᐱᖃᑕᐅᔪᑦ ᐃᒪᐃᓐᓂᐊᖅᑐᑦ, ᐊᓯᖏᓐᓂᓪᓗ, ᕿᒥᕐᕈᓗᑎᑦ ᓇᓖᕌᕈᑎᔅᓴᓂᒃ ᐱᑭᐊᓚᓱᕐᓱᐊᕐᒥᑦ ᐊᐅᓚᑕᐅᒍᓐᓇᕐᓂᖓᓐᓂ ᖃᐅᔨᓴᖅᑕᐅᖃᑦᑕᐃᓐᓇᕐᓂᖓᓐᓂᓪᓗ, ᐱᐅᖅᓱᐊᖃᑦᑕᖁᓗᒋᑦ ᓴᖅᑭᔮᖅᑎᑦᑎᖁᓗᒋᓪᓗ ᓄᓇᓕᓐᓂ ᐃᓚᒋᔭᐅᓗᑎᑦ ᖃᐅᔨᓴᖅᑎᒻᒪᕇᑦ ᖃᐅᔨᓴᕐᓂᖏᓐᓂ. ᐱᖃᑕᐅᔪᑦ ᐅᖃᐅᓯᖃᕐᓂᐊᖅᑐᑦ ᐸᕐᓇᐅᑎᔅᓴᓂᒃ ᑐᕌᖅᑐᓂᒃ ᐃᖏᕐᕋᖃᑦᑕᖁᔭᐅᖏᓪᓗᑎᑦ ᐃᓄᐃᑦ ᖃᓂᒋᔭᖏᓐᓃᑦᑐᑦ ᓄᓇᓕᖏᓐᓄᑦ ᖃᓂᑦᑐᒥᑦ ᐱᑭᐊᓚᓱᕐᓱᐊᕐᒥᑦ.

ᐃᓕᓐᓂᐊᕐᓂᖏᓐᓂ ᑕᑯᓐᓇᕐᓂᐊᖅᑐᑦ ᐱᓕᕆᖃᑎᒌᖃᑦᑕᕐᓗᑎᑦ ᐃᓄᐃᑦ ᐃᓅᓇᓱᐊᕐᓂᖏᓐᓂ ᐊᒻᒪᓗ ᑎᒍᒥᐊᖅᑎᐅᖃᑕᐅᔪᑦ. ᑎᓕᔭᐅᔾᔪᑎᒋᓯᒪᔭᖓᓂ ᐃᓕᓐᓂᐊᕐᓂᖅ ᑲᔪᖏᖅᓴᐃᑲᓐᓂᕐᓂᐊᖅᑐᔅᓴᐅᕗᖅ ᖃᐅᔨᓴᖅᑎᒻᒪᕆᓐᓂᑦ (ᐃᓕᓐᓂᐊᖅᓯᒪᔪᓂᒃ ᑎᒥᐅᔪᓂᒃ ᐊᒻᒪᓗ ᒐᕙᒪᒃᑯᓐᓂ ᖃᐅᔨᓴᖅᑎᐅᕙᑦᑐᓂᒃ) ᕿᒥᕐᕈᑲᓐᓂᖁᓪᓗᒋᑦ ᖃᓄᖅ ᐅᑭᐅᖅᑕᖅᑐᒥ ᓄᓇᓖᑦ ᐱᕙᓪᓕᐊᓂᐊᕐᒪᖔᑕ ᖃᐅᔨᓴᕐᓗᑎᑦ ᐊᒻᒪᓗ ᐃᓚᓕᐅᔾᔭᐅᖃᑦᑕᕐᓗᑎᑦ ᓄᓇᓕᑦ ᖃᐅᔨᓴᕐᓂᒥᕐ ᐱᑭᐊᓚᓱᕐᓱᐊᕐᒦᑦᑐᓂᑦ.

ᑲᑐᔾᔭᐅᒻᒪᑕ ᑕᒪᓐᓇ ᑲᓇᑕᒥ ᑲᓛᖡᑦ ᓄᓈᓂᓗ, ᐱᑭᐊᓚᓱᕐᓱᐊᕐᒥᑦ ᐊᖏᓂᖅᐹᓪᓚᕆᐅᒻᒪᑦ ᐅᑭᐅᖅᑕᖅᑐᒥ ᐊᐅᒃᑲᓐᓂᓕᒃ (ᐊᕐᕌᒍᓕᒫᖅ ᐃᒪᐅᖏᓐᓇᖅᑐᖅ) ᐱᕈᖅᑐᖃᕐᓂᖅᐹᖑᓪᓗᓂ ᐃᕐᓂᐅᕐᕕᐅᕙᑦᑐᓂᓗ ᐅᑭᐅᖅᑕᖅᑐᒥ ᓯᓚᕐᔪᐊᑉ ᑲᔾᔨᖓᓐᓂ, ᓇᔪᖅᑕᐅᕙᑦᑐᓂ ᑎᒻᒥᐊᓄᑦ ᐊᔾᔨᒌᓐᖏᑦᑐᓄᑦ (ᐃᒪᕐᒥᐅᑕᕐᓄᑦ ᑎᒻᒥᐊᑦ, ᑑᒑᖡᑦ, ᐅᑭᐅᖅᑕᖅᑐᒥ ᐆᒐᕐᓂᑦ ᐊᒻᒪᓗ ᓇᑦᑎᓂᑦ) ᐃᓄᓐᓄᑦ ᑕᒪᒃᑯᐊ ᐱᓇᓱᑦᑕᐅᖏᓐᓇᓲᖑᓪᓗᑎᑦ.

ᑕᒪᓐᓇ ᐊᐅᒃᑲᓐᓂᓕᒃ ᓲᕐᓗ ᐊᖅᑯᑕᐅᒻᒪᑦ ᓯᑯᒃᑯᑦ, ᑕᐃᑯᓄ ᐊᐅᓱᐃᑦᑐᕐᒥᐅᑦ ᕿᑭᖅᑕᖓ ᐱᖓᓐᓇᖅᐸᓯᖓᓐᓂ ᑲᓛᖡᑦ ᓄᓈᓂ ᐊᖅᑯᓵᖅᑕᕐᕕᐅᕙᑦᑐᖅ ᐃᓄᓐᓄᑦ 1000−ᖏᓐᓃᑦᑐᓄᑦ ᐅᑭᐅᓄᑦ ᐊᑐᖅᑕᐅᓕᖅᑐᖅ. ᐱᖓᓐᓇᖓᓐᓂ ᓯᑯᖓ ᓴᓐᓂᖅᓴᐅᓕᖅᑐᖅ ᐊᑐᕋᔅᓴᐅᓗᐊᕈᓐᓃᖅᑐᖅ − ᐆᓇᖅᓯᕙᓪᓕᐊᓖᓐᓇᓕᕐᓂᖓᓐᓄᑦ ᐅᑭᐅᒐᓴᕐᓄᑦ, ᐊᐅᒃᑲᓐᓂᓕᒃ ᓯᑯᖃᖃᑦᑕᖅᑐᖅ ᐊᒻᒪᓗ ᒫᓐᓇ ᓯᑯᐃᓐᓇᕈᓐᓃᖅᑐᖅ ᓯᑯᒐᔪᓲᖑᓂᖓ ᐅᑭᐅᒃᑯᑦ. ᑕᒪᓐᓇ ᐊᓯᔾᔨᐸᓪᓕᐊᓪᓚᕆᑦᑐᖅ, ᐊᑦᑐᐊᔪᖅ ᓯᓚ ᐊᓯᔾᔨᐸᓪᓕᐊᓐᖓᓐᓄᑦ ᑕᑯᔭᐅᓕᖅᑐᖅ ᑕᒪᓐᓇ ᐊᓯᐊᓂᑦ ᐅᑭᐅᖅᑕᖅᑐᒥᓪᓗ, ᑭᓯᐊᓂᓕ ᖃᐅᔨᒪᔭᐅᓪᓚᕆᓐᖏᑦᑐᖅ.

ᑕᒪᓐᓇᐅᓂᖓ ᖃᐅᔨᓴᖅᑕᐅᔪᒪᓪᓚᕆᑦᑐᖅ ᖃᐅᔨᓴᖅᑎᒻᒪᕆᓐᓄᑦ ᑕᐃᒪᓐᖓᓂᐊᓗᒃ 1800- ᖏᓐᓂ. ᐃᓄᐃᑦ ᑕᒫᓂᒥᐅᑕᐅᓯᒪᔪᑦ, ᐃᖏᕐᕋᓯᒪᔪᑦ ᐆᒪᔪᕋᓱᖃᑦᑕᖅᑐᑎᓪᓗ 100−ᖏᓐᓃᑦᑐᓂᑦ ᐅᑭᐅᓂᑦ. ᑕᒪᓐᓇ ᐃᓕᓐᓂᐊᕐᓂᖅ ᓇᓗᓇᐃᖅᓯᖁᔨᓂᐊᕐᖓᑦ ᐱᓕᕆᐊᔅᓴᐅᔪᓂᒃ ᐊᐅᓚᑕᐅᔾᔪᑎᔅᓴᓄᑦ ᓇᓖᕌᕈᑎᔅᓴᓂᒃ ᓄᓇᓖᑦ ᖃᐅᔨᒪᓂᖏᑦ ᑲᑎᖅᓱᕐᓗᒋᑦ, ᒐᕙᒪᒃᑯᓪᓗ, ᖃᐅᔨᓴᖅᑎᒻᒪᕇᓪᓗ ᖃᐅᔨᓴᖅᑎᖏᑦ ᐊᒻᒪᓗ ᒐᕙᒪᐅᙱᑦᑐᑦ ᑲᑐᔾᔨᖃᑎᒌᑦ ᓂᓪᓕᐊᖃᑎᒌᓐᓂᒃᑯᑦ ᐊᒻᒪᓗ ᐃᑯᐱᑦᑐᓕᕆᓂᕐᒥᑦ ᐊᐅᓚᑦᑎᒍᓐᓇᕐᓗᑎᑦ ᑕᒪᑐᒥᖓ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.