ᑎᓯᐱᕆ 6, 2015 – ᐱᐅᕆᔅ, ᕗᕌᓐᔅ – ᐅᑲᓕᖅ ᐃᓕᑦᓯᐊᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᓯᕗᓕᖅᑎᒋᔭᖅ ᐃᓄᖕᓄᑦ ᑲᑎᒪᔭᖅᑐᖅᓯᒪᖃᑕᐅᔪᕗᑦ ᑲᑐᔾᔨᖃᑎᒌᑦ ᓄᓇᓕᐅᔪᑦ ᐊᑐᕋᑦᓴᓕᐊᕆᒐᓱᐊᖅᑕᖓᓄᑦ ᑲᑎᒪᓂᕐᒥ ᓯᓚᐅᑉ ᐊᓯᔾᔨᕐᓂᖓ ᑲᑎᒪᒍᑕᐅᑎᓪᓗᒍ COP 21 ᐱᐅᕆᔅᓯ ᓂᓪᓕᐊᔾᔪᑎᓪᓕᒍᒍᒋᑦ ᑭᒡᒐᖅᑐᐃᓪᓗᑎᒃ ᐃᓄᖕᓂᑦ. ᑎᑎᕋᖅᑕᐅᒋᐊᙵᖅᑐᖅ ᑎᑎᕋᖅᑕᐅᒌᖅᑐᒥᓂᖅ ᑎᑎᕋᖅᑕᐅᒌᖅᑐᒥᓂᖅ ᑐᓂᔭᐅᓪᓗᓂᓗ ᒥᓂᔅᑕᐅᔪᓄᑦ ᐋᔩᖃᑎᒌᒍᑕᐅᒃᑲᓂᕐᓂᐊᖅᑎᓪᓗᒋᑦ ᐱᒋᐊᕐᓗᑎᒃ ᓇᒡᒐᔾᔭᐅᒥ. ᓇᓗᓇᕈᓐᓃᕐᒪᑦ ᓄᓇᓕᔾᔪᐊᖅᑕᖃᐅᕐᒪᑦ ᓱᓕ ᐃᑲᔪᖅᑐᐃᖏᑦᑐᓂᒃ ᐅᑐᖅᑕᐅᓂᖓᑕ ᐅᖃᐅᓯᐅᑉ ᐃᓕᑕᖅᓯᔪᖅ ᐅᖃᐅᓯᓕᒃ ᓯᓚᐅᑉ ᐊᓯᔾᔨᕐᓂᖓᓄᑦ ᐊᑦᑐᐃᓂᕐᓗᒍᑕᐅᒻᒪᑦ ᐱᔪᓐᓇᐅᑎᖏᓐᓂᒃ ᐃᓄᐃᑦ. “ᓄᓇᖃᖅᑳᖅᓯᒪᔪᑦ ᑲᒪᔨᐅᒻᒪᑕ ᓯᓚᐅᑉ ᐊᓯᔾᔨᕐᓂᖓᓂᒃ ᓄᓇᕐᔪᐊᓕᒫᒥ ᐃᓄᐃᓪᓗ ᐅᑭᐅᖅᑕᖅᑐᒥ ᐊᑑᑎᓕᕐᒪᑕ ᖃᐅᑕᒫᑦ ᓯᓚᐅᑉ ᐊᓯᔾᔨᕐᓂᕐᖓ ᐱᓪᓗᒍ ᐊᑦᑐᐃᓂᕐᓗᒍᑎᖏᓐᓂ. ᐱᐅᕆᔅ ᐊᖏᖃᑎᒌᒍᑦ ᐱᖃᓯᐅᔾᔨᔭᕆᐊᓕᒃ ᓄᓇᖃᖅᑳᖅᓯᒪᔪᓂᑦ ᑎᑎᕋᖅᓯᒪᔪᖅ ᐱᔪᓐᓇᐅᑎᖏᓐᓂᑦ ᓄᓇᖃᖅᑳᖅᓯᒪᔪᑦ ᓯᕗᓪᓕᖑᑎᑦᓯᔭᕆᐊᖃᖅᐳᖅ ᐊᐅᓚᑦᓯᒍᑎᒋᓗᒍᓗ ᐸᐸᓪᓗᒍᓗ ᑎᑎᕋᖅᑕᐅᓯᒪᔪᒥ 2.2.−ᒥ ᓄᓇᑖᕈᑎᒥ ᒪᓕᒐᓕᕆᓂᒃᑰᕐᓗᓂᓗ.” ᐊᐃᕙᒍᑎᖃᕐᓂᖅᐳᖅ ᐃᔨᑦᓯᐊᖅ.
ᓄᓇᖃᖅᑳᖅᓯᒪᔪᑦ ᓯᕗᓕᖅᑏᑦ ᐊᔪᐃᓐᓇᕈᑎᖃᖅᓯᒪᓕᕐᒪᑕ ᐊᑯᓂ ᑎᑎᕋᖅᑕᐅᓯᒪᓂᖏᑦ ᓴᖅᑭᖅᑎᑕᐅᔪᑦ ᐃᓕᑕᖅᓯᓯᒪᓂᖃᖁᓪᓗᒋᑦ ᐱᔪᓐᓇᐅᑎᖏᓐᓂᒃ ᓄᓇᖃᖅᑲᖅᓯᒪᔪᑦ. ᐋᔩᖃᑎᒌᓂᖅᑕᖃᕐᓂᖓᓂ ᑕᕝᕙᓂ ᐱᓇᓱᐊᕈᓯᕐᒥ, ᐅᖃᐅᓯᖅ ᐱᓪᓗᒍ ᑎᑎᕋᖅᑕᐅᓯᒪᔪᒥᓂᖅ ᐱᒋᐊᕈᑎᖏᓐᓂ ᒪᑐᐃᕈᑎᓃᑦᑐᓂ ᐊᖏᖃᑎᒌᒍᑎᐅᑉ ᒥᒃᓵᓄᑦ ᒪᓕᒐᓕᕆᓂᒃᑰᖅᑎᑕᐅᓯᒪᓂᐅᖏᒻᒪᑦ ᑕᒪᓐᓇ, “ᓄᓇᓕᖁᑎᓕᒫᕗᑦ ᐅᑭᐅᖅᑕᖅᑐᒥ ᑕᕆᐅᑉ ᐊᑭᓄᑦ ᑎᑭᓪᓗᒍ ᐊᒃᓱᕈᖅᑎᑕᐅᒻᒪᑕ ᓯᓚᐅᑉ ᐊᓯᔾᔨᕐᓂᖏᓐᓄᑦ. ᐃᓕᑕᕆᔭᐅᓂᖅ ᓯᕗᔪᐊᒍᑕᐅᒋᐊᕐᓗᓂ ᓱᓕᔪᒥᒃ ᐊᑐᓕᖅᑎᑕᐅᓗᓂ ᑖᓐᓇ ᑲᑐᔾᔨᖃᑎᒌᓄᑦ ᓄᓇᓕᐅᔪᓄᑦ ᐅᖃᐅᓯᖅᑕᖓᑦ ᐱᓪᓗᒋᑦ ᐱᔪᓐᓇᐅᑎᖏᑦ ᓄᓇᖃᖅᑳᖅᓯᒪᔪᑦ ᐊᒻᒪᓗ ᐃᓕᑦᑐᕐᓂᖅ ᐱᕙᓪᓕᐊᒍᑕᐅᓂᖏᑦᓴᓄᓪᓗ ᐊᒃᓱᕈᐊᖃᕈᑕᐅᔪᓄᑦ ᑕᕝᕙᓃᑦᑐᐃᓐᓇᐅᓗᑎᒃ ᐊᖏᖃᑎᒌᒍᑎᒥ ᐱᕙᖃᕕᒋᓂᐊᕋᑦᑎᒍ ᐱᓕᕆᖃᑎᒌᕝᕕᒋᓗᒍ ᑲᑐᔾᔨᖃᑎᒌᓪᓗᑕ ᐃᓗᓯᖅ ᐃᓕᖅᑯᓯᖅ ᖃᓄᐃᑦᓯᐊᕐᓂᖅ ᐱᓪᓗᒍ. ᓯᕗᓪᓕᖅᑎᐅᔪᒍᑦ. ᓯᕗᓕᓚᐅᖅᑕ ᐃᖅᑲᒌᖃᑦᑕᐅᑎᓗᑕᓗ ᓯᕗᓂᒃᓴᖏᑦ ᐃᓅᖁᑎᑦᑕ ᐱᓪᓗᒋᑦ, ᓄᓇᓕᖁᑎᕗᑦ ᐊᒻᒪᓗ ᓯᓚᕐᔪᐊᕗᑦ.” ᐅᖃᖅᑐᒥᓂᖅ ᐃᔨᑦᓯᐊᖅ.
“ᑎᓕᐅᖅᐸᕗᑦ,ᑲᓇᑕ, ᓄᐊᕗᐃ, ᒥᐊᓕᒐᐃᑦ ᓄᓇᖓᑦ, ᑲᓛᖡ ᓄᓈ, ᕋᓴ, ᓱᕖᑕᓐ, ᕕᓐᓚᓐ− ᓇᒻᒥᓂᖃᖃᑎᕗᑦ ᐅᑭᐅᖅᑕᖅᑐᒥ ᓄᓇᓕᕐᔪᐊᓂ ᐊᖅᑯᑎᒋᓪᓗᒋᑦ ᐅᑭᐅᖅᑕᖅᑐᒥ ᑲᑎᒪᔩ−ᐃᑲᔪᖅᑐᐃᖁᓪᓗᒋᑦ ᓄᓇᖃᖅᑳᖅᓯᒪᔪᓂᑦ ᐊᐃᕙᒍᑎᒋᓗᒍᓗ ᑕᕝᕙᐅᓂᖓᑦ ᐊᒻᒪᓗ ᑎᒥᓖᑦ ᐃᓄᐃᑦ ᐱᔪᓐᓇᐅᑎᖃᕐᓂᖏᓐᓂᓪ ᐅᖃᐅᓯᕐᒥᓐᓄᑦ” ᐅᖃᖅᑐᒥᓂᖅ ᐃᔨᑦᓯᐊᖅ. “ᐃᓄᐃᑦ ᐱᔪᓐᓇᐅᑎᓖᑦ ᓂᒡᒐᓱᑦᑐᒥ ᕿᐅᓂᐊᕐᓗᑎᒃ. ᐅᑭᐅᖅᑕᖅᑐᖅ ᐊᔭᐅᕆᔨᐅᓪᓚᕆᑉᐳᖅ ᓄᓇᕐᔪᐊᒥ ᓯᓚᐅᑉ ᐊᓯᔾᔨᕐᓂᖓᓄᑦ ᐱᓕᕆᓂᐅᔪᓂ. ᐃᓗᓯᖓ ᓄᓇᕐᔪᐊᑉ ᑕᑎᖃᖅᐳᖅ ᑕᒪᒃᓱᒧᖓ ᐱᔪᓐᓇᐅᑎᒥᓂᒃ. ᓱᓕᒃᑲᓐᓂᖅ, ᑎᓕᐅᖅᐸᕗᑦ ᐃᓄᐃᑦ ᐅᑭᐅᖅᑕᖅᑐᒥᐅᑕᐃᑦ ᐊᐅᓚᑦᓯᖁᓪᓗᒋᑦ ᓄᓇᓕᒋᔭᒥᓂᑦ ᑐᓴᖅᑎᑦᓯᖁᓪᓗᒋᑦ ᓯᕗᓕᖅᑎᒥᓐᓂᒃ ᐅᖃᐅᓯᕆᓗᒋᓪᓗ ᐃᑲᔪᖅᑐᐃᒍᑎᓂ ᑕᒪᓐᓇ ᐊᑑᑎᑎᓪᓗᒍ ᑕᒪᑐᒧᖓ.”
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐊᒻᒪᓗ ᓵᒥ ᑲᑎᒪᔨᖏᑦ ᑐᙵᓱᑦᑎᑦᓯᕗᑦ ᑲᑎᒪᔭᖅᑐᖅᓯᒪᔪᓂᒃ ᐊᒻᒪᓗ ᐃᓅᖃᑎᒌᓄᑦ ᐅᑭᐅᖅᑕᖅᑐᒥ ᐅᓪᓗᕆᔭᐅᑎᑕᐅᔪᒧᑦ, ᑏᓴᕝᕙ 8−ᖑᓕᖅᐸᑦ ᓄᓇᖃᖅᑳᖅᓯᒪᔪᓄᑦ ᐃᓂᒋᔭᐅᑎᑕᐅᔪᒥ ᖁᕕᐊᓲᑎᖃᕐᓂᕐᒧᑦ.