Nalunairuti 23 2018 Utqiagvimmi Uqaqtaujuq tiliurilaurmat Inuit Ukiuqtaqtumiuqatigiit Katimajinginnik aulattiqullugit Ukiuqtaqtumiuqatigiinut Inunnut Katinnirmut Inuit Qanuinginninginnut Qanuigiarnirnut Pigiarutigullu pinginniqsauniarmata pitaqarunniiqtillugilluunniit qanuinginnirnut nalimuunginniit aanniqsijunik ilattinnik assuruutigilaarilugu isumakkut qanuingittiarniit, ajulliqsimaniit, imminiiqtailitittiniillu.

Qaritaujatigut Inuit Qanuinginninginnut Katimalauqtut Sitipiri 20-mit Utupiri 26-mut, ilaujuqaqtuni Sukutkamit, Alaaska, Kanata Kalaałłiit Nunanganillu. Uqausiqalluatalauqtut makkuktunik qanurlu sanngijurmik katinnganiq iliqkusituqattinnut sapujjaujjutiummat imminiirnirnut, atuutiqattiaqtuq piusigiaqtittinirnut isumakkut qanuinginnirnut.

Ungatittiangani 50 Inuit-inuusuktuinnakasait–pingasunut avittuqtaulauqtut katinngajunut. Atuni katinngajut katiqattalauqtut atausiaqtutik pinasuarusirmi tallimanut pinasuarusinut. Katinniq isulilauqtuq katirjuaqtutik Utupiri 26-mi katitittugit katinngajulimaat uqausiqaqtutik qaujijaujunik tallimani pinasuarusirni.

Qunngiaqtittilauqtut iliqkusituqakkut atuqtunik Sukutka, Kalaałłiit Nunanganillu. Inuit Ukiuqtaqtumiuqatigiit Katimajingita Issivautanga, Tali Tampu Turu; Kalaałłiit Nunangata Gavamaqatigiinginnut Uqaqti Surusinut, Aviaja Igit Ling; Inuit Qanuinginninginnut Tiliurijinut Katimajingita Issivautanga, Mini Gurai uqallattuinnaulauqtut. Inuit Ukiuqtaqtumiuqatigiit Katimajingit alianaigusullauqtut tunngasaijunnaramik Kanataup sivulliqpaanga Nunaqaqkaaqsimajuq Kuin Kiggaqtuqtinga, Ajunginnirjuanga, Miari Saimuuni katimaniup matulirninganut uqallattuni katimaqataujunut.

Iluittukkut tusaqtavut katimaniq kajusittiaqtullaaluulautuq, qujagillappavut parnaijut, ininut kiinaujaqaqtittijiillu. Katimaniq saqkittilaurmijuq pijariaqarnirmit turaagaqarnirmit angutiit isumakkut qanuinginninginnut uqausiriinnaqattarlugillu iliqkusituqakkut upiginivut Inuunittinnut sapujjiuluta.

Nipiliuqsimajut katittunit nipiliuqtaujunnaqtut uvanngat: