Katimaqatigiippattut piliriangujumit kamagijaujunik Inuit Ukiuqtaqtumiinguqatigiinnut Katimajinginnut Kalaałiit Nunaani Kanatamillu tamatuminga Avatittinni Kamattiarasuarnirmut turaagagijaujunik 2014−lisaq Kitigaaruit Nalunaiqtausimajut attuajunut ingirraniq taijauvammijunik Pikialasursuarmit akunninganiittunik Kalaałiit Nunaani ammalu Kanatami.

Taakkua Pikialasursuaq Katimajingit, saqqiqtaulauqsimallutit 2016−mi. Inunnit Kamagijauju Katimajiqaqtutit kamajut katimatittivattutit nunalinni qanittunit Pikiasursuarmut.

Pikialasursuaq tukilik “ingirranialuk”. Kalaałiit (Pingannangani Kalaałiit) atiqtausimajuq Uangnanganiittuq Imaq ingirraniujuq attuajuq Kanatamut Kalaałiit Nunaanullu. Ingirranik sikugunnangittuq arraagulimaaq imavimmiittuq anurimullu ingirraniulluni. Umajulirjuaraaluk kamanammarittuq. Pikialasursuaq anginiqpaangujuq Ukiuqtaqtumi uumajuqauqtuni pingannangani Ukiuqtaqtuup Kajjinganni.

Ilangata pijjutinga katimajiit ulurianaqtumiilirningannut taanna Pikialasursuaq. Isumaalunarngat attuqtauningannut sila asijjipallianingannut, umiarjuataqarniqsaulirningannut, pivallianinginnut kisutuinnait, pularaqtulirinirmut ammalu niurrutissanginnu iqalugasuvviuliqtuni.

Katimajiit naalattittivattut Nunavummi Kalaałiillu Nunaani, uqausiqaqtunit Inunnit qattituinnarnit ukiulinnik najuqtauvattunik ukiuqtaqtumi aulatausimaliqtuq tamanna kinguvaariinnut qanurlu Inuit takunnannguarmangaata sivunittinni tamatuminga imarmit pimmarialuujumit uvattinnut.

Unikkaaliangulauqtumit saqqiqtausimajuq Nuvipirimi 2017 taijaq Inungit Sikumi Ikaarvi: Sivunittinni Pikialasursuarmit. Katimajiit piliriangit, unikkaaliurnimillu atuinnaummijut qarasaujakkut uvani

Download PDF