News

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑎᒋᓯᒪᔭᖏᑦ ᐊᑐᓕᖁᔭᒥᓂᒃ ᓴᖅᑮᓕᖅᑐᑦ ᓄᓇᓕᓐᓂᑦ ᐅᖃᐅᓯᒥᓂᕐᓂᑦ

ᕖᕝᕗᐊᕆ 24, 2017 - ᐋᑐᕚ, ᐊᓐᑎᐅᕆᔪ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᑭᐊᓚᓱᕐᓱᖅ ᑲᑎᒪᔨᖏᑦ ᑲᑎᒪᕋᑖᓚᐅᖅᑐᑦ ᐃᓱᒪᖅᓴᖅᓯᐅᖅᑐᑎᑦ ᐅᓂᒃᑳᒥᓂᕐᓂᑦ ᑐᓴᓚᐅᖅᑕᒥᓂᒃ ᐊᐅᔭᒃᑯᑦ ᐊᑭᐊᔅᓵᑯᓪᓗ ᑲᓇᑕᒥ ᑲᓛᖡᓪᓗ ᓄᓈᓂ ᐅᐊᑦᑎᐊᕈ, ᒫᓐᓇᓗ ᓯᕗᓂᑦᑎᓂᓪᓗ ᐱᑭᐊᓚᓱᕐᓱᐊᖅ. ᐱᑭᐊᓚᓱᕐᓱᐊᖅ, ᑕᒪᓐᓇ ᓴᖅᑭᖅᑐᖅ, ᐅᖃᐅᓯᐅᒥᔪᖅ ᐅᑭᐅᖅᑕᖅᑑᑉ ᐃᒪᖓᓐᓂ ᐊᐅᒃᑲᓂᓕᕐᒥᑦ ᐅᑭᐅᖅᑕᖅᑐᒥ ᑕᓪᓗᕈᑎᐅᑉ ᐃᑭᖓᓂ/ᓴᓐᓂᕈᑎᐅᐃᑉ ᐃᒪᖓᓐᓂ.

“ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᑭᐊᓚᓱᕐᓱᐊᑦ ᑎᓕᔭᐅᔾᔪᑎᒋᓯᒪᔭᖏᑦ ᐱᒋᐊᓚᐅᖅᓯᒪᔪᑦ ᓄᓇᓕᓐᓂ ᐊᒻᒪᓗ ᑲᑎᒪᔨᐅᓪᓗᑕ ᐃᓕᓴᖅᓯᓇᓱᐊᖅᑐᒍᑦ ᑕᒪᒃᑯᓂᖓ ᐅᑉᐱᕆᔭᐅᔪᓂᒃ ᓂᓪᓕᐊᔾᔪᑕᐅᔪᓂᒃ”, ᐅᖃᓚᐅᖅᑐᖅ ᐅᑲᓕᖅ ᐃᔨᑦᓯᐊᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ. ᑰᐱᒃ ᑲᓛᐃᔅᑦ, ᑲᓛᖡᑦ ᓄᓈᓂ ᑲᒥᓴᓇ ᐅᖃᖅᑐᓂᓗ, “ᐱᑭᐊᓚᓱᕐᓱᐊᖅ ᑲᑎᒪᔨᖏᑦ ᑐᓴᖅᑕᐅᓯᒪᓕᖅᑐᑦ ᓲᕐᓗ ᐊᑖᓂ ᐱᔭᐅᓯᒪᔪᑦ”. ᑲᒥᓴᓇ ᓈᓚᒋᐊᖅᑐᓚᐅᖅᓯᒪᔪᖅ ᓄᓇᓕᓐᓄᑦ ᖃᓂᒋᔭᖏᓐᓄ ᐱᑭᐊᓚᓱᕐᓱᐊᕐᒃᑯᑦ ᐊᒻᒪᓗ ᒫᓐᓇ ᐅᓂᒃᑲᓕᐅᕐᓕᕐᒥᔪᑦ ᐊᑐᓕᖁᔭᒥᓂᒃ. ᑭᖑᓪᓕᕐᒥᓕ ᑲᒥᓴᓇ ᓄᓇᓕᓐᓂ ᑐᓴᖅᑕᖏᓐᓂ ᑕᑯᓐᓇᓐᖑᐊᖅᑕᖏᓐᓂᓪᓗ ᐊᑐᓕᖁᔭᐅᔪᓂᒃ ᑎᑎᕋᓛᓕᕐᒥᔪᑦ. ᐅᓂᒃᑳᖅ ᐋᖅᑭᔅᓯᒪᓛᖅᑐᑦ ᒪᓕᒐᐅᓗᑎᑦ ᓄᓇᓕᓐᓄ ᐅᖃᐅᓯᐅᓯᒪᔪᓂᒃ ᐱᒻᒪᕆᐅᒋᔭᕐᓂᑦ ᐊᒻᒪᓗ ᓄᓇᓕᓐᓂ ᐱᓕᕆᖃᑎᒌᖃᑦᑕᕐᓗᑎᑦ ᐱᑭᐊᓚᓱᕐᓱᐊᕐᒥᑦ ᐊᒻᒪᓗ ᑕᑯᓐᓇᖅᑕᖏᓐᓂ ᓯᕗᓂᑦᑎᓐᓂ.

ᓄᓇᓕᖏᓐᓂ ᑲᑎᒪᔨᖏᑦ ᐃᓱᒪᓚᐅᖅᑐᑦ ᐊᐅᒃᑲᓐᓂᓕᖅᑕᖃᕐᓂᖓᓐᓂ ᑭᓯᐊᓂᓕ, “ᑐᓴᓚᐅᖅᓯᒪᔪᒍᑦ ᓄᓇᓕᓕᒫᓂᒃ ᐱᖅᑯᓯᐅᔪᑦ ᐱᑭᐊᓚᓱᕐᓱᐊᕐᒥ ᒪᓕᑦᑐᑦ ᐋᓐᓂᐊᖅᑕᐃᓕᒪᓂᕐᒥᑦ ᑕᕝᕙᓂ ᐱᑭᐊᓚᓱᕐᓱᐊᖅ. “ ᐅᖃᖅᑐᖅ ᐄᕙ ᐋᕆᐊᒃ, ᑲᓇᑕᒥ ᑲᒥᓴᓇ. ᑰᐱᒃ ᑲᓚᐃᔅᑦ ᐅᖃᖅᑐᓂᓗ, “ᓱᒃᑲᓕᔪᐊᓗᒃ ᒥᔅᓴᐅᓴᒐᔅᓴᐅᖏᑦᑐᖅ ᐅᑭᐅᖅᑕᖅᑐᒥ ᓯᓚ ᐊᓯᔾᔨᐸᓪᓕᐊᓂᖓ ᐅᓗᕆᐊᓇᖅᑐᖅ ᐱᑭᐊᓚᓱᕐᓱᐊᖅ ᐊᒻᒪᓗ ᐅᔾᔨᓱᖅᑎᐊᕆᐊᓖᑦ ᒪᓕᒐᐃᑦ ᑲᒪᒋᔭᐅᓗᑎᑦ.”

ᒪᓕᒐᓪᓗᐊᑕᖏᑦ ᑲᒥᓴᓇᐃᑦ ᓄᓇᓕᓐᓃᓐᖔᖅᑐᓂᒃ, “ᐃᓄᐃᑦ ᐱᑭᐊᓚᓱᐊᕐᓱᐊᒥ ᐊᑕᐅᓯᐅᖃᑎᒌᒻᒪᑕ ᐃᓚᒌᑦ ᑲᑎᒪᑦᑎᐊᖅᑐᑦ, ᑕᐃᒪᓐᖔᓗᓂᒃ, ᐱᖅᑯᓯᖏᓐᓂ ᐃᓄᐃᓪᓗ ᖃᐅᔨᒪᓂᖏᓐᓂ, ᐊᒻᒪᓗ ᐱᑭᐊᓚᓱᕐᓱᐊᖅ ᐊᑕᐅᓯᐅᓪᓗᓂ ᐊᕕᔅᓯᒪᔪᖅ ᓄᓇᓕᕐᔪᐊᓂᑦ”, ᐄᕙ ᐅᖃᖅᑐᓂ. “ᑐᓴᖅᓯᒪᒐᑦᑕ ᐊᓯᕙᕐᓂᖅ ᑕᐃᑲᓂ ᐱᑭᐊᓚᓱᕐᓱᐊᒥ ᑐᓐᖓᕕᒋᔭᐅᖏᓐᓇᖅᑐᖅ ᐃᓄᐃᑦ ᓂᕿᔅᓴᖏᓐᓄᑦ, ᐱᖅᑯᓯᕐᒧᑦ, ᐊᒻᒪᓗ ᐱᐅᖅᓱᐊᕐᓂᕐᒧᑦ ᑭᖑᕚᕇᒐᓵᓗᓐᓄᑦ ᐱᕈᖅᑐᖃᑦᑎᐊᖅᑐᓂᓗ ᑕᒪᓐᓇ”, ᐅᖃᖅᑐᓂ ᐃᔨᑦᓯᐊᖅ. ᑰᐱᒃ ᑲᓚᐃᔅᑦ, ᐅᖃᖅᑐᓂᓗ “ᐱᐅᖅᓱᐊᕆᐊᖃᕋᑦᑕ ᐃᓄᐃᑦ ᓇᒻᒥᓂᖅ ᐱᔪᓐᓇᕐᓗᑎᑦ ᓄᓇᓕᓐᓂᓪᓗ ᐱᕙᓪᓕᐊᓂᕐᒥᑦ ᐊᒻᒪᓗ ᑲᒥᓴᓇᖓᓐᓂ ᐊᑐᓕᖁᔭᑦᑎᓐᓂ ᒪᓕᑦᑎᐊᖁᓪᓗᒋᑦ ᑕᑯᓐᓇᖅᑕᑎᓐᓂ.”

“ᑕᑯᓐᓇᖅᑕᐅᔪᑦ ᐋᖅᑮᒍᒪᓂᖏᓐᓂ ᐃᓄᐃᑦ ᐱᑭᐊᓚᓱᕐᓱᐊᕐᒥᑦ ᐊᐅᓚᑦᑎᓂᕐᒨᖓᔪᓂᒃ, ᓱᓕ ᑕᑯᓐᓇᓐᖑᐊᖅᑕᖏᓐᓂ ᓇᓗᓇᐃᖅᓯᒋᐊᖃᖅᑐᑎᑦ ᐊᐅᓚᑦᑎᔾᔪᑎᔅᓴᖏᓐᓂ. ᑖᓐᓇ ᑎᒥᐅᔪᖅ ᐊᐅᓚᑦᑎᓂᐅᔪᖅ, ᖃᐅᔨᓴᕐᓂᐅᔪᖅ ᐊᑦᑐᐃᓂᖃᕋᔭᖅᑐᓂᑦ ᓯᓚᑖᓂᓐᖔᖅᑐᓂᑦ ᒪᑯᓂᖓ ᐅᒥᐊᕐᔪᐊᕐᓂᑦ, ᐃᖃᓗᒐᓱᓐᓂᖅ, ᐳᓚᕋᖅᑐᓕᕆᓂᖅ, ᐆᒪᓐᖏᑦᑐᓂᑦ ᐱᕙᓪᓕᐊᓂᖏᓐᓂ ᐅᒫᔪᓂᓪᓗ”, ᐅᖃᐅᓯᐅᔪᖅ ᐋᕆᐊᕐᒧᑦ. “ᑖᒃᑯᐊ ᐊᑐᓕᖁᔭᐅᔪᑦ ᓄᓇᓕᓕᒫᓂᒃ ᐊᓯᖏᓐᓂᓪᓗ, ᐱᖃᓯᐅᔾᔨᒋᐊᖃᖅᑐᖅ ᐊᑐᓗᐊᖃᑦᑕᖏᓪᓗᑎᑦ ᓱᓇᒃᑯᑖᕐᓂᑦ ᓄᓇᓕᓐᓂᑦ ᖃᐅᔨᓴᖅᑕᐅᑦᑎᐊᖃᑦᑕᕐᓗᑎᓪᓗ”. ᐃᔨᑦᓯᐊᖅ ᐅᖃᖅᑐᓂ. ᑎᓕᓯᔾᔪᑕᐅᔪᓂᑦ ᐃᓱᒪᒋᔭᐅᒋᐊᖃᕐᒥᔪᑦ ᐊᑐᓕᖁᔭᐅᔪᑦ ᐊᐳᖅᑕᕈᑎᑕᖃᓐᖏᓂᖅᓴᐅᓕᓲᖑᒻᒪᑕ ᐃᖏᕐᕋᓪᓗᓂ ᐱᑭᐊᓚᓱᕐᓱᐊᒧᑦ ᐊᒻᒪᓗ ᖃᓂᒋᔭᖏᓐᓄᑦ ᓄᓇᓕᓐᓄ ᑕᒪᒃᑯᓂᖓ ᐋᖅᑮᓇᓱᒃᑲᓂᖅᑐᓂᑦ ᐃᓚᒌᓐᓂᒃ, ᐱᖅᑯᓯᖃᖅᑎᑦᑏᓐᓇᕋᓱᐊᕐᓂᕐᒥᑦ, ᓂᕿᖃᖅᑎᑦᑏᓐᓇᕋᓱᐊᕐᓂᒥᓪᓗ ᐃᑯᐱᑦᑐᓕᕆᓂᕐᒥᓪᓗ ᐱᕙᓪᓕᐊᓂᒃᑯᑦ ᓄᓇᓕᓐᓂᑦ.

ᐊᓯᖏᑦ ᓯᕗᓪᓕᖅᐸᐅᔾᔭᐅᒋᐊᖃᕐᒥᔪᑦ ᐃᓱᒪᒋᔭᐅᔪᑦ ᐊᑐᓕᖁᔭᐅᔪᓂᑦ ᐱᖃᓯᐅᔾᔨᓗᑎᑦ ᑐᓐᖓᕕᒋᔭᖏᓐᓂ ᐅᑉᐱᕆᔭᖏᓐᓂ ᐃᓄᐃᑦ ᖃᐅᔨᒪᔭᖏᓐᓂ ᑐᓴᖅᑎᑦᑎᓗᑎᑦ ᐱᒋᐊᕈᑎᖏᓐᓂ ᐱᑭᐊᓚᓱᕐᓱᐊᕐᒥᑦ, ᐃᓱᒪᒋᔭᐅᒋᐊᖃᕐᒥᔪᑦ ᐱᓕᕆᐊᕆᔭᕆᐊᓕᖏᑦ ᐃᓅᓱᑦᑐᐃᑦ ᐊᐅᓚᑦᑎᓂᕐᒥ ᐸᕐᓇᐅᑎᓂᒃ ᐊᒻᒪᓗ ᓯᕗᓂᑦᑎᓂᓪᓗ ᐸᖅᑭᔭᐅᑦᑎᐊᖁᓪᓗᒋᑦ, ᑕᒪᒃᑯᐊᓗ ᐸᖅᓴᐃᓂᕐᒥᑦ ᐊᒻᒪᓗ ᐊᕙᑎᑦᑎᓐᓂ ᑲᒪᒋᔭᕆᐊᓕᑦᑎᓂ.
ᑲᒥᓴᓇᐃᑦ ᐋᖅᑭᒋᐊᕆᐊᓕᓐᓂ ᑐᓂᓯᓂᐊᖅᑐᑦ ᒪᓕᒐᔅᓴᓂᒃ ᐊᑐᓕᖁᔭᔪᓂᓪᓗ ᓄᓇᓕᓐᓄᑦ ᐊᐃᐳᓗᒥ ᒪᐃᒥᓗ ᐊᐅᔭᐅᓚᐅᖅᑎᓐᓇᒍ ᓴᖅᑭᖅᑕᐅᔪᒫᕆᓪᓗᑎᑦ ᐅᓂᒃᑳᑦ ᐱᔭᕇᔭᖅᓯᒪᑦᑎᐊᖅᑐᑦ. ᐅᑎᕐᓗᑎᓪᓗ ᓄᓇᓕᓐᓄ ᑕᐃᒪᑦᑎᐊᖑᒐᓗᐊᕐᒪᖔᑕ ᖃᐅᔨᓴᖅᑕᐅᓗᑎᑦ ᐃᓄᓐᓄᑦ ᐅᓂᒃᑳᕆᐊᖅᑐᓐᖑᐊᑕᔅᓯᓐᓇᓚᐅᖅᑐᓄᑦ ᖃᐅᔨᒪᓂᖏᓐᓂᓪᓗ ᐅᓂᒃᑳᖃᖅᑐᓄᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.