News

Documenting our Progress

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐅᐱᒋᔭᖃᖅᑯᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐃᑲᔪᖅᑐᕐᓂᖏᓐᓂ ᐱᑭᐊᓚᓱᕐᓱᐊᖅ ᐃᓄᐃᑦ ᐃᒪᕐᒥᐅᑕᓕᕆᓂᕐᒧᑦ ᐊᐅᓚᑦᑎᔨᓂᒃ, ᐃᓄᐃᑦ ᓄᑦᑕᕈᓐᓇᕐᓂᖏᓐᓂ ᐱᔪᓐᓇᐅᑎᖏᓐᓂ, ᐊᒻᒪᓗ ᐱᓕᕆᖃᑕᐅᓪᓗᑎᑦ ᑲᓛᖡᑦ ᓄᓈᓂ

ᐋᑐᐋ, ᐊᓐᑎᐅᕆᔪ – ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ ᑲᓇᑕ ᖁᕕᐊᑦᑐᑦ ᓇᓗᓇᐃᖅᓯᒻᒪᑕ ᐱᑭᐊᓚᓱᕐᓱᐊᖅ ᓯᕗᓕᖅᑏᑦ ᐅᖃᐅᓯᖏᓐᓂ, ᐅᖃᖅᑐᑦ ᐃᓄᐃᑦ ᓯᕗᒃᑲᖅᑕᐃᓂᐊᕐᖓᑕ ᐊᐅᓚᑦᑎᓗᑎᑦ ᐃᒪᕐᒥᐅᑕᓕᕆᓂᕐᒥᑦ ᑕᐃᑲᓂ ᓄᓇᕗᒻᒥ ᑲᓇᑕᒥᓗ, ᐊᒻᒪᓗ ᑲᓛᖡᑦ ᓄᓈᑦ.

ᐃᑉᐸᔅᓴᖅ, ᐃᑲᔫᑎᐅᓂᐊᕐᓗᓂ ᐃᓄᐃᑦ ᓄᓇᖓᓐᓄᑦ ᐊᒻᒪᓗ ᑲᓇᑕᒥᐅᑕᓕᒫᓄᑦ, ᓯᕗᓕᖅᑎ ᔭᔅᑎᓐ ᑐᕉᑑ ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᐱᓕᕆᖃᑎᒌᖃᑦᑕᕐᓂᐊᕐᓂᕋᓚᐅᖅᑐᑦ, ᒐᕙᒪᒃᑯᖏᓪᓗ ᑕᓐᒫᒃᒥ ᐊᒻᒪᓗ ᑲᓛᖡᑦ ᓄᓈᑦ, ᐋᖅᑭᔅᓱᐃᓂᐊᖅᑐᑎᑦ ᐃᑯᐱᑦᑐᓕᕆᓂᕐᒥᑦ ᐃᒪᕐᒥᐅᑕᕐᓂᑦ ᐊᐅᓚᑦᑎᓂᕐᒥᑦ ᐊᕙᑎᑦᑎᓂᓪᓗ ᐸᖅᑭᑦᑎᓂᕐᒥᑦ ᐱᑭᐊᓚᓱᕐᓱᐊᕐᒥ, ᐊᐅᓚᑦᑎᓗᑎᓪᓗ ᓄᑦᑕᕐᓂᖏᓐᓂ ᐃᓄᐃᑦ ᑕᒫᓂ.

ᐱᑭᐊᓚᓱᕐᓱᐊᖅ ᑐᑭᓕᒃ “ᐃᖏᕐᕋᓂᕐᔪᐊᕌᓗᒻᒥᑦ”. ᑲᓛᖡᓱᑦ (ᐅᐊᓐᓇᖓᓂ ᑲᓛᖡᑦ ᓄᓈᓂ) ᐊᑦᑎᖅᑕᐅᓯᒪᔪᑦ ᑕᒪᓐᓇ ᐅᐊᖕᓇᖓᓃᑦᑐᖅ ᐃᒪᖏᓐᓂ ᐊᐅᒃᑲᕐᓂᓕᒃ ᑲᑐᔾᔭᐅᔪᖅ ᓄᓇᕗᒻᒧ ᐊᒻᒪᓗ ᑲᓛᖡᑦ ᓄᓈᑦ. ᐊᐅᒃᑲᓐᓂᓕᖅ ᓯᑯᔪᓐᓇᖏᑦᑐᖅ ᓯᑯᖃᕈᓐᓇᕐᓇᓂᓗ ᐃᒪᕕᐅᓂᖓᓐᓄᑦ ᐊᓄᕆᒧᓪᓗ. ᐱᕈᖅᑐᓕᕐᔪᐊᕌᓗᒃ ᐃᒪᕐᒥᐅᑕᕐᓂᑦ. ᐱᑭᐊᓚᕐᓱᖅᓱᐊᖅ ᐊᖏᓂᖅᐹᑦᑎᐊᖅ ᐊᐅᒃᑲᓐᓂᓕᒃ ᐅᑭᐅᖅᑕᖅᑐᒥ ᐊᒻᒪᓗ ᐃᕐᓂᐅᕐᕕᐅᕙᑦᑐᓂᑦ ᐱᖓᓐᓇᖓᓂ ᐅᑭᐅᖅᑕᖅᑑᑉ ᑲᔾᔨᖓᓐᓂ.

ᐅᑭᐅᒐᓚᓐᓄᑦ ᐊᓂᒍᖅᑐᓄᑦ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᑲᓇᑕ ᐱᓕᕆᖃᑎᖃᖅᓯᒪᓕᕐᖓᑕ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ ᑲᓛᖡᑦ ᓄᓈᓂᒥᐅᓂᑦ ᐱᕙᓪᓕᐊᓂᒃᑯᑦ, ᐱᓕᕆᖃᑎᒌᑦᑐᑎᓪᓗ ᑕᒪᑐᒥᖓ ᐱᑭᐊᓚᓱᕐᓱᐊᕐᒥ ᑎᓕᔭᐅᔾᔪᑎᐅᓯᒪᔪᒥᑦ. ᑎᓕᔭᐅᔾᔪᑎᐅᓯᒪᔪᖅ ᐱᓕᕆᖃᑎᒌᒋᐊᖃᕐᓂᖏᓐᓂ ᐃᓄᐃᑦ ᓄᓇᖓᓐᓂᒻᒥᐅᑦ ᐊᒻᒪᓗ ᑲᓛᖡᑦ ᓄᓈᒥᐅᑦ. ᐅᓂᒃᑳᕐᒥᑦ ᓴᖅᑮᓚᐅᖅᓯᒪᔪᑦ ᓅᕖᑉᐱᕆᒥ 2017−ᒥ ᑕᐃᔭᐅᔪᖅ ᐃᓄᐃᑦ ᓯᑯᒥᐅᑦ ᐊᖅᑯᑎᖏᑦ: ᓯᕗᓂᑦᑎᓐᓂ ᐱᑭᐊᓚᓱᕐᓱᐊᖅ. ᐊᑐᖁᔭᐅᔪᓂᓪᓗ ᐃᓗᓕᖃᖅᑐᓂ ᐱᐅᓯᕚᓪᓕᖁᔭᐅᓪᓗᑎᑦ ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᒻᒥ ᐊᒻᒪᓗ ᑲᓛᖡᑦ ᓄᓈᑦ.

ᐱᖓᑦᑎᐅᑎᓪᓗᒍ ᐱᒋᐊᓕᓚᐅᖅᑐᖅ ᑖᒃᑯᓇᓐᖓᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐃᓄᓐᓂᓪᓗ ᓯᕗᓕᖅᑎᓂᒃ ᐱᒻᒪᕆᐅᓂᖓᓐᓂ ᐱᒋᐊᖅᐸᓪᓕᐊᓪᓗᑎᒃ ᐱᓕᕆᖃᑎᖃᕐᓂᐊᖅᑐᑎᑦ ᐃᓄᓐᓂᑦ ᐊᐅᓚᑦᑎᓗᑎᑦ ᐱᒻᒪᕆᐅᔪᓂᒃ ᐃᒪᕐᒥᐅᑕᓕᕆᓂᕐᒥᑦ, ᐊᒻᒪᓗ ᓄᑦᑕᕐᓂᖏᓐᓂ ᑖᒃᑯᓂᖓ ᒪᕐᕉᓐᓂᒃ ᓄᓇᓖᓐᓂᒃ. ᓯᕗᓂᑦᑎᓐᓂ ᑕᒪᒃᑯᑐᐊ ᐃᓯᕋᕐᓂᖃᑦᑕᕐᓗᑎᑦ ᐱᐅᖅᓱᐊᖅᑕᐅᖏᓐᓇᕐᓗᑎᑦ ᐊᐅᓚᑕᐅᓗᑎᑦ ᐃᓄᓐᓄᑦ, ᐃᓄᓐᓄᓪᓗ ᓄᓈᓂ. ᐱᑭᐊᓚᓱᕐᓱᐊᖅ ᑐᑭᖃᕐᖓᑦ ᐃᓄᓐᓄᑦ ᓄᓇᕗᒻᒥ ᐊᒻᒪᓗ ᑲᓛᖡᑦ ᓄᓈᓂᐅᒥᑕᕐᓂᑦ,” ᐅᖃᖅᑐᓂ ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖅ ᒫᓂᑲ ᐃᐊᓪ-ᑲᓇᔪᖅ. “ᐃᓄᖁᑎᕗᑦ ᑕᒪᑐᒥᖓ ᑕᑎᖃᐃᓐᓇᖃᑦᑕᖅᓯᒪᒻᒪᑕ 1000−ᖏᓐᓃᑦᑐᓂᑦ ᐅᑭᐅᓂᑦ ᓂᕿᔅᓴᖅᓯᐅᕐᕕᐅᓪᓗᓂ, ᐱᖅᑯᓯᖏᑦ, ᑲᑎᕝᕕᐅᕙᑦᑐᓂᓪᓗ ᐃᓚᒌᓐᓄᑦ, ᑕᒪᓐᓇ ᖁᕕᐊᒋᓪᓚᕆᑦᑕᕋ ᐅᓪᓗᒥ ᐱᒋᐊᖅᐸᓪᓕᐊᓂᐊᓕᕐᖓᑦ.”

ᐱᓕᕆᐊᖑᓂᐊᖅᑐᖅ ᓯᕗᕙᖅᑎᑦᑎᓗᑎᑦ ᐱᑭᐊᓚᓱᕐᓱᐊᖅ ᐊᔅᓱᕉᑎᖃᕐᓗᑎᑦ ᑕᐃᑲᓂ ᑕᓪᓗᕈᑎᐅᑉ ᐃᒪᖓᓐᓂ. ᐸᕐᓇᓪᓗᑎᑦ ᒪᓕᓪᓗᒋᑦ ᓄᓇᖃᖅᑳᖅᑐᒥᓃᓖᑦ ᖃᓪᓗᓈᓪᓗ ᖃᐅᔨᒪᓂᖏᑦ, ᐊᒻᒪᓗ ᒪᓕᒐᖏᓐᓂ ᑲᑎᑕᐅᓯᒪᔪᓂᒃ ᐃᒪᕐᒥᐅᑕᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐃᓱᒪᓕᐊᒥᓂᕐᓂᑦ ᐃᑯᐱᑦᑐᓕᕆᓂᕐᒥᑦ ᐊᑐᖅᑕᐅᖃᑦᑕᕐᓗᑎᑦ, ᐱᕙᓪᓕᐊᖃᑦᑕᕐᓗᑎᑦ ᐸᖅᑭᑎᓪᓗᑎᓪᓗ ᑕᒪᑐᒥᖓ ᐃᒪᕕᒻᒥ ᐊᒻᒪᓗ ᐃᓗᓕᖏᓐᓂ ᐱᑭᐊᓚᓱᕐᓱᐊᖅ.

“ᑕᒪᓐᓇ ᐱᐊᕈᑕᐅᓂᐊᖅᑐᖅ ᐃᑲᔪᖅᑐᖅᑕᐅᑦᑎᐊᖅᑐᐊᓗᒃ ᐃᓄᐃᑦ ᓄᓇᓕᖏᓐᓄᑦ ᐸᖅᑭᑦᑎᓂᒃᑯᑦ ᐊᕙᑎᑦᑎᓐᓂ ᐊᒻᒪᓗ ᐱᐅᖅᓱᐊᖅᑕᐅᓗᑎᑦ ᐆᒪᔪᑦ ᐊᔾᔨᐅᓐᖏᑦᑐᑦ ᑕᕝᕙᓂ,” ᐅᖃᖅᑐᖅ ᒫᓂᑲ ᐃᐊᓪ-ᑲᓇᔪᖅ. “ᐅᑉᐱᕈᓱᑦᑎᐊᕋᑦᑕ ᑕᒪᒃᑯᐊ ᐱᒋᐊᕈᑏᑦ ᐊᔾᔨᐅᖏᑦᑐᑦ ᐱᕕᖃᖅᑎᑕᐅᒐᑕ ᐱᓕᕆᖃᑎᒌᓪᓗᑕ ᓴᓐᖓᑎᑉᐸᓪᓕᐊᑎᒐᓱᐊᕐᓗᑎᒍ ᐃᒪᕕᒻᒥ ᐸᖅᑭᑦᑎᓗᑕ, ᓴᓐᖓᑎᑉᐸᓪᓕᐊᓗᒋᓪᓗ, ᐅᑭᐅᖅᑕᖅᑐᒥ ᑲᑐᔾᔨᓂᖏᑦ ᐃᓄᐃᑦ ᑲᒪᑦᑎᐊᕐᓗᑎᑦ ᓯᕗᑦᑎᓐᓄᑦ ᐊᑐᐃᓐᓇᐅᖁᓪᓗᒋᑦ.”

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.