News

Documenting our Progress

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖅ ᑲᒪᔪᑦ ᒥᓂᔅᑕᐃᑦ ᐊᐃᑉᐸᖓᓐᓂ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒥᑦ ᒥᓂᔅᑕᐃᑦ

ᐅᑐᐱᕆ 26, 2018 – ᐴᓕ, ᔫᒪᓂ – “ᐃᓕᓴᕆᔭᐅᓂᖓ ᐊᒻᒪᓗ ᐅᑉᐱᕆᔭᐅᓂᖏᑦ ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᑦ, ᖃᓄᐃᓕᖓᓕᕐᓂᖏᑦ ᒫᓐᓇ ᐊᒻᒪᓗ ᐱᓕᕆᐊᕆᔭᕆᐊᖃᕐᓂᖏᑦ ᐅᑭᐅᖅᑕᖅᑐᒥ ᑕᑯᓐᓇᖅᑕᐅᔭᕆᐊᖃᓐᖏᑦᑐᖅ ᐅᓗᕆᐊᓇᕐᓂᖓᓐᓂ ᒐᕙᒪᒃᑯᓐᓄᑦ, ᑭᓯᐊᓂᓕ, ᐊᐅᓚᑦᑎᔾᔪᑎᑦᑎᐊᕙᐅᓂᖓᓐᓂ ᓱᓕᓪᓚᕆᑦᑐᒥᓪᓗ ᐱᓕᕆᖃᑎᒌᒋᐊᖃᕐᓂᖏᓐᓂ ᑲᔪᓯᓂᐊᖅᑲᑕ ᐱᓕᕆᐊᕆᔪᒪᔭᒥᓂᒃ ᐊᑦᑕᓇᐃᕐᔫᒥᓗᒍ ᐅᑭᐅᖅᑕᖅᑑᑉ ᐊᕙᑎᖓ ᐃᓄᐃᑦ ᐱᔾᔪᑎᒋᓪᓗᒋᑦ”. ᑕᒪᓇ ᐃᓚᒋᔭᐅᓚᐅᖅᑐᖅ ᐊᒥᓱᓂᓪᓗ ᐅᖃᐅᓯᐅᔪᓂᒃ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦᑕ ᐃᔅᓯᕙᐅᑕᖓᓐᓄᑦ, ᑕᓕ ᓵᒻᐳ ᑐᕉᒧᑦ, ᐅᖃᐅᓯᕆᔭᖓᓐᓂ ᐊᐃᑉᐸᖓᓐᓂ ᐅᑭᐅᖅᑕᖅᑐᒥ ᖃᐅᔨᓴᖅᑐᓕᕆᓂᕐᒥᑦ ᒥᓂᔅᑕᓂᑦ ᐅᓪᓛᖑᔪᖅ.

ᑑᕈ ᐅᖃᒃᑲᓂᖅᑐᓂᓗ ᒥᓂᔅᑕᐃᑦ ᑭᒡᒐᖅᑐᐃᔪᑦ 29−ᓂᑦ ᓄᓇᓕᕐᔪᐊᓂ ᐊᒻᒪᓗ ᑕᕆᐅᑉ ᐊᑭᐊᓂ ᓄᓇᓕᕐᔪᐊᓂᑦ, ᓄᓇᖃᖅᑳᖅᑐᒥᓂᕐᓂᑦ ᐅᖃᐅᓯᓪᓗᐊᑕᐅᒻᒪᑕ ᐊᓯᔾᔨᐸᓪᓕᐊᓂᖓᓐᓂ ᐅᑭᐅᖅᑕᖅᑐᖅ. ᐃᓄᐃᑦ ᓄᓇᓕᖏᑦ ᓯᕗᓪᓕᖅᐹᖑᓪᓗᑎᑦ ᑕᑯᖃᑦᑕᖅᑐᑦ ᐊᑐᖅᐸᑦᑐᓂᒋᓪᓗ ᐊᓯᔾᔨᕈᑕᐅᔪᑦ ᐊᒻᒪᓗ ᓇᓗᓇᐃᔭᖅᓯᒪᑦᑎᐊᖅᑐᓂᑦ ᐅᓂᒃᑳᖃᑦᑕᖅᑐᑎᑦ ᖃᐅᔨᒪᓂᐊᓗᖏᓐᓂ ᑕᒪᒃᑯᓂᖓ ᐅᑭᐅᖅᑕᖅᑐᓕᕆᓂᕐᒨᖓᔪᓂᒃ.

ᐃᓄᐃᑦ ᓯᕗᓪᓕᖅᐹᑦᑎᐊᖑᓪᓗᑎᑦ ᐊᑦᑐᖅᑕᐅᕙᑦᑐᑦ ᐊᒥᓱᓄᑦ ᐊᓯᔾᔨᕈᑎᔪᓄᑦ. ᓲᕐᓗ, ᓱᕈᓐᓇᖅᑐᑕᓂᑦ ᓴᖅᑭᖅᑕᓂᑦ, ᐊᑐᖅᑕᐅᕙᑦᑐᓂᑦ ᖃᓪᓗᓈᓃᓐᖔᖅᑐᓂᒃ, ᐊᑯᓂᒧᑦ ᐃᖏᕐᕋᔪᑦ ᐆᒪᔪᕐᓅᖃᖅᑐᑎᑦ ᐃᓄᐃᑦ ᓄᓇᖏᓐᓄ ᐊᒻᒪᓗ ᓂᕿᒋᖃᑦᑕᖅᑕᖏᓐᓅᖅᑲᖅᑐᑎᑦ ᓄᓇᒥᓐᖔᖅᓯᒪᔪᓂᒃ ᐃᒪᕐᒥᓪᓗ.

ᑕᒪᒃᑯᐊ ᐊᓯᔾᔨᕈᑎᔪᐃᑦ ᐊᑦᑐᐃᓂᓖᑦ ᐃᓄᐃᑦ ᓂᕿᔅᓴᖃᕐᓂᖏᓐᓂ, ᐊᖏᓪᓕᓪᓗᑎᓪᓗ ᐊᑦᑐᐊᓂᖏᓐᓂ ᐃᓄᐃᑦ ᐃᓅᓯᖏᓐᓄᑦ, ᓂᕐᔪᑎᓄᑦ ᐱᕈᖅᑐᓄᓪᓗ; ᑕᒪᒃᑯᐊ ᖃᓄᐃᑦᑑᓕᕐᓂᖏᑦ ᑎᒥᑦᑎᐊᕆᓇᓱᐊᕐᓂᖏᓐᓂᓪᓗ ᐃᓄᐃᑦ ᓄᓇᖓᓐᓂ, ᐃᒪᕐᒥᑦ, ᓯᓚᖓᓐᓂᓪᓗ; ᐊᒻᒪᓗ ᐱᖅᑯᓯᖏᓐᓂ ᐊᑦᑐᐃᓪᓗᑎᑦ ᐃᓚᒋᖃᓯᐅᑎᓪᓗᒍᓗ ᐃᓄᐃᑦ ᐅᖃᐅᓯᖏᑦ, ᐱᖅᑯᓯᖏᑦ ᐊᑐᖅᑕᖏᑦ, ᐃᓄᓕᕆᓂᕐᒥᓪᓗ. ᐃᓄᐃᑦ ᐊᓐᓇᔅᓯᒪᒻᒪ ᐃᓅᓇᓱᐊᖅᑐᑎᑦ ᐅᑭᐅᖅᑕᖅᑐᒥ ᐊᔾᔨᐅᖏᑦᑐᒥᓪᓗ ᐃᓕᑦᑐᕈᓐᓇᑦᑎᐊᖅᑐᑎᑦ ᐱᔪᓐᓇᕐᓂᖏᓐᓂᓪᓗ ᐸᕐᓇᐅᑎᓕᐅᖅᐸᑦᑐᑎᑦ ᓇᒻᒥᓂᖅ ᓄᓇᖅᑲᑎᒌᑦᑐᑎᑦ ᐅᓗᒥᐅᔪᖅ ᑕᐃᒪᒃ ᐱᓕᕆᓯᒪᔪᑦ ᐋᖅᑭᔅᓱᐃᕙᓪᓕᐊᖏᓐᓇᖅᑐᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐃᓕᒃᑲᓐᓂᕈᓐᓇᕋᑦᑕ ᐃᓕᑦᑐᕈᓐᓇᕐᓗᑕ ᑎᒍᓯᕙᓪᓕᐊᓗᑕᓗ ᑕᒪᒃᑯᓂᖓ ᐃᖏᕐᕋᔾᔪᑎᖏᓐᓂ ᐃᓅᔾᔪᑎᖏᓐᓂ.

ᑐᕈ ᐅᖃᓚᐅᕆᓪᓗᓂ ᑕᒪᒃᑯᐊ ᐅᑉᐱᕆᔭᐅᔪᑦ ᐱᓕᕆᖃᑎᒌᓐᓂᒃᑯᑦ ᓄᓇᖃᖅᑳᖅᑐᒥᓃᑦ ᓄᓇᓕᖏᓐᓂ ᑕᑯᔭᐅᓯᒪᔪᓂᒃ ᖃᐅᔨᓴᖅᑕᐅᖏᓐᓇᖅᑐᓂᓪᓗ ᐱᑕᖃᕐᓗᑎᑦ ᖃᐅᔨᓴᕐᓗᑎᓪᓗ. ᑲᔪᓯᓂᐊᕈᑎᒃ ᓄᓇᖃᖅᑳᖅᑐᒥᓃᑦ ᖃᐅᔨᓴᕐᓂᒨᕆᐊᖃᖅᑐᑦ ᑐᑭᖃᑦᑎᐊᖅᑐᓂᓪᓗ ᑲᒪᓗᑎᑦ ᐊᑐᕐᓗᑎᑦ ᓄᓇᖃᖅᑳᖅᑐᒥᓃᑦ ᖃᐅᔨᒪᓂᖏᓐᓂ. ᐅᑭᐅᖅᑕᖅᑐᒥ ᖃᐅᔨᓴᖅᑎᒻᒪᕆᓐᓄᑦ ᒥᓂᔅᑕᐃᑦ ᐅᓪᓗᒥ ᐱᔭᕇᕐᓂᐊᖅᑐᑦ ᐊᑎᓕᐅᖃᑎᖃᕐᓗᑎᑦ ᒥᓂᔅᑕᐅᔪᓂᒃ ᐊᓯᖏᓐᓂ ᐅᖃᐅᓯᖏᓐᓄᑦ ᒪᓕᓪᓗᑎᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.