{"id":3299,"date":"2021-07-16T09:59:00","date_gmt":"2021-07-16T13:59:00","guid":{"rendered":"https:\/\/www.inuitcircumpolar.com\/uncategorized-iuq\/pivalliaraarjuttuugaluaq-salummasaqtauninga-ukiuqtaqtumi-umiarjualiriniq-silarjuap-imanginnut-katujjiqatigiinnuk\/"},"modified":"2026-02-09T15:00:50","modified_gmt":"2026-02-09T20:00:50","slug":"pivalliaraarjuttuugaluaq-salummasaqtauninga-ukiuqtaqtumi-umiarjualiriniq-silarjuap-imanginnut-katujjiqatigiinnuk","status":"publish","type":"post","link":"https:\/\/www.inuitcircumpolar.com\/staging\/news-iuq\/pivalliaraarjuttuugaluaq-salummasaqtauninga-ukiuqtaqtumi-umiarjualiriniq-silarjuap-imanginnut-katujjiqatigiinnuk\/?lang=iuq","title":{"rendered":"Pivalliaraarjuttuugaluaq Salummasaqtauninga Ukiuqtaqtumi Umiarjualiriniq Silarjuap Imanginnut Katujjiqatigiinnuk"},"content":{"rendered":"\n<p>Juuni 23, 2021 \u2013 Aatuaa, Kanata \u2013 Inuit Ukiuqtaqtumiinguqatigiit Katimajingit Katimaqataulauqtut Silarjuami Imanginnut Katijjiqatigiinnut Imait Paqqittijingit Katimajiralaangit (MEPC 76) qarasaujakkut katimalauqtut Juuniutillugu 10-17, 2021. Taakkua Silarjuami Imanginnut Katujjiqatigiit Imait Paqqittijingit Katimajiralaat uqausiqalauqtut umiarjuaqtaqannginiqsaugiaqalirninginni sanajinik attuiniqarninginnut silamit ammalu imarmit sijjanginnillu. <\/p>\n\n<p>Piliriarijumajanginni tamakkuninga pullapalliajut silarjuami uqquunirmut, silami surunnaqtuq, qinniqtaulluni suurlu taalatitut, uqsualuit ilasimanngittut ammalu imavimmi nipiqarninginnut \u2013 pimmariummat salumatittikanniriaqarnitinni silarjuami umiarjuanit ingirravattunik. <\/p>\n\n<p>Pigiaqpalliajut imavimmi nipiqaluaqtittittailimanirmut tuavirnaqsilirngat qimirrujauttiariaqaqtutit ammalu sanngatikkanirlugit tamakkua atuagait imavimmi nipiqaluarniuvattut 2014\u2212ngullutit. Taikkua 2014 atuagait attuiniqaqsimanngittiarngata nipiqaluaqtittittailimatittikannirasuarnirmut ullumimut. Kisianili, pivalliasimattiaraarjungimmijut qilamimut atuqtauniaqtunik Silarjuami Imanginnut Katijjiqatigiinnut piliriangunasuaqtumit kimillivaallitittikanniqullugit pullapalliajut silarjuami uqquunirmut anirnitinnuuqpattunit 40%\u2212mit silarjuami umiarjuarnit tikigasuarlugu 2030. <\/p>\n\n<p>Umiarjuakkuuqpattut inuit Nunangannut, ukiuqtaqtumi silarjuami Inuit Nunanginnut, amisuruqpalliqsimammata 25%\u2212mit 2015\u2212minit. Inuit Nunangat, Kanatamiut Inuit Nunangat, Ukiuqtaqtumi Umiarjuaqquuqpattut amisuruqpaalliqsimallutit 37%\u2212mit akunninginni 2015-2019. Ukiuqtaqtumi umiarjuaqquuqpaqtut amisuruqpalliatuinnaqtut ukiuqtaqtunganni silarjuap, Inuit Ukiuqtaqtumiinguqatigiit Katimajingit piliriangilli gavamakkunni ikajuqtuqtaukannirlutit tamatuminga piuniqsautittikannirasuarlutit, uqsualuillu attanaqtuungillutit akitturiaqtitaukkanniqunnangit kisuituinnait nunalingaarnit. <\/p>\n\n<p>\u201cInuit tatiqaqattarngata Ukiuqtaqtumi umiarjuaqquuqpattunit sunakkutaarnut tamannalu atuinnariaqallarittuni. Inuunasuattiarnitinnut, kisianili, tatiqarmijugut inuunasuattiarjutigillutigu niqiqarvivut imaq sijjamiittullu ammalu attanaqtumititaugiaqannginninginni Ukiuqtaqtumuuqpattuni umiarjuannit sivulliqpautigialik\u201d uqalauqtuq Liisa Qupirjualuk, Inuit Ukiuqtaqtumiinguqatigiit Katimajingit Kanatami angijuqqap Tungilinga Silarjuamit, katimajaqtuqataulauqsimajuq Silarjuami Imanginnut Katijjiqatigiinnut katimaninginnut. <\/p>\n\n<p>Kisianittau qunuurminarmijuq, qattikallaikkiaq pigiarutiit paqqittijjutaungajaqtut ukiuqtaqtumi pullapalliajut silarjuami uqquunirmut anirnitinuuqpattunit qinniqtaaluillu suurlu taalat ukiuqtaqtumuuqpattunut umiarjuamiinngaaqtut. Qinniqtat taalaujaaqtut, saqqiqattaqtut ikitaujunik ilaqanngittuni uqsualunni, qilamikainnarulullu silattiniikainnaqtutit kisianittau sikunit ausaraittittivattut aputimuuraimmat sikunullu. Ammalu, Uqsualuit ilasimanngittut kuvijuqarniqqat ukiuqtaqtumi piunngituarjuaraaluulluni imarmiutarnut. <\/p>\n\n<p>\u201cPigialaunnginnilimaanginni, inuusirivattavut ulurianaqtuminniaqtuq. Nunalipput tatiqaqattarngat imarmiutarnit sikumillu \u2212 jagaliqtuq maanna. Pigiarutiujuk attanaiqtittinasuaqtut ukiuqtaqtutinni maannaujuq. Qinniqtat suurlu taalaujaaqtut ukiuqtaqtumiittut uqausiugialit katimaniujunik, kisianili tamanna nuutausimajuq imait paqqittijingit katimajiralaangit (MEPC 77) Nuvipirimut, jagapalliatuinnaqtut, surappalliatuinnaqtutillu\u201d, uqalauqtuq Inuit Ukiuqtaqtumiinguqatigiit Katimajingit Issivautaq Tali Saampu Turuu. <\/p>\n\n<p>Angirutimit \u201ctuavirnaliqtuq\u201d qilamikainnaruluk qattiinnaruqpalliqullugit umiarjuamiinngaaqpattut pujurlutit attuiniqanngingaarunnaqtunit atungaalirlutit ammalu piuniqsallariugajaqtuni, ulurianannginiqsaulutillu silattinnut. Tamanna kajusitigasuarlugu Parimi angirutiujuq 1. 5C uunarninga tikigasuaqtavut, arraagutamaat 7%\u2212mit qinniqtamit surunnaqtumit umiarjuamiinngaaqtunit mikillivaallitittigiaqarajaqtugut kajusitinniaruttigu. Taanna 1. 5% arraagutamaat taimaittutuinnarmit mikillivaalliqattaqqat Pariup kajusitigumajangani surrailluarajanngittuq.<\/p>\n\n<p>Qupirrualuk uqalauqtuq, \u201cInuit Ukiuqtaqtumiinguqatigiit Katimajingit quviagijaullutit Kanata sivulliqpaujjinasualirninginni tuavirnatukkut mikillivaallitittinasuarlutit qinniqtaalummi suurlu taalatitut Ukiuqtaqtumuuqpattuni umiarjuarnit \u2212 tamaaniqai 2%\u2212mit qinniqtami saqqiiqattarajaqtuq umiarjuaniinngaaqtunit Ukiuqtaqtumuuqqaqtuni. Pivikillarikkatta maanna, nutaarmit unikkaarmit uqaqsimammat ukiuqtaqtumi pingasuaqtinnguaqtuni uunaqsivallialiqtuq silarjuami sukkaliniqsamit \u2212 allaak sukkaliniqsaujuq missausattaulauqsimajumit. Paqqijariaqarattigu ukiuqtaqtumi imanga ammalu piuqsuarlutigu imarmiutait silarjuamilu piruqtut qanuittailimaqullugit piujumiitiinnarasullugit. Ukiuqtaaqtuup imavingit ammalu uumajunik piruqtullu pillarialuummata silarjuami atuqtauvattunik. Imavipput attuammat kisulimaattiarmu, jagappallialiqtutillu sikuit, qikiqtakaillaillu uligujjauniqsauvaliqtutit imavik itillivalliammat. Tamakkua pinasuaqtatinni anginiqsanik, annainiqsaugunnaqqugut.\u201d<\/p>\n\n<p>Inuit Ukiuqtaqtumiinguqatigiit Katimajingit utaqqijut Silarjuami Imanginnut Katijjiqatigiinnut isumaliuriaqarninginni Inuit Ukiuqtaqtumiinguqatigiit Katimajingit namminiq nipiqaqtitaujunnarniarmangaata, aqqutiqarlutit Silarjuami Imanginnut Katijjiqatigiinnut katimaqatigiinnikkut, tamakkua pimmariummata katimaniit Inuit piqataugiaqarngata umiarjuakkuuqattaqtunik sijjakullu aulataugiaqaninginni piqujaqarlutit ammalu anginiqsamit tukitaaqtitaugiaqallarimmat ammalu namminiq pijaujunnarluni.<\/p>\n\n<p>-30-<\/p>\n\n<p><strong>Contact:<\/strong><\/p>\n\n<p>Stephen Hendrie<br\/>ICC Canada<br\/>Email:\u00a0<a href=\"mailto:type88@post.com\">type88@post.com<\/a>\u00a0\u00a0<br\/>(613) 563-2642<\/p>\n","protected":false},"excerpt":{"rendered":"<p>Inuit Ukiuqtaqtumiinguqatigiit Katimajingit Katimaqataulauqtut Silarjuami Imanginnut Katijjiqatigiinnut Imait Paqqittijingit Katimajiralaangit (MEPC 76) qarasaujakkut katimalauqtut Juuniutillugu 10-17, 2021. Taakkua Silarjuami Imanginnut Katujjiqatigiit Imait Paqqittijingit Katimajiralaat uqausiqalauqtut umiarjuaqtaqannginiqsaugiaqalirninginni sanajinik attuiniqarninginnut silamit ammalu imarmit sijjanginnillu. <\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"footnotes":""},"categories":[96,68,69],"tags":[],"class_list":["post-3299","post","type-post","status-publish","format-standard","hentry","category-2021-iuq","category-news-iuq","category-tusarassaruqtitausimajut"],"aioseo_notices":[],"_links":{"self":[{"href":"https:\/\/www.inuitcircumpolar.com\/staging\/wp-json\/wp\/v2\/posts\/3299","targetHints":{"allow":["GET"]}}],"collection":[{"href":"https:\/\/www.inuitcircumpolar.com\/staging\/wp-json\/wp\/v2\/posts"}],"about":[{"href":"https:\/\/www.inuitcircumpolar.com\/staging\/wp-json\/wp\/v2\/types\/post"}],"author":[{"embeddable":true,"href":"https:\/\/www.inuitcircumpolar.com\/staging\/wp-json\/wp\/v2\/users\/1"}],"replies":[{"embeddable":true,"href":"https:\/\/www.inuitcircumpolar.com\/staging\/wp-json\/wp\/v2\/comments?post=3299"}],"version-history":[{"count":1,"href":"https:\/\/www.inuitcircumpolar.com\/staging\/wp-json\/wp\/v2\/posts\/3299\/revisions"}],"predecessor-version":[{"id":987515516,"href":"https:\/\/www.inuitcircumpolar.com\/staging\/wp-json\/wp\/v2\/posts\/3299\/revisions\/987515516"}],"wp:attachment":[{"href":"https:\/\/www.inuitcircumpolar.com\/staging\/wp-json\/wp\/v2\/media?parent=3299"}],"wp:term":[{"taxonomy":"category","embeddable":true,"href":"https:\/\/www.inuitcircumpolar.com\/staging\/wp-json\/wp\/v2\/categories?post=3299"},{"taxonomy":"post_tag","embeddable":true,"href":"https:\/\/www.inuitcircumpolar.com\/staging\/wp-json\/wp\/v2\/tags?post=3299"}],"curies":[{"name":"wp","href":"https:\/\/api.w.org\/{rel}","templated":true}]}}