Maajji 9, 2023 \u2013 Nuuk, Kalaa\u0142\u0142iit Nunaat \u2013 Pinasuarusiulauqtumi angirutaujuq sapujjauninginnut kajusiinnarunnaqtukkullu atuqtauninginnut tariuni iniit imainnarni akunialuk aggilauqtuq kisiani sivumuarutittiavaulluni, malittugit uqaqtangit Inuit Ukiuqtaqtumiuqatigiit Katimajjingit. <\/p>\n\n
Anigulauqtillugit arraagunut angiqatigiigasungniit, nutaaq nunarjuarmut piqujatigut maligialik angiqatigiiguti ikajurniaqtuq sapujjaullattaarnirnut marruit pingasunit nunarjuap tariunginnik ungataaniittunut gavamaqatigiit pilirijunnaqtanginnit. <\/p>\n\n
\u201cInuit takujaraangamik tariurmik, takujugut tariurmik katittijuq uvattinnik avissimatittinngingaaqtuni,\u201d uqaqtuq Siara Ulsvig, Inuit Ukiuqtaqtumiuqatigiit Katimajingita Nunarjuarmut Issivautanga. \u201cTariut inuusirijaujut Inunnut inulimaanullu nunarjuarmi.\u201d<\/p>\n\n
\u201cTariurmiut nirjutiit, Iqaluit tingmiallu upasuut Ukiuqtaqtumut, inuusirmigut niqiqaqtippaatigut Ukiuqtaqtuullu Tariunga niqissaqattiaqtuni qiturngiurviuvut unuqtunut nunarjuap uumajuruluujanginnut,\u201d Ulsvig uqaqtuq. \u201cInuit tariurmiutaullutik Inuujut \u2013 tunngajugut sijjanut, tariunut tariullu sikuanut niqiqarunnarnittinnut, iliqqusituqattinnut kiinaujanullu. Inuit tautuktanginnit, Inuit pijunnarningititut, uumajulimaat ilagiiqatigiittut, atuniingajut \u2013 atauqsiq attuqtauguni tamakkiilimaanut attuingmat iluani katinngajut uumajuuqatigiingittunut sanasimajunut uumangittunut, uumajunut iliqqusituqanut ilanginnut.\u201d<\/p>\n\n
Lisa Qupirrualuk, Inuit Ukiuqtaqtumiuqatigiit Katimajingit Kanatami Angajuqqaanga, ilaulauqtuq angiqatigiigasuttuni nipiqaqullugit Inuit taakkutiguunaq. \u201cIttarnit, Kinguvaariinit qaujijaujut inuuqatigittiarnittinnullu tariurmiut avatingit piviqaqtittisimavuq ajjiungittumik qaujimavvinmmik Ukiuqtaqtumi tariurni uumajuuqatigiingittunut, sigjanut, tariurnut tariullu sikunginnut ajjiunatik taimaittuujut tamaani.\u201d <\/p>\n\n
Qupirrualuk uqalauqtuq Nunaqaqqaaqtut qaujimajangit ilaliusimammata Inuit uqausinginnut, iliqqusituqanginnut uppirijanginnut pilirijjusinginnullu. \u00a0\u201cUvattinnik taututtugut uumajutitut saniani asiit uumajut tariurni sijjanilu tariurni,\u201d Qupirrualuk uqaqpuq. \u201cAsijjiliqtumi nunarjuattinni, Nunaqaqqaaqtut qaujimajangit pirjuangujut inulimaanut, ilisarijaujarialiit pillattaatitut, annirnaqtutut tukisijaulutillu saniani kiglisiniarnikkut qaujimajaujunut.\u201d \u00a0<\/p><\/p>\n\n
Nunaqaqqaaqtut qaujimajangit piqasiujjaujut tavvani nutaarmi angiqatigiigutimi iluaniikkami 2018. Qitiani Ukiuqtaqtumi Tariurmut angiqatigiigutimi atuliqtittilauqtuq 16 arraagunut iqalugasugiaqanginnirmik quttittumi Ukiuqtaqtumi. Tamakkiik angiqatigiigutiik tikkuaqsivuuk pilirianginnik Nunaqaqqaaqtut Inuit katujjaulutillu sanajauningit qaujimajaujunik. <\/p>\n\n
\u201cQitiani Ukiuqtaqtumi Tariuq nunarjuamiunut tariunguvut angiqatigiigutilu sulikkanniuvuq nunarjuamiunut angiqatigiiguti Inuit nipiqarvigilluniuk ikajuqtutillu qaujimaniqtigut,\u201d uqaqtuq Qupirrualuk. <\/p>\n\n
\u201cKatujjaulutik sanajauningit qaujimajaujunik sanajaujariaqaqput piqqusikkut malittunik Inungnut asinullu Nunaqaqqaaqtunut nungnut pijunnautiqaramik \u2013 qaujimajitaullutillu \u2013 naukkulimaaq qaujisarniqtigut attuajunullu pilirijunut,\u201d uqaqtuq Uslvig. \u201cNunaqaqqaaqtut qaujimajangit aturialiit saattinirnut attuajunut tariurnut, uumajuuqatigiingittunut unurninginnut silaillu asijjirninginnit assururjuaqtunut.\u201d <\/p>\n\n
\u201cInuit sivunianiittut unuqtunut nunarjuarmi assururjuaqtunut silait asijjirninginnit, uumajuuqatigiingittunik asiujinirnit surunullu taimaimmallu takuvavut taanna angiqatigiiguti Kunning-Manturialmi Nunarjuarmi Uumajuuqaitigiingittunut Tunngavillu pirjuatitut piliriniqtitut sivumut irngutattinnut.\u2019 Qupirrualuk uqakanniqtuni. \u201cNunarjuarmi qanuittiarialiit saputilugu Ukiuqtaqtuq Inungnillu pattaktauvuq taanna sivumuarniq.\u201d<\/p>\n\n
Taanna angiqatigiiguti ippigusuktuq Gavamaqatigiingittut Uqaqtanganut Pijunnarninginnut Nunaqaqqaaqtut Inuit Akiqangittukkullu Sivuniani Tusaumajunut angirnirnut, ilisaqsivuq atuutiqarninginnik Nunaqaqqaaqtut qaujimajangit pijunnarninginnullu Nunaqaqqaaqtut Inuit Inuillu tiliurivut tamakkiinik gavamanik taanna atuliqtiqullugu angiqatigiiguti atuliqtillattaarlugulu nukiqarluni. Taanna nunarjuaq tunngajuq taassumunga. <\/p>\n\n
-30-<\/p>\n\n
Uqaqatigiguk:<\/strong><\/p><\/p>\n\n