Uppigijaqaqqugut piliriattinni saqqilaurnitinni Ukiuqtaqtumi Katimajinik 1996−mi, piluaqtumi assuruqattarninginni Inuit Ukiuqtaqtumiuqatigiit Katimajingit Issivautanga Miali Saiman. Ilaak, saqqilauqsimajuq tamanna Aatuaami, Kanatamilu sivulliqpaami Issivautaulauqsimajuq 1996-mi 1998−mut. Ukiuqtaqtuup Katimajingit tisamaujuqtuullutit Ukiuqtaqtumiinngaaqtut − Kanatami, Mialigait Nunanganni, Nuavai, Vinlan, Suiitan, Ulaasaa, Aislan Tanmaakmilu. Inuit Ukiuqtaqtumiuqatigiit Katimajingit pingasuutuqtunik Nunaqaqqaaqtuminirnit Ilagijaunginnaqtuq Katujjiqatigiimit.
Ilagijaunginnaqtunit Ukiuqtaqtuup Katimajinginnut ikajuqtuqtaujuq Nunaqaqqaaqtuminirnut Allavinganni, tuttarviqaqtuni Turuum, Nuavaimi.
Ukiuqtaqtuup Katimajingit piliriijuqpaaluuvattut naarijunit, pillarialunnik, avatilirinirmut uumajurnaqtulimaat avatittinni ammalu inulirinirmit Qaujisarunnaqtutit Parnattiit (ACAP, AMAP, CAFF, EPPR, PAME, ammalu SDWG), Inuit Ukiuqtaqtumiuqatigiit Katimajingit piliriqatauvattut tamakkuninga. Nalunaijaqsimattiarniqsamit pitalik qanuiluuqattarninginni malittutit titiraqsimaninginni Inuit Ukiuqtaqtumiuqatigiit Katimajingit (Kanata) Arraagutamaaqsiutinganni Unikkaarnit, ammalu Qanuiliurniuvattunit Unikkarnit Katimavijjuarniriqattatinni.
Ukiuqtaqtuup Katimajingitta qarisaujakkut tukisigiarutingit arctic-council.org