Inuit Ukiuqtaqtumiuqatigiit Katimajingit upigijaqaqtut piliriaminit ukiugasarnut tigusilauqtutillu Silarjuap Katujjiqatigiingita nalunaiqsininginni pijunnautinginni Nunaqaqqaaqtuminirnit 2007−mi. Tamanna paippaat ajjiungittut atuqtaujunnaqtut Inunnut assuruutinginnut paqqittinasuarnirmut inuit pijunnautinginni, piqqusituqarnit, makimajjutissanit, katimajiunirmillu pivalliajunik.

Tigujaulauqsimajut amisualunnullu niruaqtaullutit 144−nut nunalirjuanut avittuqsimajunut Sitipiri 13−ngutillugu, 2007. Tisamanut nunalirjuanut niruaqtutit naammasarnatit – Kanata, Mialigait, Asturailia ammalu Nuu Siilan. Kanatami utiqtittittaliqqut niruarnirminit 2016−mi. Asingit silarjuami avittuqsimajunik asijjiittalirivut niruarnirminit.

Silarjuami Katujjiqatigiit Nalunaiqtausimaningit Pijunnautingita Nunaqaqqaaqtuminiit nalunaikkusiqsuillutit nunaqaqqaaqtuminirnit unniluqsautiminirnit, ullumilisarnit assuruutaujunik inulirinirmullu makimajutissanullu, katimajiunirmullu piqqusirnullu ammalu isulittillutillu akuniqpaaluk assurutausimajunik nunaqaqqaaqtuminit katujjiqatigiinnit tusaqtaukannirumallutit silarjuami, ilisarijaulutillu pijumajavut, ammalu ikajuqtuqtauluta asinginnu katimajjutiuvattunik.

Ajjigiinngittunit nunaqaqqaaqtuminirnit nuattilutit pijunnautingita Nalunaiqtauninginni tamanna. Tamakkua pijunnautiit katimajiunirmut, makimajjutissanut, inulirinirmut, piqqusilirinirmut, uppirijaqarnirmut avatittinillu, piqasiutillugillu namminiq pijumaninginni.

Taimanngani tigujaulaurngata Inuit Ukiuqtaqtumiuqatigiit Katimajingit atuqsimaliqtut Silarjuami Katujjiqatigiit Nalunaiqtausimaningit Pijunnautingita Nunaqaqqaaqtuminiit Sivumuakkannirasuarlutit Inuit Pijunnautingit Kamagijauninginni, ammalu Nilliagutaulutit asingit. Inuit Ukiuqtaqtumiuqatigiit Katimajingit piliriqatiqaqsimajut asinginni Nunaqaqqaaqtuminiit Katujjiqatigiinginni ippiajummiutassanik titiraqsimajunit tamatuminga Silarjuami Katujjiqatigiit Nalunaiqtausimaningit Pijunnautingita Nunaqaqqaaqtuminiit. Piqasiujjisimajugut qarasaujakkut tukisigiarutinit PDF−ngulluni.