ᐅᓛᒃᑯᑦ! ᐊᓲᔪᑎᑦ ᐊᒻᒪ ᑐᙵᓱᒋᑦ ᐹᑦᑳᔅᑦᒧᑦ ᑕᐃᔭᑦᑎᓐᓄᑦ ᐅᓂᒃᑳᑦ.
ᐃᓄᒃᑎᑐᑦ, ᐅᓂᒃᑳᖅᑐᐊᑦ ᑐᑭᖃᖅᐳᑦ ᐅᓂᒃᑳᖅᑐᐊᑦ, ᑎᑎᖅᑲᑦ ᐊᒻᒪ ᐅᓂᒃᑳᓕᐊᖑᓯᒪᔪᑦ.
ᐅᖃᐅᓯᖅᑕᖏᒻᒪᑦ ᐅᓂᒃᑳᕐᓂᕐᒨᖓᔪᒥᒃ ᐊᔾᔨᒌᒥᒃ ᐅᑭᐅᖅᑕᖅᑐᒥᐅᓕᒫᓂᑦ – ᑲᓇᑕᒥ ᐊᒻᒪᓗ ᑲᓛᖦᖡᑦ ᓄᓈᓐᓂ ᐅᓂᒃᑳᖑᔪᖅ.
ᐊᓛᔅᑲᒥ ᐃᓄᐱᐊᕐᒥ ᐅᓂᑉᑳᑦ. ᓯᐳᐊᓐ ᔪᐱᒃ ᓱᑯᑦᑲᒥᑦ ᐅᖏᐸᒡᕼᐊᑦ.
ᐊᓯᖏᓐᓂᑦᑕᐅᖅ ᐅᖃᐅᓯᖃᕐᒥᒻᒪᑕ, ᓲᕐᓗ ᓂᒋᐊᓂᑦ ᐊᓛᔅᑲᐅᑉ ᔫᐱᖅ ᑕᐃᒍᓯᖓ ᓇᓪᓗᓇᐃᕈᑎᖑᔪᖅ.
ᑖᓐᓇ ᐹᑦᑳᔅᑦ, ᓴᖅᑭᑕᐅᓚᐅᖅᓯᒪᔪᖅ ᐋᒡᒌᓯ 2020−ᒥ, ᐅᓂᒃᑳᑲᑕᒍᑕᐅᕗᖅ, ᐅᓂᒃᑳᖅᑕᐅᓪᓗᓂᓗ ᑎᓴᒪᓂᒃ ᐅᑭᐅᖅᑕᖅᑐᒥᐅᓂᒃ 180,000−ᓂᒃ ᐃᓄᓐᓂᒃ ᓄᓇᖃᖅᑐᑎᒃ − ᐊᓛᔅᑲᒥ, ᑲᓇᑕᒥ, ᑲᓛᖦᖡᑦ ᓄᓈᓐᓂ ᐊᒻᒪ ᓱᑯᑦᑲᒥ ᐅᓛᓯᐊᒥ.
ᑕᐃᔭᕗᑦ ᐃᓄᐃᑦ ᓄᓇᖏᑦ ᑐᑭᖃᖅᑐᖅ “ᐃᓄᐃᑦ ᐊᖏᕐᕋᖏᑦ”.
ᖃᓪᓗᓈᑎᑐᑦ ᑕᐃᕙᑉᐸᕗᑦ ᐹᑦᑳᔅᑦ “ᐅᑭᐅᖅᑕᖅᑑᑉ ᒪᓪᓕᖏᑦ” ᐱᓪᓗᒍ ᐅᓂᒃᑳᕗᑦ ᐊᒻᒪ ᐅᓂᒃᑳᓕᐊᕗᑦ ᐊᒻᒪ ᒪᓕᑉᐸᑦᑐᑦ ᓯᓚᕐᔪᐊᕐᒥ.
ᑖᒃᑯᐊ ᒪᓕᒑᑦ “ᐅᑭᐅᖅᑕᖅᑐᖅ” ᓲᖃᐃᒻᒪ ᑖᓐᓇ ᐹᑦᑳᔅᑦ ᓴᓇᔭᐅᓲᖑᖕᒪᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ − ᐅᕝᕙᓘᓐᓃᑦ ICC – ᐱᒋᐊᖅᑎᑕᐅᓚᐅᖅᓯᒪᔪᖅ 1970 ᕿᑎᕈᔪᐊᓂ.
ᑕᐅᑐᙳᐊᖅᑕᐅᔪᖅ ᐱᒋᐊᖅᑎᑦᑎᔨᑦᑎᓐᓄᑦ – ᐃᐹᓐ ᕼᐋᑉᓴᓐ ᐅᕿᐊᕐᕕᖕᒥᙶᖅᑐᖅ, ᐊᓛᔅᑲᒥᑦ − ᐃᓄᐃᑦ ᑲᑎᓐᓇᓱᓚᐅᖅᑐᑦ.
1976-ᖑᑎᓪᓗᒍ, ᐃᐸᓐ ᑲᑎᖅᓱᐃᓚᐅᖅᓯᒪᕗᖅ ᐃᓄᓐᓂᒃ ᑲᓇᑕᒥ ᑲᓛᖦᖡᓪᓗ ᓄᓈᓐᓂ ᐸᕐᓇᐃᓪᓗᑎᒃ ᑲᑎᒪᓪᓗᑎᒃ ᑕᐃᔅᓱᒪᓂ ᐹᕈ ᐊᓛᔅᑲᒥ. ᑕᒪᓐᓇ ᓯᕗᓪᓕᖅᐹᑦᑎᐊᖑᓪᓗᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᒪᓕᒐᓕᐅᖅᑎᖏᓐᓄᑦ 1977-ᖑᑎᓪᓗᒍ.
1980-ᒥ ᒪᓕᒐᓕᐅᖅᑏᑦ ᑲᓛᖦᖡᑦ ᓄᓈᓐᓂ, ᑲᑎᒪᓚᐅᖅᓯᒪᒻᒪᑕ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᓵᑕᖏᑦ ᐊᒻᒪᓗ ᒪᓕᒐᕋᓛᖏᑦ ᐊᑐᓕᖅᑕᐅᓚᐅᖅᓯᒪᒻᒪᑕ ᑕᐃᒪᙵᓂᓪᓗ ᓴᙱᔫᓕᖅᑐᑕ.
ᑕᐃᒪᓕ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᖃᓄᐃᓕᐅᖅᐸᑉᐸᑦ?
ᓇᐃᓈᕐᓗᒍ, ᐃᓄᐃᑦ ᓂᐱᖏᑦ ᓂᐱᖏᑦ ᓄᓇᕐᔪᐊᕐᒥ ᐊᓐᓂᑭᑦᑐᕐᕕᒻᒧᑦ.
ᐃᐹᓐ Hᐅᑉᓇᓐᑯᑦ ᑕᐅᑐᖅᑰᖅᑕᖓ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐃᓚᒋᔭᐅᓇᔭᕐᓂᖏᓐᓂᒃ ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦ, ᑕᒪᓐᓇᓗ ᐊᓂᒍᖅᑎᓚᐅᖅᑐᑎᒍ 1980−ᖏᓐᓂ, ᐱᓪᓗᑕ ‘ᐅᖃᖃᑎᖃᕐᓂᕐᒧᑦ ᖃᓄᐃᓕᖓᓂᖓᓂᒃ’ ᐅᕙᑦᑎᓐᓂᒃ ᐱᕕᔅᓴᖃᖅᑎᑦᑎᓪᓗᓂ ᐃᓚᐅᔪᓐᓇᕐᓂᕐᒥᒃ ᓄᓇᕐᔪᐊᕐᒥ ᑲᑐᔾᔨᖃᑎᒌᒧᑦ ᑎᒥᒋᔭᐅᔪᓄᑦ.
ᐊᑑᑎᖃᒻᒪᕆᓚᐅᖅᑐᒍᑦ ᓴᖅᑭᑦᑎᓂᓐᓂᑦ ᐅᑭᐅᖅᑕᖅᑐᒥᑦ ᑲᑎᒪᔨᓂᑦ 1990 ᕿᑎᖏᓐᓂᑦ − ᓄᓇᕐᔪᐊᒥᑦ ᐃᔅᓯᕙᐅᑕᐅᓚᐅᖅᓯᒪᔪᖅ, ᒥᐊᓕ ᓴᐃᒪᓐ, ᑐᙵᕕᓪᓗᐊᑕᕆᔭᐅᓚᐅᖅᑐᖅ.
ᐊᒻᒪᓗ, ᐊᕐᕌᒍᒐᓴᓐᓄᑦ ᐃᓚᒋᔭᐅᓚᐅᖅᑐᒍᑦ ᓄᓇᖃᖅᑳᖅᓯᒪᔪᓂᑦ ᐊᔭᐅᖅᑐᐃᔨᓂᑦ ᐃᓚᐅᔪᓂᑦ ᑎᑎᕋᖅᑕᐅᙵᖅᑎᓪᓗᒍ ᓄᓇᕐᔪᐊᒥᑦ ᑲᑐᔾᔨᖃᑎᒌᑦ ᓱᓕᓂᕋᕈᑖᓂ ᐱᔪᓐᓇᓐᓂᕆᔭᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ, ᐊᑐᓕᖅᑕᐅᓚᐅᖅᓯᒪᔪᖅ ᓄᓇᕐᔪᐊᒥᑦ ᑲᑐᔾᔨᖃᑎᒌᒃᑯᓐᓄᑦ 2004−ᒥᑦ.
ᓄᓇᕐᔪᐊᕐᒥ ᐃᔅᓯᕙᐅᑕᕆᔭᐅᓚᐅᖅᑐᖅ, ᑕᓖ ᓵᒻᐴ ᑐᕉᕝ ᐱᓪᓗᐊᑕᐅᖃᑕᐅᕗᖅ ᑕᒪᑐᒪᓂ ᐱᓕᕆᑎᓪᓗᑕ.
ᐅᖃᐅᓯᖃᖅᓯᒪᕗᒍᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᓄᓇᑦᑎᓐᓂ ᐊᕐᕌᒍᒐᓴᓐᓄᑦ. ᐃᓄᐃᑦ ᓄᓇᕐᔪᐊᒥᑦ ᑐᙵᕕᖃᖅᐳᑦ ᐊᕐᕌᒍᑕᒫᖅᓯᐅᑎᒥᑦ ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᖏᓐᓄᑦ ᑲᑎᒪᓂᕐᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ.
ᓄᓇᕐᔪᐊᕐᒥ ᑎᒥᓪᓗᐊᑕᕐᒦᑉᐳᒍᑦ ᓲᕐᓗ ᐊᖏᖃᑎᒌᒍᑎᓂᒃ ᐆᒪᔪᑦ ᐊᔾᔨᒌᙱᕈᓘᔭᖅᑐᑦ, ᐊᖏᖃᑎᒌᒍᑎᖓ ᓄᓇᕐᔪᐊᕐᒥ ᑕᐅᖅᓰᖃᑎᒌᒍᓯᖅ ᓄᖑᑐᐃᓐᓇᕆᐊᓕᓐᓄᑦ ᐆᒪᔪᓄᑦ, ᐊᒻᒪ ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐱᐅᖅᓱᐊᕐᓂᕐᒧᑦ ᓄᓇᒥᙶᖅᑐᓂᒃ ᓴᐳᔾᔨᔾᔪᑎᓂᒃ ᐆᒪᔪᕐᓂᒃ, ᐊᒻᒪ ᐊᖑᓇᓱᒍᓐᓇᕐᓂᕗᑦ.
ᓄᓇᕐᔪᐊᕐᒥ ᑲᑎᒪᔪᓃᑉᐳᒍᑦ ᐅᓗᕆᐊᓇᖅᑐᒦᑦᑕᐃᓕᖁᓪᓗᒋᑦ ᐊᑐᖃᑦᑕᕐᓂᖅ ᓱᕈᕐᓇᖅᑐᓂᒃ, ᐅᑭᐅᖅᑕᖅᑐᕐᒧᐊᖃᑦᑕᖅᑐᑦ ᐃᒪᒃᑯᑦ ᐃᖏᕐᕋᓂᒃᑯᑦ, ᐊᒻᒪ ᓯᓚᒃᑯᑦ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᓐᓄᑦ ᓄᓇᕐᔪᐊᕐᒥ ᐃᔅᓯᕙᐅᑕᐅᓚᐅᖅᑐᖅ, ᓰᓚ ᐅᐊᑦ-ᑯᓘᑎᐊ, ᐃᑲᔪᓚᐅᖅᐳᖅ ᐋᔩᖃᑎᖃᕐᓂᕐᒥᒃ ᓯᑖᒃHᐅᒻᒥ ᑲᑎᒪᕐᔪᐊᖅᑐᓂᒃ ᓱᕈᖅᑎᕆᕙᓪᓕᐊᖏᓐᓇᖅᑐᓂᒃ, ᐃᒪᓐᓇ ᖃᐅᔨᒪᔭᐅᓪᓗᓂ POPs.
ᐊᕐᕌᒍᐃᑦ ᓯᑕᒪᑦ ᓈᒐᐃᑉᐸᑕ ᑲᑎᑎᑦᓯᕙᑦᑐᒍᑦ ᐅᑭᐅᖅᑕᖅᑐᒥ. ᐃᓄᐃᑦ ᑲᑎᒪᔭᖅᑐᖅᓯᒪᔪᑦ ᑎᓴᒪᐅᔪᓂᑦ ᓄᓇᓕᕐᔪᐊᓂᑦ ᑲᑎᖃᑦᑕᖅᑐᑦ ᐱᓇᓱᐊᕈᓯᕐᒧᑦ ᐅᖃᐅᓯᖃᖅᑐᑎᒃ ᒐᕙᒪᓕᕆᓂᕐᒥᑦ, ᐃᓅᓯᓕᕆᓂᕐᒥᑦ ᐊᒻᒪᓗ ᒪᑭᒪᒐᓱᐊᕐᓂᕐᒥᑦ, ᐊᒻᒪᓗ ᑲᑐᔾᔨᓂᕐᒥᑦ ᓂᕿᓂᑦ ᐊᒻᒪᓗ ᐃᓕᖅᑯᓯᐅᔪᓂᑦ.
ᒪᓕᒐᓕᐅᕐᕕᒃ ᐋᖅᑭᒃᓯᓪᓗᓂ ᐃᓕᓐᓂᐊᒐᔅᓴᒥᒃ ICC−ᒧᑦ ᐊᕐᕌᒍᓄᑦ ᑎᓴᒪᓄᑦ.
ᑕᐃᒪᑐᖅ ᐹᑦᑳᔅᑦᕗᑦ ᖁᕕᐊᒋᓂᐊᖅᐸᓯᐅᒃ ᐃᓕᑦᑎᐊᕐᔪᒡᓗᓯᓗ ᐅᑭᐅᖅᑕᖅᑐᒥ ᐱᔾᔪᑕᐅᓲᓂᒃ ᑕᐅᑐᖅᑰᖅᑕᑦᑎᒍᑦ − ᑕᐅᑐᖅᑰᖅᑕᐅᔪᑦ ᐃᓄᓐᓄᑦ ᓄᓇᖃᖅᓯᒪᔪᓄᑦ ᐃᓄᐃᑦ ᓄᓇᖓᓐᓂ ᐅᑭᐅᒐᓴᓐᓄᑦ.
ᓇᓂᔪᓐᓇᕐᒥᔭᑎᑦ ᑕᕐᕆᔮᔅᓴᑦ ᐹᔅᐳᕋᐅᑦᒥ ᐅᕙᓂ:
ᓇᓂᔪᓐᓇᕐᒥᔭᑎᑦ ᐋᐳ ᐹᑦᑳᔅᑦ, ᓯᐹᑦᑎᕙᐃ ᐊᒻᒪ ᒎᒎᓪᒥ. ᑐᓴᕋᓐᓈᑦᓯᐊᕆᑦ!
