ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᖃᐅᔨᓴᖃᑦᑕᖅᓯᒪᑕ ᐱᕙᓪᓕᐊᓂᖏᓐᓂ ᑕᒪᒃᑯᓂᖓ ᐃᓄᐃᑦ ᓯᓚᑐᓂᖏᑦᑕ ᐱᖁᑎᖏᓐᓂ ᐱᔪᓐᓇᐅᑎᖏᓐᓂ. ᑕᒪᒃᑯᐊ ᖃᐅᔨᒪᔭᑐᖃᐃᑦ ᐊᔾᔨᐅᖏᑦᑐᑦ ᐊᑐᖅᑕᐅᖏᓐᓇᖅᑐᑎᓪᓗ, ᐱᖅᑯᓯᑦᑎᓂᓪᓗ ᐅᖃᐅᓯᖃᖅᐸᑦᑐᑎᑦ ᐊᒻᒪᓗ ᐱᑐᖃᕐᓂᑦ ᐅᓂᒃᑳᖃᖃᑦᑕᖅᑐᑎᑦ. ᑕᒪᓐᓇ ᐊᑐᐃᓐᓇᖅᑕᕗᑦ ᓯᓚᕐᔪᐊᒥ ᓯᓚᑐᓂᕐᒧᑦ ᐱᖁᑎᒋᔭᐅᔪᓂᒃ ᑲᑐᔾᔨᖃᑎᒌᓐᓄᑦ ᒐᕙᒪᓕᕆᔩᑦ ᑲᑎᒪᔨᖏᑦ ᓯᓚᑐᓂᕐᒧᑦ ᐱᖁᑎᓐᓄᑦ ᓇᑭᓐᖔᖅᓯᒪᓂᖏᓐᓂᓪᓗ ᐊᑐᐃᓐᓇᐅᔪᓂᒃ, ᐱᖅᑯᓯᑐᖃᒃᑯᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᐅᓂᒃᑳᖅᑐᐊᑐᖃᕐᓂᑦ. ᑲᑎᒪᔨᕋᓛᑦ ᐊᐃᕙᕙᓪᓕᐊᓕᖅᑐᑦ ᐱᖁᔭᔅᓴᖏᓐᓂ ᑐᕌᒐᒋᓂᐊᖅᑕᖏᓐᓂ ᐊᒻᒪᓗ ᒪᓕᒐᔅᓴᕆᓂᐊᖅᑕᖏᓐᓂ ᑕᒪᑐᒧᖓ ᓯᓚᑐᓂᕐᒧᑦ ᐱᖁᑎᒋᔭᐅᔪᓂᑦ ᒪᓕᒐᔅᓴᒥᑦ ᑖᒃᑯᓄᖓ ᖃᐅᔨᒪᔭᑐᖃᐃᑦ ᐊᔾᔨᐅᖏᑦᑐᑦ ᐊᑐᖅᑕᐅᖏᓐᓇᖅᑐᑎᓪᓗ ᐊᓯᔾᔨᖅᑕᐅᓂᐊᖅᑐᓂᑦ ᐱᑕᖃᕇᖅᑐᖅ ᒪᓕᒐᖅ, ᐊᔾᔨᓕᐅᖅᑕᐅᒋᐊᖃᕐᖏᑦᑐᖅ ᓂᐅᕐᕈᑕᐅᒋᐊᖃᕐᖏᑐᓪᓗ ᖃᐅᔨᒪᔭᑐᖃᐃᑦ ᐊᔾᔨᐅᖏᑦᑐᑦ ᐊᑐᖅᑕᐅᖏᓐᓇᖅᑐᑎᓪᓗ ᐱᔭᕇᖅᑲᑕ ᑭᖑᓂᖓᓐᓂ.

ᑖᒃᑯᐊ ᖃᐅᔨᒪᔭᑐᖃᐃᑦ ᐊᔾᔨᐅᖏᑦᑐᑦ ᐊᑐᖅᑕᐅᖏᓐᓇᖅᑐᑎᓪᓗ ᐊᒻᒪᓗ ᓄᓇᓕᒃ ᑲᑎᒪᑎᑦᑎᓚᐅᖅᓯᒪᔪᑦ ᑭᓯᐊᓂ ᒪᓕᒐᕐᓄᑦ ᐃᓕᑦᑎᐊᖅᓯᒪᓐᖏᒻᒪᑕ ᐱᖁᑎᓄᑦ ᒪᓕᒐᕐᓂᑦ, ᐱᔭᕆᐊᑐᒻᒪᑕ ᓇᓗᓇᐃᕋᓱᐊᖅᑐᒋᑦ ᓯᓚᑐᓂᐅᔪᑦ ᐱᖁᑎᖏᓐᓂᑦ ᒪᓕᒐᕐᓂᑦ. ᑕᐃᒪᐃᓐᓂᖓᓐᓄᑦ, ᓄᑖᕐᓂᑦ ᐅᖃᐅᓯᖃᕈᒪᒐᑦᑕ ᑖᒃᑯᓂᖓ ᐱᖅᑯᓯᑐᖃᒃᑯᑦ ᖃᐅᔨᒪᔭᑐᖃᖏᓐᓂ ᐊᒻᒪᓗ ᐅᓂᒃᑳᖅᑐᐊᑐᖃᕐᓂᑦ ᑲᑐᔾᔨᓂᕐᒥᑦ ᓇᒻᒥᓂᖃᐃᓐᓇᕐᓂᐊᕐᓗᑎᑦ ᑕᒪᒃᑯᓂᖓ ᐊᔾᔨᐅᖏᑦᑐᓂᑦ ᓯᓚᑐᓂᕐᒧᑦ ᐱᖁᑎᐅᔪᓂᒃ.