ᐱᓕᕆᐊᖑᒍᒪᔪᑦ ᑐᕌᒐᖏᓪᓗ

• ᐱᓕᕆᖃᑦᑕᖅᑐᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕᒥ) ᑲᒪᒋᓗᒋᑦ ᐱᓕᕆᐊᖑᓂᐊᖅᑐᑦ ᑐᕌᒐᖏᓪᓗ ᐃᒪᐃᑦᑐᑦ:
• ᑭᒡᒐᖅᑐᕐᓗᒋᑦ ᐱᔪᒪᔭᖏᑦ ᑲᓇᑕᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑎᒍᑦ (ᐃᓄᐃᑦ ᑕᐱᕇᑦ ᑲᓇᑕᒥ), ᓄᓇᓖᓪᓗ ᓇᓗᓇᐃᖅᑕᐅᓯᒪᓂᖏᑦ ᓄᓇᑖᕈᑏᑦ, ᓯᓚᕐᔪᐊᒥᓗ ᐊᑦᑐᐊᔪᓄᑦ;
• ᐱᐅᖅᓱᐊᕐᓗᒋᑦ ᓴᖅᑭᔮᖅᑎᓪᓗᒋᓗ ᐃᓄᐃᑦ ᐅᑭᐅᖅᑕᖅᑐᒥᐅᑕᐅᓂᖏᓐᓄᑦ ᐊᒻᒪᓗ ᐃᑲᔪᕐᓗᒋᑦ ᑲᓇᑕᒥᐅᑦ ᐃᓄᐃᑦ ᓂᓪᓕᐊᑎᓪᓗᒋᑦ ᐅᓛᓵᒥ, ᐊᓛᔅᑲᒥ ᑲᓛᖡᑦ ᓄᓈᓂ ᓯᓚᕐᔪᐊᒥᓗ;
• ᐱᓕᕆᖃᑎᖃᕐᓗᑎᑦ ᐃᓄᐃᑦ ᑕᐃᕇᑦ ᑲᓇᑕᒥ ᖃᓄᐃᓕᖓᓂᖏᓐᓂ ᐅᓂᒃᑳᖃᑦᑕᕐᓗᑎᑦ ᑲᓇᑕᒥᐅᑦ ᐃᓄᖏᑦ ᓯᓚᕐᔪᐊᒧᑦ;
• ᑭᒡᒐᖅᑐᕐᓗᒋᑦ ᑲᓇᑕᒥᐅᑦ ᐃᓄᐃᑦ ᑕᑯᓐᓇᖅᑕᖏᓐᓂ ᓯᕗᓕᖅᑏᑦ ᑲᑎᒪᔨᕋᓛᖏᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᓯᓚᕐᔪᐊᒥ) ᐊᑐᓕᖅᑎᓪᓗᒋᓪᓗ, ᑲᓇᑕᒥ, ᐱᖁᔨᕗᖔᕈᑏᑦ ᐊᕐᕌᒍᑕᒫᖅᓯᐅᑎᒦᙵᖅᑐᒥᓂᕐᓂᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂ;
• ᐱᓕᕆᖃᑎᖃᕐᓗᑎᑦ ᑯᐊᐳᕇᓴᐅᔪᓂᒃ ᐃᓄᐃᑦ ᓄᓇᑖᕈᑎᖏᓐᓂ ᑲᑐᔾᔨᖃᑎᒌᓐᓂᒃ ᓯᓚᕐᔪᐊᒨᖓᔪᓂᒃ;
• ᐱᔨᑦᑎᕐᓗᒋᑦ ᐊᐅᓚᑦᑎᓗᓂ, ᑐᑭᒧᐊᑦᑎᑦᑎᓗᓂᓗ ᐃᓄᐃᑦ ᑕᐱᕇᑦ ᑲᓇᑕᒥ, ᓴᖅᑭᔮᖅᑎᑦᑎᓂᕐᒧᑦ ᒪᑯᓂᖓ ᑲᓇᑕᒥᐅᑕᕐᓂᑦ ᐃᓄᓐᓂᑦ ᐊᒻᒪᓗ ᐅᓛᓵᒻᒦᙵᖅᓯᒪᔪᓂᒃ, ᐊᓛᔅᑲᒥ ᑲᓛᖡᑦ ᓄᓈᓂᓗ;
• ᐱᓕᕆᖃᑎᖃᕐᓗᑎᑦ ᑲᓇᑕᒥ ᐃᓄᓐᓂᑦ ᐊᑐᖅᑕᐅᑎᑦᑎᐊᕐᓗᒋᑦ ᓯᓚᕐᔪᐊᒥ ᐱᔪᓐᓇᐅᑎᖏᑦ ᐱᔪᒪᔭᖏᓪᓗ ᓄᓇᖃᖅᑳᖅᑐᒥᓂᐅᑕᐅᓗᑎᑦ ᑲᓇᑕᒥ ᓯᓚᕐᔪᐊᒥᓗ;
• ᓯᓚᕐᔪᐊᒥ ᐊᖁᑎᐅᓗᑎᑦ ᑲᓇᑕᒥᐅᑕᓕᒫᓂᑦ ᐃᓄᓐᓂᑦ ᓂᓪᓕᐊᔨᐅᖃᑦᑕᕐᓗᑎᑦ ᐃᓱᒫᓘᑎᖏᓐᓂ ᓯᓚᕐᔪᐊᒧᑦ ᑎᒥᐅᔪᓄᑦ, ᓯᓚᕐᔪᐊᒥᓗ ᑲᑎᒪᓂᐅᔪᓄᑦ, ᒐᕙᒪᐅᓪᓗ ᐃᓗᐊᓂ ᑎᒥᐅᔪᓄᑦ, ᓯᓚᕐᔪᐊᒥ ᒐᕙᒪᐅᙱᑦᑐᓄᑦ ᑲᑐᔾᔨᖃᑎᒌᓐᓄᑦ, ᐊᒻᒪᓗ ᓯᓚᕐᔪᐊᒥ ᓄᓇᖃᖅᑳᖅᑐᒥᓂᕐᓄᑦ ᐱᒋᐊᕈᑎᖃᖃᑦᑕᖅᑐᓂᑦ;
• ᐱᓕᕆᕙᓪᓕᐊᓗᑎᑦ ᓯᓚᕐᔪᐊᒥ ᐸᖅᑭᑦᑎᓂᕐᒥᑦ ᐅᑭᐅᖅᑕᖅᑑᑉ ᐊᕙᑎᖓᓐᓂ ᓱᓇᒃᑯᑖᖏᓐᓂᓪᓗ ᓄᖑᓴᑦᑕᐃᓕᓗᒋᑦ ᓯᕗᓂᑦᑎᓐᓄᑦ ᐱᔭᐅᔪᒫᕐᓂᖏᓐᓄᑦ ᑲᓇᑕᒥᐅᑕᕐᓄᑦ ᐃᓄᓐᓄᑦ ᐱᕚᓪᓕᕈᑕᐅᑦᑎᐊᖁᓪᓗᒋᑦ ᓄᓇᒦᑦᑐᑦ ᐃᒪᕐᒦᑦᑐᑦ ᐱᕈᖅᑐᐃᓪᓗ;
• ᑲᒪᖃᑦᑕᕐᓗᑎᑦ ᓯᓚᕐᔪᐊᒥ ᒪᑯᓂᖓ ᐸᖅᑭᑦᑎᓂᕐᒧᑦ ᓴᖅᑭᔮᖅᑎᑦᑎᓂᕐᒧᓪᓗ ᐃᓄᐃᑦ ᐱᔪᓐᓇᐅᑎᖏᓐᓂ ᒪᑯᓄᙵᖔᔪᓂᒃ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᐱᖅᑯᓯᓕᕆᓂᕐᒧᑦ, ᐅᖃᐅᓯᓕᕆᓂᕐᒧᑦ, ᐅᑉᐱᕆᔭᕐᓄᑦ, ᐃᓄᓐᓄᑦ ᐱᔪᓐᓇᐅᑎᓄᑦ, ᐅᕝᕙᓘᓐᓃᑦ ᐊᓯᖏᓐᓂ ᐱᓕᕆᐊᖑᔪᓂᒃ ᐊᑦᑐᐃᓂᖃᕐᓂᕐᒥᑦ ᐃᓄᓐᓂᑦ ᖃᓄᐃᑦᑑᒐᔭᕐᓂᖓᓐᓂ ᓯᕗᓂᑦᑎᓐᓂ ᐃᓅᖃᑎᖏᓐᓂ ᓯᓚᕐᔪᐊᒥ ᐅᑭᐅᖅᑕᖅᑐᒥᐅᖑᖃᑎᖏᓐᓂ ᐊᒻᒪᓗ ᓯᓚᕐᔪᐊᒥ;
• ᐱᓕᕆᖃᑕᐅᖃᑦᑕᕐᓗᑎᑦ ᓯᓚᕐᔪᐊᒥ ᑎᒍᓯᕙᓪᓕᐊᓗᑎᑦ ᑕᐅᖅᓰᓂᕐᒨᖓᔪᓂᒃ ᐱᕙᓪᓕᐊᓂᕐᒧᓪᓗ ᑲᓇᑕᒥᐅᑕᕐᓄᑦ ᐃᓄᓐᓄᑦ ᐃᑲᔪᕐᓗᒋᓪᓗ ᐱᕙᓪᓕᐊᓇᓱᐊᖅᑎᓪᓗᒋᑦ ᓇᒻᒥᓂᖃᕐᓂᕐᒥᑦ ᓇᒥᑐᐃᓐᓇᑦᑎᐊᖅ;
• ᓴᖅᑮᑲᓐᓂᕐᓗᑎᑦ ᑲᓇᑕᒥᐅᑕᕐᓂᑦ ᐃᓄᓐᓄᑦ ᖃᓄᐃᒍᑕᐅᖃᑦᑕᖅᑐᓂᒃ ᐃᓱᒫᓘᑎᐅᔪᓂᓪᓗ ᐃᓄᓐᓂᑦ ᐅᓛᓵᒥ, ᐊᓛᔅᑲᒥ, ᑲᓛᖡᑦ ᓄᓈᓂ ᐊᒻᒪᓗ ᒪᓕᒐᓕᕆᓂᑦᑎᒍᑦ ᑲᓇᑕᒥᐅᑕᕐᓂᑦ ᐃᓄᓐᓂᑦ ᐃᑲᔪᖃᑦᑕᕐᓗᓂ ᑕᐃᒪᐃᒋᐊᖃᖅᑲᑕ;
• ᐅᖃᖃᑎᖃᐃᓐᓇᖃᑦᑕᕐᓗᑎᑦ ᒥᓂᔅᑕᐃᑦ ᑲᓇᑕᒥ ᒐᕙᒪᒃᑯᖏᓐᓂ ᑕᒪᒃᑯᓂ ᐱᒻᒪᕆᐅᔪᓂᒃ ᓯᓚᕐᔪᐊᒥ ᐱᓚᕆᐅᓂᖏᓐᓂ ᐃᓄᖏᓐᓂ ᑲᓇᑕᒥᐅᑕᕐᓂᑦ;
• ᐅᖃᖃᑎᖃᐃᓐᓇᖃᑦᑕᕐᓗᑎᑦ ᒥᓂᔅᑕᐃᑦ ᑲᓇᑕᒥ ᒐᕙᒪᒃᑯᖏᓐᓂ ᑕᒪᒃᑯᓂ ᐱᒻᒪᕆᐅᔪᓂᒃ ᐃᓄᐃᑦ ᐅᓛᓵᒥ, ᐊᓛᔅᑲᒥ ᐊᒻᒪᓗ ᑲᓛᖡᑦ ᓄᓈᓂ ᓴᖅᑭᔮᖅᑎᑦᑎᑲᓐᓂᕋᓱᐊᕐᓗᑎᑦ ᐱᔪᓐᓇᐅᑎᖏᓐᓂ ᐱᔪᒪᔭᖏᓐᓂᓪᓗ ᑲᓇᑕᒥ.