ᐃᓄᐃᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᔨᖏᑦ ᐱᓕᕆᐊᖑᔪ

ᐱᒋᐊᖅᑎᑦᑎᒋᐊᕐᓂᖅ ᓯᕗᒧᐊᑦᑎᑲᓐᓂᕋᓱᐊᕐᓗᒋᑦ ᐃᓄᐃᑦ ᑕᑯᓐᓇᓐᖑᐊᖅᑕᖏᓐᓂ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᖕᒧᑦ ᑐᓂᓯᒍᒪᒍᕕᑦ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓛᖡᑦ ᓄᓈᓂ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓱᑰᑦᑲ

ᓯᓚ ᐊᓯᔾᔨᐸᓪᓕᐊᓂᖓ

ᐃᓄᐃᑦ ᑕᒪᑐᒥᖓ ᓯᓚ ᐊᓯᔾᔨᐸᓪᓕᐊᓂᖓᓐᓂ ᐊᑯᓂᕈᓗᒃ ᐅᑭᐅᓂᑦ ᖁᓕᐅᓗᐊᖅᑐᓂᒃ ᐅᖃᐅᓯᖃᖅᓯᒪᓕᕐᖓᑕ. ᑕᒪᓐᓇ ᐃᓚᒋᔭᖓ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᒪᓕᒐᔅᓴᖏᑦ ᐊᒻᒪᓗ ᐊᕐᕌᒍᒐᓴᕐᓄᑦ ᑲᒪᒋᔭᐅᓯᒪᓕᖅᑐᑦ ᖃᓄᐃᓕᐅᕈᑎᐅᕙᑦᑐᓂᒃ ᑐᓴᐅᒪᖃᑦᑕᐅᑎᓕᕆᓂᕐᒥᓪᓗ ᐅᑭᐅᖅᑕᖅᑐᒥ ᐱᓕᕆᐊᕆᔭᕆᐊᓕᖏᓐᓂ ᓯᓚᕐᔪᐊᒥ, ᐱᓕᕆᖃᑎᖃᖅᑐᑎᑦ ᑕᒃᑯᓇᓐᖓᑦ ᑲᒪᖃᑕᐅᒍᒪᔪᓂᒃ ᒫᓐᓇᒧᑦ ᓯᕗᓂᑦᑎᓂᓪᓗ ᐊᑦᑐᖅᑕᐅᒐᔭᕐᓂᖏᓐᓄᑦ ᓯᓚ ᐊᓯᔾᔨᖅᓯᒪᓂᖓᓐᓄᑦ, ᐱᒋᐊᕈᑏᓪᓗ ᐃᑲᔪᖅᑐᖅᑕᐅᓪᓗᑎᑦ ᑕᒪᒃᑯᓂᖓ ᓯᓚᒥᑦ ᐊᓯᔾᔨᐸᓪᓕᐊᔪᓕᕆᔪᓂᒃ ᐃᓄᓐᓄᑦ ᐊᓯᖏᓐᓄᓪᓗ ᐊᑦᑐᖅᑕᐅᒐᔭᖅᑐᓄᑦ ᐱᔾᔪᑎᓖᑦ. ᐃᓗᐊᓂ ᐅᑭᐅᖅᑕᖅᑑᑉ ᑲᑎᒪᔨᖏᑦ ᐱᓕᕆᓯᒪᔪᒍᑦ ᐅᓂᒃᑳᓕᐅᖃᑕᐅᓪᓗᑕ ᐊᑦᑐᐃᓂᖃᕈᓐᓇᕐᓂᖏᓐᓂ ᓯᓚ ᐊᓯᔾᔨᕐᓂᖓᓐᓂ ᐅᓂᒃᑳᓕᐅᖅᑐᑕ ᐅᑭᐅᖅᑕᖅᑐᒥ ᓯᓚ ᐊᑦᑐᐃᓂᖃᕈᓐᓇᕐᓂᖓᓐᓂ ᖃᐅᔨᓴᕐᓂᕐᒥᑦ. ᐱᓕᕆᔪᖅᐹᓘᓚᐅᖅᓯᒪᔪᒍᑦ ᑲᑎᒪᖃᑎᖃᖅᑐᑕ ᐊᓯᖏᓐᓂ ᓯᓚᕐᔪᐊᒥ ᑲᑐᔾᔨᖃᑎᒌᓐᓂᒃ ᑲᑎᒪᑎᑦᑎᑎᓪᓗᒋᑦ ᓯᓚᐅᑉ ᐊᓯᔾᔨᔾᐸᓪᓕᐊᓂᖓᓐᓂ ᐅᑭᐅᓂᑦ ᖁᓕᐅᓗᐊᓕᖅᑐᓂᒃ ᑐᓴᖅᑎᑦᑎᖃᑦᑕᕈᒪᓪᓗᑕ ᐊᑦᑐᐃᓂᖃᑲᒻᒪᐃᓐᓇᕐᓂᖓᓐᓂ ᐊᓯᔾᔨᐸᓪᓕᐊᓂᖓ ᓯᓚ ᐅᑭᐅᖅᑕᖅᑐᒥ ᓄᓇᑦᑎᓐᓂ. ᐃᑲᔪᖅᓯᒪᔪᒍᑦ, ᐅᑭᐅᒐᓚᐅᔪᓂᒃ, ᐊᔾᔨᒌᓐᖏᑦᑐᓂᑦ ᒪᑯᓂᖓ ᐱᖁᔭᕐᓂᑦ ᐊᑐᓕᖁᔭᑦᑎᓐᓂᓄ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᒪᑯᓄᖓᓗ ᐊᑦᑐᐊᓂᖏᓐᓄᑦ ᒪᓕᒐᕐᓄᑦ, ᑎᒍᓯᕙᓪᓕᐊᓂᕐᒥᑦ, ᖃᐅᔨᓴᕐᓂᒥᓪᓗ, ᕿᒥᕐᕈᓂᕐᒥᓪᓗ, ᖃᐅᔨᓴᖃᑦᑕᓂᕐᒥᓪᓗ, ᑐᓴᖅᑎᑦᑎᔾᔪᑎᔅᓴᓂᓪᓗ ᐋᖅᑭᔅᓱᐃᓂᕐᒥᑦ. ᖁᓕᓂᑦ ᐊᕐᕌᒎᓗᐊᖅᑐᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓯᕗᓕᖅᑎᖏᑦ ᐅᓂᒃᑳᖃᑦᑕᖅᓯᒪᔪᑦ ᓯᓚᕐᔪᐊᒧᑦ ᐅᑭᐅᖅᑕᖅᑐᖅ ᐃᓄᐃᓪᓗ ᐃᓱᒪᒋᔭᖏᓐᓂ ᓯᓚ ᐊᓯᔾᔨᐸᓪᓕᐊᓂᖓᓐᓂ ᐃᓱᒪᓕᐅᖅᑎᓄᑦ ᐅᓂᒃᑳᖃᑦᑕᖅᑐᑎᑦ. ᐊᕐᕌᒍᑕᒫᑦ ᐱᓕᕆᐊᕗᑦ ᐊᑦᑐᐊᕙᑦᑐᑦ ᒪᑯᓂᖓ ᐅᓂᒃᑳᓕᐅᕐᓂᕐᒥᑦ ᐊᕐᕌᒍᑕᒫᖅᓯᐅᑎᑦᑎᓐᓂ, ᑎᓴᒪᓄᓪᓗ ᐊᕐᕌᒍᓄᑦ ᐅᓂᒃᑳᓕᐅᖅᐸᑦᑐᑕ ᐱᓕᕆᐊᑦᑎᓐᓂ ᐸᕐᓇᑦᑐᑕ ᑲᑎᒪᕕᔾᔪᐊᕐᓂᕆᓂᐊᖅᑕᑎᓐᓂ. ᐊᒻᒪᓗ, ᓇᓗᓇᐃᖅᓯᓂᕐᒥᑦ ᐊᑐᓂ ᐱᓕᕆᐊᓂᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᕕᔾᔪᐊᕐᓂᖏᓐᓂ ᐱᒋᐊᕈᑕᐅᓯᒪᓕᖅᑐᓂᑦ ᑖᒃᑯᓄᖓ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓯᕗᓕᖅᑎᖏᓐᓄᑦ ᑎᓴᒪᓂᒃ ᐊᕐᕌᒍᓂᒃ ᐃᓕᓯᒪᑎᓪᓗᒋᑦ. ᐅᓂᒃᑳᕐᒥ ᐱᑕᖃᕐᒥᔪᖅ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᓂᑦ ᐊᑎᓖᒃ ᐃᒫᒃ “ᑐᓴᒐᒃᓴᓕᕆᔨᑦ ᐅᓂᒃᑳᓕᐅᕈᑎᓪᓗ”, ᐊᒻᒪᓗ “ᑭᓱᑐᐃᓐᓇᕐᓄᑦ ᑲᑎᒪᙵᔪᑦ”.

ᑐᑭᓯᒋᐊᕈᓐᓇᖅᑐᑎᑦ ᐆᒧᖓ

11 + 10 =

ᑐᑭᓯᒋᐊᖃᑦᑕᕐᓗᑎᑦ ᖃᕋᓴᐅᔭᒃᑯᑦ ᐳᓚᐅᑎᑎᒍᑦ ᕙᐃᔅᐳᒃᑯᑦ
75 ᐊᐅᐳᑦ ᐊᖅᑯᑎᖓ, ᐊᓪᓚᕕᖓ ᓈᓴᐅᑎᖓ 1001
ᐋᑐᐋ, ᐊᓐᑎᐅᕆᔪ
ᑲᓇᑕ
K1P 5E7

+1 613 563 2642
ᖃᕋᓴᐅᔭᒃᑯᑦ ᑐᕌᕈᑎᖓ: icc@inuitcircumpolar.com