ᐃᓄᐃᒃ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᖃᓄᐃᓕᐅᕐᓂᖏᑦ

ᐱᒋᐊᖅᑎᑦᑎᒋᐊᕐᓂᖅ ᓯᕗᒧᐊᑦᑎᑲᓐᓂᕋᓱᐊᕐᓗᒋᑦ ᐃᓄᐃᑦ ᑕᑯᓐᓇᓐᖑᐊᖅᑕᖏᓐᓂ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᖕᒧᑦ ᑐᓂᓯᒍᒪᒍᕕᑦ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓱᑰᑦᑲ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓱᑰᑦᑲ

COP25 ᒪᑐᕆᑦ, ᓯᐸᐃᓐᒥ

COP25 ᒪᑐᕆᑦ, ᓯᐸᐃᓐᒥ

COP25 ᖃᐅᔨᒪᔭᐅᒻᒥᔪᖅ 25−ᖓ ᑲᑎᓴᕕᔾᔪᐊᕐᓂᐅᔪᖅ ᓯᓚᕐᔪᐊᑉ ᑲᑐᔾᔨᖃᑎᒌᖏᓐᓂ ᐱᓕᕆᓂᖏᓐᓂ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ. ᑖᓐᓇ ᐊᑎᖓ ᓇᐃᓐᓂᖅᓴᐅᑎᑦᑐᒍ ᐃᒫᒃ ᐅᖃᖅᑕᐅᕙᑦᑐᖅ “COP25”. ᑲᑎᒪᓂᐊᓚᐅᖅᓯᒪᔪᖅ ᒪᑐᕆᑦᒥ, ᓯᐸᐃᓐᒥ, ᑎᓯᐱᕆᒥ 2 – 13, 2019.

ᑲᑎᒪᓂᓚᐅᖅᓯᒪᔪᑦ ᐊᖏᔪᖅᑲᖓᓐᓂ ᐱᒋᐊᖅᑎᑕᐅᓪᓗᑎᑦ ᒐᕙᒪᒃᑯᖏᓐᓄᑦ ᓯᓕᒥ, ᑲᒪᒋᔭᐅᓪᓗᑎᑦ ᐊᓯᖏᑦ ᐋᖅᑭᓱᖅᑕᐅᓂᖏᓐᓂ ᓯᐸᐅᓐᒧᑦ. ᐊᖏᔪᖅᑳᖓ ᑎᓕᔭᐅᓯᒪᔪᖅ COP25 ᑳᓚᐃ ᓯᒥᑦᔅ ᓴᐅᓪᑎᕙᕐ, ᒥᓂᔅᑕ ᐊᕙᑎᓕᕆᓂᕐᒧᑦ, ᓯᓕᒥ.

COP25 ᐋᖅᑭᑦᑕᐅᓯᒪᔪᖅ ᑭᖑᓪᓕᕐᒥ ᐊᔅᓱᕈᓐᓇᖅᑐᒃᑰᓕᖅᑲᑕ ᐱᒋᐊᕈᑎᐅᔪᒪᖅᑐᖅ ᓯᓚᕐᔪᐊᒥ ᑲᑐᔾᔨᖃᑎᒌᑦ ᓯᓚ ᐊᔾᔨᐸᓪᓕᐊᑎᓪᓗᒍ ᐱᓕᕆᐊᖑᔪᓂᑦ. ᐊᖏᕈᑕᐅᓯᒪᔪᑦ ᐊᑐᓕᖅᑎᑕᐅᒋᐊᖃᕐᓂᖏᓐᓂ ᐊᑐᐊᒐᐃᑦ ᐸᕇ (ᐊᐃᕖᑦ ᓄᓇᖓᓐᓂ) ᐊᖏᕈᑎᖓ ᑕᐃᑲᓂ COP24 ᑲᑕᐅᕙᔅᒥ, ᐴᓚᓐ ᐊᕐᕌᓂ, ᑐᕌᒐᖏᑦ ᐱᔭᕇᖅᓯᓇᓱᐊᖅᑐᑎᑦ ᐊᒥᓱᑲᓪᓚᐃᑦ ᐱᓕᕆᐊᖑᔭᕆᐊᓖᑦ ᐊᐅᓚᑦᑎᐊᓕᖅᑲᑕ ᑕᐃᓐᓇ ᐸᕇ (ᐅᐃᕖᑦ ᓄᓇᖓᓐᓂ) ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᐊᖏᕈᑎᖓᓐᓂ.

ᑲᑎᒪᓂᐅᔪᖅ ᑲᔪᖏᖅᓴᐃᑲᓐᓂᕋᓱᐊᖅᑐᖅ ᑕᐃᑲᓂ 2020, ᐊᕐᕌᓂ ᓄᓇᕐᔪᐊᑦ ᑐᓂᓯᒋᐊᖃᓚᐅᖅᓯᒪᒻᒪᑕ ᓄᑖᕐᓂᑦ ᐅᓪᓗᒥᒧᓪᓗ ᐋᖅᑭᓱᖅᓯᒪᔪᓂᒃ ᓄᓇᓕᕐᔪᐊᓂ ᓯᓚᒧᑦ ᐱᒋᐊᕈᑎᔅᓴᖏᓐᓂ ᐸᕐᓇᐅᑎᖏᓐᓂ. ᐱᓕᕆᐊᖑᒋᐊᖃᓪᓚᕆᑦᑐᒥ ᓯᓚ ᐱᔾᔪᑎᒋᓪᓗᒍ ᖃᓄᐃᓐᓂᐅᒋᐊᖃᖅᑐᓂᑦ ᓯᕗᒧᑦ ᐃᖏᕐᕋᓯᓗᓂ ᐱᖃᓯᐅᑎᓗᒋᑦ ᑮᓇᐅᔭᐃᑦ, ᐊᐅᓪᓛᑦᑎᐊᕆᐊᖃᕐᓂᖓᓐᓂ ᐱᒋᐊᕈᑎᐅᔪᖅ ᓯᓚ ᐱᔾᔪᑎᒋᓪᓗᒋᑦ, ᓇᐹᖅᑐᓕᐊᓗᐃᑦ ᐱᕈᖅᑐᓪᓗ, ᐅᐊᔭᒨᖅᑐᓪᓗ, ᐱᕙᓪᓕᐊᓇᓱᐊᕐᓗᑎᓪᓗ, ᔭᒐᑦᑕᐅᓯᒪᔪᑦ ᓱᕋᔅᓯᒪᔪᓪᓗ, ᓄᓇᖃᖅᑳᖅᑐᒥᓃᑦ, ᓄᓇᓕᐸᐅᔭᐃᑦ, ᐊᒪᕖᑦ ᑕᐃᒪᐃᓪᓗᐊᖅᑎᑕᐅᒋᐊᖃᕐᓂᖏᓪᓗ ᐊᕐᓇᐃᑦ ᐊᖑᑏᓪᓗ.

ᓱᓕᒃᑲᓐᓂᖅ ᑖᒃᑯᐊ ᑲᑎᒪᓂᐅᔪᑦ COP25, ᐊᒥᓱᕐᔪᐊᕌᓗᓐᓂᑦ ᕼᐊᓇᓚᖏᓐᓂᑦᑐᓂᑦ ᒫᓐᓇ ᐸᕐᓇᐅᑎᓕᐅᑦᑐᖃᖃᑦᑕᕋᓱᐊᕐᖓᑦ, ᐱᕕᖃᖅᑎᑕᐅᒻᒪᑕ ᑲᑐᔾᔨᖃᑎᒌᑦ, ᐊᕕᑦᑐᖅᓯᒪᔪᑦ ᓂᓪᓕᐊᖁᔭᐅᓪᓗᑎᑦ ᓯᓚ ᐊᓯᔾᔨᐸᓪᓕᐊᓂᖓᑕ ᒥᔅᓵᓄᑦ. ᑕᒪᒃᑯᐊ ᐋᖅᑭᓱᖅᑕᐅᓯᒪᔪᑦ ᐊᕕᑦᑐᖅᓯᒪᓪᓗᑎᑦ: ᐱᐅᓯᕚᓪᓕᑎᑦᑎᑲᓐᓂᕋᓱᐊᕐᓂᕐᒥᑦ ᑲᔪᖏᖅᓴᐃᓂᕐᒥᑦ, ᓴᖅᑭᔮᖅᑎᑦᑎᑲᓐᓂᕐᓗᑎᑦ ᐊᑐᓕᖅᑎᑕᐅᒋᐊᖃᕐᓂᖓᓐᓂ, ᐊᒻᒪᓗ ᐃᑲᔪᖅᑐᐃᓪᓗᑎᑦ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓄᐃᑦ ᓯᕗᓕᖅᑎᖏᑦ ᑕᕝᕙᓃᑦᑐᑦ – ᐊᖏᔪᖅᑲᕆᔭᐅᔪᖅ ᑲᑎᒪᔨᑦᑎᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖅ ᑕᓕ ᓴᒻᐳ ᑐᕈ. ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕ) ᐊᓪᓚᕕᖓᓐᓂ ᐊᖏᔪᖅᑳᑉ ᑐᖏᓕᖓ (ᓯᓚᕐᒧᐊᒧᑦ) ᓖᓴ ᖁᐱᕐᕈᐊᓗᒃ ᐅᕙᓂᖃᑕᐅᔪᖅ. ᑭᒡᒐᖅᑐᐃᔪᖅ ᐃᓄᓐᓂᑦ ᐃᓄᓱᑦᑐᓂᑦ ᐊᖏᔪᖅᑲᖓ ᑲᓇᑕᒥ ᐃᓄᐃᑦ ᐃᓅᑦᑐᑦ ᑲᑎᒪᔨᖏᓐᓂ ᑲᓇᑕᒥ ᑯᕆᔅᑐ ᒪᑎᓐ−ᓚᐱᓐᔅᑭ.

 

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑎᓕᔭᐅᓯᒪᔪᑦ

ᑕᓕ ᓴᒻᐳ ᑐᕈ

ᐃᔅᓯᕙᐅᑕᖅ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᓯᕗᓕᖅᑎ ᑲᑎᒪᔨᐅᔪᓂᒃ)

ᓘᑦᑖᖅ ᑕᓕ ᓴᒻᐳ ᑐᕈ ᐃᔅᓯᕙᐅᑕᐅᓪᓗᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ. ᐸᐃᑉᐹᖅᑖᖅᓯᒪᓪᓗᓂ ᒪᓕᒐᓕᕆᓂᕐᒧᑦ ᓯᓚᑦᑐᖅᓴᕐᕕᔾᔪᐊᖓᓐᓂ ᐳᕆᑎᔅ ᑲᓚᒻᐱᐊᒥ, ᒪᓕᒐᓕᕆᓂᕐᒧᑦ ᐃᓕᓴᐃᔨᐅᓚᐅᖅᓯᒪᔪᖅ (2002) ᐊᒻᒪᓗ ᐸᐃᑉᐹᖃᕆᓪᓗᓂ ᒪᓕᒐᓕᕆᓂᕐᒧᑦ ᑲᑎᒪᔨᐅᓂᕐᒧᓪᓗ, ᐸᓚᑦᓱ ᐃᓕᓐᓂᐊᕐᕕᖓᓐᓂ, ᑑᑉ ᓯᓚᑦᑐᖅᓴᕐᕕᔾᔪᐊᖓᓐᓂ (1991). ᒫᓐᓴ, ᐊᖏᔪᖅᑳᕆᔭᐅᔪᖅ ᐃᓕᓐᓂᐊᕕᔾᔪᐊᕐᒧᑦ ᐅᖃᐅᔾᔨᒋᐊᖅᑎᓄᑦ ᐅᑭᐅᖅᑕᖅᑑᑉ ᓄᓇᖃᖅᑳᖅᑐᒥᓂᖏᓐᓂ, ᓯᓚᑦᑐᖅᓴᕐᕕᔾᔪᐊᕐᒥ ᐊᓛᔅᑲ ᐊᓐᑯᕆᔅᒥ, ᑐᖏᓕᕆᔭᐅᓚᐅᖅᓯᒪᓪᓗᓂ ᐃᓕᓴᐃᔨᒧᑦ ᓯᓚᕐᔪᐊᒥ ᐱᓕᕆᓂᕐᒥᑦ. ᓘᑦᑕᖅ ᐸᐃᑉᐹᓕᒃ ᑐᕉ ᐃᔅᓯᕙᐅᑕᐅᓪᓗᓂ (2014) ᐊᒻᒪᓗ ᐱᓕᕆᔨᒻᒪᕆᒋᔭᐅᓪᓗᓂ ᓯᓚᕐᔪᐊᒥ ᑲᑐᔾᔨᖃᑎᒌᓐᓄᑦ ᑲᑎᒪᔨᐅᖏᓐᓇᖅᑐᓄᑦ ᓄᓇᖃᖅᑳᖅᑐᒥᓂᓕᕆᕙᑦᑐᓂᒃ (2010-2016); ᐊᒻᒪᓗ ᒫᓐᓇ ᐃᔅᓯᕙᐅᑕᐅᔪᖅ ᓯᓚᕐᔪᐊᒥ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᓐᓄᒃ (ILA) ᑲᑎᒪᔨᕋᓛᑦ ᐊᑐᓕᖅᑎᑦᑎᓂᕐᒧᑦ ᐱᔪᓐᓇᐅᑎᖏᓐᓄᑦ ᓄᓇᖃᖅᑳᖅᑐᒥᓃᑦ.

ᓖᓴ ᖁᐱᕐᕈᐊᓗᒃ,

ᐊᖏᔪᖅᑲᑉ ᑐᖏᓕᖓ ᓯᓚᕐᔪᐊᒧᑦ ᐱᓕᕆᐊᖑᕙᑦᑐᓂᒃ, ᐃᓄᐃᑦ ᐅᑭᐅᖅᑕᖅᑐᒥᐅᖑᖃᑎᒌᑦ ᑲᑎᒪᔨᖏᑦ ᑲᓇᑕᒥ

ᓖᓴ ᕿᓗᖅᑭ ᖁᐱᕐᕈᐊᓗ ᐃᓅᓚᐅᖅᓯᒪᔪᖅ ᐳᕕᕐᓂᖅᑐᒥ, ᑯᐸᐃᑉ ᑕᕐᕋᖓᓐᓂ (ᓄᓇᕕᒃ). ᐸᐃᑉᐹᖃᖅᑐᓂ ᑲᑎᒪᔨᐅᓂᕐᒧᑦ ᑲᓐᑯᐊᑎᐊᒥ ᓯᓚᑦᑐᖅᓴᕐᕕᔾᔪᐊᖓᓐᓂ, ᒪᓐᑐᕆᐊᒥ, ᐸᐃᑉᐹᖃᖅᑐᓂᓗ ᐃᓄᐃᑦ ᐅᕕᓂᖃᑎᒌᓐᖏᑦᑐᑦ ᖃᓄᖅ ᐃᓕᖅᑯᓯᖃᓲᖑᒪᖔᑕ ᓚᕙᐅ ᓯᓚᑦᑐᖅᓴᕐᕕᔾᔪᐊᖓᓐᓂ, ᑯᐸᒃᒥ. ᐱᒋᐊᖅᑎᑦᑎᖃᑕᐅᓚᐅᖅᓯᒪᓪᓗᓂᓗ ᐊᖏᔪᖅᑲᖑᓚᐅᖅᓯᒪᓪᓗᓂᓗ ᓴᑐᕐᕖᑦ ᐃᓄᐃᑦ ᐊᕐᓇᓄᑦ ᑲᑐᔾᔨᖃᑎᒌᑦ ᓄᓇᕕᒻᒥ, ᐃᓄᐃᑦ ᐃᖅᑲᖅᑐᐃᕕᓕᕆᓂᕐᒥᑦ ᐱᔾᔪᑎᖃᖅᑐᑎᑦ ᐃᓄᐃᑦ ᐊᕐᓇᐃᑦ ᓱᕈᓰᕐᓗ ᑲᒪᖃᑕᐅᓚᐅᖅᓯᒪᔪᖅ ᖃᐅᔨᓴᖃᑕᐅᓪᓗᓂᓗ ᑕᒪᒃᑯᓄᖓ ᐃᓄᐃᑦ ᐊᕐᓇᐃᑦ ᖃᓄᐃᑦᑐᒦᖃᑦᑕᕐᓂᖏᓐᓂ ᓄᓇᕕᒻᒥ ᐃᓱᒪᒋᔭᖏᓪᓗ ᖃᓄᐃᑦᑐᒻᒪᖔᑕ. ᐱᓕᕆᖃᑎᖃᕐᒥᔪᖅ ᓇᒻᒥᓂᖅ ᓂᓪᓕᐊᖃᑦᑕᕈᒪᔪᓂᒃ ᐃᓄᓐᓂᑦ ᑲᑎᒪᔨᐅᖃᑦᑕᖅᑐᓂ ᐱᕙᓪᓕᐊᑎᑦᑎᓂᕐᒧᓪᓗ, ᐃᓄᓕᕆᓂᕐᒧᑦ ᐃᖅᑲᖅᑐᐃᕕᓕᕆᓂᕐᒥᑦ (ᐱᓗᐊᖅᑐᒥ ᐃᓄᐃᑦ ᒪᓕᖏᓐᓂ) ᐊᒻᒪᓗ ᐸᖅᑭᑦᑎᓂᕐᒥᑦ ᐊᕙᑎᑦᑎᓐᓂ, ᐱᖅᑯᓯᑦᑎᓐᓂ ᐅᖃᐅᓯᑦᑎᓂᓪᓗ.

ᑯᕆᔅᑐᓪ ᒫᕐᑎᓐ-ᓚᐸᓐᔅᑭ

ᑲᓇᑕᒥ ᐃᓄᐃᑦ ᐃᓅᓱᑦᑐᑦ ᑲᑎᒪᔨᖏᑦᑕ ᐊᖏᔪᖅᑲᖓ

ᑯᕆᔅᑕ ᒫᕐᑎᓐ−ᓚᐸᓐᔅᑭ ᓂᕈᐊᖅᑕᐅᕋᑖᓚᐅᖅᑐᖅ ᐊᖏᔪᖅᑲᒧ ᑲᓇᑕᒥ ᐃᓄᐃᑦ ᐃᓅᓱᑦᑐᓄᑦ ᑲᑎᒪᔨᖏᓐᓄᑦ ᑲᓇᑕᒥ. ᓂᕈᐊᕈᐊᖅᑎᐅᓐᖏᑦᑐᖅ ᑲᑎᒪᔨ ᐃᓄᐃᑦ ᑕᐱᕇᑦ ᑲᓇᑕᒥ, ᐸᐅᑦᑐᑎᒃᑯᑦ ᐃᓄᐃᑦ ᐊᕐᓇᓄᑦ ᑲᓇᑕᒥ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ, ᓈᓚᑦᑎᐅᓪᓗᓂ ᐃᓚᒋᔭᐅᒻᒥᔪᖅ ᐃᓄᓕᕆᔪᓂᒃ ᒐᕙᒪᑐᖃᒃᑯᓐᓂ ᐱᓕᕆᖃᑕᐅᓂᕐᒧᑦ ᑲᑎᒪᔨᕋᓛᖏᑦ. ᑯᕆᔅᑐ ᑲᒪᒋᔭᖓ ᓯᕗᒧᐊᖅᑎᑦᑎᑲᓐᓂᕋᓱᐊᕐᓗᓂ ᐃᓄᓐᓂᑦ ᐃᓅᓱᑦᑐᓂᑦ ᓯᕗᓪᓕᖅᐸᐅᖁᔭᐅᔪᑦ ᑐᓴᖅᑕᐅᑎᑦᑎᓇᓱᐊᖅᑐᖅ.

ᐸᓐᔭᒥᓐ ᓵᕈᔅ

ᓯᕗᓕᖅᑎᕈᖅᐸᓪᓕᐊᓇᓱᐊᖅᑐᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲ

ᐸᓐᔭᒥᓐ ᕿᑐ’ᓇᖅ ᓵᕈᔅ ᐱᑐᐃᓕ, ᐊᓛᔅᑲᒦᓐᖔᖅᓯᒪᔪᖅ. ᐊᖏᔪᖅᑲᖏᒃ ᓲᐱ ᓴᓕᐊᒃ ᓄᓇᑉᑦᓱᒃᒥ, ᐊᒻᒪᓗ ᐃᓄᒍᓐᓃᖅᓯᒪᔪᖅ ᐳᕌᖕᒃ ᓵᕈᔅ ᐸᑐᒥ. ᐸᓐᔭᒥᓐ ᐃᓕᓐᓂᓚᐅᖅᓯᒪᔪᖅ ᐆᒪᔪᓕᕆᓂᕐᒥᑦ ᐊᕙᑎᑦᑎᓐᓂ ᓯᓚᑦᑐᖅᓴᕐᕕᔾᔪᐊᖓᓐᓂ ᐊᓛᔅᑲᐅᑉ ᐋᓐᑯᕆᑦᔅ. ᒫᓐᓇ ᑐᑭᒧᐊᖅᑎᑦᑎᔨ ᑕᑯᔭᒐᖃᕐᕕᒻᒥ ᑲᑐᔾᔨᖃᒌᖏᓐᓄᑦ ᓄᓇᓖᑦ ᑲᑎᒪᔨᖏᓐᓄᑦ ᐊᖏᔪᖅᑲᕆᔭᐅᓪᓗᓂ. ᔪᑉᐱᒃᒥ ᓯᕗᓕᖃᕐᒥᔪᖅ ᑮᓇᖅᐸᓕᐅᖅᑎᐅᓪᓗᓂ ᒪᕐᕉᓂᓪᓗ ᐃᓕᓐᓂᐊᕈᕐᒥᔪᖅ ᑕᒪᑐᒥᖓ ᐱᖅᑯᓯᑐᖃᑦᑎᐊᕚᓗᒻᒥᓂᑦ.

ᐃᐅᕆᔪ ᓗᒡᑦ

ᑐᒃᑐᕝ ᐃᓅᓱᑦᑐᓂᒃ ᑭᒡᒐᖅᑐᐃᔨ

ᐃᐅᕆᔪ ᖁᑦᑎᓐᓂᓕᒻᒥ ᐃᓕᓐᓂᐊᖅᑐᖅ 12−ᒥᑦ ᒪᖏᓚᓗᒃ ᐃᓕᓐᓂᐊᕕᒻᒥ. ᐃᓅᕕᐊᓗᐃᖑᓪᓗᓂ ᑐᒃᑑᔭᖅᑐᕐᒥᐅᑕᖅ, ᓄᓇᑦᑎᐊᕐᒥ. ᐃᓕᓐᓂᐊᕆᐊᖓ ᖁᕕᐊᒋᓪᓚᕆᑦᑕᖓ, ᐃᓕᓐᓂᐊᕐᓂᕐᒥᑦ, ᓄᑖᕐᓂᑦ ᐱᓇᓱᐊᕐᓂᕐᒥᑦ, ᓂᓪᓕᐊᒋᐊᒥᑦ ᐃᒻᒥᓂᒃ ᐃᑉᐱᒋᔭᖏᓐᓂ, ᐃᓄᑦᑎᐊᕙᓪᓚᕆᒃ ᑭᒃᑯᓕᒫᓄᑦ. ᐱᔪᒪᓂᖃᑦᑎᐊᖅᑐᖅ, ᓴᓐᖏᔪᖅ, ᖃᓄᐃᑦᑐᑐᐃᓐᓇᕐᓂᑦ ᓴᓇᕈᓘᔭᓂᕐᒥᑦ ᐃᓱᒪᒍᓐᓇᖅᑐᖅ, ᐃᓛᒌᑦ ᐃᓄᒋᐊᖑᓪᓗᑎᒃ. ᐃᓚᖏᑦ ᐃᓅᕕᐊᓗᐃᑦ ᐊᒻᒪᓗ ᖁᕕᐊᖅᑐᖅ ᓇᑭᓐᖔᖅᓯᒪᓂᕐᒥᓂᒃ. ᑕᕐᕆᔮᔅᓴᓕᐅᖅᑕᐅᓂᕐᒥᓂᒃ ᐅᕙᒍᑦ ᖃᓄᐃᓕᖅᑭᑕᓕᕐᒥᑦ, ᑕᑯᑐᐃᓐᓇᖏᑦᑐᕐᓕ ᓯᓚ ᐊᓯᔾᔨᐸᓪᓕᐊᓂᖓᓐᓂ, ᑭᓯᐊᓂᓕ ᖃᐅᔨᓴᖃᑕᐅᔪᓐᓇᕐᒥᔪᖅ ᐱᖅᑯᓯᕐᒥᓂᒃ ᖃᓄᕐᓗ ᐃᓕᖅᑯᓯᖃᖃᑦᑕᓚᐅᕐᒪᖔᑕ ᐅᐊᑦᑎᐊᕈᐊᓗᒃ ᐅᓪᓗᒥ ᐊᔾᔨᒋᓐᖏᑕᖓᓐᓂ.

ᑳᒪᓐ ᑯᑉᑖᓇ

ᑐᒃᑐᕝ ᐃᓅᓱᑦᑐᓂᒃ ᑭᒡᒐᖅᑐᐃᔨ

ᐅᐸᓚᒃ ᐊᓯ ᑳᒪᓐ ᑐᑦᑑᔭᖅᑐᕐᒦᓐᖔᖅᓯᒪᔪᖅ, ᓄᓇᑦᑎᐊᕐᒥ, ᑲᓇᑕ. ᐃᓅᕕᐊᓗᑦᑐᓐ ᐊᑎᖓ ᑲᒍᓇ. ᐃᑦᑐᕆᓚᐅᖅᓯᒪᔭᖓ ᑕᑦᑐᒃ ᐊᑦᑎᓚᐅᖅᓯᒪᔭᖓ ᓇᓂᕐᒥᑦ ᐊᓈᓇᑦᑎᐊᖓᑕ ᐊᑎᖓᓐᓂ ᑯᕆᔅᑎᓇ ᐃᓅᕕᐊᓗᒃᑐᑦ ᐊᑎᖓ, ᐃᕐᖑᑕᖏᓐᓂ ᐃᓗᓕᖏᓐᓂᓪᓗ ᑕᐃᒫᑐᐊᖅ ᐊᑦᑎᖅᑕᐅᓯᒪᔪᖅ. ᐊᓈᓇᒋᓚᐅᖅᓯᒪᔭᖓ ᓴᓐᖏᔪᐊᓗᓚᐅᖅᓯᒪᔪᖅ, ᓯᓚᑐᓪᓗᓂ ᐱᖅᑯᓯᑐᖃᒥᓂᒃ ᐊᑐᖃᑦᑕᖅᑐᓂ ᐊᕐᓇᐅᓪᓗᓂ ᒥᖅᓯᖅᑎᐊᓲᖑᓪᓗᓂ, ᐊᒻᒪᓗ ᐱᖅᑯᓯᕐᒥᓂ ᐊᑎᖓᓂ ᐊᑐᖃᑦᑕᖅᑐᖅ ᐃᖅᑲᐃᑎᒋᔭᐅᕙᑦᑐᓂᓗ.

ᑎᐅᕈ ᑕᑦᔪᒃ

ᑐᒃᑐᕝ ᐃᓅᓱᑦᑐᓂᒃ ᑭᒡᒐᖅᑐᐃᔨ

ᑎᐅᕈ ᑕᑦᔪᒃ ᖁᑦᑎᓐᓂᓕᒻᒥᑦ 10−ᒦᑦᑐᖅ ᒪᖏᓚᓗᒃ ᐃᓕᓐᓂᐊᕐᕕᖓᓐᓂ ᑐᑦᑐᔭᖅᑐᕐᒥ, ᓄᓇᑦᑎᐊᕐᒥ. ᐱᖓᓱᓂᑦ ᐊᖏᔪᓕᒃ/ᓄᑲᓕᒃ ᐱᖓᓱᓂᓪᓗ ᓇᔭᖃᖅᑐᓂ; ᓄᑲᖅᑎᖅᐹᕆᓪᓗᓂᐅᒃ ᕌᓄᑦ ᐲᓕᒃᔅ ᐊᖏᔪᑦᑎ ᐊᒻᒪᓗ ᐸᓯ ᑕᑦᔪᒃ. ᐊᐅᓚᖃᑦᑕᕆᐊᔅᓴᖅ ᓄᓇᒧᑦ ᖁᕕᐊᒋᔭᖓ ᐱᓗᐊᖅᑐᒥᑦ ᓂᕿᔅᓴᖅᓯᐅᕆᐊᖃᑕᐅᓪᓗᓂ ᐃᓚᒥᓄᑦ. ᓇᒧᑐᐃᓐᓇᑦᑎᐊᖅ ᐊᐅᓪᓚᕆᐊᔅᓴᕐᓗ ᖁᕕᐊᒋᔭᖓ ᐃᓅᕕᐊᓗᐃᑦ ᓄᓇᖓᓐᓄᑦ ᐊᓯᖏᓐᓄᓪᓗ. ᐅᐱᒋᔭᖃᑦᑎᐊᖅᑐᖅ ᐃᓅᕕᐊᓘᓂᖓᓐᓄᑦ. ᐃᓚᖏᑦ ᖃᐅᔨᒪᔭᐅᑦᑎᐊᖅᓯᒪᔪᑦ ᐱᖅᑯᓯᕐᒥᓂᒃ ᐊᑐᖅᑐᑎᒃ ᐃᓅᓯᒪᔪᑦ; ᐊᑖᑕᖓ ᐊᓯᕙᖅᑎᐅᓪᓗᓂ ᓴᓇᓐᖑᐊᖅᑎᐅᓪᓗᓂᓗ ᐊᓈᓇᖓ ᓂᕿᓕᐅᑦᑎᐊᒃᑲᓗᒃ ᐃᓅᓕᑕᕐᓂᑦ ᐃᓚᒥᓐᓄᑦ ᐊᓯᖏᓐᓄᓪᓗ. ᐊᓯᕙᕐᓂᕐᒥᑦ ᐃᓕᔅᓯᒪᔪᖅ ᐃᖃᓗᒐᓱᐊᕐᓂᒥᓪᓗ ᐊᑖᑕᒥᓂᒃ, ᕌᓐ ᐲᓕᒃᔅᒥᑦ. ᖁᕕᐊᒋᔭᓕᒃ ᓂᕿᔅᓴᖅᓯᐅᕆᐊᖓ ᐃᓚᒥᓄᑦ ᑐᑦᑐᒥᓂᕐᒥᑦ, ᑲᖑᖅ ᐃᖃᓗᓐᓂᓪᓗ. ᐊᐅᔭᒃᑯᑦ, ᐃᖅᑲᓇᐃᔭᖃᑦᑕᖅᑐᖅ ᑐᒃᑐᕝᒥᑦ ᐊᔾᔨᓕᐅᕆᔨᐅᓪᓗᓂ ᐱᒋᐊᓚᐅᖅᓯᒪᓪᓗᓂ ᓄᓇ, ᑕᕆᐅᖅ, ᓯᓚᓗ ᐱᓕᕆᐊᖅ ᐃᓕᓐᓂᐊᕕᒻᒥ. ᖁᕕᐊᒋᔭᖃᓚᐅᖅᑐᖅ ᖁᓛᒎᓕᒃᑰᖃᑦᑕᕆᐊᖅ ᓇᒧᑐᐃᓐᓇᖅ ᐃᓅᕕᐊᓗᐃᑦ ᐃᓗᐊᓂ.

ᓇᐃᑕᓂ ᑯᑉᑖᓇ

ᑐᒃᑐᕝ ᐃᓅᓱᑦᑐᓂᒃ ᑭᒡᒐᖅᑐᐃᔨ

ᓇᐃᑕᓂ, ᖃᐅᔨᒪᔭᐅᒻᒥᔪᒃ ᒧᒃ, ᑐᑦᑑᔭᖅᑐᒻᒥᐅᑕᖅ, ᓄᓇᑦᑎᐊᖅ ᐃᓅᓯᓕᒪᒥᓂᒃ. 19−ᓂᒃ ᐅᑭᐅᓕᒃ ᐱᔭᔅᓴᖃᖅᑏᓐᓇᕈᓘᔭᖅᐸᑦᑐᖅ ᑭᓱᑐᐃᓐᓇᕐᓂᑦ ᐱᓐᖑᐊᕐᓂᕐᒥᓪᓗ, ᐃᖅᑲᓇᐃᔭᖃᑦᑕᖅᑐᓂᓗ ᐃᓅᓱᑦᑐᓂ ᐱᓕᕆᖃᑎᖃᖃᑦᑕᖅᑐᑦ ᐃᓅᓱᑦᑐᓄᑦ ᐱᓐᖑᐊᕐᕕᒻᒥ, ᐃᓪᓗᓕᐅᑦᑎᔅᓴᐅᓂᕐᒧᑦ ᐃᓕᓐᓂᐊᕐᒥᔪᖅ ᓄᓇᓕᓐᓂᑦ.

ᑐᑭᓯᒋᐊᕈᓐᓇᖅᑐᑎᑦ ᐆᒧᖓ

1 + 15 =

ᑐᑭᓯᒋᐊᖃᑦᑕᕐᓗᑎᑦ ᖃᕋᓴᐅᔭᒃᑯᑦ ᐳᓚᐅᑎᑎᒍᑦ ᕙᐃᔅᐳᒃᑯᑦ
75 ᐊᐅᐳᑦ ᐊᖅᑯᑎᖓ, ᐊᓪᓚᕕᖓ ᓈᓴᐅᑎᖓ 1001
ᐋᑐᐋ, ᐊᓐᑎᐅᕆᔪ
ᑲᓇᑕ
K1P 5E7

+1 613 563 2642
ᖃᕋᓴᐅᔭᒃᑯᑦ ᑐᕌᕈᑎᖓ: icc@inuitcircumpolar.com