Inuik Ukiuqtaqtumiuqatigiit Katimajingit Qanuiliurningit
Pigiaqtittigiarniq Sivumuattikannirasuarlugit Inuit Takunnannguaqtanginni
Inuit Ukiuqtaqtumiuqatigiit Katimajingingmut Tunisigumaguvit
Inuit Ukiuqtaqtumiuqatigiit Katimajingit Alaaska
Inuit Ukiuqtaqtumiuqatigiit Katimajingit Kalaałiit Nunaani
Inuit Ukiuqtaqtumiuqatigiit Katimajingit Sukuutka
COP25
COP25 Maturit, Sipainmit
COP25 qaujimajaummijuq 25−nga katisavijjuarniujuq Silarjuap Katujjiqatigiinginni pilirininginni sila asijjipallianingannut. Taanna atinga nainniqsautittugu imaak uqaqtauvattuq “COP25”. Katimanialauqsimajuq Maturitmi, Sipainmi, Tisipirimi 2 – 13, 2019.
Katimanilauqsimajut Angijuqqanganni pigiaqtitaullutit gavamakkunginnut Silimi, kamagijaullutit asingit aaqqisuqtauninginni Sipaunmut. Angijuqqaanga-Tilijausimajuq COP25 Kaalai Simits Saultivar, Minista Avatilirinirmut, Silimi.
COP25 aaqqittausimajuq kingullirmi assurunnaqtukkuuliqqata pigiarutiujumaqtuq Silarjuami Katujjiqatigiit sila ajjipalliatillugu piliriangujunit. Angirutausimajut atuliqtitaugiaqarninginni atuagait Parii (Aiviit Nunanganni) Angirutinga taikani COP24 Katauvasmi, Puulan arraani, turaagangit pijariiqsinasuaqtutit amisukallait piliriangujarialiit aulattialiqqata tainna Parii (Uiviit Nunanganni) Sila Asijjipallianingannut Angirutinganni.
Katimaniujuq kajungiqsaikannirasuaqtuq taikani 2020, arraani nunarjuat tunisigiaqalauqsimammata nutaarnit ullumimullu aaqqisuqsimajunik nunalirjuani silamut pigiarutissanginni parnautinginni. Piliriangugiaqallarittumi sila pijjutigillugu qanuinniugiaqaqtunit sivumut ingirrasiluni piqasiutilugit kiinaujait, aullaattiariaqarninganni pigiarutiujuq sila pijjutigillugit, napaaqtulialuit piruqtullu, uajamuuqtullu, pivallianasuarlutillu, jagattausimajut surassimajullu, nunaqaqqaaqtuminiit, nunalipaujait, amaviit taimailluaqtitaugiaqarningillu arnait angutiillu.
Sulikkanniq taakkua katimaniujut COP25, amisurjuaraalunnit ᕼanalanginnittunit maanna parnautiliuttuqaqattarasuarngat, piviqaqtitaummata katujjiqatigiit, avittuqsimajut nilliaqujaullutit sila asijjipallianingata missaanut. Tamakkua aaqqisuqtausimajut avittuqsimallutit: Piusivaallitittikannirasuarnirmit Kajungiqsainirmit, Saqqijaaqtittikannirlutit Atuliqtitaugiaqarninganni, ammalu Ikajuqtuillutit.
Inuit Ukiuqtaqtumiuqatigiit Katimajingit Inuit sivuliqtingit tavvaniittut – angijuqqarijaujuq katimajittinni Inuit Ukiuqtaqtumiuqatigiit Katimajingit Issivautaq Tali Sampu Turu. Ammalu Inuit Ukiuqtaqtumiuqatigiit Katimajingit (Kanata) allavinganni Angijuqqaap Tungilinga (Silarmuamut) Liisa Qupirrualuk uvaniqataujuq. Kiggaqtuijuq Inunnit Inusuttunit Angijuqqanga Kanatami Inuit Inuuttut Katimajinginni Kanatami Kuristu Matin−Lapinski.
Inuit Ukiuqtaqtumiuqatigiit Katimajingit Tilijausimajut
Tali Sampu Turu.
Issivautaq. Inuit Ukiuqtaqtumiuqatigiit Katimajingit (Sivuliqti Katimajiujunik)
Luuttaaq Tali Sampu Turu Issivautaulluni Inuit Ukiuqtaqtumiuqatigiit Katimajingit. Paippaaqtaaqsimalluni maligalirinirmut Silattuqsarvijjuanganni Puritis Kalampiami, Maligalirinirmut Ilisaijiulauqsimajuq (2002) ammalu Paippaaqarilluni Maligalirinirmut Katimajiunirmullu, Palatsu Ilinniarvinganni, Tuup Silattuqsarvijjuanganni (1991) Maansa, Angijuqqaarijaujuq Ilinniavijjuarmut Uqaujjigiaqtinut Ukiuqtaqtuup Nunaqaqqaaqtumininginni, Silattuqsarvijjuarmi Alaaska Ankurismi, Tungilirijaulauqsimalluni Ilisaijimut Silarjuami Pilirinirmit. Luuttaq Paippaalik Turuu Issivautaulluni (2014) ammalu Pilirijimmarigijaulluni Silarjuami Katujjiqatigiinnut Katimajiunginnaqtunut Nunaqaqqaaqtuminilirivattunik (2010-2016); ammalu maanna Issivautaujuq Silarjuami Maligalirinirmut Katujjiqatigiinnuk Katimajiralaat Atuliqtittinirmut Pijunnautinginnut Nunaqaqqaaqtuminiit.
Liisa Qupirrualuk
Angijuqqap Tungilinga Silarjuamut Pilirianguvattunik, Inuit Ukiuqtaqtumiunguqatigiit Katimajingit Kanatami
Liisa Qiluqqi Qupirrualu inuulauqsimajuq Puvirniqtumi, Kupaip Tarranganni (Nunavik). Paippaaqaqtuni Katimajiunirmut Kankuatiami Silattuqsarvijjuanganni, Manturiami, Paippaaqaqtunilu Inuit uviniqatigiinngittut qanuq iliqqusiqasuungumangaata Lavau Silattuqsarvijjuanganni, Kupakmi. Pigiaqtittiqataulauqsimallunilu angijuqqangulauqsimallunilu saturviit Inuit Arnanut Katujjiqatigiit Nunavimmi, Inuit iqqaqtuivilirinirmit pijjutiqaqtutit inuit arnait surusiirlu kamaqataulauqsimajuq qaujisaqataullunilu tamakkununga Inuit arnait qanuittumiiqattarninginni nunavimmi isumagijangillu qanuittummangaata. Piliriqatiqarmijuq namminiq nilliaqattarumajunik inunnit katimajiuqattaqtuni pivalliatittinirmullu, inulirinirmut iqqaqtuivilirinirmit (piluaqtumi inuit malinginni) ammalu paqqittinirmit avatittinni, piqqusittinni uqausittinillu.
Kuristul Maartin-Lapanski
Kanatami Inuit Inuusuttut Katimajingitta Angijuqqanga
Kurista Maartin−Lapanski niruaqtaurataalauqtuq Angijuqqamu Kanatami Inuit Inuusuttunut Katimajinginnut Kanatami. Niruaruaqtiunngittuq katimaji Inuit Tapiriit Kanatami, Pauttutikkut Inuit Arnanut Kanatami ammalu Inuit Ukiuqtaqtumiuqatigiit Katimajingit Kanatami, naalattiulluni ilagijaummijuq inulirijunik gavamatuqakkunni Piliriqataunirmut Katimajiralaangit. Kuristu kamagijanga sivumuaqtittikannirasuarluni inunnit inuusuttunit sivulliqpauqujaujut tusaqtautittinasuaqtuq.
Panjamin Saarus
Sivuliqtiruqpallianasuaqtunik Inuit Ukiuqtaqtumiuqatigiit Katimajingit Alaaska
Panjamin Qitu’naq Saarus Pituili, Alaaskamiinngaaqsimajuq. Angijuqqangik Suupi Saliak Nunaptsukmi, ammalu inugunniiqsimajuq Puraangk saarus Patumi. Panjamin ilinnilauqsimajuq Uumajulirinirmit Avatittinni Silattuqsarvijjuanganni Alaaskaup Aankurits. Maanna Tukimuaqtittiji takujagaqarvimmi Katujjiqagiinginnut Nunaliit Katimajinginnut Angijuqqarijaulluni. Juppikmi sivuliqarmijuq kiinaqpaliuqtiulluni marruunillu ilinniarurmijuq tamatuminga piqqusituqattiavaalumminit.
Iuriju lugt
Tuktuv Inuusuttunik Kiggaqtuiji
Iuriju quttinnilimmi ilinniaqtuq 12−mit Mangilaluk Ilinniavimmi. Inuuvialuingulluni Tuktuujaqturmiutaq, Nunattiarmi. Ilinniarianga quviagillarittanga, ilinniarnirmit, nutaarnit pinasuarnirmit, nilliagiamit imminik ippigijanginni, inuttiavallarik kikkulimaanut. Pijumaniqattiaqtuq, sanngijuq, qanuittutuinnarnit sanaruluujanirmit isumagunnaqtuq, ilaagiit inugiangullutik Ilangit inuuvialuit ammalu quviaqtuq nakinngaaqsimanirminik. Tarrijaassaliuqtaunirminik uvagut qanuiliqqitalirmit, takutuinnangitturli sila asijjipallianinganni, kisianili qaujisaqataujunnarmijuq piqqusirminik qanurlu iliqqusiqaqattalaurmangaata uattiarualuk ullumi ajjiginngitanganni.
Kaaman Kuptaana
Tuktuv Inuusuttunik Kiggaqtuiji
Upalak Asi. Kaaman Tuttuujaqturmiinngaaqsimajuq, Nunattiarmi, Kanata. Inuuvialuttun atinga kaguna. Itturilauqsimajanga Tattuk (Ataatattiangata) attilauqsimajanga Nanirmit (Anaanattiangata) atinganni Kuristina inuuvialuktut atinga, irngutanginni ilulinginnillu taimaatuaq attiqtausimajuq. Anaanagilauqsimajanga sanngijualulauqsimajuq, silatulluni piqqusituqaminik atuqattaqtuni arnaulluni miqsiqtiasuungulluni, ammalu piqqusirmini atingani atuqattaqtuq iqqaitigijauvattunilu.
Tiuru Tatjuk
Tuktuv Inuusuttunik Kiggaqtuiji
Tiuru Tatjuk quttinnilimmit 10−miittuq Mangilaluk Ilinniarvinganni Tuttujaqturmi, Nunattiarmi. Pingasunit angijulik/nukalik pingasunillu najaqaqtuni; nukaqtiqpaarilluniuk Faanut Piiliks Angijutti ammalu Pasi Tatjuk Aulaqattariassaq nunamut quviagijanga piluaqtumit niqissaqsiuriaqataulluni ilaminut. Namutuinnattiaq aullariassarlu quviagijanga Inuuvialuit nunangannut asinginnullu. Upigijaqattiaqtuq inuuvialuuningannut. Ilangit qaujimajauttiaqsimajut piqqusirminik atuqtutik inuusimajut; ataatanga asivaqtiulluni sanannguaqtiullunilu anaananga niqiliuttiakkaluk inuulitarnit ilaminnut asinginnullu. Asivarnirmit ilissimajuq iqalugasuarnimillu ataataminik, raan piiliksmit. Quviagijalik niqissaqsiurianga ilaminut tuttuminirmit, kanguq iqalunnillu. Aujakkut, iqqanaijaqattaqtuq tuktuvmit ajjiliurijiulluni pigialauqsimalluni nuna, tariuq, silalu piliriaq ilinniavimmi Quviagijaqalauqtuq qulaaguulikkuuqattariaq namutuinnaq Inuuvialuit Iluani.
Naitani Kuptaana
Tuktuv Inuusuttunik Kiggaqtuiji
Naitani, qaujimajaummijuk Muk, Tuttuujaqtummiutaq, Nunattiaq inuusilimaminik. 19−nik ukiulik pijassaqaqtiinnaruluujaqpattuq kisutuinnarnit pinnguarnirmillu, iqqanaijaqattaqtunilu inuusuttuni piliriqatiqaqattaqtut Inuusuttunut Pinnguarvimmi, illuliuttissaunirmut ilinniarmijuq nunalinnit.
Tukisigiarunnaqtutit Uumunga
Inuit Ukiuqtaqtumiuqatigiit Katimajingit Kanatami Allavinga
75 Auput Aqqutinga, Allavinga Naasautinga 1001
Aatuaa, Antiuriju
Kanata
K1P 5E7
+1 613 563 2642
Qarasaujakkut Turaarutinga : icc@inuitcircumpolar.com