Silarjuami Katujjiqatigiit Piliriassangit Katimanirjuaq Silaup Asijjipallianinganni silarjuami avatilirinirmut angiruti tigujaulauqsimajuq Mai 9−mi, 1992−ngutillugu ammalu “matuiqsillutit atiliurusirmut atiliuqtauniarluni” katimanirjuami silarjuamut riu tii jiniurumi, purijiul juuniutillugu 3-14, 1992. Angiqatigiigummuulauqtut Maajjiutillugu 1994 nunalirjuat amisukallat pigiaqtitaulauqtillugit Tiisiippirimi 1995, 197 nunalirjuat atiliulauqsimajut.

Turaagangit Silarjuami Katujjiqatigiit Piliriassangit Katimanirjuaq Silaup Asijjipallianinganni taimailluaqtigasuarlugit sanavimmi pujurluit anirnimuuqqaqtut ulurianarunniitittikannirajarninginni sila qanuittuuninganni. Piliriangujut isuqaqtittinngittut aaqqissimaningit surunnaqtunit pujurlunni anirnimuuqqaqtut immikkut nunalirjuat ammalu ajauqtuijjutinik pitaqanngittiarninganut. Taimali, piliriangujuq nalunaijaisimajuq qanuq tamakkua silarjuami angirutiujut (maligat uvvaluunniit angirutiit) aivajjutaulutit aaqqikanniqullugit taimaittunungajunik pigiarutiqakkannirasuarlutit turaaganginnuuqqarlugit Silarjuami Katujjiqatigiit Piliriassangit Katimanirjuaq Silaup Sijjipallianinganni.

Piliriqatigiit katimanirjuami arraatamaat katimaqatigiiqattasuut 1995−minit “Katimaqatigiittut Piliriqatiqgiit” kamallutit pivalliagiaqarninginni makuninga sila asijjipallianinganni. 1997−mi, Kiutu Angiruti ilaulijjaulauqsimajuq saqqiqtaulluni maligaqtigu piliriangujariaqaqtunit pivalliagunnaqtunik nunalirjuani pujurlualunni sanavinni pitaqannginiqsauliqullugit pigiaqtugit 2008-2012. Taimali 2010−mi Silarjuami Katujjiqatigiit Sila Asijjipallianingannut Katimaniujumit saqqiilauqsimajut angirutimik uqaqsimajuq sivunittinni silarjua uqquusivallianinga isuqaqtitaugasugialik 2.0°C−mit sanavinniinngaaqtunik.

2015−mi Pariimi Angirutik tigujaulluni, aulattijjutaunialiqtuq mikillivaalliqullugit pujurluit anirnitinnuupattut 2020 saqqilauqsimajuq, taakkutiguuna piliriniaqtut Nunalirjuarmiut Ikajuqattariaqarniarninginni, turaaganga attiniqpaangutigasuarlugu 1.5°C. Pariimi Angiruti atuliqtitaulauqtuq Nuvipiri 4, 2016-mi.

Sivulliqpaaq piliriarijarialingit aaqqiqtaujut Silarjuami Katujjiqatigiit Piliriassangit Katimanirjuaq Silaup Asijjipallianinganni atiliuqtitaulutit nunalirjuat avittuqsimajut aaqqiilutit nunalirjuami pujurluit anirnitinnupattut qaujisaqtaulutit piijaqtaunasuarlutillu, saqqiqtauvaallulauqsimajut 19090−mi angirutiliuqtutit tamatuminga nunalirjuani Kiutu maliganganni ammalu piliriassanginni takkua nunalirjuat avittuqsimajunik GHG mikillivaalliqullugulu. Ullumimut aaqqiqtauluni qaujisaqtaulutit tunijauqattarlutillu arraagutamaat ilagutaulutit nunalirjuanit avittuqsimajunik.

Inuit ukiuqtaqtumiuqatigiit katimajingit pilirijimmariit katimaqataulauqsimajut nunarjuami katimaniujumi riumi 1992−mi, nilliallutit inuit isumagijangit sila asijjipallianinganni katimaqatigiit piliriqatigiit taimanngani. Taakkua inuit ukiuqtaqtumiuqatigiit katimajivut nalunaiqsisimajut kajusitittisillutit katimanirjuanganni ilaakkuungajunik titiraqsimajunillu sila asijjipallianinganni.

Tainna 2018−mi utqiavvik nalunaiqtaulauqsimajuq uqaqsimajut, “inuit ukiuqtaqtumiuqatigiit katimajingit sivulliqpaangulauqsimajuq gavamaunngittuq katujjiqatigiingillutit ujjirusuttiaqujillutit maligaqtigut nilliagunnarlutillu inuit pijunnautingitta isumagijanganni attuqtaujunnarninginni sukkalijualummi sila ukiuqtaqtunganni.”

Ammalukkanniq, Maligarmit 38−mi Utqiavvik Nalunaiqtautillugu maliganginni Inuit Ukiuqtaqtumiuqatigiit Katimajingit imaigialiit: “Piqataulutit aulaninginni Silarjuap Katujjiqatigiinginni “Nunalinni Nunaqaqqaaqtuminirnillu Katimajiujunik” piviqaqtitaulutit pilimmasattiarunnaqattarlutit, atuutijunut sila asijjipallianingannut ikajuutiujunut ammalu piqujarnut, ammalu Angillikannirasuarlutit Nunaqaqqaaqtuminiit piliriqatiqarlutit Silarjuami Katujjiqatigiinnik Pilirinirmut Katimanirjuanganni Sila Asijjiallianingani.”