Silarjuami Avatilirijiit Allavinga saqqiqtaulauqsimajuq sivuninganni 1992 Riumi Nunarjuami Katimaniujumit kamagumallutit nunarjuap akailliurutinginni avatittinni kamagumallutit. Taimanngani Silarjuami Avatilirijiit Allavinga kiinaujaqaqtittisimaliqtuq $21-pilianit tunirrutinik, ammalu sanirvaikanniqsimallutit $114-pilianik kiinaujaqaqtittiqataullutit ungataanut 5,000−nit piliriangujunik 170−ni nunalirjuanit avittuqsimajunit. Mikiniqsat Tunirrutiit Ikajuusianguvattunit, Silarjuami Avatilirijiit Allavinga ikajuqtuisimammijut ungataanuuluaqtuq 25,000 Inuit sasaijatinginnut nunalinnit pigiarutausimajunik 133−nit nunalirjuanit avittuqsimajunik.

Angiqtausimagiaqarngat Ukiuqtaqtuup Katimajinginnut, taakkua Silarjuami Avatilirijiit Allavinga apirijausimajut kiinaujaqaqtittigunnarmangaata piliriassaujunik amisukallannik pingannangannu Ulaasaa makuningalu surunnaqtuqaliqtunit inuulitanginni, paqqijaugiaqarninginni imarmiutait, piuqsuariaqarninginni piruqtunik ajjigiinngittunik, ammalu qaujisaqtauninginni attuiniqarninginni sila asijjipallianingannut. Piliriassaujut pingannangani Ulaasaa ikajuqtaujumattiaqtut taakkununga Silarjuami Avatilirijiit Allavinga kiinaujaqtigut – surunnaqtutaqainnarninginni Inuulitait − kamagijaulutit Inuit Ukiuqtaqtumiuqatigiit Katimajingit tunirrusiaqtaalauqtut USD−mit 25,000 tussirautiliurlutit, tunittaliqqut Ukiuqtaqtumu Qimirrujinut Qaujisaqtinut Pilirijinut ammalu Ulaasaat Katujjiqatigiinginnut Nunaqaqqaaqtuminirnut Ukiuqtaqtunganni.

Inuit Ukiuqtaqtumiuqatigiit Katimajingit akunimut kamaqataunginnarniarninginni aqqiisimajut taakkununga Silarjuami Avatilirijiit Allavinganni piliriqatikannirasuarlutalu piliriqatigiinnattiaqtaraluavut taakkua UNEP, UNDP, ammalu Silarjuami Kiinaujakkuviit. Ammalu, qaujikkaigumammigatta kiinaujait atuliqtittittivattunillu piliriqatiqakkanniriaqarnitinni ilaannikkut puiguqtauqattarngata.

Taakkua Silarjuami Avatilirijiit Allavinga qarasaujakkut tukisigiarutinit uvaniimmijut: https://www.thegef.org/