Inuit Ukiuqtaqtumiuqatigiit Katimajingit Piliriaksangit

Pigiarutiqaqtuminiit Sivumuakkanniqullugit Inuit Takunnaqtangit

Inuit Uqausinga

Saqqijaaqtitaujut paqqijauningillu inuit uqausingit sivulliqpaujjaunginnattiaqtut Inunnut Ukiuqtaqtumiinguqatigiit Katimaninginni.

Amisunillu pigiarutiqaqsimallutit ukiugalaujunik aniguqtunik.
Tamakkua piqasiutisijut Silarjuami Ukiuqtaqtuq Ilisarijauni (IPY), Kalaałiit Nunaani Titiraqtiit Katujjiqatigiingit, amma Kanatami Ittarnisalirijikkut. Kanatami Ittarnisalirijikkut suurlu, piliriqatiqarumasimajut Inuit Ukiuqtaqtumiinguqatigiit Katimajinginni parnallutit silarjuami uqausilirinirmuungajumit katimavijjuatittilutit.

Inuit Ukiuqtaqtumiinguqatigiit Katimajingit ikajuqtuittialaurmijut ilagijaullutillu katujjauqataullutit ArcticNet/Nunavut Tunngavikkunni pilirianit saqqiqtaulauqtunik Inuit sila asijjipallianingannut uqausilirinirmit; ammalu qilliqtumi uqausirnit Inuttituungajunik atuinnaqtaqalirilluni.
Asinginnittau piliriqattarmijuq ajjiungittunit uqausirnit Inunnut piliriqatiqaqtutit, qaujimajaugiaqarmijut. Kalaałiit Nunaani uqausilirinirmut Katimajiralaangit ammalu Nunavut Inuit Uqausilirinirmut Kamisanakkungit uqaqatigiiqattaqtut piqujait pijjutigillugit.

Inuit Ukiuqtaqtumiinguqatigiit Katimajingit ikajuqtuivattut asinginni pilirianit qarasaujalirinirmuungajunik uqausilirinirmullu silarjuami ukiuqtaqtuup arraagunganni ammalu Silattuqsarvijjuanganni Turaantuup, suurlu. Alaaskami, Katanal (Catanal) (Qarasaujalirinirmut Uqausiliriniq Alaaskaup Uqausinginni) piuttiaqtuq ikajuqtuqtaullunilu Inuit Ukiuqtaqtumiinguqatigiit Katimajinginnut. Suli pilirikkannirialiit Sikaattami, Inugialuanngikkaluaqtillugit Juppittituurunnaqtut, pivallianginnaqtut.

Inuit Ukiuqtaqtumiinguqatigiit Katimajingit piqataulauqsimajut simarjuami katujjiqatigiinnik Nunaqaqqaaqtuminiit Uqausinginni Nalunaijaiqataullutik. Taakkua 2019−mi Silarjuap Arraagugitilluniuk Nunaqaqqaaqtuminiit Uqausinginni, ammalu Silarjuami Ukiunut Qulinut Nunaqaqqaaqtuminiit Uqausilirinirmit 2022-2032.