Surunnaqtut

Quvvasinniqsaliuqtut surunnaqtuminngaaqsimajut tamakkua akuni piqattaqtugit niqigijaujunuuqqarngata Inuit niqinginnut ukiuqtaqtumi. Qaujisallarililauqtut surunnaqturujunnik ammalu silarjuami atuqtutit makuninga asinginniittunik Sitaakhummi Katimavijjuarnirmit pijjutiqaqtutit ilassanit Surunnaqtutaqainnaqtunit.

Inuit Ukiuqtaqtumiuqatigiit Katimajingit aaqqissuijumammata qaujisaqtimmaritigut Inuillu isumaaluutingit saqqiqtaulutit silarjuarmut Kanatamilu qaujisaqtulirinirmuurlugit, suurlu Ukiuqtaqtumi Qaujisarnirmit Ikajuutinik Ukiuqtaqtuup Katimajinginnut, ammalu Kanataup Ukiuqtaqtunganni Surunnaqtunit Ikajuutinik

Ajjipalunganilu, Inuit Ukiuqtaqtumiuqatigiit Katimajingit aivaqataunasuallarittut Tamatuminga Katimanirjuanginni Aqirruujanit, atuliqtitaulauqsimalluni 2017−mi. Ilangit surunnaqtut mikillivalliajuugaluat ukiuqtaqtumi, kisianili nutaarnit surunnaqtutaqaliqpalliammijuq. Auttajuuq suruillariniqtuq tamanna nutaaq, ulurianaqsijut. Suurlu, auttajuussait irravinginni uumajunni nanijauqattaliqtut niqissaqsiuqtausimajunnganik nirijauvattunillu.

Inuit Ukiuqtaqtumiuqatigiit Katimajingit pilirinnarniaqtut tamakkuninga silarjuami angirutausimajunik makununga qanuq Inuit aanniaqtailimaningit attuqtauvammangaata surunnaqtunik ukiuqtaqtumi, ammalu kajusitittittiarasullutit piuniqsanilu maligaliurlutit atuutiqattiarniqsaugajaqtunik.