Lansat inuusailirijinut qimirrujausuuq inuulisainirujunnut uqalimaagaujuq. Nunarjuarmi nutaunngilaangulluni qaujimajaulaangullunilu inuulisainirujunnut uqalimaagauvuq. Pigiaqtitaulauqtuq 1823mi Taamas Uaklimut, Iinngalamiuq pilattuqti attiqtuniuk pilattuutimut atilimmik Lansatmik. Arraaguit 200 aniguqtillugit, Lansat saattinasussimajuq tuavirnaqtuni qanuittunut inuusittinni, pigiaqtittillutik uqaqatigiinnirnik, kiglisiniarniq tukisinaqsitittugu, qanuqtuurutinullu ikajuutausimalluni qanuqtuuqtinut nunarjuammi.
Lansiat sanasimammijut unuqtunik “katimajinik” uqausiqasuunik atuutiqaluaqtunik akaunngiliurutinik. Katujjiqatigiisuut nunarjuarmiunit qaujisaqtinik, inulimaanut qanimaqarnanginnirnut qaujimajitarnik atuagaliuqtinillu saaqullugit assururnalaat akaunngiliurutiit nunarjuammi qanuinginnirnut, sivumuaqullugit pijunnautiit qanuinginnirnut, qanuinginnirnut nalimunniit, inuusikkullu pittiaqtaungittut pittiaqtauqullugit.
Lansat Katimajingit Ukuqtaqtumi Qanuinginninginnut taimannattauq pigiarutauvuq. Pigiarutiit katimaniit saqqittiqullugit katimajinginnik pigialuauqtut ukiassaangani 2019-mi Taatmaut, Niu ᕼaamsumi. Sivulliqpaammut katimallattaalauqtut Viivvuari 2020mi. Kinguniagut katinniit qarataujatiguuqsimajut nunarjuammi nuvannarjuammut pijjutigillugu.
Katimajingit nainik ilaqaqtut Sivuliqtikkut Katimajingit, 21-nillu Katimajiqaqtutik. Inuit Ukiuqtaqtumiut Katimajingita Issivautanga Talii Sampu Turu Issivautauqataulluni marruunnit, aipparillugu Liisa Aatam Tautmaut Silattuqsavvimmit. Asingit sivuliqtinut ilagijaujut piqasiujjijut: Siila Uat-Kluutiai, Inuit Ukiuqtaqtumiut Katimajingita Kanatami Qanimaqarnangittulirinirnut Iqqanaijaqti Sialma Vuat. Inuit kiggaqtuqtauttiaqtut iluittukkut katimajitiguttauq.
Lansat Katimajingit Ukiuqtaqtumi Qanimaqarnanginnirnut piviqaqtittiniaqtut “guulumut uqauti” mik tavvuuna pigiarunnaqsiniaratta tusaumajautillugit unikkaat ilitausimajullu qanuinginninginnut inuuttiarninginnullu Ukiuqtaqtumi Nunaqaqqaaqsimajunut Nunaqaqqaaqsimajut tauttuanit nunarjuarmiunut naalattunut .
Inuit Ukiuqtaqtumiut Katimajingit ikajuqtut taassumunga unikkaamut, uqausiqarniaqtutik qanuilinganinginnut qanuinginniit Ukiuqtaqtumi Nunaqaqqaaqsimajut Inuit taimaittariuqtut inuuqatigiitigullu tukinit. Inuit Ukiuqtaqtumiut Katimajingit ikajurniaqtut saallugit qimaktattinni nunaiqtaunirnut unikkaap nalunairutiani. Katimajingit uqausiqarniarmijut tauttunik Nunaqaqqaaqsimajut Inuit isumagijanginnut inuuqatigiitigut, ippigusunnikkut, ukpirnikkullu qanuinginnirnut, piqasiullugit pirjuanguningit ilait, nunaqqatigiit katillugillu iliqqusingit Nunaqaqqaaqsimajut Inuit. Tauttuvut piqsiujjauniarmijut unikkaap isuani tiliurutinginnilu.
Lansat qarataujakkut takujassat uvani: https://www.thelancet.com/