Mini Gurai, Issivataq Silarjuami Ukiuqtaqtunit Inunnit Aanniaqtailimajulirinirmut Katimajiralaangit, apiqsuqtautillugu sivulliqpami Inuit Ukiuqtaqtumiinguqatigiit Katimajingit Aanniaqtailimajulirinirmut Katimaninginni 2009−mi.

Inuit isumagijangitigut, aanniaqtailimajuliriniq inuunasuattiarnirlu takunnaqtaummat iluittuullugu timikkut isumakkullu ilaakkuuqtirlugit kamagijaussaunngittuuk katinngajuuk aanniaqtailimajuliriniq nunattinni ammalu aanniaqtailimajuniriniq nunamit Inuit kamagiqattaqsimajangit aaqqiumajjutiit aanniaqtailimanirmut assuruutauqattaqsimajut atuqtutit piujualummi angijualummillu qaujimaninginni sanngininginnillu nunanginni.
Inuit Nunanganni, amisut inuit ajjigiinngittunik aanniaqtailimajulirinirmit atuqpapput. Inuusirmit niriunaqtumit, nutaraullu inuuguniipattut, amisullu aanniaguvattut imminiiqattaqtullu tamakkua isumaaluutillarialuummata. Timikkut isumakkullu pijittiqtaugialit, piqasiutilugit aanniavinnit, kiinaujaqtigut, inuusilirinikkullu naammangimmata pitaqanngimmat taimaittunik Inuit Nunanginni.

Piluaqtumit, isumalirinirmut assurunnaqtukkuuqtunit Inunnit amisunit ullumiujuq naammangimmata silarjualimaat maligangiugaluaqtillugit. Amisuuniqsaummata imminiiqattaqtut inuit tamanna tuavirnaqsiliqtuq. Katittugit kisutuinnait nunalinni takussalittiaqtutillu, silarjuamillu tusaumajaullutit, piqqusinginniinngaaqtunik imminiiqtailimatittinirmut parnautinik pigiarutinillu aaqqissuigiaqaliqtut atuliqtitaulutillu Inuit Nunanginni kamagijaulutit ulurianaqtut, saqqijaaqtittikannirlutit nuqqangatittijjutissanik, imminiinnginiqsauqattaqullugit Inuit. Piluaqtumit, surusiit inuusuttuillu isumangit ajjiungittumit ikajuqtuqtaugiaqarngata ikajuqtaulutillu qaujimattiaqtunit Silarjuami Katujjiqatigiinnik Katimaninginni Malillutit Pijunnautigijaujunik Surusirnut Maligaq 19 Malittugu ammalu 39.

Inuit Ukiuqtaqtumiinguqatigiit Katimajingit Kanatami nilliajjutiqainnarngata kiggaqtuillutit Inunnit. Tamanna qarasaujakkut tukisigiarutiujuq iluliqaqtuq qanuq kamagijaujunnarmangaata Inuit aanniaqtailimajulirininginni, suurlu Silarjuami Ukiuqtaqtumiinguqatigiit Inuit Katimajiralaangit, suurlu Imaittunit Piliriangujut Saqqiiningit (CREATeS), Nunalinnit 2 Silarjuamut (L2G), 2021−mi Inuit Aanniaqtailimajulirinirmut Katimaningit, puvvirinnaq, ammalu tamakkua tuqquqtausimajut titiraqsimajut avungaaluungajut ukiugasarnut aniguqsimaliqtunut.