Inuit Ukiuqtaqtumiutauqatigiit Katimajingit Kanatami

Representing Canadian Inuit on the International Stage

Inuit Ukiuqtaqtumiuqatigiit Katimajingingmut Tunisigumaguvit

Inuit Ukiuqtaqtumiuqatigiit Katimajingit Alaaska

Inuit Ukiuqtaqtumiuqatigiit Katimajingit Kalaałiit Nunaani

Inuit Ukiuqtaqtumiuqatigiit Katimajingit Sukuutka

Angijuqqaaq

Liisa Qupirrualuk

Liisa Qiluqqi Qupirrualuk Puvirniqtumi inuulauqsimajuq, Kupak Uannangani (Nunavummi). Piruqsalauqsimajuq ittukkunginni Liitia ammalu Aisa Qupirrualukkunni, ilinnialauqsimalluni nukaqtinut nunavummi. Paippaaqarilluni pijariiqsimajunik Katimajilirinirmit Kankuatia Silattuqsarvijjuanganni, Manturiami, paippaaqarmijuq Inulirinirmit Qaujisarnirmit Lavaul Silattuqsarvijjuanganni, Kupakmi.

Inuttituurunnaqtuq, Qallunaatitut Uiviititullu, Liisa Tusaumaqattautilirijikkunnut Ilisimakainnalauqsimajuq Makivikkunni ukiunut 7−nut piqatauvattuni ukiuqtaqtumi avittuqsimajunik, Kanatami silarjuamilu pivalliajulirinirmit suurlu Inuit Ukiuqtaqtumiuqatigiit Katimajinginni Katimanirjuamit Kuujjuami 2002−mi, Paurumi 2006 (tilijausimalluni) niruaqtaulluni Julaimi 2018−mi Utqiavimmi Angijuqqaap Tungilirilluniuk Silarjuami Inuit Ukiuqtaqtumiuqatigiit Katimajingit Kanatami.

Liisa aivajinut angijuqqaangulluni Nunavummi namminiq pilirijunik gavamakkunni Kanatami, sivukkaqtaijuq Nunavikkunni Kuapuriisakkunni. Katimajiuqataummijuq Kativik Avatilirinirmut Katimangijinni 2010−minit, imminik isumaliuqattaqtuni kamaqattarmijuq qaujisaqtuni qimirrullunilu pivalliajunik Nunavummi. Saqqiqtausimallutit tamakkuninga Jaims Paikkunni ammalu Kupak Uannanganiup Angirutimik, Katimajiuqataummijuq Kativik Avatilirinirmut Katimangijikkut aulataullutik Jaims Paikkunni ammalu Kupak Uannanganiup Angirutikkunnut ammalu avatilirinirmut piunasuanirmut piqujanginni Kupakmi.

Pigiaqtittiqatausimammijuq angijuqqaangulauqsimallunilu Saturviit Inuit Arnanut Katujjiqatigiit Nunavummi, pilirillutik inulirinirmut iqqaqtuivilirinirmit Inunnut arnanut surusirnullu turaangajunik qaujisaqtutit inunnit arnanit Nunavummi isumagijanginni qaujinasuaqtutit. Utiqtittinasuarnirmut Niriugijaqarnirmit ammalu Sailinirmut Unikkaat saqqilauqsimajut uqausiminiit Inunnit arnanut nunavummi makununga iluqariaqarninginni, ilinniariaqarninginni iqqanaijariaqarninginnillu, ningaqtauqattaqtut aannitiqtauqattaqtullu ammalu iqqaqtuiviliriniujuq Nunavummi.

Piliriarilauqsimajanga Qaujisarluni Kanatami Apiqsunniujunik Jagasimajunik Inuaqtausimajunillu Nunaqaqqaaqtuminirnit Arnanit Niviaqsianillu maannaruluk isulirataalauqtumit Kingulliqpaami Unikkaaliuqsimajuqaqtuni, Tigusivallianirmit Sannginiujunik ammalu Iniqarninganni Kanatami Apiqsuqtaujuqarninganni Juuniulauqtumi 2019−ngutillugu.

Piliriqatiqaqattaqtut Inunnit pigumajanginni namminiq nilliajiugumajunik Inunnit katimajiunirmut pivallianirmullu, inulirinirmullu iqqaqtuivilirinittigut piluaqtumi inuit maliganginni) paqqijauninginnillu avativut, piqqusivut uqausivullu.

Tukisigiarunnaqtutit Uumunga

4 + 2 =

Inuit Ukiuqtaqtumiuqatigiit Katimajingit Kanatami Allavinga
75 Auput Aqqutinga, Allavinga Naasautinga 1001
Aatuaa, Antiuriju
Kanata
K1P 5E7

+1 613 563 2642
Qarasaujakkut Turaarutinga : icc@inuitcircumpolar.com