ICC−kut katimaqatauqattaqsimavut pimmariujunik Nunarjuarmi Katujjiqatigiikkut katimatitsininginni taakkua Nunarjuami Imarmiutalirijikkut Timiqutingatta (IMO−kut) arraaguugasannit. IMO−kut pigiaqtitaminiit 1958−mi kamajiuqullugit atuagaliuqtiulutillu usikattarnirmuungajunut nunarjuami. Lantanmiittuq, UK−mi.
Nipiqaqtitsijut Inungnit katimaqattarniujuni pimmariuvuq pijjutigillugu imarmiutanut inuunasuarutiqarmigatta, niqitsaqarvigigattigu ima, niqitsattattauq ilangit usijauqattariaqarmimmata umiarjuatigut arraagutamaat umiarjuaqarnautillugu usijunik. Inuunasuarusivut aktuaniqarmat ukiuqtaqtumi uumajut najugaqatigiingninginnut silaqatigiingninginnullu piqqusivullu qaujimanirijaujutigullu. Tatiqaqpakatta ukiuqtaqtumi imarmik, sinaanik, imarmilu piruqtunik niqitsatinnik.
Pijjutigillugu attuinirluttut silaup asijjirninganut, ukiuqtaqtuq sikuminiqtaqarunniipalliatuinnaqtuq aujakkut, pijjutauqasiutimmijuq amisuuniqsait usikattaqattalirninginnut imattinni. Ukiuqtaqtumut Katimajiit unikkaaliarisimajangat takunnaqsugit usiqattarniminiit arraagut 2013-2019−mut 75−pusamik amisunguriaqsimaningit ingirravattut imakkut, ammalu 25−pusamik amisunguriaqsimallutik takulimanaittut umiarjuat. Tamannalu taimailiutuinnalangalirninganik niriugijaulluni.
ICC−kut sivulliqpaullutik Nunaqaqqaaqsimajunut Timiqutaujuq ilitarijauniqarumallutik qaujigiarvitsaunirmik IMO−kut aqqutaulutik. Tamanna Nuuvaimva 2021−ngutillugu ilitarijaujjutitaarutigijujavut. Tavvani qaujigiarvitsami takuniaqtutit tamaksumunga aktuajunik titiraqsimajunik tuksirarutigijattinnik atukainnatuinnangilluni atuinnarnialirluni qaujigiarvitsaunittinnit. Qaujiniarmijutit titiraqsimajunik turaangajunik isumaaluutigivattatinnik uqausirivattavut taakkununga IMO−kunnut, suurlu Pauq Qirniqtaq, Imaup Iqqaani Ittutuqtut, ammalu Uqsaaluqaqattarniq Uqsuqtirutilinnik Tangilinnik (HFOs) ukiuqtaqtumi.
Malitsugu taanna UN Angiqatigiigut Pijunnautingita Nunaqaqqaasimajut Pillugit (UNDRIP), Inuit asingillu Nunaqaqqaaqsimajut nunarjuami pijunnautiqarmata tamakkununga nunanut nunamilu atugaksanut. ICC−qut niriuttut tukilinnik akauniqsanillu minaraqpanirmik aqqutigilugu taanna UNDRIP nunarjuami aulatautsiaqullugu, isumagijavullu taakkua IMO−kut katimajiqutingillu timiqutaujumut ikajuqtaulanganinginnit tavvuuna pigiarutigilugu.
ICC−kut piqataugumaniqarmijut inuup timiliup pijariaqarningani attanangittumillu aulatsiniqtaqaqullugu imakkut, piluaqtumi nunaqaqqaaqsimajut nunalimmini angunasuaqtiit ammalu umiarjuaqtaqarnialiraimmat usijumik aulatsiniuvattut. Inuit umiaqauqtut aulagunnaqtaminnik, piqataugumaniqaqsutillu akauniqpaakkut aulatsinirmik avatimik atuutilimmik inungnut piqqusirmingnillu iliqqusilingnut inuunasuarusiqaqtunullu nunami.
Silarjuami Imavilirinirmi Timiujuq (IMO) Allavitsatigut
Inutuinnait Ukiurtatumiunguqatigiit Katimajingit (ICC) – Nuvipiri 22, 2023-minitait
Titiqqait ICC−kut tunijarialingit IMO−kunnut:
Sub-committee Documents:
Sub-committee on Ship Design and Construction (10th session. Agenda item 5)
Sub-committee on Pollution Prevention and Response (11th session. Agenda item 6)
Sub-committee on Pollution Prevention and Response (11th session. Agenda item 7)
