Inuit Ukiuqtaqtumiuqatigiit Katimajingit takunnaqtauningit pigiaqtittijjutaulauqsimajunik taikani 1970−nginni piliriangulaurmijut Silarjuap Katujjiqatigiinginni piusivaallikanniqullugit Inuit pijunnautingit Inunnit ammalu aminit pijjutilinnit 1983−mi Inuit Ukiuqtaqtumiuqatigiit Katimajingit angiqtaulauqsimajut “Katimatittinirmut Qanuilingalirningit” taikani Silarjuap Katujjiqatigiinginni ataaniillutit Makimajjutilirinirmit Inulirinirmullu Katimajinginni – qaujimajauvattuq imaak ECOSOC.

2000−mi Silarjuami Katujjiqatigiit Katimajiuqataunginnaqtut Nunaqaqqaaqtulirinirmit Silarjuap Katujjiqatigiingit Katimajiunginnaqtut Nunaqaqqaaqtuniit Missaanuungajunik Saqqiqtaulauqsimajuq ammalu Ukiuqtaqtuq ilisarijauliqtuni avittuqsimaninginni atuinnautittiliqtutit Inunnit Saaminillu issivaaqatauniaqtutit katimajiunirmut. Katimajiuqataunginnarniaqtumi Pilirigajaqtut Silarjuami Katujjiqatigiit timinganni kamalutit nunaqaqqaaqtuminiit pijunnautinginni. Katimajiuqataunginnarniaqtunik pimmariummat inunnut asinginnullu nunaqaqqaaqtuminirnut silarjuami quttiniqpaatuummat Silarjuap Katujjiqatigiinginni timiujumit Avittuqsimajunik tikkuaqtausimanngittunit katimajiujunik.

Ammalu, iluani Silarjuap Katujjiqatigiinginni, Pilirijimmariit tamakkuninga Pijunnautilirinirmit Nunaqaqqaaqtuminirnut Inangiijut parnattini nunaqaqqaaqtuminirnit. Ilagijaujuq Silarjuami Katujjiqatigiinnik Inunnut pijunnautinginnut katimajinginnut, Inunnut pijunnautinut timiujuq Silarjuami Katujjiqatigiimmut. Pilirijimmariit isumagijanginni pijunnautinginni Nunaqaqqaaqtuminiit Inunnut Pijunnautinginnut Katimajinut uqaujjigiaqsisuut. Arraagutamaat Pilirijimmariit tamakkuninga Pijunnautilirinirmit Nunaqaqqaaqtuminirnut Katimatittilauqsimammijut Janiivami, Julaingugajuttumi.

Piliriqatiqaqtuta Silarjuami Katujjiqatigiinnik Inuit ilagijauvattut akuni aaqqigiarialinnik aivajjutaugiaqaqtunillu tamakkuninga tigusivalliallutit Silarjuap Katujjiqatigiingita Nalunaiqtausimaninginni Pijunnautinginni Nunaqaqqaaqtuminit 2007−mi. Uattiaruli titiraqsimajut atuqtaullarippajummata Inunnut assurunaqattaqpajummata paqqigasuaqtugit Inuit pijunnautingit, piqqusingit, makimajjutissangit, katimajiunirmullu pivalliagasuarnirmut.

Pimmariujut pigiarutiusimajut Silarjuami Katujjiqatigiit Pivallianinginnut Ikajuutiit tigujausimajuq turaagarijauniaqtuni – qaujimajaugajuttuq Ikupittulirinirmit Turaaganginni. Turaaqpattut nuqqatittigumallutit, ajuqsanirmit, paqqittinirmit silarjuamillu ammalu piujunik saqqiiqujillutit ilagillugu tamanna nutaaq ikupittulirinirmut kamagijaugialik. Ilaliujjisimajuqarmimmat tamakkuninga Nunaqaqqaaqtuminirnit isumaaluutinginni pijjutinginnillu tamatuminga pigiarutausimajumit tussirautimit maannaruluk ajjiungittumit Pivalliatittinirmut Turaaganginni.

Nalunaiqsimaninginni kajusitittilauqsimajut Inuit Ukiuqtaqtumiuqatigiit Katimajingit tilijausimajut Katimanirjuanganni arraagut tisamat aniguraimata atuaqsitittiqattarlutit qanuq inuit pilirivammangaata ajjigiinngittunik silarjuami katujjiqatigiinnu timiujunik ammalu kajutittiqattanittinni turaagattinillu inuqutittinni.