ᐃᓄᐃᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ

Representing Canadian Inuit on the International Stage

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᖕᒧᑦ ᑐᓂᓯᒍᒪᒍᕕᑦ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓛᖡᑦ ᓄᓈᓂ

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓱᑰᑦᑲ

ᐊᖏᔪᖅᑳᖅ

ᓖᓴ ᖁᐱᕐᕈᐊᓗᒃ

ᓖᓴ ᕿᓗᖅᑭ ᖁᐱᕐᕈᐊᓗᒃ ᐳᕕᕐᓂᖅᑐᒥ ᐃᓅᓚᐅᖅᓯᒪᔪᖅ, ᑯᐸᒃ ᐅᐊᓐᓇᖓᓂ (ᓄᓇᕗᒻᒥ). ᐱᕈᖅᓴᓚᐅᖅᓯᒪᔪᖅ ᐃᑦᑐᒃᑯᖏᓐᓂ ᓖᑎᐊ ᐊᒻᒪᓗ ᐊᐃᓴ ᖁᐱᕐᕈᐊᓗᒃᑯᓐᓂ, ᐃᓕᓐᓂᐊᓚᐅᖅᓯᒪᓪᓗᓂ ᓄᑲᖅᑎᓄᑦ ᓄᓇᕗᒻᒥ. ᐸᐃᑉᐹᖃᕆᓪᓗᓂ ᐱᔭᕇᖅᓯᒪᔪᓂᒃ ᑲᑎᒪᔨᓕᕆᓂᕐᒥᑦ ᑲᓐᑯᐊᑎᐊ ᓯᓚᑦᑐᖅᓴᕐᕕᔾᔪᐊᖓᓐᓂ, ᒪᓐᑐᕆᐊᒥ, ᐸᐃᑉᐹᖃᕐᒥᔪᖅ ᐃᓄᓕᕆᓂᕐᒥᑦ ᖃᐅᔨᓴᕐᓂᕐᒥᑦ ᓚᕙᐅᓪ ᓯᓚᑦᑐᖅᓴᕐᕕᔾᔪᐊᖓᓐᓂ, ᑯᐸᒃᒥ.

ᐃᓄᑦᑎᑑᕈᓐᓇᖅᑐᖅ, ᖃᓪᓗᓈᑎᑐᑦ ᐅᐃᕖᑎᑐᓪᓗ, ᓖᓴ ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᐃᓕᓯᒪᑲᐃᓐᓇᓚᐅᖅᓯᒪᔪᖅ ᒪᑭᕕᒃᑯᓐᓂ ᐅᑭᐅᓄᑦ 7−ᓄᑦ ᐱᖃᑕᐅᕙᑦᑐᓂ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂᒃ, ᑲᓇᑕᒥ ᓯᓚᕐᔪᐊᒥᓗ ᐱᕙᓪᓕᐊᔪᓕᕆᓂᕐᒥᑦ ᓲᕐᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂ ᑲᑎᒪᓂᕐᔪᐊᒥᑦ ᑰᔾᔪᐊᒥ 2002−ᒥ, ᐸᐅᕈᒥ 2006 (ᑎᓕᔭᐅᓯᒪᓪᓗᓂ) ᓂᕈᐊᖅᑕᐅᓪᓗᓂ ᔪᓚᐃᒥ 2018−ᒥ ᐅᑦᕿᐊᕕᒻᒥ ᐊᖏᔪᖅᑳᑉ ᑐᖏᓕᕆᓪᓗᓂᐅᒃ ᓯᓚᕐᔪᐊᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ.

ᓖᓴ ᐊᐃᕙᔨᓄᑦ ᐊᖏᔪᖅᑳᖑᓪᓗᓂ ᓄᓇᕗᒻᒥ ᓇᒻᒥᓂᖅ ᐱᓕᕆᔪᓂᒃ ᒐᕙᒪᒃᑯᓐᓂ ᑲᓇᑕᒥ, ᓯᕗᒃᑲᖅᑕᐃᔪᖅ ᓄᓇᕕᒃᑯᓐᓂ ᑯᐊᐳᕇᓴᒃᑯᓐᓂ. ᑲᑎᒪᔨᐅᖃᑕᐅᒻᒥᔪᖅ ᑲᑎᕕᒃ ᐊᕙᑎᓕᕆᓂᕐᒧᑦ ᑲᑎᒪᖏᔨᓐᓂ 2010−ᒥᓂᑦ, ᐃᒻᒥᓂᒃ ᐃᓱᒪᓕᐅᖃᑦᑕᖅᑐᓂ ᑲᒪᖃᑦᑕᕐᒥᔪᖅ ᖃᐅᔨᓴᖅᑐᓂ ᕿᒥᕐᕈᓪᓗᓂᓗ ᐱᕙᓪᓕᐊᔪᓂᒃ ᓄᓇᕗᒻᒥ. ᓴᖅᑭᖅᑕᐅᓯᒪᓪᓗᑎᑦ ᑕᒪᒃᑯᓂᖓ ᔭᐃᒻᔅ ᐸᐃᒃᑯᓐᓂ ᐊᒻᒪᓗ ᑯᐸᒃ ᐅᐊᓐᓇᖓᓂᐃᑉ ᐊᖏᕈᑎᒥᒃ, ᑲᑎᕕᒃ ᐊᕙᑎᓕᕆᓂᕐᒧᑦ ᑲᑎᒪᖏᔨᒃᑯᑦ ᐊᐅᓚᑕᐅᓪᓗᑎᒃ ᔭᐃᒻᔅ ᐸᐃᒃᑯᓐᓂ ᐊᒻᒪᓗ ᑯᐸᒃ ᐅᐊᓐᓇᖓᓂᐃᑉ ᐊᖏᕈᑎᒃᑯᓐᓄᑦ ᐊᒻᒪᓗ ᐊᕙᑎᓕᕆᓂᕐᒧᑦ ᐱᐅᓇᓱᐊᓂᕐᒧᑦ ᐱᖁᔭᖏᓐᓂ ᑯᐸᒃᒥ.

ᐱᒋᐊᖅᑎᑦᑎᖃᑕᐅᓯᒪᒻᒥᔪᖅ ᐊᖏᔪᖅᑳᖑᓚᐅᖅᓯᒪᓪᓗᓂᓗ ᓴᑐᕐᕖᑦ ᐃᓄᐃᑦ ᐊᕐᓇᓄᑦ ᑲᑐᔾᔨᖃᑎᒌᑦ ᓄᓇᕗᒻᒥ, ᐱᓕᕆᓪᓗᑎᒃ ᐃᓄᓕᕆᓂᕐᒧᑦ ᐃᖅᑲᖅᑐᐃᕕᓕᕆᓂᕐᒥᑦ ᐃᓄᓐᓄᑦ ᐊᕐᓇᓄᑦ ᓱᕈᓯᕐᓄᓪᓗ ᑐᕌᖓᔪᓂᒃ ᖃᐅᔨᓴᖅᑐᑎᑦ ᐃᓄᓐᓂᑦ ᐊᕐᓇᓂᑦ ᓄᓇᕗᒻᒥ ᐃᓱᒪᒋᔭᖏᓐᓂ ᖃᐅᔨᓇᓱᐊᖅᑐᑎᑦ. ᐅᑎᖅᑎᑦᑎᓇᓱᐊᕐᓂᕐᒧᑦ ᓂᕆᐅᒋᔭᖃᕐᓂᕐᒥᑦ ᐊᒻᒪᓗ ᓴᐃᓕᓂᕐᒧᑦ ᐅᓂᒃᑳᑦ ᓴᖅᑭᓚᐅᖅᓯᒪᔪᑦ ᐅᖃᐅᓯᒥᓃᑦ ᐃᓄᓐᓂᑦ ᐊᕐᓇᓄᑦ ᓄᓇᕗᒻᒥ ᒪᑯᓄᖓ ᐃᓗᖃᕆᐊᖃᕐᓂᖏᓐᓂ, ᐃᓕᓐᓂᐊᕆᐊᖃᕐᓂᖏᓐᓂ ᐃᖅᑲᓇᐃᔭᕆᐊᖃᕐᓂᖏᓐᓂᓪᓗ, ᓂᖓᖅᑕᐅᖃᑦᑕᖅᑐᑦ ᐋᓐᓂᑎᖅᑕᐅᖃᑦᑕᖅᑐᓪᓗ ᐊᒻᒪᓗ ᐃᖅᑲᖅᑐᐃᕕᓕᕆᓂᐅᔪᖅ ᓄᓇᕗᒻᒥ.

ᐱᓕᕆᐊᕆᓚᐅᖅᓯᒪᔭᖓ ᖃᐅᔨᓴᕐᓗᓂ ᑲᓇᑕᒥ ᐊᐱᖅᓱᓐᓂᐅᔪᓂᒃ ᔭᒐᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᑐᒥᓂᕐᓂᑦ ᐊᕐᓇᓂᑦ ᓂᕕᐊᖅᓯᐊᓂᓪᓗ ᒫᓐᓇᕈᓗᒃ ᐃᓱᓕᕋᑖᓚᐅᖅᑐᒥᑦ ᑭᖑᓪᓕᖅᐹᒥ ᐅᓂᒃᑳᓕᐅᖅᓯᒪᔪᖃᖅᑐᓂ, ᑎᒍᓯᕙᓪᓕᐊᓂᕐᒥᑦ ᓴᙱᓂᐅᔪᓂᒃ ᐊᒻᒪᓗ ᐃᓂᖃᕐᓂᖓᓐᓂ ᑲᓇᑕᒥ ᐊᐱᖅᓱᖅᑕᐅᔪᖃᕐᓂᖓᓐᓂ ᔫᓂᐅᓚᐅᖅᑐᒥ 2019−ᖑᑎᓪᓗᒍ.

ᐱᓕᕆᖃᑎᖃᖃᑦᑕᖅᑐᑦ ᐃᓄᓐᓂᑦ ᐱᒍᒪᔭᖏᓐᓂ ᓇᒻᒥᓂᖅ ᓂᓪᓕᐊᔨᐅᒍᒪᔪᓂᒃ ᐃᓄᓐᓂᑦ ᑲᑎᒪᔨᐅᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓄᓕᕆᓂᕐᒧᓪᓗ ᐃᖅᑲᖅᑐᐃᕕᓕᕆᓂᑦᑎᒍᑦ ᐱᓗᐊᖅᑐᒥ ᐃᓄᐃᑦ ᒪᓕᒐᖏᓐᓂ) ᐸᖅᑭᔭᐅᓂᖏᓐᓂᓪᓗ ᐊᕙᑎᕗᑦ, ᐱᖅᑯᓯᕗᑦ ᐅᖃᐅᓯᕗᓪᓗ.

ᒪᕐᕉᓐᓂᒃ ᐃᕐᓂᓕᒃ, ᐊᖏᔪᑦᑎᖅᐹᖅ ᐃᓄᓐᓂ ᓴᓇᙳᐊᒐᓕᕆᖃᑦᑕᖅᑐᖅ ᓄᑲᖅᑎᓪᓗ ᖃᖓᑕᓲᕐᒧᑦ ᐊᖁᑎᐅᓪᓗᓂ ᐃᓄᐃᑦ ᖃᖓᑕᓲᖏᓐᓄᑦ. ᖁᕕᐊᒋᔭᖓ ᐊᓃᖃᑦᑕᕆᐊᖓ ᐱᓱᓪᓗᓂ, ᐃᖃᓪᓕᐊᕐᓗᓂᓗ ᐅᑭᐅᖅᑕᖅᑐᒥ, ᓄᓂᕙᒋᐊᔅᓴᕐᓗ ᖁᕕᐊᒋᓪᓗᓂᐅᒃ, ᐊᐅᓪᓚᖃᑦᑕᕆᐊᔅᓴᕐᓗ. ᐅᓇᑕᓂᕐᒥ ᑯᓛᑎᒋᐅᖅᓴᐸᒻᒥᔪᖅ ᐅᑭᐅᓄᑦ 25−ᓅᓗᐊᓕᖅᑐᖅ ᐃᓕᓴᐃᖃᑕᐅᖃᑦᑕᖅᑐᓂᓗ ᐊᔾᔨᐸᓗᖓᓐᓂ ᐃᓕᓐᓂᐊᕆᐊᓯᓚᐅᖅᓯᒪᓪᓗᓂ.

 

ᑐᑭᓯᒋᐊᕈᓐᓇᖅᑐᑎᑦ ᐆᒧᖓ

13 + 6 =

ᑐᑭᓯᒋᐊᖃᑦᑕᕐᓗᑎᑦ ᖃᕋᓴᐅᔭᒃᑯᑦ ᐳᓚᐅᑎᑎᒍᑦ ᕙᐃᔅᐳᒃᑯᑦ
75 ᐊᐅᐳᑦ ᐊᖅᑯᑎᖓ, ᐊᓪᓚᕕᖓ ᓈᓴᐅᑎᖓ 1001
ᐋᑐᐋ, ᐊᓐᑎᐅᕆᔪ
ᑲᓇᑕ
K1P 5E7

+1 613 563 2642
ᖃᕋᓴᐅᔭᒃᑯᑦ ᑐᕌᕈᑎᖓ: icc@inuitcircumpolar.com