ᐅᑉᐱᒋᔭᖃᖅᑯᒍᑦ ᐱᓕᕆᐊᑦᑎᓐᓂ ᓴᖅᑭᓚᐅᕐᓂᑎᓐᓂ ᐅᑭᐅᖅᑕᖅᑐᒥ ᑲᑎᒪᔨᓂᒃ 1996−ᒥ, ᐱᓗᐊᖅᑐᒥ ᐊᔅᓱᕈᖃᑦᑕᕐᓂᖏᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ ᒥᐊᓕ ᓴᐃᒪᓐ. ᐃᓛᒃ, ᓴᖅᑭᓚᐅᖅᓯᒪᔪᖅ ᑕᒪᓐᓇ ᐋᑐᐋᒥ, ᑲᓇᑕᒥᓗ ᓯᕗᓪᓕᖅᐹᒥ ᐃᔅᓯᕙᐅᑕᐅᓚᐅᖅᓯᒪᔪᖅ 1996-ᒥ 1998−ᒧᑦ. ᐅᑭᐅᖅᑕᖅᑑᑉ ᑲᑎᒪᔨᖏᑦ ᑎᓴᒪᐅᔪᖅᑑᓪᓗᑎᑦ ᐅᑭᐅᖅᑕᖅᑐᒦᓐᖔᖅᑐᑦ − ᑲᓇᑕᒥ, ᒥᐊᓕᒐᐃᑦ ᓄᓇᖓᓐᓂ, ᓄᐊᕙᐃ, ᕕᓐᓚᓐ, ᓱᐄᑕᓐ, ᐅᓛᓵ, ᐊᐃᔅᓚᓐ ᑕᓐᒫᒃᒥᓗ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᖓᓲᑐᖅᑐᓂᒃ ᓄᓇᖃᖅᑳᖅᑐᒥᓂᕐᓂᑦ ᐃᓚᒋᔭᐅᖏᓐᓇᖅᑐᖅ ᑲᑐᔾᔨᖃᑎᒌᒥᑦ. ᐃᓚᒋᔭᐅᖏᓐᓇᖅᑐᓂᑦ ᐅᑭᐅᖅᑕᖅᑑᑉ ᑲᑎᒪᔨᖏᓐᓄᑦ ᐃᑲᔪᖅᑐᖅᑕᐅᔪᖅ ᓄᓇᖃᖅᑳᖅᑐᒥᓂᕐᓄᑦ ᐊᓪᓚᕕᖓᓐᓂ, ᑐᑦᑕᕐᕕᖃᖅᑐᓂ ᑐᕉᒻ, ᓄᐊᕙᐃᒥ. ᐅᑭᐅᖅᑕᖅᑑᑉ ᑲᑎᒪᔨᖏᑦ ᐱᓕᕇᔪᖅᐹᓘᕙᑦᑐᑦ ᓈᕆᔪᓂᑦ, ᐱᓪᓚᕆᐊᓗᓐᓂᒃ, ᐊᕙᑎᓕᕆᓂᕐᒧᑦ ᐆᒪᔪᕐᓇᖅᑐᓕᒫᑦ ᐊᕙᑎᑦᑎᓐᓂ ᐊᒻᒪᓗ ᐃᓄᓕᕆᓂᕐᒥᑦ ᖃᐅᔨᓴᕈᓐᓇᖅᑐᑎᑦ ᐸᕐᓇᑦᑏᑦ (ACAP, AMAP, CAFF, EPPR, PAME, ᐊᒻᒪᓗ SDWG), ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᓕᕆᖃᑕᐅᕙᑦᑐᑦ ᑕᒪᒃᑯᓂᖓ. ᓇᓗᓇᐃᔭᖅᓯᒪᑦᑎᐊᕐᓂᖅᓴᒥᑦ ᐱᑕᓕᒃ ᖃᓄᐃᓘᖃᑦᑕᕐᓂᖏᓐᓂ ᒪᓕᑦᑐᑎᑦ ᑎᑎᕋᖅᓯᒪᓂᖏᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕ) ᐊᕐᕌᒍᑕᒫᖅᓯᐅᑎᖓᓐᓂ ᐅᓂᒃᑳᕐᓂᑦ, ᐊᒻᒪᓗ ᖃᓄᐃᓕᐅᕐᓂᐅᕙᑦᑐᓂᑦ ᐅᓂᒃᑲᕐᓂᑦ ᑲᑎᒪᕕᔾᔪᐊᕐᓂᕆᖃᑦᑕᑎᓐᓂ. ᐅᑭᐅᖅᑕᖅᑑᑉ ᑲᑎᒪᔨᖏᑦᑕ ᖃᕆᓴᐅᔭᒃᑯᑦ ᑐᑭᓯᒋᐊᕈᑎᖏᑦ arctic-council.org