Inuit Ukiuqtaqtumiuqatigiit Katimajingikkut maligaralaat

MALIGAQ I – TUKISIJAUNINGIT

Angijuutinit titiraqsimajulimaat tukisinginni titiraqsimajuqarniaqtut taikani Inuit Ukiuqtaqtumiuqatigiit Katimajingikkut Piqujanginni uvvaluunniit Maligaralaanginni

MALIGAQ II – ILAGIJAUJUT

Ikajuutiqarningit Ilagijaulluni

Ilagijaujut imaittuugunnaqtut:

Piiqataujut Inuit Ukiuqtaqtumiuqatigiit Katimajingikkunnut niruaqtausimalutit Ilagijaujunnaqtut; ammalu tilijausimatillugit, Niruaqtausimatillugit Arraagutamaaqsiutinginni Katimatillugit pijjutiqarlutit, aulajjutiqarlutit sannginiqarlutillu Inuit Ukiuqtaqtumiuqatigiit Katimajingikkut.

Piiqtauningit Ilagijaujjutiqarninganni

Ilagijaujut siqumittijuminiit pijjutinginni maligarnillu Malittaugialinnik, naalattauqqaarunnaqtut, nuqqaqtitaukainnarlutit uvvaluunniit piiqtauttiammarillutit Inuit Ukiuqtaqtumiuqatigiit Katimajingikkunnit ilagijaujumut niruaqtuminirnut.

Iniqtiqtaunningippat ilanga Ilagijaujuq, naalattaulauqtillugit ammalu atausiq taqqirmit qaujikkaqtausimaliqtillugit ilagijaujuq ammalu tilijausimajuq, tilijausimajuq nuqqangakainnaqtitaujunnaqtuq uvvaluunniit piiqtauttiammarilluni Inuit Ukiuqtaqtumiuqatigiit Katimajingikkunni Arraagutamaaqsiutinganni Katimaliqqata. 

Atinga Atuqtauninga “Inuit Ukiuqtaqtumiuqatigiit Katimajingit” Ilagijaujunut

Nalliatuinnaq Ilagijaujuq, atullarilluni aqqutiqarluniluunniit atinganni aturiaqanngittuq namminiq Inuit Ukiuqtaqtumiuqatigiit Katimajimit, imminullu kiinaujaliurutigiluniuk, niurrutiqarnikkut uppinikkut, uvvaluunniit kiggaqtuinikkut Inuit Ukiuqtaqtumiuqatigiit Katimajimit kisiani taimaak pijunnaqtitautuaqqat titiqqatigut sivuliqtiit katimajiralaanginniinngaaqtunik ammalu maligarnit malittiarlutit pijunnaqtitauninginni.

Piiqtauningit ilagijaujut

Ilagijaujut piirunnaqtut Inuit Ukiuqtaqtumiuqatigiit Katimajimit pijjutiqattiarlutit angiqtaullutillu maligarnit malillutit, angiqtaulutillu sivuliqtinut katimajiralaanginnut ammalu angiqtaummilutit Arraagutamaaqsiutinik Katimatillugit.

Piiqtuit

Ilagijaujjutinganni Inuit Ukiuqtaqtumiuqatigiit Katimajingikkunni piiqtauninginni ammalu piiqsijut maligarnit ammalu maligaralaallu. Isumaliurajaqtut ilagijaujunik.

Piiqtauniarninginni Inuit Ukiuqtaqtumiuqatigiit Katimajimit malilirajaqtut ilagijaujunit malillutit atuarialinginni. Piiqtaujut pigiarunnaqtut ammalu atulirajaqtuni atiliuqtaulauqtillugu ilagijaujumit.

MALIGAQ III – ARRAAGUTAMAAQSIUTINGANNI KATIMANIQ

Katimajiit

Katimajilimaat Inullariit Katimajiit.

Niruaqtaujunnaqtut atuni ilagijauniaqtunut malillutit maliganginni aaqqisuqtausimajunik atuni ilagijaujunut.

Ilani Ilagijaujut tilijausimajut Maligiaqarmijut, ajurnannginiqpaaqtigut, asinginnillu maligaqtaqaqqat silataani malillutit. Atuni Ilagijaujut Tilijausimajut piqasiujjaujut inuusuttuit ilagijaujut innaillu tilijausimajut.

Tilijausimajumit atausiunngittumit kiggaqtuigiaqanngittu timiujumit.

Tilijausimajut Inuit Ukiuqtaqtumiuqatigiit Katimajingikkunnut Ilisimainnarajaqtut tilijaujjutinginni ullunut 90−nut sivuninganni Arraagutamaaqsiutinganni Katimalaunnginninnut, nutaarmit tilijaujuqattaliqquq ammalu angiqtaulutit katimajiralaarnut maligaralaarnit Malillutit.

Katimaniujut

Atuni tilijausimajut atausiarlutit niruarunnaqtut Arraagutamaaqsiutinganni Katimaniujumit. Niruaqtitaujunnangittut asianut. Kisianili Maligaralaat taimailinganniqqata, isumaliaminilimaat Arraagutamaaqsiutinganni Katimatillugit anginiqpaannut niruaqtaugiaqarajaqtut.

Amisuunit Katimajiit Arraagutamaaqsiutinganni katimatillugit Malittut 2/3−nginni tilijausimajulimaat Ilagijaujut.

Nami katimagiaqarmangaata Arraagutamaaqsiutinganni Katimatillugit malittut nalunaiqtauppata Sivuliqtiit Katimajiralaanginnut ammalu malimmijut kiinaujanginni.

Titiraqsimagiaqarmijut katimajjutiliurlutit nainaaqsimalugit arraagutamaaqsiutiit katimaninginni. Titiraqsimagiaqarmijut piqujivungaarutiit tigujausimajut Arraagutamaaqsiutinganni Katimatillugit katimajjutiminirnut ilaliutisimalugit arraagutamaaqsiutingatta katimaninginni.

Titiraqsimagialiit qaujikkaijjutiit katimaniuniaqtumit Arraagutamaaqsiutinganni Katimaniaqtillugit Ilagijaujunik, Ilagijaujut Sivuliqtiit Katimajiralaanginnullu imaak:

katimanituinnarnut, ulluit ungataanuunngittuq 90 sivuninganni qaujikkaigialiit katimaniuniaqtumit;

ammalu maunatuinnaq katimanirnut, ungataanuunngittuq 30 sivuninganni qaujikkaigialiit katimaniuniaqtumit.

Niruarunnaqtut Arraagutamaaqsiutinganni Katimatillugit isaallutit, atingilluunniit taijailutit (niruarlutit) kanngunaqtukkulluunniit paippaattigut Niruarnilimaat kanngunaqtukkut niruarnaugialiit. Asingit isumaliangugajaqtut kanngunaqtukkut niruarnait tussiranguppata Arraagutamaaqsiutinganni Katimatillugit uvvaluunniit Sivuliqtiit Katimajiralaanginni. Taijaulutit niruarninginni qangatuinnaq taimaak pijunnaqtut Tilisiniaqtillugit. Sivuliqtiit Katimajiralaangit aaqqiissuigunnaqtut piqujarnit niruarniurmut niruarniujunullu.

MALIGAQ IV – ISSIVAUTAUP ALLAVINGA

Akuniutigijuq ilisimaninga

Akuniutigijuq ilisimanirigajaqtanga Issivautauningannut Arraagunut tisamanut uvvaluunniit avittuqsimalutit taimaak nalunaiqtaugunnarillutit Arraagutamaaqsiutinganni Katimatillugit Issivautaq pijittirunnangittuq Issivautauluni atausiaq ungataanut ilisimaninganni.

Niruarassaliuriniit:

Ilagijaujut Issivautaugajaqtumut kingullirmit tunngasuttittigajaqtuq, sivuninganni 180 ulluit arraagutamaaqsiutinganni katimalauqtinnagit niruarnaqtuqarniaqtillugu Issivautarmat atirmit tunisigialiit Issivautarurumajumit maannamut Issivautarmut qaujikkailuni. 120−ulluit sivuninganni Arraagutamaaqsiutinganni Katimaniuniaqtumit, atuni ilagijaujut qaujikkaqtaugialiit Issivautarmut atinganni kinatuinnarmit innarmit Inummit iligumajumit.

Asiani niruarassaqtaqakkannirajanngittuq issivautarmut sivuningani angiqtaugajanngittut uvvaluunniit arraagutamaaqsiutinganni katimaliqtillugit. Atuni ilagijaujuq pinasuqujauvuq, maligarnit malillutit, qaujikkaqtaulutit inuit angirranginni niruarassaqtaqarninganni Issivautarmut ammalu qaujikkailutit arraagumit atausirmit sivuninganni niruarnaulaaqtumut.

Niruarniq

Niruarnaq Issivautarmit katimajjutissaniiqataugajaqtuq nutaarnit piliriassanik katimanituinnarmi Arraagutamaaqsiutinganni Katimanirmit.

Inuugunniiqtuqarniqqat uvvaluunniit nuqqaqtuminirmit Issivautarmit uvvaluunniit issivautaugunnarunniiqtumit uvvaluunniit pilirijunnailijumit, Sivuliqtiit Katimajiralaangit niruarajaqtut taikanngat katimajiralaanginni Issivautaukainnarniaqtumit Arraagutamaaqsiutinganni Katimaningannut tikigasuarningannut ammalu asinginni piliriangujarialinnik, taimaittunit, ilagijaujuq ilisimakainnarajaqtuq issivautaukainnarluni niruararuqtitaujunnarajarmijuq Sivuliqtiit Katimajiralaanginnut. Kisianili, angiqtuqarningippat Sivuliqtiit Katimajiralaanginni Issivautaukainnarunnaqtumit, Issivautaukainnarunnaqtumit tikkuaqsigajaqtut Sivuliqtiit Katimajiralaangit ukuninga atuagaqarlutit:

Ilunnanginnut angiqtauluni tikkuaqtauninga Sivuliqtiit Katimajiralaanginnut;

tikkuaqtaujuqaqqat ilisimagajaqtuq Arraagutamaaqsiutingatta Katimanissangannut;

Taimaikkaluaqtillugu qulaani uqaqsimajumit, tikkuaqtaujuq qujanaaqtaugunnarmijuq iluunnanginnut niruaqtauppat Sivuliqtiit Katimajiralaanginnut innuqanngittuq innuttaugiaqarajarmijuq malilugit maligait.

Niruarninginni Issivautarmit kanngunaqtukkut paippaatigut niruarajaqtut Marruunniqqatik ungataanulluunniit niruarassanik, niruaqtaunnginiqsaq pigajanngittuq kinatuinnaq niruaqtauttianngittuq amisuuniqsanut atuni Ilagijaujut tilijaugajaqtuq amisuuniqsanit niruaqtaujuq Atausituangunniqqat issivautarmuurasuaqtuq, ilituinnarajaqtuq piqujivungaaqtigullu arraagutamaaqsiutinganni katimatillugit Issivautaq piiqtaujunnaqtut 2/3−mit niruaqtauluni niruarunnaqtunut uvvaluunniit iluunnanginnut angiqtauppat Sivuliqtiit Katimajiralaanginnut.

Nalunaiqsimajut piliriarijarialingit Issivautauningannut.

issivautaq imailuuqattarajaqtuq:

qaujikkaiqattarluni katimaniuniaqtumit sivuliqtiit katimajiralaanginnit

ammalu

titiraqsimattiarlutit atingit, turaarutingit uqaalautingatta naasautingit tilijausimajulimaat, Sivuliqtiit Katimajiralaangit, ilagijaujut katimajiujunut, katimajiralaat parnattiit Inuit Ukiuqtaqtumiuqatigiit Katimajingikkunni ammalu katimaniujut ammalu iqqanaijaqtiit Inuit Ukiuqtaqtumiuqatigiit Katimajimi pisimajaunginnarlutit.

Asingit Piliriassangit Issivautaup

Issivautaq nalunaiqsigialit matuirninganni matuningannillu Arraagutamaaqsiuti Katimaniujuq Uqarajaqtuq nilliagunalirninginni qaujisattauttiarlutillu maligarnit malittialiraluarmangaata arraagutamaaqsiutinginni katimatillugit, nilliagunnaqtitaullutillu, apirijunnaqtutillu niruarnauniaqtunit isumaliaminirnillu niruarutaminirnillu.

Nallikitautiqattarningit Issivautait

ajurnannginnilimaangani malittiarlutit, nallikitautiqattarniaqtut issivautait taimak tisamat arraagut iluani, issivautait niruaqtauqattarajarngata asingit ilaujauninginnut.

MALIGAQ V – SIVULIQTIIT KATIJIRALAANGIT

Katimaqatauningit

Sivuliqtiit Katimajiralaanginniittut katimaqataujunnaninngippat Sivuninganni qaujikkaigialik Issivautarmit taimak inangiiniaqtumit tikkuaqsiniarngata innarmit Inummi kiggaqtuiniaqtumit piluaqtumit Sivuliqtiit Katimajiralaanginnut. Tainna niruarunnarniqarmijuq saqqiqtunit katimaniujumit sivuliqtiit katimajiraalaanginnut katimaniujut Sivuliqtiit Katimajiralaangit katimagunnaqtut namituinnaq, naammattugijaminik, piliriniaqtillugit.

Katimaniujumit

Sivuliqtiit Katimajiralaangit marruaqtirjuangunniit katimaqattarialiit arraagutamaat.

Sivuliqtiit Katimajiralaangit katimagajuqattarialiit qangauninganni namiuningannillu sivuliqtiit katimajiralaangit nalunaiqsippata

Sivuliqtiit Katimajiralaangit katimagajaqtut kingunittiangani katimanituinnaurataaqtumi Arraangutamaaqsiutingatta Katimaninganni.

Qaujikkaigialiit qattimi namilu katimatittiniarmangaata Sivuliqtiit Katimajiralaangit tujuilutit sukkajukkut, paippaatigut atiliurialikkulluunniit titiqqaniarvikkut, ulluit qulit sivuninganni katimaniuniaqtumit, katimattautigijariaqarillutillu Arraagutamaaqsiutinganni Katimalauqtillugit niruaqtaurataaqtut Sivuliqtiit Katimajiralaangit ulluit quliit sivuninganiunngittuugaluaq katimatitaulutit Sivuliqtiit Katimajiralaangit kiggaqtuijingit. Taimaigialik niruaqtaurataaqtuminirnut Sivuliqtiit Katimajiralaanginnut arraagutamaaqsiutinganni katimatillugit ammalu katimanituinnauniaqtumit Arraagutamaaqsiutiit Katimaninganni.

Katimatillugit Sivuliqtiit Katimajiralaangit sivuninganni qaujikkaqtaungikkaluarlutit kiggaqtuijilimaat Sivuliqtiit Katimajiralaangit upassimajuinnaulutit ammalu qaujikkaqtaungikkaluarlutit kajusigunnaqtut. Tammaqsimajunit ilakunilluunniit katimaniuniaqtumit Sivuliqtiit katimajiralaanginni atunngittuujarialimmi isumagijaugialik katimaniujumit uvvaluunniit qujannaaqsituinnariaqanngimmijut kiggaqtuijilimaat Sivuliqtiit Katimajiralaangit upassimatillugit katimaniuniarniraqtami.

Nalliatuinnaq kiggaqtuiji Sivuliqtiit Katimajiralaanginnut sivuningani kinguninganilunniit katimanirijanganni, qujanaaqsigunaqtut qaujikkaqtaungikkaluaqqat ammalu atuqtaujunnaqtutit ammalu naammagijaulutit kajusijulimaat katimaniup iluaniirataaqtunik.

Amisuuningit katimanirmi Sivuliqtiit Katimajiralaangit ukuninga piqasiujjigialiit Issivautanganni 2/3−nit ilagijaujunit sivuliqtiit katimajiralaanginni. Upassimajuqanngippat katimajinit Sukaattami 2/3−nit upassimajuqarialik Kanatami, Alaaskami Kalaałit Nunaaningaaqtunillu amisuuningit naammagunnaqullugit ammalu issivautarmit paippaalimaat tunigialiit tuniuqqaqtaulutit katimaniujumit piqataujuqarningippat Sukaatkami kinguvaqsimanngillutit.

Piiqtauningit Sivuliqtiit Katimajiralaanginni

ilagijaujuq Sivuliqtiit Katimajiralaanginnut siqumittijuminiq maligarnit maligarjuanginni Maligaralaanginnillu imaitaugunnaqtuq, naalanniqarlutit, nuqqaqtitaukainnarluni uvvaluunniit piiqtauluni Inuit Ukiuqtaqtumiuqatigiit Katimajingikkunni namminiq ilagijaujunik malillugit allaviup iluani maligarnit, titiqqatigut qaujikkaqtauluni nuqqangatitaukainnalirninganni Issivautarmut.

Unikkaaliangusimajut

Sivuliqtiit Katimajiralaangit tunisigunnaqtuq titiqqami arraagutamaaqsiutingatta unikkaanginnut atuni Ilagijaujuninngaarlutit.

MALIGAQ VI – UQAUSILIRINIQ

Nalunaiqtausimaninga ammalu Atuqtauvattut Uqausit

Ilisarijausimajut uqausiit Inuit Ukiuqtaqtumiuqatigiit Katimajingikkunnut Inuit uqausinga. Atuqtauvattut uqausiq inuit ukiuqtaqtumiuqatigiit katimajingikkunni qallunaatitut inuttitullu.

Tusaajiliriniq

Tusaajittaqaqattarajaqtuq aturialinnik ilisarijausimajut uqausiit aturlugit.

Titiraqtauqattarningit

Katimajjutissait asingillu paippaat katimajjutissangit Katimatillugit katimajiillu, katimajiralaallu parnattiillu Inuit Ukiuqtaqtumiuqatigiit Katimajingikkunnut tunijauqattarajaqtut atausirmit ungataanullunnit uqausirnit malillugit pijumajanginni. Unikkaalimaat, piqujivungaarutilimaat, atuliqujajut, isumaliat katimajjutiminiillu katimaniujunik katimajinillu, katimajiralaanillu parnattinillu Inuit Ukiuqtaqtumiuqatigiit Katimajingikkunni titiraqtauqattarajaqtut atausirmit asianilluunnit aturlutit uqausirmit atuqpattanginni Inuit Ukiuqtaqtumiuqatigiit Katimajingikkut.

MALIGAQ VII – TILIJAUSIMAJUT PIJUNNAUTILIRIVATTULLU

Pijunnautilirinirmut Katimajiralaat

Pijunnautilirivattunit Katimajiralaattaqarniaqtuq Inuit Ukiuqtaqtumiuqatigiit Katimajingikkunni ukuangulutit Issivautaq ammalu atausirmit Sivuliqtiit Katimajiralaanginniinngaaqtuni atuni Ilagijaujunik Pijunnautiliriniarniqqata katimajiralaat Sivuliqtiit Katimajiralaanganni kiggaqtuijimit ilagijaujuqarniqqat Pijunnautilirinirmut Katimajiralaarmut, asinginni Sivuliqtiit Katimajiralaangit ilagijajut issivaaqataugunnarajaqtut pijunnautilirivattunik katimajiramaanut. Pijunnautilirivattunik katimajiralaanni isumaqarniqqata tigumiarunnarninginni tamakkiinnik Sivuliqtiit Katimajiralaanginnut kijigaqtuijumit tavvanngat Ilagijaujumit, Tilijausimajuqarajaqtut taimaittumut Pijunnautilirinirmut katimajiralaanut.

Isumaliurniq

Pijunautilirivattunut Katimajiralaat qimirrugunnaqtut saqqiqtaujunik malillugit titiraqsimajuq 5 ammalu unikkaaliurlutit tamatuminga ilagijaujuniinngaarlutit. Ilagijaujut niruarnikkut katimaninginni kingulliqpaami isumaliuqtiugajaqtut taissuminga isumagijaujumit.

Maligialit

Pijunnautilirinirmut Katimajiralaat maligaliurunnaqtut tamakkununga immikkuuqtunut isumaliuqtaugajaqtunut Taimaittunut maligait imaittuli ilaqarlutit, kisiani usuqanngimmijut, taimailluaqtittitqattarlutit avittuqsimajuniinngaaqtunik kiggaqtuijinik Tilijausimajunik atuni Inuit Ukiuqtaqtumiuqatigiit Katimajingikkunnu. 

Nalunaiqtauningit pijunnautilirinirmut

Pijunnarninginni Ilagijaujut nalunaiqtaugialiit Issivautamut ulluit 45 sivuninganni aaqqittaulaunnginninganni Katimaniuniaqtumit, uvvaluunniit ataani nalunaiqtausimajumit Issivautarmut.

Naammasannginiujut

Tilijausimajuq naammasanngittuq Ilagijamik taimaalluaq pijunnarniqarajaqtut asingititut Tilijausimajut kisianili Pijunnautilinirmut Katimajiralaat uqaqsimaliqqata ammalu katimaniujumit isumaliuqtaulutit. 

Niruarniit

Isumaliurajaqtut Pijunnautilirinirmut Katimajiralaat amisuuniqsanut niruaqtaugiaqarajaqtut. Nallia kiggaqtuiji Katimajiralaanit ilagijaulluni issivautaq niruarunnarniqarajaqtuq atausiunngittumit. Katimaniit pijunnautilirinirmut piqausitilugu issivautaq atausiunngittumit niruarniqarajaqtuq. Katimajininginni Pijunnautilirinirmut katimajiralaangit kanngunaqtumit katimagajaqtut kisianili asiagut uqaqqauniqqat Katimanituinnarmit.

MALIGAQ VIII – KATIMAJJUTISSAT

Katimanituinnaujut

Avittuqsimajunik katimajjutissait Katimanituinnarmut imaittunit iluliqariaqarajaqtut:

Kisutuinnalimaat makualu piqasiujjaugumajut katimanirmit uvvaluunniit Sivuliqtiit Katimajiralaanginnut katimanirilauqtanginni;

Illaliujjauqujaujut avittuqsimajuniinngaaqtut katimajjutissanit Sivuliqtiit Katimajiralaanginni qaujigiaqtuminiulauqtillugit Ilagijaujunik uvvaluunniit Issivautarmut;

ilaliujjaugumajut isumagijauqujaujut tussirat 1/3−nginni Tilijausimajunit tilijausimajunik atuni ilagijaujuni niruarunnaqtunit;

Unikkaaliangisimajuq issivautarmut piliriarisimajanginni Inuit Ukiuqtaqtumiuqatigiit Katimajingikkut kingullirmi katimammata; ammalu Niruaqtaulauqtillugu nutaaq Issivautaq. 

Maunatuinnaq Katimaniujut

Avittuqsimajunit katimajjutissanit maunatuinnaq Katimaniujumit imaittuugunnaqtut, isumagigiarlugillu pijjutingit katimaniujut maunatuinnaq, iluliqarlutit imaittunit:

Ilaliutilugit isumaliaminirnit katimanituinnarmit uvvaluunniit Sivuliqtiit Katimajiralaanginni katimaniulauqtumi;

Ilaliujjauqujaujut avittuqsimajuniinngaaqtut katimajjutissanit Sivuliqtiit Katimajiralaanginni qaujigiaqtuminiulauqtillugit ilagijaujunik uvvaluunniit issivautarmut; ammalu

Ilaliujjaugumajut isumagijauqujaujut tussirat 1/3−nginni tilijausimajunit Tilijausimajunik atuni ilagijaujuni Katimaniujumit niruarunnaqtunit. 

MALIGAQ IX – TILIJAUSIMAJUT, KATIMAJIRALAAT PARNATTIILLU

Katimajiralaaliurniq

Katimaniujut uvvaluunniit Sivuliqtiit Katimajiliralaangit aaqqiijunnarmijut tilijausimajunik, katimajiralaarnit parnattinilluunniit uqaujjigiarigunnaqtunik atuqtaugialinnik atuliqtitauninginnillu piqujarnit ammalu qaujisarlutit ammalu unikkaliulirlutit pijjutinginni malillugit Inuit Ukiuqtaqtumiuqatigiit Katimajingikkunni. Tilijausimajut, katimajiralaat parnattiillu ilisimakainnatuinnarunnaqtut uvvaluunniit ilisimainnalirlutit.  

Ilagijaujut

Ilagijaujut suurlu Tilijausimajuvut, katimajiralaannut parnattinullu ukuangujunnaqtut Tilijaujut asingillu immikkuuqtut.  

Maligangit

Katimanirjuami uvvaluunniit Sivuliqtiit Katimajiralaangit nalunaiqsigajaqtut maligarnit unikkaaliuqattariaqarnimillu, naammagaippat, tilijausimajut, katimajiralaat parnattinullu. Taimaittunit maligarnit unikkaaliuriaqarninginnillu aaqqiqtaugajaqtut iqqanaijaqtinut Sivuliqtimut asijjiqtaugunnarajarillutit Katimanirjuami.  

MALIGAQ X – KIINAUJJASSAANINGIT

Nalliatuinnattiaq angiqtausimanngippalli asiagut Issivautarmut Sivuliqtiit Katimajiralaanginnut, Tilijausilajuq, Sivuliqtiit Katimajiralaanga uvvaluunniit Tilijausimajuq, katimajiralaaq parnattilluunniit Inuit Ukiuqtaqtumiuqatigiit Katimajingikkunnit akiliqsuqtaugajaqtuq pijittirarningannut. Naammattunit akiliqsuqtauluni Tilijausimajut, Sivuliqti Katimajiralaanut ammalu ilagijaujuq katimajinut, katimajiralaanut parnattinulluunniit Inuit Ukiuqtaqtumiuqatigiit Katimajingikkunnit kamatillugit angiqtaugajaqtuq Ilagijaujuq namimiutauningannillu.  

MALIGAQ XI – KANNGUNAQTULIRINIQ

Asiagulli uqaqtausimanngippat Sivuliqti Katimajiralaanut uvvaluunniit Issivautaq, Tilijausimajuq, ilagijaujuq, katimajiralaanut parnattinullu, pilirijimmarinnut iqqanaijaqtinullu Inuit Ukiuqtaqtumiuqatigiit Katimajingikkunnit kanngunaqtuliriinnarialik saqqiijariaqanngittuq uvvaluunniit nilliajjutiqariaqanngittuq ammalu titiraqsimajunik saqqiigiaqanngittut pilirianit kamagijaujunillu Inuit Ukiuqtaqtumiuqatigiit Katimajingikkunnit.

MALIGAQ XII – ASIJJIINIQ

Asijjirialittaqarniqqat Maligaralaannik angiqtauqqaarialiit 2/3−nut Tilijausimajulimaanut Ilagijaujunut niruarunnaqtunut.