ICC Canada President and ICC Canada Vice President International Affairs Election Documents

ᐊᖓᔪᖅᑳᑉ ᑐᖏᓕᖓᓄᑦ (ᓄᓇᕐᔪᐊᕐᒨᖓᔪᓄᑦ)

ᐃᓄᐃᑦ ᐅᑭᐅᖅᑕᖅᑐᒧᑦ ᓄᓇᕐᔪᐊᑉ ᑲᑎᒪᔨᖏᑦ (ᑲᓇᑕᒥ) ᕿᓂᕐᒪᑕ ᓂᕈᐊᕋᑦᓴᓂᒃ ᐃᓂᖓᓄᑦ ᐊᖓᔪᖅᑳᑉ ᑐᖏᓕᖓᑕ, ᓄᓇᕐᔪᐊᕐᒨᖓᔪᓄᑦ, ᐊᑯᓐᓂᖓᓄᑦ 2022-2026. ᐊᖓᔪᖅᑳᑉ ᑐᖏᓕᖓ, ᓄᓇᕐᔪᐊᕐᒨᖓᔪᓄᑦ, ᓂᕈᐊᖅᑕᐅᒋᐊᓕᒃ ᐊᒥᓲᓂᖅᓴᓄᑦ ᓂᕈᐊᖅᑐᓄᑦ ICC (ᑲᓇᑕ) ᐊᕐᕌᒍᑕᒫᖅᓯᐅᑎᒥ ᑲᑎᒪᓂᖓᓐᓂ ᑰᔾᔪᐊᕐᒥ, ᓄᓇᕕᒻᒥ ᔪᓚᐃ 18, 2022.

 ᑖᓐᓇ ᑕᐃᒪᙵᓕᒫᙱᑦᑐᖅ ᑐᓂᒪᓂᐅᔪᖅ ᐊᑭᓕᖅᑐᖅᑕᐅᒐᓂᓗ ᐊᑯᓐᓂᖃᖅᓱᓂ ᐊᕐᕌᒍᓂᒃ ᓯᑕᒪᓂᒃ (4) ᐱᒋᐊᕐᕕᖃᖅᓱᓂ ᔪᓚᐃ 21, 2022. 

ᓂᕈᐊᕋᑦᓴᐃᑦ ᐊᖓᔪᖅᑳᑉ ᑐᖏᓕᖓᓄᑦ, ᓄᓇᕐᔪᐊᕐᒨᖓᔪᓄᑦ, ᐃᓅᒋᐊᓕᒃ, ᐊᕐᕌᒍᖃᕐᓗᓂ 18 ᐊᑖᓂᐅᙱᑦᑐᖅ.

 ᓂᕈᐊᕋᑦᓴᓕᐅᕐᓂᕐᒧᑦ ᐊᐅᓚᓂᖅ: 

1. ᑭᓇᑐᐃᓐᓇᖅ ᐃᓄᒃ ᓂᕈᐊᕋᑦᓴᕈᕈᓐᓇᖅᑐᖅ ᐊᖓᔪᖅᑳᑉ ᑐᖏᓕᖓᓄᑦ, ᓄᓇᕐᔪᐊᕐᒨᖓᔪᓄᑦ. ᓂᕈᐊᕋᑦᓴᕈᕈᑏᑦ ᐱᖃᓯᐅᔾᔨᓂᐊᖅᑐᑦ ᐊᑎᓕᐅᖅᓯᒪᔪᓂᒃ 20 ᐃᓄᐃᑦ ᐃᑲᔪᖅᑐᖅᑐᑦ ᓂᕈᐊᕋᑦᓴᒥᒃ. ᓂᕈᐊᕋᑦᓴᐅᔪᖅ ᐱᕕᓕᒫᒃᑯᑦ ᐱᒐᓱᐊᕆᐊᓕᒃ ᑎᑎᕋᖅᓯᒪᔪᓂᒃ ᓇᓗᓇᐃᖅᓯᔪᓂᒃ ᓂᕈᐊᕋᑦᓴᐅᔪᓂᒃ ᐊᓯᖏᓐᓂᒃ ᐊᕕᑦᑐᖅᓯᒪᓂᐅᔪᓂᒃ.

• ᓂᕈᐊᕋᑦᓴᕈᕐᓂᖅ ᐊᑕᐅᓯᒃᑰᖃᑎᖃᕆᐊᓕᒃ ᓯᒃᑯᓪᓚᕆᒻᒥᒃ ᑎᑎᖅᑲᓂᐊᕐᕕᒃᑯᓪᓘᓐᓃᑦ ᓯᒃᑭᐅᔭᕐᒥᒃ ᐊᑭᓕᕋᑦᓴᐅᓗᓂ ᐃᓄᐃᑦ ᐅᑭᐅᖅᑕᖅᑐᒧᑦ ᓄᓇᕐᔪᐊᑉ ᑲᑎᒪᔨᖏᓄᑦ (ᑲᓇᑕ) $200.

• ᓂᕈᐊᕋᑦᓴᕈᕐᓂᖅ ᐊᑕᐅᓯᒃᑰᖃᑎᖃᕆᐊᓕᒃ ᓯᒃᑯᓪᓚᕆᒻᒥᒃ ᑎᑎᖅᑲᓂᐊᕐᕕᒃᑯᓪᓘᓐᓃᑦ ᓯᒃᑭᐅᔭᕐᒥᒃ ᐊᑭᓕᕋᑦᓴᐅᓗᓂ ᐃᓄᐃᑦ ᐅᑭᐅᖅᑕᖅᑐᒧᑦ ᓄᓇᕐᔪᐊᑉ ᑲᑎᒪᔨᖏᓄᑦ (ᑲᓇᑕ) $200.

•  

  ᓄᓇᑖᖅᓯᒪᔪᓃᙶᖅᑐᖅ ᐃᒪᐃᒍᓐᓇᖅᑐᖅ, ᑎᑎᕋᖅᓯᒪᔪᖅᑎᒍᑦ, ᓂᕈᐊᕋᑦᓴᓕᐅᕈᓐᓇᖅᑐᖅ ᐃᓄᒻᒥᒃ ᐊᑕᐅᓯᕐᒥᒃ ᐃᓂᖓᓄᑦ ᐊᖓᔪᖅᑳᑉ ᑐᖏᓕᖓᑕ, ᓄᓇᐅᕐᔪᐊᕐᒨᖓᔪᑦ ᐅᖓᑖᓂᐅᙱᑦᑐᖅ 5:00 ᐅᓐᓄᓴᒃᑯᑦ ᑲᓇᓐᓇᐅᖅ ᓯᕿᙳᔭᖓ ᒪᓕᓪᓗᒍ ᔫᓂ 13, 2022. 

 ᐅᖃᐅᓯᖅᑕᖏᑦᑕ ᑐᑭᖏᑦ  2022-2026 ᐊᖓᔪᖅᑳᖅ 

 ᓇᓗᓇᐃᖅᑕᐅᓯᒪᓂᖓ: ᓂᕈᐊᖅᑕᐅᓯᒪᔪᖅ, ᐃᓂᐅᔪᖅ ᐃᓱᓕᕝᕕᑦᓴᓕᒃ 

 ᐊᖓᔪᖅᑳᓕᒃ: ICC ᑲᓇᑕᒥ ᑲᑎᒪᔨᖏᓐᓂᒃ 

 ᐃᓘᓐᓈᒍᑦ ᓇᓗᓇᐃᔭᐃᒍᑎ :

ᐊᖓᔪᖅᑳᖅ ᐊᐅᓚᑦᓯᔨᒻᒪᕆᐅᔪᖅ ᐃᓄᐃᑦ ᓄᓇᕐᔪᐊᑉ ᐅᑭᐅᖅᑕᖅᑐᖓᓄᑦ ᑲᑎᒪᔨᖏᓐᓄᑦ (ᑲᓇᑕ). ᐊᖓᔪᖅᑳᖅ ᑲᒪᒋᔭᖃᖅᑐᖅ ᐃᓘᓐᓇᐃᓐᓅᖓᔪᓂᒃ ᐊᐅᓚᑕᐅᓂᖏᓐᓂᓪᓗ ᐱᓇᓱᐊᕐᓂᖓᑕ ᑯᐊᐳᕇᓴᐅᑉ, ᖃᐅᔨᓴᖅᓱᓂᓗ ᑎᓕᔭᐅᔾᔪᑎᓕᒫᑦ ᐱᖁᔨᕗᖔᕈᑎᖏᓪᓗ ᑲᑎᒪᔩᑦ ᑲᔪᓯᑎᑕᐅᒐᓗᐊᕐᒪᖔᑕ.

ICC−ᑯᑦ ᐊᖓᔪᖅᑳᖓᑦ ᑲᓇᑕᒥ ᐃᑦᓯᕙᐅᑕᕐᒧᑦ ᑐᖏᓕᐅᕗᖅ ᓄᓇᕐᔪᐊᕐᒥ ICC−ᑯᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ, ᑲᔪᓯᑎᑦᓯᓲᖑᑦᓱᓂ ᑲᒪᒋᒋᐊᓕᓐᓂᒃ ᑐᙵᕕᖃᖅᓱᓂ ᐃᓄᐃᑦ ᓄᓇᕐᔪᐊᑉ ᐅᑭᐅᖅᑕᖅᑐᖓᓄᑦ ᑲᑎᒪᔩᑦ ᓄᓇᕐᔪᐊᕐᒨᖓᔪᑦ ᒪᓕᒐᕋᓛᖏᓐᓂᒃ.

ICC−ᑯᑦ ᑲᓇᑕᒥ ᐃᑦᓯᕙᐅᑕᖓᑦ ᐃᑦᓯᕙᐅᑕᖓᓐᓄᑦ ᑐᖏᓕᕆᔭᐅᔪᖅ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ, ᑲᔪᓯᑎᑦᓲᖑᑦᓱᓂ ᑎᒍᒥᐊᖅᑕᐅᔪᓂᑦ ᑐᙵᕕᐅᑦᓱᑎᒃ ITK−ᑯᑦ ᒪᓕᒐᕋᓛᖏᑦ.

ICC−ᑯᑦ ᑲᓇᑕᒥ ᐊᖓᔪᖅᑳᖓᑦ ᐊᖓᔪᖅᑳᕆᔭᐅᒻᒥᔪᖅ ICC−ᑯᑦ ᑐᙵᕕᖓᓪᓐᓄᑦ ICC, ᑲᔪᓯᑎᑦᓯᕙᑦᓱᓂᓗ ᑎᒍᒥᐊᖅᑕᐅᔪᓂᒃ ᑐᙵᕕᐅᑦᓱᑎᒃ ICC−ᑯᑦ ᑐᙵᕕᖓᓐᓄᑦ ᒪᓕᒐᕋᓛᑦ.

 ᑲᒪᒋᔭᖏᑦ ᑎᒍᒥᐊᖅᑕᖏᓪᓗ: 

ICC ᑲᓇᑕ

• ᐊᐅᓚᑦᓯᔨᒻᒪᕆᐅᓗᓂ ICC ᑲᓇᑕᒧᑦ;
• ᐊᐅᓚᑦᓯᓗᓂ ᑲᑎᒪᓂᖏᓐᓂᒃ ᐃᓚᒋᔭᐅᔪᑦ ᑲᑎᒪᔩᓪᓗ;
• ᑎᒍᒥᐊᖅᑐᖅ ICC ᑲᓇᑕᐅᑉ ᑲᑎᒪᖏᔨᓐᓄᑦ ᓱᓇᓕᒫᓅᖓᔪᓄᑦ ᐊᐅᓚᓂᖏᓐᓄᓪᓗ ICC ᑲᓇᑕᐅᑉ, ᐱᖃᓯᐅᑦᓱᓂ ᐊᐅᓚᑦᓯᔨᐅᓂᖅ ᐊᓪᓚᕝᕕᖓᓂᒃ ᐃᑦᓯᕙᐅᑕᐅᑉ ᐊᐅᓚᑕᐅᔪᓂᒃ ICC ᑲᓇᑕᒃᑯᓐᓄᑦ;
• ᖃᐅᔨᓴᑦᓯᐊᕐᓗᓂ ᑲᑎᒪᔩᑦ ᐋᖅᑭᑦᑕᖏᑦ ᑐᙵᕕᖃᑦᓯᐊᕋᓗᐊᕐᒪᖔᑕ ICC ᑲᓇᑕᐅᑉ ᒪᓕᒐᕋᓛᖏᓐᓂᒃ ᑎᑭᐅᑎᒍᒪᔭᖏᓐᓂᓪᓗ;
• ᐃᓱᒪᓕᐅᕆᕙᓪᓗᓂ ᑲᑎᒪᔨᓄᑦ ᐋᖅᑭᒋᐊᕈᑎᓂᒃ ᒪᓕᒐᕋᓛᕐᓄᑦ;
• ᖃᐅᔨᓴᕐᓂᖅ ᐱᕙᓪᓕᐊᓂᖏᓐᓂᒃ ᓄᓇᕐᔪᐊᕐᒥ ᐊᐅᓚᓂᐅᔪᑦ, ᐊᑐᐊᒐᐃᑦ, ᐃᓱᒫᓘᑕᐅᔪᓪᓗ ᐊᑦᑐᖅᑕᐅᓂᐅᔪᓄᑦ ᐊᑦᑐᖅᑕᐅᓂᕆᑐᐃᓐᓇᕆᐊᓕᖏᓐᓄᓪᓗ ᑲᓇᑕᒥ ᐃᓄᐃᑦ;
• ᖃᐅᔨᒪᓕᑕᐅᓗᓂ ᓯᕗᓕᕐᓗᓂᓗ ᓄᓇᕐᔪᐊᕐᒥ ᐊᑐᐊᒐᐃᑦ ᐱᕙᓪᓕᐊᓂᖏᓐᓄᑦ;
• ᐊᑐᐊᒐᓕᐅᖅᑐᓄᑦ ᐃᑲᔪᕐᓂᖅ ᐱᕙᓪᓕᐊᑎᑕᐅᑎᓪᓗᒋᑦ ᐅᐸᓗᖓᐃᔭᐅᑎᓄᑦ ᐸᕐᓇᐅᑏᑦ;
• ᑭᒡᒐᖅᑐᐃᓗᓂ ICC ᑲᓇᑕᑯᓐᓂᒃ ᒐᕙᒪᐅᔪᓄᑦ, ᑎᒥᐅᔪᓄᑦ, ᐊᒻᒪᓗ ᑕᖅᑲᐅᖓᓗ ᑲᓇᑕᒧᑦ ᓄᓇᕐᔪᐊᕐᒧᓪᓗ;
• ᐊᐅᓚᔾᔭᒋᐊᕐᓗᓂ ᓈᒻᒪᑦᑐᓂᒃ ᑮᓇᐅᔭᖃᕋᓗᐊᕐᒪᖔᑕ ᑮᓇᐅᔭᓂᒃ ᐊᐅᓚᔾᔪᑎᓄᑦ ᐊᐅᓚᓂᖏᓐᓄᓪᓗ ICC ᑲᓇᑕ;
• ᐊᖓᔪᖅᑳᖅ ᐅᖃᖅᑎᓪᓗᐊᑕᐅᓂᐊᖅᑐᖅ ICC ᑲᓇᑕᒃᑯᓐᓄᑦ

ICC ᓯᕗᓕᖅᑏᑦ ᑲᑎᒪᔨᖏᑦ

• ᐱᔨᑦᓯᕐᓗᓂ ICC−ᑯᑦ ᐃᑦᓯᕙᐅᑕᖓᓐᓄᑦ ᑐᖏᓕᕆᔭᐅᓗᓂ ᑲᓇᑕᒥ ICC−ᑯᑦ ᓯᕗᓕᖅᑏᑦ ᑲᑎᒪᔨᖏᓐᓄᑦ;
• ᐱᓕᕆᖃᑎᖃᑦᓯᐊᕐᓗᓂ ICC−ᑯᑦ ᐃᑦᓯᕙᐅᑕᖓᓐᓂᒃ ᓯᕗᓕᖅᑏᓪᓗ ᑲᑎᒪᔨᖏᓐᓂᒃ ᐊᑐᓕᖅᑎᑕᐅᓗᓂ ᐊᕐᕌᒍᓄᑦ ᓯᑕᒪᓄᑦ ᓄᓇᕐᔪᐊᕐᒥ ᑎᓕᓯᔾᔪᑕᐅᔪᑦ ᓇᓗᓇᐃᖅᑕᐅᓯᒪᔪᑦ ᑲᑎᒪᓂᕐᔪᐊᕐᒥ;
• ᖃᐅᔨᓴᑦᓯᐊᕐᓗᓂ ᐊᑐᐊᒐᐃᑦ ᖃᓄᐃᓕᖓᓂᖏᓪᓗ ᓯᕗᓕᖅᑏᑦ ᑲᑎᒪᔨᖏᑦ ᐃᓱᒪᑦᓴᖅᓯᐅᕈᑎᖃᖅᑎᓪᓗᒋᑦ ᓯᕗᓪᓕᐅᑎᔭᐅᔪᓂᒃ, ᐊᑐᐊᒐᕐᓂᒃ ᖃᓄᐃᓕᖓᓂᓪᓗᓪᓗ ᑲᓇᑕᒥ ᐃᓄᐃᑦ;
• ᐃᓚᐅᑎᓪᓗᓂ ICC−ᑯᑦ ᑲᑎᒪᔨᕋᓛᖏᓐᓄᑦ ᐱᓕᕆᖃᑎᒌᑦᑐᓄᓪᓗ, ᐱᕕᖃᕈᓂ; ᐊᒻᒪᓗ
• ᖃᐅᔨᓴᑦᓯᐊᕐᓗᓂ ᑕᐃᒫᑦᓯᐊᖅ ᑲᓇᑕᒥ ᐃᓄᐃᑦ ᐃᓚᐅᑎᓐᓂᖃᕋᓗᐊᕐᒪᖔᑕ ᓄᓇᕐᔪᐊᕐᒥ ᑲᑎᒪᓂᐅᔪᓂ ᐊᒻᒪᓗ ᑲᑎᒪᓂᕐᔪᐊᓂ.

ᑖᓐᓇ ᐃᖅᑲᓇᐃᔭᐃᓐᓇᖅᑐᖅ.

• ᐊᑭᓕᖅᑐᖅᑕᐅᔾᔪᑎᖏᑦ ᐊᖓᔪᖅᑳᑉ ᓇᓗᓇᐃᖅᑕᐅᓲᖅ ᐅᖃᖃᑎᒌᓐᓂᖏᑦᑎᒍᑦ ICC ᑲᓇᑕᒥ ᑲᑎᒪᔨᓐᓄᑦ.
• ᑖᓐᓇ ᑮᓇᐅᔾᔭᑦᓴᖅᑐᖅ ᐊᑭᓕᖅᑕᐅᕙᓐᓂᐊᖅᓱᓂ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕋᐃᑉᐸᑎᒃ.

ᐊᑯᓐᓂᖓ ᑲᑎᒪᔨᐅᓂᐅᑉ ᐊᕐᕌᒍᐃᑦ ᓯᑕᒪᑦ, ᐱᒋᐊᖅᓱᓂ ᔪᓚᐃ 21, 2022 ᐃᓱᓕᕝᕕᑦᓴᖃᖅᓱᓂ ᑭᖑᓪᓕᖅᐹᖓᓂ ᐅᓪᓗᕐᒥ 2026−ᒥ ICC-ᑯᑦ ᑲᑎᒪᓂᕐᔪᐊᖓᓐᓂ.