ᑭᖒᒪᔭᐅᓂᖓ ᐱᓇᐊᓱᒐᖃᕐᓂᖅ ᐱᖃᑕᐅᖏᓐᓇᕆᐊᓕᓐᓂ ᐱᖃᑕᐅᔪᓂ
ᒪᐃ 20, 2021 – ᐋᓐᑯᕆᔾ, ᐊᓛᔅᑲ– ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC−ᑯᑦ), ᐱᖓᓲᔪᖅᑐᕆᔭᐅᓪᓗᑎᒃ ᐱᖃᑕᐅᖏᓐᓇᕆᐊᓕᓐᓄᑦ ᐱᖃᑕᐅᔪᑦ ᐅᑭᐅᖅᑕᖅᑐᒧᑦ ᑲᑎᒪᔨᓄᑦ (AC), ᐅᐱᒋᔭᖃᖅᐳᑦ ᐅᑭᐅᖅᑕᖅᑐᒧᑦ ᑲᑎᒪᔨᓂᑦ 25−ᒋᓕᖅᑕᖓᓂᑦ ᐊᕐᕌᒍ ᑲᑎᒪᔨᐅᓂᖏᓐᓂᒃ, 12−ᖓᓂᒃ ᐅᑭᐅᖅᑕᖅᑐᒧᑦ ᑲᑎᒪᔩᑦ ᒥᓂᔅᑕᐅᑎᖏᑕ ᑲᑎᒪᓂᖓᓂᒃ, ᐃᒃᓯᕙᐅᑕᖃᖅᓱᑎᒃ ᐃᐊᔅᓚᓐᒦᙶᖅᓯᒪᔪᒥᑦ, ᐱᒋᐊᖅᐳᖅ.
ᐅᖃᖅᓯᒪᔪᒥ, ᐊᖓᔪᖅᑳᖓᑦ ICC−ᑯᑦ ᐊᓛᔅᑲ, ᔨᒥ ᓯᑕᑦᔅ ᐅᖃᖅᑐᒥᓂᖅ, “ᐃᓄᐃᑦ ᐱᖃᑕᐅᖃᑦᑕᖅᓯᒪᔪᑦ ᑕᕝᕙᓂ ᐱᓇᓱᐊᖅᑐᓂ ᐅᖓᑖᓄᑦ ᐊᕐᕌᒍᑦ 25 ᐅᐱᒋᔭᒃᓴᖃᒻᒪᕆᑉᐳᑦ. ᐱᖓᓲᔪᖅᑐᑦ ᐱᓕᕆᖃᑎᒌᑦ, ᐊᔾᔨᒌᖏᑦᑐᓂᑦ ᐱᔭᒃᓴᓖᑦ, ᐊᒻᒪᓗ ᐊᔾᔨᒌᖏᑦᑐᓂᑦ ᖃᐅᔨᒪᓕᑕᓖᑦ ᑲᑐᔾᔨᖃᑎᒌᑦᑐᓂᑦ ᐃᖅᑲᓇᐃᕆᓯᒪᕗᑦ ᐊᒥᓱᓂᑦ ᑎᒥᐅᓪᓗᑎᒃ ᐃᖅᑲᓇᐃᔮᕆᓪᓗᒋᑦ ᑕᐃᒪᖓᓂᑦ ᐱᒋᐊᓚᐅᖅᓯᒪᒻᒪᑕ ᑲᑎᒪᔩᑦ ᐱᒋᐊᖅᑎᑕᐅᓕᖅᑎᓪᓗᒋᑦ ᓯᑎᐱᕆᒥ 1996 ᐋᑐᐋᒥ. ᖁᕕᐊᒋᕙᕗᑦ ᐊᒥᓱᑦ ᐊᖓᔪᖅᑲᐅᑎᑦ ᐅᑭᐅᖅᑕᖅᑐᒧᑦ ᐊᒻᒪᓗ ᐱᖃᑕᐅᖏᓐᓇᓕᖅᓱᑎᒃ ᐱᖃᑕᐅᔪᑦ ᐊᔪᐃᓐᓇᕈᑎᓖᑦ ᐱᒻᒪᕆᐅᔪᓂᑦ ᐊᑐᐊᒐᒃᓴᓂᑦ ᐊᑐᓕᖁᔭᓕᐊᖑᓯᒪᔪᓂᑦ ᓴᕝᕙᖅᐸᑦᓱᒋᑦ ᑖᒃᑯᓄᐊᖓ ᒥᓂᔅᑕᐅᔪᓄᑦ ᓯᑕᒪᐅᔪᖏᒐᖅᑐᓄᑦ ᐅᑭᐅᖅᑕᖅᑐᒥ ᓄᓇᓕᕐᔪᐊᓄᑦ ᑖᒃᑯᓇᓂ ᐅᖓᑖᓄᑦ ᒪᕐᕉᒃ ᐊᕝᕙᖓᑕᓗ ᐊᕐᕌᒎᒐᓴᐃᑦ ᖄᖏᖅᓯᒪᓕᖅᑐᓂ. ”
ICC−ᑯᑦ ᐃᑲᔪᖅᓯᓯᒪᕗᑦ ᓴᖅᑭᖅᑎᑕᐅᑎᓪᓗᒋᑦ ᐅᑭᐅᖅᑕᖅᑐᒧᑦ ᑲᑎᒪᔩᑦ ᓯᑎᐱᕆ 19, 1996−ᖑᑎᓪᓗᒍ ᐊᑎᓕᐅᖅᑕᐅᑎᓪᓗᒍ ᐋᑐᐊᒧᑦ ᐊᖏᖃᑎᒌᒍᑦ. ᐃᒃᓯᕙᐅᑕᕆᓚᐅᖅᓯᒪᔭᕗᑦ, ᒥᐊᕆ ᓴᐃᒪᓐ ᐱᓕᕆᓯᒪᓂᖃᖅᐳᖅ ᐱᕙᓪᓕᐊᔭᐅᓂᖓᓂ ᐋᑐᐊᒧᑦ ᐊᖏᖃᑎᒌᒍᑦ. ICC−ᑯᑦ ᑲᓇᑕᒥ ᐊᖓᔪᖅᑳᖓ ᒫᓂᑲ ᐃᐅᓪ−ᑲᓇᔪᖅ, ICC−ᑯᑦ ᑲᓛᖡᑦ ᓄᓈᓄᑦ ᐊᖓᔪᖅᑳᖅ ᕼᔭᓪᒪ ᑖᓪ, ᐊᒻᒪᓗ ICC−ᑯᑦ ᐊᖓᔪᖅᑳᖓᑦ ᓗᐃᐸᕝ ᑕᐃᐊᓐ ᑲᑎᒪᔭᖅᑐᖃᑕᐅᓯᒪᓐᓂᕐᒥᔪᑦ 12−ᕆᓕᖅᑕᖓᓂ ᐅᑭᐅᖅᑕᖅᑐᒧᑦ ᑲᑎᒪᔩᑦ ᑲᑎᒪᓂᖓᓄᑦ.
ᐅᑭᐅᖅᑕᖅᑐᒧᑦ ᑲᑎᒪᔨᖏᑕ ᒥᓂᔅᑕᐅᑎᖏᑦ ᑲᑎᒪᓂᖃᖅᑎᓪᓗᒋᑦ, ᐱᕙᓪᓕᐊᓂᖃᖅᐳᖅ, ᑭᓯᐊᓂᑦᑕᐅᖅ ᓱᓕᒃᑲᓐᓂᖅ ᐃᖅᑲᓇᐃᔮᒃᓴᐃᑦ ᐊᑕᖐᓂᖅᓴᐅᒐᓗᐊᕐᒪᖔᑕ ᑭᒡᒐᑐᖅᑕᐅᓂᖓᑕᓗ ᐱᖃᑕᐅᖏᓐᓇᓂᕐᒧᑦ ᐱᖃᑕᐅᔪᑦ ᑭᒡᒐᖅᑐᐃᔪᑦ ᓄᓇᖃᖅᑳᖅᓯᒪᔪᓂᑦ ᓄᓇᑐᔪᒥ ᓄᓇᖃᖅᑐᓂᒃ ᐅᑭᐅᖅᑕᖅᑐᒥ. “ ᑐᑭᖓ ‘ᐊᑑᑎᓕᒻᒥᑦ ᐱᖃᑕᐅᓂᖅ’ ᐊᔾᔨᒋᖏᑕᖓᓂᑦ ᑐᑭᓕᒃ ᐅᑭᐅᖅᑕᖅᑐᒧᑦ ᐅᖃᖅᓯᒪᓂᖓ ᑖᒃᑯᐊ ᐱᖃᑕᐅᖏᓐᓇᓂᕐᒧᑦ ᐱᖃᑕᐅᔪᑦ ᑐᑭᖓᑕ.”
ᔨᒥ ᓯᑕᑦᔅ ᐅᐱᒋᔭᓕᒥᓂᖅ ᐅᑭᐅᖅᑕᖅᑐᒧᑦ ᑲᑎᒪᔨᓂᑦ ᐅᑎᕐᓂᖏᓐᓄᑦ ᓯᕗᓪᓕᕐᒥ ᐱᓇᓱᐊᖅᑕᒥᓂᖏᓐᓄᑦ ᓇᓕᒧᒌᑎᑦᓯᒐᓱᐊᕐᓂᕐᒥᒃ ᐊᑐᕈᓐᓇᖅᑐᑦ ᐱᕙᓪᓕᐊᒍᑕᐅᓗᑎᒃ ᓴᐳᑎᔭᐅᓗᓂᓗ ᐊᕙᑎ. “ᐅᖃᓕᒪᓚᐅᖅᓯᒪᕗᖓ ᑖᒃᓱᒧᖓ ᑎᒥᐅᔪᒧᑦ ᐊᕐᕌᒎᖅ ᒪᕐᕉᒃ ᐊᓂᒍᖅᑑᓐᓂ ᕈᕙᓂᐊᒥ ᑕᒪᓐᓇ ᓇᓕᒧᒌᖕᓂᖅ ᑭᖒᒪᔭᐅᑎᓪᓗᒍ. ICC−ᑯᑦ ᓱᓕᔪᖅᓴᖅᑐᑦ ᐅᑭᐅᖅᑕᖅᑐᒧᑦ ᑲᑎᒪᔩᑦ ᓱᓕ ᓇᓂᓯᒐᓱᐊᕐᓂᖏᓐᓂᑦ ᑖᒃᓱᓂᒥᖓ ᓇᓕᒧᒌᓐᓂᕐᒥᑦ. ᖁᔭᓇᖅᐳᖅ, ᓄᓇᕐᔪᐊᒥ ᓯᓚᐅᑉ ᐊᓯᔾᔨᕐᓂᖓ ᓱᓕᒃᑲᓐᓂᖅ ᑲᑎᒪᔾᔪᑎᒃᓴᓅᖅᑕᐅᓂᖓᑕ.”
ICC−ᑯᑦ ᓂᐱᖃᕈᑎᒋᓪᓗᒍ ᐃᓱᒫᓘᑕᐅᓂᖓᑕ ᓯᐊᒻᒪᐸᓪᓕᐊᔪᒥᑦ ᑕᕆᐅᕐᒥᐅᑕᑦ ᓴᐳᑎᔭᐅᓂᖏᑦ ᐃᓂᐅᔪᑦ. ᐃᓄᐃᑦ ᐱᕕᖃᕆᐊᖃᖅᐳᑦ ᖁᓚᕐᓇᖏᑦᑐᒥᑦ ᑕᒪᒃᑯᓄᖓ ᓴᐳᑎᔭᐅᓯᒪᔪᓄᑦ ᐊᖑᓇᓱᐊᕈᓯᒥᓐᓂᑦ ᐊᑐᖁᓪᓗᒋᑦ ᓂᕿᑦᓴᑎᓐᓂᑦ. ᒥᑦᓴᐅᑦᑐᒥᑦ, ICC−ᑯᑦ ᐅᖃᖅᑐᒥᓃᑦ ᐱᖅᑕᐅᒐᔭᖏᓐᓂᖓᓂᒃ ᐅᖃᖃᑎᒌᒍᑕᐅᔪᓂ ᑐᕌᖓᔪᑦ ᖃᓄᖅ ᓂᕿᑦᓴᖃᕐᓂᖅ ᓇᐅᑦᓯᑐᖅᑕᐅᔪᒃᓴᐅᒻᒪᖔᑦ ᐊᐅᓚᑕᐅᓗᓂᓗ. ᐃᓄᐃᑦ ᐱᖃᑕᐅᕕᖃᕆᐊᖃᖅᐳᑦ ᐅᑭᐅᖅᑕᖅᑐᒥ ᐆᒪᔪᓂᑦ ᐊᐅᓚᑦᓯᓂᕐᒧᖓᔪᑦ ᐱᕙᓪᓕᐊᔭᐅᓕᖅᐸᑕ. ᐃᓱᒫᓘᑎᖃᕋᑦᑕ ᐱᓇᓱᐊᕐᓂᐅᖃᑦᑕᖅᓯᒪᔪᑦ ᐱᓪᓗᒋᑦ ᐃᓚᖏᓐᓄᑦ ᓄᖅᑲᖅᑎᑕᐅᒐᓱᐊᕐᓂᖓ ᐃᓄᐃᑦ ᐊᖑᓇᓱᐊᕐᓂᖓᑕ ᓂᕿᑦᓴᒥᑦ.
“ᑲᔪᙱᖅᓴᐃᓪᓚᕆᑉᐳᖑᑦ ᐅᑭᐅᖅᑕᖅᑐᒧᑦ ᑲᑎᒪᔨᓂᑦ ᐃᓚᖃᕐᓗᑎᒃ ᐃᓄᖕᓂᑦ ᐱᕙᓪᓕᐊᔭᖃᕐᓗᑎᒃ ᐊᑐᐊᒐᒃᓴᓄᑦ ᐊᑐᓕᖁᔭᓕᐊᓄᑦ ᓂᐱᖃᐅᑎᒋᓂᐊᕐᒪᔾᔪᒃ ᐃᓱᒫᓘᑎᒋᔭᕗᑦ ᑖᒃᑯᓅᖓ ᒪᕐᕉᓐᓄᑦ ᐃᓱᒫᓘᑎᒋᔭᑦᑎᓐᓄᑦ,” ᐅᖃᖅᑐᒥᓂᖅ ᓯᑕᑦᔅ. “ᐊᕕᑎᑕᐅᔾᔮᖏᑦᑐᒍᑦ ᓂᕿᑦᓴᑎᓐᓂᑦ ᐱᖅᑯᓯᑦᑎᓐᓂᓪᓗ. ᐊᕕᑎᑕᐅᔾᔮᖏᑦᑐᒍᑦ ᓂᕿᑦᓴᑎᓐᓂᑦ ᐱᖅᑯᓯᑦᑎᓐᓂᓪᓗ. ᐊᖏᕈᑎᒋᔾᔮᙱᑕᕗᑦ ᐱᖅᑯᓯᕗᑦ ᓄᖅᑲᖅᑎᑕᐅᒐᓱᐊᖅᐸᑦ.” ᓯᑕᑦᔅ ᓇᓗᓇᐃᖅᓯᒋᐊᖅᓱᓂ ICC−ᑯᑦ ᑕᐃᓯᒐᔭᖅᑐᑦ ᑎᒥᖁᑎᒋᔭᐅᔪᓂᑦ ᐃᓕᑕᖅᓯᓯᒪᙱᑦᑐᓂᑦ ᐱᔪᓐᓇᐅᑎᖏᓐᓂᑦ ᐅᑭᐅᖅᑕᖅᑐᒥᐅᑦ ᓯᕗᓪᓖᑦ ᐃᓄᐃᑦ ᓂᕿᖃᕆᐊᖃᕐᓂᖏᓐᓂᑦ ᐱᖅᑯᓯᕐᒥᑎᒍᓪᓗ ᐊᓐᓇᐅᒪᓂᖏᓐᓂᑦ.
ICC−ᑯᑦ ᐅᖃᕆᐊᒃᑲᓂᖅᓱᑎᒃ ᐊᑯᓂᐅᓕᖅᑐᖅ ᒪᑭᑕᓂᖓᓂᒃ ᐅᑭᐅᖅᑕᖅᑐᖅ ᓴᐃᓕᓂᖅᓴᐅᓕᕐᓗᓂ ᓄᓇᐅᒋᐊᖃᕐᓂᖓᓂᒃ, ᐊᒻᒪᓗ ᓄᖑᔪᐃᑦᑐᖃᙱᑦᑑᓗᓂ. ᓄᖅᑲᐅᓯᕈᑎᒥᓂ ᐅᖃᐅᓯᒃᓴᒥᓂᒃ ᔨᒥ ᓯᑕᑦᔅ ᐅᖃᖅᑐᒥᓂᖅ, “ᐅᔭᒋᕙᕗᑦ ᐊᐃᔅᓛᓐᑎᒃᒥᐅᑦ ᐱᓕᕆᖃᑎᒌᑦᑐᑦ ᐱᓇᓱᐊᖅᓯᐊᕐᓂᖓ ᐱᓪᓗᒍ ᓯᕗᓕᕐᓂᕐᒥᒍᑦ ᑎᒥᖁᑕᐅᔪᒥᑦ ᐃᒃᓯᕙᐅᑕᕆᔭᐅᓂᖃᖅᑎᓪᓗᒋᑦ. ᐱᓕᕆᑦᓯᐊᖅᓯᒪᔪᒻᒪᕆᐊᓗᐃᑦ ᐅᖁᒪᐃᒃᓴᓇᖅᑑᒐᓗᐊᖅᑎᓪᓗᒍ ᓄᕙᒡᓇᕐᔪᐊᒧᑦ-19−ᒧᑦ ᖃᓂᒪᓐᓇᐅᑎᓪᓗᒍ. ᐃᑲᔪᖅᑐᐃᓂᖃᖅᐳᒍᑦ ᕋᓴᒦᙶᖅᓯᒪᔪᑦ ᐃᒃᓯᕙᐅᑕᐅᓂᐊᕐᓂᖓᓂᑦ.”
-30-
ᖃᐅᔨᒋᐊᕐᕕᒃᓴᑦ:
ᑭᐊᓕ ᐃᓂᖑᕗᒃ ICC (ᐊᓛᔅᑲ) 907-274-9058 kelly@iccalaska.org
ᑐᑯᒻᒥᙳᐊᖅ ᓇᐃᒃᔭᐃ ᐆᓪᓴᓐ ᑐᑯᒻᒥᙳᐊᖅ ᓇᐃᒃᔭᐃ ᐆᓪᓴᓐ tukumminnguaq@inuit.org
ᓯᑏᕙᓐ ᕼᐃᐊᓐᑐᕆ ICC (ᑲᓇᑕ) 613 668 1923 type88@post.com