ᐋᒡᒌᔅᓯ 6, 2020 – ᐋᓐᑯᕆᑦᔅ, ᐊᓛᔅᑲ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌ ᑲᑎᒪᔨᖏᑦ ᓴᖅᑮᓚᐅᖅᓯᒪᒻᒥᔪᑦ ᓄᑖᕐᒥᑦ ᑐᓵᒐᔅᓴᓂᒃ ᐋᒡᒌᔅᓯ 9−ᖑᑎᓪᓗᒍ − ᓯᓚᕐᔪᐊᒥ ᐅᓪᓗᖃᑎᑕᐅᓪᓗᑎᑦ ᓄᓇᖃᖅᑳᖅᑐᒥᓃᑦ. ᐱᓕᕆᓯᓐᓈᖅᑐᑎᑦ ᐅᑭᐅᖃᕐᓂᖏᓐᓂ 40−ᓂᑦ 1980−ᒥ ᓴᖅᑭᓚᐅᖅᓯᒪᔪᒥᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᕐᕌᒍᑕᒫᖅᓯᐅᑎᖓᓐᓂ ᑲᑎᒪᓂᕐᒥᑦ ᓅᒃᒥ, ᑲᓛᖡᑦ ᓄᓈᓂ ᓯᕗᓪᓕᖅᐹᒥᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᒪᓕᒐᕐᔪᐊᖓᓐᓂ ᒪᓕᒐᕋᓛᖏᓐᓂᓪᓗ ᑎᒍᔭᐅᔪᖃᖅᑐᓂ. ᓄᑖᕐᓂᑦ ᐱᑕᖃᓕᖅᑐᓂ ᑕᐃᒎᓯᓕᓐᓂᑦ ᐅᓂᒃᑳᑦ / ᐅᓂᒃᑳᑦ / ᐅᓂᑉᑳᑦ / ᐅᖏᐸᒡHᐊᑦ / ᓇᓪᓗᓇᐃᕈᑎᑦ ᑐᑭᖃᖅᑐᓂ ᐅᓂᒃᑳᑦ, ᐅᓂᒃᑲᐅᓯᕐᓂᑦ, ᐅᓕᒃᑲᐅᓯᐅᔪᓪᓗ ᐃᓄᐃᑦ ᐅᖃᐅᓯᖅᑎᒍᑦ.
ᐅᖃᐅᓰᑦ ᐊᔾᔨᒌᓐᖏᑦᑐᑦ ᐊᓯᖏᓐᓄᑦ ᐅᖃᐅᓯᖃᑎᒌᓐᖏᑦᑐᓄᑦ ᐃᓄᐃᑦ ᓄᓇᖓᓐᓂ. ᐃᓄᑦᑎᑑᖅᑐᑦ ᑲᓇᑕᒥ – ᐅᓂᒃᑳᑦ, ᑲᓚᖠᓱᑦ ᑲᓛᖡᑦ ᓄᓈᓂ – ᐅᓂᒃᑳᑦ, ᐃᓄᑉᐱᐊᑦ ᐊᓛᔅᑲᒥ – ᐅᓂᑉᑳᑦ, ᐊᓛᔅᑲᒥ ᔪᑉᐱᒃ, ᐅᖃᐅᓯᖅ ᓇᓪᓗᓇᐃᕈᑎᒃ, ᐊᒻᒪᓗ ᓴᐃᐱᐅᕆᔭᒥ ᔪᑉᐱᒃ ᓱᑳᑦᑲᒥ – ᐅᖏᐸᒡᕼᐊᑦ. ᖃᓪᓗᓈᑎᑐᑦ ᑕᐃᕙᑦᑕᕗᑦ “ᐅᑭᐅᖅᑕᖅᑐᒥᐅᖃᑎᒌᑦ ᒪᓕᖏᑦ” ᓴᙱᓂᖏᓐᓂ ᒪᓕᑦᑎᑐᑦ ᓇᒧᑐᐃᓐᓇᑦᑎᐊᖅ ᑎᑭᒍᓐᓇᕐᖓᑕ, ᐃᒪᕕᒻᒥᐅᒐᓗᐊᖅᑲᑦ, ᖃᕋᓴᒥᐅᒐᓗᐊᖅᑲᑦ ᒪᓕᖏᑦ, ᓂᐱᓕᐅᒐᕐᓂᑦ ᒪᓕᐅᒐᓗᐊᖅᑲᑦ, ᓯᓚᒥᓘᓐᓃᑦ ᒪᓕᐅᒐᓗᐊᖅᑲᑦ, ᓇᒧᕈᓘᔮᓘᕈᓐᓇᕐᓂᖓᓐᓄᑦ ᐅᑭᐅᖅᑕᖅᑐᒥ.
“ᖃᕋᓴᐅᔭᒃᑯᑦ ᐱᕙᓪᓕᐊᔪᖁᑎᕗᑦ ᐅᓂᒃᑳᖅᑐᑦ, ᓂᓪᓕᐊᔪᓂᒃ, ᐅᓂᒃᑳᓕᐅᖅᓯᒪᔪᓂᒃ ᑎᓴᒪᓂᒃ ᓄᓇᓕᕐᔪᐊᕐᓂᑦ ᐅᖓᑖᓄᓪᓗ,” ᐅᖃᓚᐅᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ ᑕᓖ ᓴᒻᐳ ᑐᕈ. “ᓇᒻᒥᓂᖅ ᓂᐱᑦᑎᓐᓂ ᐅᓂᒃᑳᖅᑐᒍᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᖃᓄᐃᓘᖃᑦᑕᖅᓯᒪᒻᒪᖔᑕ ᑕᐃᒪᓐᖓᓂ 1970−ᒥᓂᑦ, ᖃᓄᕐᓗ ᑕᒪᒃᑯᓂᖓ ᒫᓐᓇᓕᓴᕐᓂᑦ ᑲᒪᖃᑦᑕᖅᓯᒪᒻᒪᖔᖅᑕ ᐃᓄᐃᑦ ᓯᕗᓪᓕᖅᐸᐅᑎᒋᐊᖃᕐᓂᑎᓐᓂ, ᓇᓗᓇᐃᔭᖅᓯᒪᔪᑦ ᐅᓂᒃᑳᕐᓂᑦ ᓲᕐᓗ ᐅᑦᕿᐊᕕᒃᑯᑦ ᓇᓗᓇᐃᖅᓯᓯᒪᓂᖓᓐᓂ ᑲᔪᓯᑎᑕᓚᐅᖅᓯᒪᔪᒥᑦ 2018−ᒥ ᐊᕐᕌᒍᑕᒫᖅᓯᐅᑎᖓᓐᓂ ᑲᑎᒪᑎᓪᓗᒋᑦ ᐊᓛᔅᑲᒥ. ᑕᒪᓐᓇ ᖁᕕᐊᓇᓪᓚᕆᖅᑦᑐᖅ, ᓄᑖᖑᓪᓗᓂᓗ ᐱᒋᐊᕈᑕᐅᓯᒪᔪᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᐊᒻᒪᓗ ᐃᓄᓐᓂᑦ ᓄᓇᖏᓐᓂ ᐊᓯᖏᓐᓂ ᓯᓚᕐᔪᐊᒥ ᐅᓂᒃᑳᖅᑐᖃᕐᓂᐊᖅᑐᔅᓴᐅᒋᕗᖅ ᐊᓯᖏᓐᓂ.”
ᓯᕗᓕᖅᐹᑦ ᐅᓂᒃᑳᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂ ᐊᐱᖅᓲᑎᒥᓃᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓᓐᓂ ᑕᓕ ᓴᒻᐳ ᑕᕈᒥᑦ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖓᓐᓂ ᒫᓂᑲ ᐊᐅᓪ-ᑲᓇᔪᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᑉ ᑐᖏᓕᖓᓐᓂ (ᓯᓚᕐᔪᐊᒥ) ᓖᓴ ᖁᐱᕐᕈᐊᓗᒃ, ᐊᒻᒪᓗ ᐃᔅᓯᕙᐅᑕᖓᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᑭᐅᖅᑕᖅᑑᖃᑎᒌᓐᓂᒃ ᐃᓄᐃᑦ ᐋᓐᓂᐊᖅᑐᐃᓕᒪᓂᕐᒧᑦ ᐸᕐᓇᑦᑏᑦ ᒥᓂ ᒍᕋᐃ. ᐅᕙᓂᑦᑕᐅ ᖃᐅᔨᒋᐊᕐᕕᔅᓴᐅᒻᒥᔪᖅ ᐹᔅᐳᕋᐅᑦᒥ: https://bit.ly/3gwLV9w
“ᒫᓐᓇ, ᐱᓂᖅᓴᐅᓕᖅᑐᖅ, ᐊᔾᔨᐅᖏᑦᑐᓂᑦ ᖃᓄᖅᑑᕆᐊᖃᕋᑦᑕ ᑕᑯᔅᓴᐅᔪᓐᓇᖅᑐᓂᒃ ᑐᓴᐅᒪᑎᑦᑎᓂᖅᓴᐅᓗᑎᑦ ᐊᓯᑦᑎᓐᓂ,” ᐅᖃᓚᐅᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖓ ᒫᓂᑲ ᐊᐅᓪ-ᑲᓇᔪᖅ. “ᓂᐱᓕᐅᒐᕐᓂᑦ ᐊᒥᓱᑲᓪᓚᓐᓂᒃ ᐊᑐᐃᓐᓇᖃᕐᓗᓂ ᐃᓱᒪᖃᑦᑕᖅᓯᒪᓕᕋᑦᑎᒍ ᑕᒪᓐᓇ ᐊᑯᓂ, ᐱᐅᓂᖅᐹᖑᔮᖅᑐᓂᓗ ᓯᕗᓪᓕᖅᐹᒥ ᓯᓚᕐᔪᐊᒥ ᐅᓪᓗᖓᓐᓂ ᓄᓇᖃᖅᑳᖅᑐᒥᓃᑦ ᐅᓪᓗᖓᓐᓂ ᖃᓂᒪᓐᓈᓘᑎᓪᓗᒍ ᑕᑯᓐᓇᖃᑦᑕᐅᑎᔪᓐᓇᖏᓐᓂᑎᓐᓂ. ᐊᔅᓱᕈᓐᓇᖃᑦᑕᕋᓗᐊᖅᑎᓪᓗᒍ ᑕᖅᑭᒐᔭᓐᓇᑦ ᐊᓂᒍᖅᑐᓄᑦ, ᐋᖅᑮᓯᒪᒐᑦᑕ ᓇᒻᒥᓂᖅ, ᑕᑯᓐᓇᖅᑐᑕᓗ ᓇᒻᒥᓂᖅ ᐅᓂᒃᑳᖅᑎᐊᖅᑎᓐᓂ ᓂᐱᖃᕈᒪᓂᑦᑎᓐᓂ. ᐃᓛᑎᒍᓪᓗ ᓈᓚᐅᑎᒃᑰᖃᑦᑕᕐᓂᑰᓪᓗᑕ, ᐃᑲᔪᕐᓂᖃᕐᓂᐊᖅᑐᓂ ᑕᐃᒫᒃ.”
ᓂᐱᓕᐅᒐᐃᑦ ᒪᑯᓂᖓ ᓂᔾᔭᐅᓯᔭᖅᑎᓂᑦ ᑐᓴᖅᑕᐅᑎᑦᑎᖃᑦᑕᕐᓗᑎᑦ ᐃᓄᓐᓃᓐᖔᖅᑐᓂᒃ. ᓯᕗᓪᓕᖅᐹᖅᓯᐅᑎ ᓴᖅᑭᔮᖅᑎᑦᑎᓗᓂ ᓄᓇᕗᒻᒥ ᑲᑕᔾᔭᓵᕐᓂᑦ ᓂᐅᓴᓐ ᑕᒍᓐᓇᖅ ᑲᒪᓂᖅᑐᕐᒥ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓯᖏᓐᓄᑦᑕᐅ ᖃᐅᔨᒋᐊᕐᓗᑎᑦ ᐃᓄᐃᑦ ᓄᓇᖓᓐᓃᑦᑐᓂᒃ.
-30-
ᑐᑭᓯᒋᐊᕐᕕᔅᓴᖅ:
Kelly Eningowuk
ICC (Alaska)
907-274-9058
kelly@iccalaska.org
ᑭᐅᕈ ᓴᐃᒪᓐ
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕ)
613-563-2642
CSimon@inuitcircumpolar.com