“ᐃᓄᐃᑦ ᐊᑕᐅᓯᐅᒻᒪ ᓯᕗᓂᔅᓴᓕᐅᖅᑐᑦ ᐱᓕᕆᖃᑎᒋᓐᓂᒃᑯᑦ”
15−ᖓᓐᓂ ᐃᓄᐃᑦ ᐅᑭᐅᖅᑲᖅᑕᖅᑐᒥ ᑲᑎᒪᔨᖏᑦ (ICC) ᐊᕐᕌᒍᑕᒫᖅᓯᐅᑎᖓ ᐱᔭᕇᔭᖅᑐᖅ
ᔪᓚᐃ 25, 2026— ᐃᖃᓗᐃᑦ, ᑲᓇᑕ— ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᑦ 15−ᖓᓐᓂ ᐊᕐᕌᒍᑕᒫᖅᓯᐅᑎᖓᓐᓂ ᐱᔭᕇᖅᑐᑦ ᐅᓪᓗᒥ ᐃᖃᓗᓐᓂ, ᓄᓇᕗᒻᒥ. ᐃᓄᐃᑦ ᖁᕕᐊᓲᑎᖃᓚᐅᖅᑐᑦ ᐅᓂᒃᑲᐅᓯᖃᖅᑐᑎᑦ ᐱᖅᑯᓯᖏᓐᓂ ᑐᓐᖓᓱᑦᑎᑦᑎᓪᓗᑎᑦ ᐃᓅᖃᑎᖏᓐᓂ ᐊᓛᔅᑲᒥᑦ, ᑲᓇᑕᒥ, ᑲᓛᖡᑦ ᓄᓈᓂ, ᓱᑳᑦᑲᒥᓗ. ᐅᓗᓄᑦ ᑎᓴᒪᓄᑦ ᐅᖃᐅᓯᖃᖅᑐᑎᑦ, ᑲᑎᒪᔩᓪᓗ ᐅᓂᒃᑳᓕᐅᖅᑐᑎᑦ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᐊᑐᓂ ᐊᓪᓚᕕᖏᓐᓂ, ᑐᓴᖅᑕᐅᓪᓗᑎᑦ ᐃᓄᐃᑦ ᖃᐅᔨᒪᔪᒻᒪᕇᑦ, ᐱᖁᔭᕐᓂᑦ ᓯᕗᓪᓕᖅᐸᐅᑎᒋᐊᓕᓐᓂᑦ ᐊᐃᕙᓂᖃᖅᑐᑎᑦ, ᑎᒍᓯᓪᓗᑎᓪᓗ ᐃᖃᓗᐃᑦ ᓇᓗᓇᐃᖅᓯᖏᓐᓂ ᑲᒪᒋᔭᕆᐊᓕᓐᓂ ᐋᖅᑭᔅᓱᐃᓪᓗᑎᓪᓗ ᓯᕗᓪᓕᖅᐸᐅᑎᒋᐊᓕᓐᓂᑦ ᐱᒻᒪᕆᐅᔪᓄᑦ ᐃᓄᓐᓄᑦ. ᑲᑎᒪᓂᖅ ᐱᔾᔪᑎᖃᖅᑐᓂ, ᐃᓄᐃᑦ ᑕᐱᕇᑦ ᓄᓇᕐᔪᐊᒥ, ᐱᒻᒪᕆᐅᒋᔭᐅᓚᐅᖅᑐᖅ ᑕᒫᓂ.
ᑲᑎᒪᔪᑦ ᓂᕈᐊᓚᐅᖅᑐᑦ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᐃᔅᓯᕙᐅᑕᕐᒥᑦ, ᓯᕗᓕᖅᑏᓪᓗ ᑲᑎᒪᔨᕋᓛᖏᓐᓂ ᐊᐅᓚᑦᑎᓂᐊᖅᑐᓂᒃ ᑲᑐᔾᔨᖃᑎᒌᒻᒥᑦ 2026−ᒥᑦ 2030−ᒧᑦ. ᐃᔅᓯᕙᐅᑕᖅ ᓅᑕᐅᓪᓗᓂ ᑲᓛᖡᑦ ᓄᓈᓂ ᑲᓇᑕᒧᑦ, ᐊᓗᑭ ᑰᑦᑎᖅ ᐃᔅᓯᕙᐅᑕᕐᒧᑦ ᓂᕈᐊᖅᑕᐅᓪᓗᓂ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ (ICC). ᐊᓗᑭ ᒫᓐᓇ ᐃᔅᓯᕙᐅᑕᐅᒻᒪᑦ ᑲᓇᑕᒥ ᑲᑐᔾᔨᖃᑎᒌᓐᓂᒃ ᑲᑎᒪᔨᓪᓛᑖᖑᔪᓂᒃ ᓄᓇᖃᖅᑳᖅᓯᒪᔪᓕᕆᓂᕐᒥᑦ ᐊᒻᒪᓗ ᐃᔅᓯᕙᐅᑕᐅᑉ ᑐᖏᓕᕆᓚᐅᖅᓯᒪᓪᓗᓂᐅᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂ 2022-2032-ᒧᑦ. ᐊᖏᔪᖅᑳᖑᓚᐅᖅᓯᒪᒻᒥᔪᖅ ᓄᓇᕗᑦ ᑐᓐᖓᕕᒃᑯᓐᓄᑦ 2016−ᒥᑦ 2024-−ᒧᑦ. ᐱᓕᕆᖃᑦᑕᖅᓯᒪᔭᖏᓐᓂ, ᓂᓪᓕᐊᔨᑦᑎᐊᕚᓘᖃᑦᑕᖅᓯᒪᔪᖅ ᐃᓄᐃᑦ ᐱᔪᓐᓇᐅᑎᖏᑦᑕ ᒥᔅᓵᓄᑦ ᑲᓇᑕᒥ ᓯᓚᕐᔪᐊᒥᓗ.
“ᐅᐱᓪᓚᕆᑦᑐᖓ ᖁᔭᓕᑦᑎᐊᖅᑐᖓᓪᓗ ᐱᕕᖃᖅᑎᐅᒐᒪ ᐃᔅᓯᕙᐅᑕᐅᓪᓗᖓ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC),” ᐅᖃᓚᐅᖅᑐᖅ ᐃᔅᓯᕙᐅᑕᖅ ᐊᓗᑭ ᑰᑦᑎᖅ. “ᐱᓕᕆᓂᐊᕐᓂᑎᓐᓂ, ᑕᐃᒪᐃᓘᖏᓐᓇᕐᓗᓂᓗ, ᐱᓕᕆᖃᑎᖃᐃᓐᓇᕐᓗᓂ ᐃᓄᐃᑦ ᓄᓇᖓᓐᓂ ᓯᕗᓂᑦᑎᓐᓂ ᖁᕕᓇᓪᓚᕆᓐᓂᐊᖅᑐᖅ. ᓯᐅᕋ ᐅᓪᔅᕕᒃ ᓯᕗᓕᖅᑎ ᓴᓐᖓᑎᑦᑎᑲᓐᓂᖅᓯᒪᒻᒪᑦ ᑲᑐᔾᔨᖃᑎᒌᓐᓂᒃ ᒪᑭᑕᓂᖏᓐᓂ ᐱᐅᓯᕚᓪᓕᑲᓐᓂᖅᑐᑎᓪᓗ ᐱᓕᕆᔪᓐᓇᑎᓪᓗᒋᑦ.”
ᑲᔪᓯᑐᐃᓐᓇᕐᓂᐊᖅᑐᑦ ᐃᔅᓯᕙᐅᑕᖅ ᓯᐅᕋ ᐅᓪᔅᕕᒃ ᐱᕙᓪᓕᐊᖃᑦᑕᓚᐅᖅᑕᖏᑦ ᐊᑦᑐᐃᓂᖃᖅᑐᑦ ᐃᓄᓐᓂᑦ ᐊᒻᒪᓗ ᐱᓕᕆᐊᖏᑦ ᑲᔪᓯᖃᑦᑕᖅᓯᒪᓚᐅᖅᑐᑦ ᐅᑭᐅᓄᑦ ᑎᓴᒪᓄᑦ, ᖁᔭᓕᑦᑎᐊᖅᑐᓂᓗ ᐱᕕᖃᖅᑎᑕᐅᓚᐅᕐᖓᑦ ᐃᔅᓯᕙᐅᑕᐅᓪᓗᓂ ᑲᑐᔾᔨᖃᑎᒌᒻᒧᑦ.
“ᓴᓐᖏᔪᐊᓘᓯᒪᔪᖅ ᐱᓕᕆᑦᑎᐊᖅᑐᐊᓘᓪᓗᑎᓪᓗ ᑲᑎᒪᕕᔾᔪᐊᖅᑎᓪᓗᒋᑦ. ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᑲᑎᒪᔨᖏᑦ ᓄᖅᓴᖅ, ᑑᑉ ᑎᒍᓕᖓ − ᐃᓄᓂᒫᓐᓄᑦ. ᑕᐃᓐᓇ, ᐅᕙᒍᑦ, ᐃᓱᒪᓕᐅᕐᓂᑎᒍᑦ ᓇᓗᓇᐃᖅᓯᓂᑦᑎᓂᓪᓗ ᐱᓕᕆᔪᓐᓇᓂᑦᑎᓐᓂ, ᑐᓂᓯᓯᒪᒐᑦᑕ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᑎᓕᓯᔾᔪᑎᓂᑦ ᐅᑭᐅᖑᓂᐊᖅᑐᓂᒃ ᐊᒡᒋᖅᑐᓂᑦ. ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᑕᐃᑲᓂ, ᑑᒃᑲᖅ, ᓄᕗᐊ ᑑᖅ ᐊᒥᖓᓅᓲᖅ ᓂᕐᔪᑎᐅᑉ. ᑲᑎᒪᔩᑦ ᑎᓕᓯᓪᓗᑎᑦ ᐅᕙᑦᑎᓐᓂ, ᓴᖅᑮᑎᑦᑎᓪᓗᑎᑦ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᓯᓚᕐᔪᐊᒧᑦ, ᐃᓱᒪᓕᐊᕆᓯᒪᔭᕗᑦ ᑲᔪᓯᑎᖁᓪᓗᒋᑦ. ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᐃᓱᒪᓕᐊᒥᓂᕐᒥᓂᑦ ᑕᐃᒪᐃᓕᖓᑎᑦᑏᓐᓇᖁᔨᓪᓗᑎᑦ ᓯᓚᕐᔪᐊᒥ ᐊᐃᕙᖃᑎᖃᖅᑎᓪᓗᒋᑦ, ᐃᓛᓐᓂᒃᑯᑦ ᑐᓐᖓᓱᐃᓐᓇᖃᑦᑕᑎᓐᓇᑕ, ᑕᐃᒫᒃ ᑎᓕᔭᐅᓯᒪᒐᑦᑕ ᐅᐱᓐᓇᕋᓂ. ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᑎᒍᒥᐊᖅᑕᐅᒻᒪᑕ ᐃᓄᓕᒫᑦᑎᐊᕐᓄᑦ. ᐅᕙᒍᑦ ᓄᖅᓴᐅᔪᒍᑦ. ᖁᔭᓕᑦᑎᐊᖅᑐᖓ ᐊᓂᓂᐊᓕᖅᑎᓪᓗᑕ ᑲᑎᒪᕕᔾᔪᐊᕐᒥ ᓇᓗᓇᓐᖏᑦᑎᐊᖅᑐᓂᑦ ᐱᔭᔅᓴᖃᕐᓂᐊᕋᑦᑕ ᓯᕗᓕᖅᑎᐅᓂᑦᑎᓐᓂ.”
ᑕᕝᕙᓂ ᐊᕐᕌᒍᒥ ᓇᓗᓇᐃᖅᓯᔪᑦ ᐊᔾᔨᐅᖏᑦᑐᓕᒻᒪ ᐅᑎᖅᑐᑎᑦ ᐃᖃᓗᓐᓄᑦ, ᑲᑎᒪᓚᐅᖅᓯᒪᔪᑦ 1983−ᒥ. ᑲᑎᒪᓂᖅ ᓇᓗᓇᐃᖅᓯᑲᓐᓂᖅᑐᖅ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᐱᓕᕆᐊᖏᓐᓂ ᓯᕗᕙᖅᑎᑎᒃᑲᓂᖅᑐᑎᑦ ᐃᓄᐃᑦ ᐱᔪᓐᓇᐅᑎᖏᓐᓂ, ᓇᒻᒥᓂᖅ ᐱᓇᓱᐊᕐᓂᖏᓐᓂ, ᐊᕙᑎᑦᑎᓐᓂ ᑲᒪᑦᑎᐊᕐᓂᕐᒥᑦ, ᐅᖃᐅᓯᑦᑎᓐᓂ ᐱᖅᑯᓯᑦᑎᓂᓪᓗ, ᐱᕙᓪᓕᐊᓂᕐᒥᑦ, ᓯᓚᕐᔪᐊᒥᓗ ᓂᓪᓕᐊᔨᐅᓪᓗᑎᑦ. ᐱᕙᓪᓕᐊᓂᖏᓐᓂᓪᓗ, ᐱᖅᑯᓯᑦᑎᓐᓂ ᑕᑯᔅᓴᐅᑎᑦᑎᒍᓐᓇᕋᑦᑕ, ᖁᕕᐊᓲᑎᖃᖅᑐᑕ ᐃᓄᓐᓂᑦ ᐱᖅᑯᓯᖏᓐᓂᓪᓗ ᑕᑯᔅᓴᐅᑎᑦᑎᒍᓐᓇᖅᑐᑕ.
ᑲᑎᒪᕕᔾᔪᐊᕐᓂᖅ ᐃᓱᓕᑉᐸᓪᓕᐊᓕᖅᑎᓪᓗᒍ, ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᑲᑎᒪᔩᑦ ᓄᑖᕐᓂᑦ ᐱᒋᐊᕈᑎᖃᖅᑐᑎᑦ ᐅᑭᐅᓄᑦ ᑎᓴᒪᓄᑦ ᑲᒪᓂᐊᖅᑐᑎᑦ ᐱᓕᕆᐊᔅᓴᓂᒃ ᐊᑐᓕᖅᑎᑦᑎᓗᑎᓪᓗ ᓯᕗᓪᓕᖅᐸᐅᑎᒋᐊᓕᖏᓐᓂ ᐃᓗᐊᓃᑦᑐᓂᑦ ᐃᖃᓗᓐᓂ ᓇᓗᓇᐃᖅᑕᐅᓚᐅᖅᑐᓂᒃ.
“ᑕᕝᕙᓐᖔᖅᐸᓪᓕᐊᓕᖅᑐᖓ ᑲᑎᒪᕕᔾᔪᐊᕐᓂᕐᒥᑦ ᖁᕕᐊᓪᓚᕆᑦᑐᖓ ᓄᑖᕐᓂᑦ ᐱᓕᕆᓂᐊᕐᓂᓐᓂᑦ ᓯᕗᓂᑦᑎᓐᓂ. ᓇᓗᓇᓐᖏᑦᑐᖅ ᐃᓄᐃᑦ ᐃᓅᖃᑎᒌᓪᓚᕆᒻᒪᑕ ᓯᕗᓂᑦᑎᓐᓂ ᓴᖅᑮᕙᑦᑐᑦ ᐱᓕᕆᖃᑎᒌᑦᑐᑎᑦ. ᐱᓕᕆᖃᑎᖃᕐᓂᐊᕐᓂᓐᓂᑦ ᕿᓚᓈᑦᑎᐊᖅᑐᖓ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᓯᕗᓕᖅᑏᑦ ᑲᑎᒪᔨᕋᓛᖏᓐᓂ ᐱᓕᕆᐊᖑᔭᕆᐊᓕᓐᓂ ᓯᕗᓪᓕᖅᐸᐅᑎᒋᐊᓕᓐᓂᓪᓗ ᑲᒪᓂᐊᖅᑎᓪᓗ ᐋᖅᑭᓱᖅᑕᐅᓚᐅᖅᑐᓂᒃ ᐃᖃᓗᓐᓂ ᓇᓗᓇᐃᖅᑕᓂᑦ,” ᐅᖃᓚᐅᖅᑐᖅ ᐃᔅᓯᕙᐅᑕᐅᓂᐊᓕᖅᑎᖅ ᐊᓗᑭ ᑰᑦᑎᖅ.
ᐅᑯᐊ ᑲᑎᒪᕕᔾᔪᐊᖅᑎᓪᓗᒋᑦ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᓯᕗᓕᖅᑏᑦ ᑲᑎᒪᔨᕋᓛᖏᓐᓅᓚᐅᖅᑐᑦ ᓄᓇᓕᖏᓪᓗ ᐱᖃᓯᐅᑎᓪᓗᒋᑦ, ᓯᓚᕐᔪᐊᒥᓗ ᐃᔅᓯᕙᐅᑕᐅᓂᖏᑦ. ᓯᕗᓕᖅᑏᑦ ᑲᑎᒪᔨᕋᓛᖏᑦ ᐃᒪᐃᑦᑑᓕᖅᑐᑦ:
ᐃᔅᓯᕙᐅᑕᖅ: ᐊᓗᑭ ᑰᑦᑎᖅ
ᐊᓛᔅᑲ: ᐊᖏᔪᖅᑳᖅ ᒧᕆ ᒍᕇᓐ ᐊᒻᒪᓗ ᐊᖏᔪᖅᑳᑉ ᑐᖏᓕᖓ ᓂᑰᓪ ᑲᓇᔪᕋᖅ ᐅᔾᓯᓱᔅᑭ,
ᑲᓇᑕ: ᐊᖏᔪᖅᑳᖅ ᕼᐅᑉ ᓇᑭᒪᔪᒃ ᐊᒻᒪᓗ ᐊᖏᔪᖅᑳᑉ ᑐᖏᓕᖓ ᓇᐃᑕ ᐅᐸᑦ ᓯᕗᓕᖅᑎᐅᑲᐃᓐᓇᖅᑐᖅ ᑲᑎᒪᔨᕋᓛᓄᑦ.
ᓱᑲᑦᑲ: ᐊᖏᔪᖅᑳᖅ ᐃᓂᓇ ᒪᔅᓯᕿᐊᑯᕙ ᐊᒻᒪᓗ ᐊᖏᔪᖅᑳᑉ ᑐᖏᓕᖓ ᒧᕆᐊ ᓚᐃᑕ.
ᑲᓛᖡᑦ ᓄᓇᖓ (Greenland): ᐊᖏᔪᖅᑳᖅ ᐊᒪ ᓕᓐᓂᑦ ᐊᒻᒪᓗ ᐊᖏᔪᖅᑳᑉ ᑐᖏᓕᖓ ᓂᕕ ᕉᓯᖕ.
ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᓯᕗᓕᖅᑏᑦ ᑲᑎᒪᔨᕋᓛᖏᑦ ᖁᔭᓕᑦᑎᐊᖅᑐᑦ ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓᓐᓄᑦ ᒍᓗᐊᕆᔭ ᐅᓗᖅᓯᒥᑦ ᐃᖅᑲᓇᐃᔭᖅᑎᖏᓪᓗ ᑐᓐᖓᓱᑦᑎᑦᑎᐊᓚᐅᕐᓂᖏᓐᓂ, ᐱᓕᕆᔪᒪᑦᑎᐊᖅᑐᑎᑦ ᐊᔅᓱᕈᑦᑎᐊᕐᓂᖏᓐᓄᓪᓗ. ᐊᕐᕌᒍᑕᒫᖅᓯᐅᑎᖓ ᑲᑎᒪᓂᖅ ᑲᔪᓯᒐᔭᓚᐅᓐᖏᑦᑐᖅ ᐃᑲᔪᖅᑐᖅᑕᐅᓐᓂᖏᑉᐸᑦ.
ᓯᕗᓕᖅᑏᑦ ᑲᑎᒪᔨᕋᓛᖏᑦ ᖁᔭᓕᒻᒥᔪᑦ ᓯᑎᒃᑯᓐᓂ ᐃᖃᓗᓐᓂ ᑐᓐᖓᓱᑦᑎᑦᑎᓚᐅᕐᓂᖏᓐᓂ ᖃᓄᐃᓘᖅᑎᑦᑎᖃᑦᑕᖅᑐᑎᑦ ᓄᓇᓕᓐᓂᑦ.
ᑭᖑᓪᓕᖅᐹᒥᓕ, ᖁᔭᓕᑦᑎᐊᖅᑐᒍᑦ ᐃᑲᔪᖃᑦᑕᓚᐅᕐᓂᖏᓐᓂ ᑐᓂᓯᖃᑦᑕᖅᑐᓪᓗ ᑲᑎᒪᕕᔾᔪᐊᕐᓂᕐᒧᑦ. ᐅᖃᐅᓯᕆᒍᒪᒻᒥᒐᑦᑎᒍ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑐᐃᖏᓐᓇᖃᑦᑕᕐᓂᖏᓐᓄᑦ ᑲᑐᔾᔨᖃᑎᒌᓐᓂᑦ.
ᑭᖑᓪᓕᕐᒥ ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᓐᓂ (ICC) ᐊᕐᕌᒍᑕᒫᖅᓯᐅᑎᖓᓐᓂ ᑲᑎᒪᒍᒫᓕᕐᒥᔪᑦ ᓅᒻᒥ, ᐊᓛᔅᑲ 2030−ᒥ.
ᓲᕕᐊ ᔩᔅᓗ
ICC (ᑲᓛᖦᖡᑦ ᓄᓈᑦ)
299 34 22 25
sofia@inuit.org
ᑭᐊᓕ ᐃᓄᙳᐊᖅ
ICC (ᐊᓛᔅᑲ)
907-274-9058
kelly@iccalaska.org
ᑲᓵᓐᑐᕋ ᐃᐊᓕᐊᑦ
ICC (ᑲᓇᑕ)
613-407-2642
celliott@inuitcircumpolar.com
Founded in 1977, Inuit Circumpolar Council (ICC) is an international Indigenous Peoples’ Organization representing Inuit from Alaska, Canada, Kalaallit Nunaat, and Chukotka. ICC is dedicated to strengthening Inuit unity, advancing Inuit rights and interests internationally, and formulating long-term policies to protect the Arctic environment. It also strives for full and effective participation and meaningful engagement for Inuit in the political, economic, and social development of the Arctic.
ICC-ᑯᑦ ᐱᒋᐊᖅᑎᑦᓯᖃᑕᐅᓚᐅᖅᐳᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᓂᒃ ᑕᐃᑲᓂᓗ ᐃᓚᐅᖏᓐᓇᓕᖅᓱᑎᒃ.ᓄᓇᕐᔪᐊᓕᒫᒥ ᐱᓕᕆᐊᒃᓴᖃᕐᒥᔪᖅ, ᓲᕐᓗ ᐅᖃᐅᔾᔨᒋᐊᖅᑎᐅᖃᑕᐅᓪᓗᓂ II ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᐃᓄᓕᕆᓂᕐᒧᑦ ᑲᑎᒪᔨᓄᑦ, ᓈᓚᒃᑎᐅᖃᑕᐅᓪᓗᓂ ᒐᕙᒪᐅᖃᑎᒌᑦ ᖃᐅᔨᓴᖅᑎᖏᓐᓄᑦᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᐊᒻᒪ ᐅᖃᐅᔾᔨᒋᐊᖅᑎᐅᖏᓐᓇᖅᓱᓂ ᓄᓇᕐᔪᐊᓕᒫᒥ ᑕᕆᐅᕐᔪᐊᕐᒥᑲᑐᔾᔨᖃᑎᒌᓄᑦ, ᐊᓯᖏᓪᓗ ᐅᖃᐅᔾᔨᒋᐊᖅᑎᐅᓪᓗᑎᒃ ᐅᓄᖅᑐᓂᒃ ᓄᓇᕐᔪᐊᓕᒫᒥ ᑲᑎᒪᕕᒡᔪᐊᖅᑐᓂᒃ.