ᕖᕝᕗᐊᕆ 21, 2023 – ᓅᒃ, ᑲᓛᖦᖡᑦ ᓄᓈᓐᓂ – ᕖᕝᕗᐊᕆ 21 ᓄᓇᕐᔪᐊᕐᒥ ᐅᖃᐅᓯᓪᓚᑦᑖᕆᔭᑦ ᐅᓪᓗᖓ, ᐊᒻᒪ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦᐅᖃᐅᓯᖏᑦ ᐱᒋᐊᖅᑕᐅᑦᑎᐊᖅᓯᒪᔪᑦ. ᑖᓐᓇ ᐅᓪᓗᖅ ᐃᓱᒪᒋᔭᖃᖁᔨᕗᖅ ᐱᒻᒪᕆᐅᓂᖓᓂᒃ ᔭᒐᑎᑦᑎᑦᑕᐃᓕᒪᓂᕐᒥᒃ ᑲᔪᓰᓐᓇᖅᑐᒥᒡᓗᐋᖅᑭᒃᓱᐃᕙᓪᓕᐊᓂᕐᒥᒃ ᓄᓇᖃᖅᑳᖅᑐᑦ ᐅᖃᐅᓯᖏᓐᓂᒃ.
ᐊᒥᓱᑦ ᓄᑕᖅᑲᑦ ᐱᕈᖅᐸᓪᓕᐊᔪᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐅᖃᓪᓚᒍᓐᓇᖅᑐᑎᒃ. ᑭᓯᐊᓂ ᐊᒥᓲᒻᒥᔪᑦ ᓱᕈᓰᑦ ᐱᕕᖃᖅᑎᑕᐅᕙᙱᑦᑐᑦ. ᐊᒥᓲᓂᖅᓴᐃᑦ ᓱᕈᓰᑦ ᐱᕈᑉᐸᓪᓕᐊᔭᕆᐊᓖᑦ ᐃᓕᓐᓂᐊᕐᓗᑎᒃ ᐊᒻᒪᓗ ᐊᑐᕐᓗᑎᒃ ᐃᓄᐃᑦ ᐅᖃᐅᓯᖏᓐᓂᒃ. ᐃᓄᑑᓗᑎᒃ ᐱᔪᒪᓂᖃᕆᐊᖃᓲᑦ ᐊᖓᔪᖅᑳᓂᑦ ᐊᕙᑎᖏᓐᓃᑦᑐᓂᒃᓗ ᐃᓅᖃᑎᒌᓂᑦ ᐊᑐᕐᓗᑎᒃ ᓴᙱᔪᒥᒃ, ᖃᐅᑕᒫᑦ ᐊᑐᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖅᑕᖏᓐᓂ. ᑎᓕᐅᕈᒪᕙᒃᑲ ᐊᖓᔪᖅᑳᓕᒫᑦ ᓇᓗᓇᐃᖅᑕᐅᖁᓪᓗᒋᑦ ᐃᓕᓐᓂᐊᖅᑎᑦᑎᓂᕐᒧᑦ ᐃᑲᔪᖅᓱᐃᓂᕐᒧᓪᓗ ᐃᓕᓐᓂᐊᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᑕᒪᐃᓐᓄᑦ ᐃᓄᐃᑦ ᓄᑕᖅᑲᖏᓐᓄᑦ.
ᐊᑐᖅᑕᐅᖏᓐᓇᖁᓪᓗᒍ ᐊᒻᒪ ᐱᕙᓪᓕᐊᑎᑕᐅᖏᓐᓇᖁᓪᓗᒍ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᑦ, ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓯᕗᓪᓕᐅᔾᔨᔭᕆᐊᖃᖅᐳᑦ ᐃᓕᓴᐃᓂᕐᒥᒃ ᐊᒻᒪ ᐅᖃᐅᓯᑦᑎᓐᓂ ᐊᑐᕐᓗᑎᒃ. ᑕᒪᓐᓇ ᐱᖃᓯᐅᔾᔨᔪᖅ ᐃᓕᓐᓂᐊᕐᓂᐊᓕᓵᖅᑐᓂᒃ, ᓱᕈᓯᐅᔪᑦ ᐃᓕᓐᓂᐊᕐᕕᖏᓐᓂᒃ, ᐅᕕᒃᑲᐅᔪᓂᒃ ᐊᒻᒪᓗ ᖁᑦᑎᓂᕐᓴᐅᔪᓂᒃ, ᐱᖃᓯᐅᔾᔨᒻᒥᔪᖅ ᐃᓄᓐᓂᒃ ᓱᕈᓯᐅᔪᓂᒃ, ᓄᓇᑦᑕ ᓯᓚᑖᓂ ᓄᓇᖃᖅᑐᓂᒃ. ᐊᔾᔨᒌᖏᑦᑐᓂᒃ ᐊᑐᖃᑦᑕᕋᑦᑕ ᐅᖃᐅᓯᑦᑎᓐᓂᒃ ᐃᓄᐃᑦ ᓄᓇᖏᓐᓂᑦ, ᑭᓯᐊᓂᓕ ᐃᓕᖅᑯᓯᖃᑎᒌᑉᐸᑦᑐᒍᑦ ᐊᒻᒪᓗ ᐅᖃᐅᓯᑦᑎᓐᓂᒃ ᑕᐅᓴᒐᓴᓐᓂᒃ ᐊᕐᕌᒍᓂᒃ. ᓴᐳᑎᒋᐊᖃᖅᐸᕗᑦ ᐊᒻᒪ ᐸᐸᑖᕆᑦᐊᕐᓗᒍ ᑕᒪᓐᓇ ᐊᔪᖅᓴᖏᓐᓂᐅᔪᖅ ᐃᓄᖁᑎᑦᑎᓐᓄᑦ.
ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐅᖃᐅᓯᓪᓚᑦᑖᕆᔭᐅᔪᑦ ᐅᓪᓗᖓᓂ, UNESCO−ᑯᑦ ᑎᓕᐅᕆᕗᑦ ᖃᔅᓯᑲᓪᓚᓐᓂᒃ ᐃᓕᓐᓂᐊᖅᑎᑦᑎᖁᔨᓪᓗᑎᒃ. ᑖᓐᓇ ᐊᑐᓕᖁᔭᖅ ᐅᖃᐅᓯᕆᒃᑲᓐᓂᕈᒪᕙᕋ, ᑎᓕᐅᕈᑎᒋᒃᑲᓐᓂᕈᒪᕙᕋᓗ ᑕᑯᖃᑦᑕᖁᓪᓗᒋᑦ ᐅᖃᐅᓯᕐᓂᒃ ᓴᖅᑭᑦᑎᖁᓪᓗᒋᑦᐊᔪᕐᓇᙱᑐᐃᓐᓇᕆᐊᓕᖕᓂᒃ, ᐊᒻᒪ ᑐᓗᖅᑕᕈᑕᐅᙱᑦᑐᑎᒃ. ᓄᓇᖃᖅᑳᖅᓯᒪᔫᓪᓗᑕ, ᐅᖃᐅᓯᖅᐳᑦ ᐊᔅᓱᕈᖅᑎᑕᐅᖏᓐᓇᕐᒪᑕ, ᐊᒻᒪᓗᐊᒃᓱᕈᐃᓐᓇᖅᑐᑎᒃ ᓴᐳᔾᔨᓯᒪᓇᓱᐊᖅᑐᑎᒃ ᐊᒻᒪᓗ ᐱᕙᓪᓕᐊᑎᑦᑎᑲᓐᓂᖅᑐᑎᒃ ᐅᖃᐅᓯᑦᑎᓐᓂᒃ ᐊᑐᕋᓱᐊᕐᓂᕐᒥᒃ.
ᐃᓄᑦᑎᐊᕙᐅᓪᓗᑕ ᒪᓕᒐᓕᐅᖅᑎᐅᖃᑎᕗᑦ ᑭᒡᒐᖅᑐᐃᔨᐅᓪᓗᑕᓗ ᓯᓚᕐᔪᐊᕐᒥᐅᑦ ᑲᑐᔾᔨᖃᑎᒌᖏᓐᓄᑦ ᑲᑎᒪᐃᓐᓇᕐᓂᐊᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᒥᔅᓵᓄᑦ, ᐊᓗᑭ ᑯᑦᑎᖅ ᐱᒋᐊᓚᐅᖅᓯᒪᕗᖅ ᓴᖅᑭᑕᐅᑎᓪᓗᒍ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑎᓯᐱᕆᐅᑎᓪᓗᒍ ᐊᕐᕌᓂ; “ᐅᖃᐅᓯᖅᐳᑦ ᐊᑐᕐᓗᒍ ᓇᒻᒥᓂᖅ−ᐱᔪᒪᓂᐅᒻᒪᑦ.”
ᑭᒃᑯᓕᒫᑦ ᖁᕕᐊᓱᖁᕙᒃᑲ ᓄᓇᕐᔪᐊᕐᒥ ᐅᖃᐅᓯᓪᓚᑦᑖᑦ ᐅᓪᓗᖓᓂ – ᐱᓪᓗᐊᕐᑕ, ᐅᖄᑦᓯᕗᓪᓗ ᐹᕆᓪᓗᐊᕐᑎᒋᑦ.
-30-
ᖃᐅᔨᒋᐊᕐᕕᔅᓴᖅ:
ᓴᐅᕋ ᐅᓪᔅᕕᒡ
ICC-ᑯᑦ ᐃᔅᓯᕙᐅᑕᖓ
sara@inuit.org
ᐄᑉᐳ ᐱᒐᓚᒃ
ICC-ᑯᑦ ᐃᔅᓯᕙᐅᑕᖓ
apigalak@inuitcircumpolar.com