ᒫᔾᔨ 22, 2023 – ᓅᒃ, ᑲᓛᖦᖡᑦ ᓄᓇᖓᑦ – ᖃᔅᓯᓄᑦ ᒐᕙᒪᓄᑦ ᑲᑎᒪᔩᑦ ᓯᓚᐃᑦ ᐊᓯᔾᔨᕐᓂᖏᓐᓄᑦ (IPCC) ᓇᐃᓈᖅᓯᒪᔪᖅ ᐅᓂᒃᑳᖓ ᓴᖅᑭᑕᐅᔪᖅ ᓇᒡᒐᔾᔭᐅᒥ ᐃᑲᔪᖅᑐᖅᑐᑦ ᐃᓄᐃᑦ ᐅᖃᖅᓯᒪᐃᓐᓇᖅᑕᖓᓂᒃ: ᐱᕖᒍᑎᓕᕐᒪᑕ ᐱᓕᕆᓇᓱᓪᓗᓂ ᓯᓚᐃᑦ ᐊᓯᔾᔨᕐᓂᙱᓐᓂᒃ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᐃᓚᐅᓚᐅᖅᑐᑦ ᑭᖑᓪᓕᖅᐹᖓᓄᑦ ᕿᒥᕐᕈᔭᐅᔪᒧᑦ ᖃᔅᓯᓄᑦ ᒐᕙᒪᓄᑦ ᑲᑎᒪᔩᑦ ᓯᓚᐃᑦ ᐊᓯᔾᔨᕐᓂᖏᓐᓄᑦᓇᐃᓈᓯᒪᔪᕐᒧᑦ ᐅᓂᒃᑳᖓᓄᑦ ᐃᓐᑐᓚᐃᑲᓐ, ᓱᐃᑦᓱᓚᓐᒥ, ᐱᓇᓱᐊᕈᓯᐅᓚᐅᖅᑐᒥ. ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓄᑐᐊᖑᔪᖅ ᓄᓇᖃᖅᑳᖅᑐᓄᑦᐃᓄᓐᓄᑦ ᑎᒥᐅᔪᖅ ᑕᐅᑐᒍᓐᓇᖅᑐᑎᒃ ᑎᒥᒥ ᓴᓇᓯᒪᔪᕐᒧᑦ ᓄᓇᕐᔪᐊᕐᒥ ᖃᐅᔨᒪᓛᓄᑦ ᓯᓚᓄᑦ ᑭᒡᓕᓯᓂᐊᖅᑎᓄᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦᐃᓚᐅᓚᐅᖅᑐᑦ ᓴᓇᔭᐅᓂᖏᑕ ᐃᓚᖏᑦ ᕿᒥᕐᕈᓂᕐᓄᑦ ᐅᓂᒃᑳᑉ ᕿᒥᕐᕈᓪᓗᒋᓪᓗ ᑭᖑᓪᓕᖅᐹᒧᑦ ᓇᐃᓈᖅᓯᒪᔪᖅ ᐊᑐᐊᒐᓕᐅᖅᑎᓄᑦ. ᐃᓐᑐᓚᐃᑲᓐᒥ, ᐃᓄᐃᑦᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᔭᐅᕆᓚᐅᖅᑐᑦ ᐅᖃᐅᓯᓄᑦ ᐱᖃᓯᐅᔾᔨᔪᓂᒃ ᐱᔪᓐᓇᕐᓂᖏᓐᓂᒃ ᓄᓇᖃᖅᑳᖅᑐᑦ ᐃᓄᐃᑦ ᐱᖃᓯᐅᔾᔭᐅᓗᓂᓗᓄᓇᖃᖅᑳᖅᑐᑦ ᖃᐅᔨᒪᔭᖏᑦ ᐊᓯᓄᑦ.
ᐅᓂᒃᑳᖅ ᑲᑎᑦᑎᔪᖅ ᕿᒥᕐᕈᓂᕐᓂᒃ ᐅᓄᖅᑐᐊᓗᓐᓂᑦ ᑭᒡᓕᓯᓂᐊᖅᑎᓂᑦ ᓄᓇᕐᔪᐊᕐᒥ, ᑎᒃᑯᐊᖅᓯᓪᓗᑎᒃ ᐅᓗᕆᐊᓇᖅᑐᐊᓗᓐᓄᑦ ᖃᓄᐃᑦᑐᓄᑦ ᓄᓇᕐᔪᐊᕐᒧᑦ ᖃᓄᐃᒋᐊᖏᒃᑯᑎᒃ ᒫᓐᓇ. ᐊᖏᖅᑕᐅᓂᕐᓄᑦ ᑲᑎᑦᑐᑦ ᐱᔭᕇᓛᖅᑐᑦ ᐅᓪᓗᑐᐃᓐᓇᐅᓚᐅᖅᑎᓪᓗᒍ ᑭᓯᐊᓂ ᐱᓇᓱᐊᕈᓯᐅᑉ ᓄᙳᐊᓄᑦ ᑲᔪᓯᓪᓗᓂ.
“ᖁᔭᒋᕙᕗᑦ ᐊᖓᔪᖅᑳᑦ ᐱᓕᕇᐃᓐᓇᕐᒪᕝᕕᑦ ᑖᓐᓇ ᐅᓂᒃᑳᖅ,” ᐅᖃᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑕ ᐃᔅᓯᕙᐅᑕᖓ ᓯᐊᕋ ᐅᓪᔅᕕᒡ. “ᒫᓐᓇ ᓄᓇᕐᔪᐊᕐᒥᐅᓕᒫᑦ ᑕᕝᕙᙵᑲᐅᑎᒋ ᖃᓄᐃᒋᐊᕆᐊᖃᖅᑐᑦ. ᑭᖑᓂᐊᓃᑦᑎᐊᓕᕋᑦᑕ, ᓄᓇᕐᔪᐊᕐᒥ ᐅᖅᑰᓯᓂᖅ ᑎᒫᓃᑎᓐᓂᐊᕈᑦᑎᒍᑦ 1.5 ᓯᐊᓪᓯᐊᔅ ᖁᓛᓂ ᓄᓇᕐᔪᐊᕐᒥ ᑭᓱᓕᐅᖅᑎᖃᓚᐅᙱᑎᓪᓗᒋᑦ ᐳᖅᑐᓂᕐᓄᑦ.”
“ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂᑕ ᑭᒡᒐᖅᑐᖅᑎᖏᑦ ᐅᖃᓚᐅᖅᑐᑦ ᓄᕕᐱᕆᒥ COP27 ᐄᔾᔨᑉᑎᒥ, ᐳᔫᕐᓃᑦ ᐳᔫᖏᓪᓗᐊᕐᓂᖅᓴᐅᓕᖅᑐᑦ ᒫᓐᓇ. ᐳᔫᕐᓃᑦ ᐊᕝᕙᐸᓗᖕᒧᑦ ᐳᔫᕈᓐᓃᕆᐊᓖᑦ 2030ᒥ ᓇᓕᒧᑦᑐᒪᒍᑦᑎᒍᑦ 1.5 ᓯᐊᓪᓯᐊᔅ ᑎᑭᓐᓇᓱᑦᑐᒧᑦ. COP28 ᐊᒡᒋᖅᑎᓪᓗᒍ, ᐳᖅᑐᓯᒋᐊᕆᐊᖃᖅᑕᕗᑦ ᐱᔪᒪᓂᕗᑦ ᑎᑭᓐᓇᓱᒡᓗᒋᑦ ᐊᖏᖅᓯᒪᔪᑦ ᐱᖃᓯᐅᓪᓗᒋᑦ ᐱᓕᕆᔭᕆᐊᓖᑦ ᓄᖅᑲᖅᑎᓐᓇᓱᓪᓗᒍ ᓄᓇᕐᔪᐊᕐᒥ ᐅᖅᑰᓯᓂᖅ.”
ᐅᖃᐅᓯᐅᔪᑦ ᖃᔅᓯᓄᑦ ᒐᕙᒪᓄᑦ ᑲᑎᒪᔩᑦ ᓯᓚᐃᑦ ᐊᓯᔾᔨᕐᓂᖏᓐᓄᑦ ᓇᐃᓈᖅᓯᒪᔪᕐᒧᑦ ᐅᓂᒃᑳᖓᓄᑦ ᐱᕖᕈᑎᓕᕋᑦᑕ ᖃᓄᐃᒋᐊᕆᐊᔅᓴᖅ ᐅᖃᖅᑕᐅᒃᑲᓐᓂᓚᐅᖅᑐ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐱᖁᔭᖏᓐᓄᑦ ᐊᖏᖅᑕᐅᓂᕐᓄᑦ ᑲᑎᑦᑐᓂ ᐱᓇᓱᐊᕈᓯᐅᓚᐅᖅᑐᒥ.
“ᐃᓄᐃᑦ ᐅᖃᖃᑦᑕᖅᓯᒪᒻᒪᑕ ᐊᑯᓂᒧᑦ ᐅᑭᐅᖅᑕᖅᑐᖅ ᐅᖅᑰᓯᓂᖅᓴᐅᒻᒪᑦ ᓱᒃᑲᓂᖅᓴᒥᒃ ᓄᓇᕐᔪᐊᕐᒥᐅᓂᑦ. ᐅᖃᒃᑲᓐᓂᓚᐅᖅᑕᕗᑦ ᑖᒃᑯᐊ ᐱᓇᓱᐊᕈᓯᐅᓚᐅᖅᑐᒥ ᓱᐃᑦᓱᓚᓐᒥ,” ᐅᖃᖅᑐᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐃᔅᓯᕙᐅᑕᐅᖃᑕᐅᔪᖅ ᓖᓴ ᖁᐱᕐᕈᐊᓗᒃ. “ᐅᑭᐅᖅᑕᖅᑐᖅ ᓄᓇᕐᔪᐊᑦᑕ ᓂᓪᓚᖅᑎᕈᑎᒋᒻᒪᒍ. ᓯᕐᒦᑦ ᓯᑯᐃᓪᓗ ᐊᐅᑦᑎᓪᓗᒋᑦ, ᖃᓄᐃᑦᑐᑦ ᐃᑉᐱᒋᔭᐅᕗᑦ ᓄᓇᕐᔪᐊᕐᒥᐅᓄᑦ ᓯᓚᕈᔪᒡᔪᐊᕐᓂᖅᓴᐅᓪᓗᑎᒃ, ᓲᕐᓗᑐᑦ ᒪᖁᖏᑦᑐᑦ ᐊᑯᓂᒧᑦ, ᑰᑕᐅᓗᐊᖅᑐᑦ ᐊᐅᓚᑕᔅᓴᐅᖏᑦᑐᓄᓪᓗ ᓇᐹᖅᑐᓂ ᐃᑭᑦᑐᑦ.”
ᐆᓇᕐᓃᑦ ᒫᓐᓇᐅᔪᖅ 1.1 ᓴᐅᓪᓯᐊᔅᒥᒃ ᖁᓛᓃᑦᑐᑦ ᑭᓱᓕᐅᖅᑎᖃᓚᐅᖏᑦᑐᑐᑦ ᐳᖅᑐᓂᕐᓂᑦ, ᖃᔅᓯᓄᑦ ᒐᕙᒪᓄᑦ ᑲᑎᒪᔩᑦ ᓯᓚᐃᑦ ᐊᓯᔾᔨᕐᓂᖏᓐᓄᑦ ᐅᖃᓚᐅᖅᑐᑦ. ᑐᓴᕆᐊᖃᑦᑎᐊᖅᑐᖅ ᐅᓂᒃᑳᖓᓂ ᐊᔪᕐᓇᙱᑐᐃᓐᓇᕆᐊᓕᒃ ᓱᕋᖕᓂᓛᑦ ᑕᐃᒪᐃᖏᓪᓗᑎᒃ ᒪᓕᑦᑐᓄᑦ 1.5 ᓴᐅᓪᓯᐊᔅᒥᒃ ᐅᖅᑰᓯᓂᕐᓄᑦ ᓄᓇᕐᔪᐊᕐᒥ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓚᐅᓂᐊᖅᑐᑦ ᐅᖃᖃᑎᒌᑦᑐᓂ ᑭᖑᓪᓕᕐᒥ ᕿᒥᕐᕈᓂᕐᒧᑦ ᐅᓂᒃᑳᕐᒥ ᐱᒋᐊᕐᓗᑎᒃ ᑕᒫᓂ ᐊᕐᕌᒍᒥ. ᓇᔅᓴᓐᓂᐊᒻᒥᔪᑦᐅᖃᖅᑕᐅᔪᓂᒃ 6–ᖓᓄᑦ ᕿᒥᕐᕈᓂᕐᓄᑦ ᐅᓂᒃᑳᕐᒧᑦ ᑭᖑᓪᓕᕆ UNFCCC ᑲᑎᑦᑐᓂ ᐃᓚᐅᔪᓄᑦ, ᐸᕐᓇᔅᓯᒪᔪᑦ ᔪᓇᐃᑎᑦ ᐊᕋᑉ ᐃᒥᕆᑦᔅᓂ ᐱᒋᐊᕐᓗᓂᓄᕕᐱᕆᐅᑉ ᓄᙳᐊᓂ ᑕᒫᓂ ᐊᕐᕌᒍᒥ.
-30-
Contact:
ᐊᐃᓖᓐ ᐊᑕᒻᔅ
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ
ᑲᑎᒪᔾᔨᖏᑦ (ᐊᓛᔅᑲ)
eilene@iccalaska.org
ᐋᓂ ᒥᑦᑎ ᐋᓐᑐᓴᓐ
ᑲᑎᒪᔾᔨᖏᑦ (ᑲᓛᖦᖡᑦ ᓄᓈᑦ)
anemette@inuit.org
ᐊᐳᕆᓪ ᐱᒐᓚᒃ
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ
ᑲᑎᒪᔾᔨᖏᑦ (ᑲᓇᑕ)
apigalak@inuitcircumpolar.com