ᔪᓚᐃ 22, 2026—ᐃᖃᓗᐃᑦ, ᑲᓇᑕᒥ—ᐃᓄᐃᑦ ᑲᑎᒪᔭᖅᑐᖅᓯᒪᔪᑦ ᓇᑭᙶᕈᓘᔭᖅᑐᑦ ᐃᓄᐃᑦ ᓄᓇᖓᓂᐅᓪᓗᒥ ᑲᑎᖅᑲᐅᕗᑦ ᐃᖃᓗᖕᓂ, ᓄᓇᕗᒻᒥ, ᐱᒋᐊᓪᓚᕆᓂᖓᓄᑦ 15-ᒋᓕᖅᑕᖓ ᐃᓄᐃᑦᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᔨᖏᑦ ᑲᑎᒪᕕᒡᔪᐊᕐᓂᖅ. ᐅᓪᓗᑦ ᑎᓴᒪᑦ ᐊᒡᒋᖅᑐᑦ ᐅᖃᓕᒪᖃᑕᖕᓂᐊᖅᑐᑦᐅᖃᖃᑎᒌᒡᓗᑎᒡᓗ ᐃᑲᔪᕐᓂᐊᖅᑐᓂᒃ ᐃᓱᒪᓕᐅᕆᓂᕐᒥᒃ ᑲᑐᔾᔨᖃᑎᒌᖑᔫᑉ ᓯᕗᓪᓕᐅᑎᔪᒪᔭᖏᓐᓂᒃ 2030−ᒧᑦᑎᑭᓪᓗᒍ. ᑲᑎᒪᕕᒡᔪᐊᕐᓂᐅᑉ ᐱᓕᕆᐊᕆᓂᐊᖅᑕᖓ ᐃᓄᐃᑦ ᑕᐱᕇᑦ ᓄᓇᕐᔪᐊᕐᒥ. ᑲᑎᒪᕕᔾᔪᐊᕐᓂᖅ ᐃᖃᓗᓐᓂᐱᒻᒪᕆᐅᕗᖅ ᓯᕗᓪᓕᖅᐹᑦᓯᐊᒥ ᓄᓇᓕᐸᐅᔭᒃᑯᑦ ᑐᙵᓱᑦᑎᑦᓯᔨᐅᒻᒪᑕ ᑕᐃᒪᙵᓂᑦ 1983-ᒥᓂᑦ. ᑲᓇᑕᐅᑉᐃᓄᖏᑦ ᖁᕕᐋᓱᒻᒪᕆᒃᐳᑦ ᑐᙵᓴᐃᓂᕐᒥᒃ ᐃᓅᖃᑎᒋᔭᒥᓂᒃ ᓇᒥᓕᒫᖅ ᓄᓇᕐᔪᐊᕐᒥᑦ ᐃᓄᐃᑦ ᓄᓈᓂᑦ ᓄᓇᕘᑉᐃᓗᐊᓄᑦ ᓄᓇᖁᑎᒋᔭᑦᑎᓐᓄᑦ.
ᐊᕐᕌᒍᑦ ᑎᓴᒪᑦ ᐊᓂᒍᕌᖓᑕ, ICC-ᑯᑦ ᑲᑎᒪᕕᒡᔪᐊᕐᓂᖏᓐᓂ ᖁᑦᑎᖕᓂᖅᐹᖑᕗᑦ ᐃᓱᒪᓕᐅᕆᔨᐅᓪᓗᑎᒃᑲᑐᔾᔨᖃᑎᒌᖑᔪᓂ, ᐃᓱᒪᓕᐅᕆᔨᐅᓪᓗᑎᒃ ᓇᒧᙵᐅᓂᐊᕐᓂᖏᓐᓂ ᐊᕐᕌᒍᓄᑦ ᑎᓴᒪᓄᑦ. ᐱᕕᒃᓴᐅᖕᒥᔪᖅᑐᓴᐅᒪᖃᑎᒌᖕᓂᕐᒥᒃ, ᐅᖃᐅᓯᖃᕐᓂᕐᒥᒃ ᐊᔾᔨᒌᓂᒃ ᐃᓱᒪᒋᔭᒃᓴᓂᒃ, ᐊᐃᕙᔾᔪᑕᐅᔪᓂᒃ,ᓴᙱᒃᑎᒋᐊᖅᑎᑦᓯᓂᕐᒥᒡᓗ ᐊᒃᑐᐊᓂᕆᔭᖏᓐᓂᒃ ᐃᓄᓕᒫᑦ.
ᑕᒫᓂ ᐊᕐᕌᒍᒥ ᑲᑎᒪᕕᒡᔪᐊᕐᓂ ᑲᑎᑎᑦᓯᓚᐅᖅᑐᑦ 66-ᓂᒃ ᑲᑎᒪᔭᖅᑐᖅᓯᒪᔪᓂᒃ ᑭᒡᒐᖅᑐᐃᔪᓂᒃ ᐃᓄᓐᓂᒃᑲᓇᑕᒥ, ᑲᓛᖦᖡᑦ ᓄᓈᑦ, ᐊᓛᔅᑲᒥ, ᐊᒻᒪᓗ ᓱᑲᑦᑲ, ᐊᒻᒪᓗ ᕼᐊᓐᓇᓚᖏᓐᓃᑦᑐᓂᒃ ᑕᑯᓐᓇᕆᐊᖅᑐᖅᓯᒪᔪᓂᒃ,ᑲᑐᔾᔨᖃᑎᒋᔭᒥᓐᓂᒃ ᐊᒻᒪᓗ ᖃᐃᖁᔭᐅᓯᒪᔪᓂᒃ.
ᑲᑎᒪᕕᒡᔪᐊᕐᓂᖅ ᐱᒋᐊᕈᑎᖃᓚᐅᖅᐳᖅ ᖁᓪᓕᕐᒥᒃ ᐃᑯᒻᒪᒃᓯᓪᓗᑎᒃ ᐊᒻᒪ ᕿᓚᐅᔾᔭᖅᓱᑎᒃ ᑐᑯᒻ ᖄᕕᒐᖅ ᐊᒻᒪᓲᓴᖅ ᐴᓪᓴᓐ, ᑭᖑᓂᐊᒍᓪᓗ ᑐᒃᓯᐊᕐᓂᒃᑯᑦ ᒪᑐᐃᖅᑕᐅᓪᓗᓂ ᐃᒃᓯᕋᕐᔪᐊᕌᐱᒃ ᑲᓛᖦᖡᑦ ᓄᓇᖓᓂ (ᑲᓛᖦᖡᑦᓄᓈᑦ), ᐸᓂᖅᑐᖅ S. ᒪᓐᒃ. ICC-ᑯᑦ ᐃᒃᓯᕙᐅᑕᖓ ᓴᐃᕋ ᐆᓪᔅᕕᒡ ᑲᑎᒪᕕᒡᔪᐊᕐᓇᒥ ᐱᒋᐊᖅᑎᑦᓯᓚᐅᖅᐳᖅᑐᙵᓱᒃᑎᑦᓯᓪᓗᓂᓗ ᑲᑎᒪᔭᖅᑐᖅᓯᒪᔪᓂᒃ.
“ᖁᔭᓕᕐᔪᐊᖅᓱᖓ ᑐᙵᓱᒃᑎᑦᓯᔨᑦᑎᓐᓄᑦ ᐃᒃᐱᒋᑦᑎᐊᖅᑐᒋᓗ, ᒪᑐᐃᖅᓯᓪᓚᕆᓚᐅᖅᐳᖓ 15−ᒋᓕᖅᑕᖓᓂICC ᐃᓄᐃᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᔨᖏᑦ ᑲᑎᒪᕕᒡᔪᐊᕐᓂᖏᓐᓂ. ᐊᕐᕌᒍᐃᑦ 8 ᐊᓂᒍᖅᓯᒪᓕᖅᑐᑦᑭᖑᓪᓕᖅᐹᒥᒃ ᑲᑎᓚᐅᖅᓯᒪᓂᑦᑎᓂ. ᑲᑎᙵᓂᕆᕙᒃᑕᕗᑦ ᐱᓪᓗᐊᑕᐅᕗᑦ ᑲᑎᑎᑦᓯᓂᕐᒥᒃ ᐃᓄᖕᓂᒃ ᐊᒻᒪᓴᙱᒃᑎᒋᐊᖅᑎᑦᓯᓂᕐᒥᒃ ᐊᒃᑐᐊᓂᕆᔭᑦᑎᓐᓂᒃ ᐱᕙᒌᔭᕐᓂᕐᒥᒡᓗ ᓯᕗᓂᒃᓴᒥ ᓯᕗᓕᖅᑎᐅᓂᕐᒧᑦ. 2022-2026−ᒥᑲᑎᒪᔨᐅᓂᖅ ᐃᓱᓕᑉᐸᓪᓕᐊᓕᖅᑎᓪᓗᒍ, ᑭᖑᒧᑦ ᑕᑯᒋᐊᖅᐳᒍᑦ ᐊᕐᕌᒍᓄᑦ ᑎᓴᒪᓄᑦ ᐃᓄᐃᑦᓵᑦᑎᐊᕐᒥᐅᑕᖃᖅᐸᓚᐅᕐᓂᖏᓐᓂᒃ ᖃᔅᓯᑲᓪᓚᖕᓂᒃ ᐊᓂᒍᐃᖅᑎᒋᐊᓕᖕᓂᒃ ᑕᒪᓐᓇᓗᖃᐅᔨᓴᕈᑕᐅᔪᓐᓇᓚᐅᖅᓱᓂ ᐊᑕᐅᓯᐅᖃᑎᒌᖕᓂᑦᑎᓐᓂᒃ ᐱᓕᕆᐊᖃᓪᓚᕆᒍᒪᓂᑦᑎᓐᓂᒡᓗᐱᓕᕆᖃᑎᒌᒍᒪᓂᑦᑎᓐᓂᒃ ᐃᓄᐃᑦ ᓄᓇᖓᓂ. ᐃᒪᓐᓇᖔᕐᓕ, ICC-ᑯᑦ ᐃᓄᐃᓪᓗ ᑕᑯᒃᓴᐅᑎᑦᑎᓯᒪᕗᑦᓴᐱᓕᖅᓴᕋᐃᙱᓐᓂᕐᒥᓂᒃ. ᓴᙱᔫᖏᓐᓇᖅᐳᒍᑦ ᐊᖏᖅᓯᒪᓂᑦᑎᓐᓂ ᐊᑕᐅᓯᐅᖃᑎᒌᖕᓂᕐᒧᑦ,ᐱᓕᕆᖃᑎᒌᑦᓯᐊᖏᓐᓇᖅᓱᑕ ᐊᒻᒪ ᐱᓕᕆᖃᑎᒌᑦᓯᐊᖏᓐᓇᖅᓱᑕ, ᐊᒻᒪ ᑕᐅᑐᙳᐊᖅᑕᕗᑦ ᐊᒻᒪᐱᓂᐊᕐᓂᕋᖅᓯᒪᔭᕗᑦ ICC-ᑯᑦ ᓴᖅᑭᑕᐅᓚᐅᖅᑎᓪᓗᒋᑦ,” ᐅᖃᓚᐅᖅᐳᖅ ICC-ᑯᑦ ᑲᑎᒪᑎᑦᓯᔨᖓ ᓴᐃᕋᐆᓪᔅᕕᒡ.
ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᒍᓗᕆᐊ ᐅᓗᖅᓯ ᐊᒻᒪ ᐃᖃᓗᖕᓂ ᒪᐃᔭ ᓵᓚᒪᓐ ᐊᕙᑐᙵᓱᒃᑎᑦᓯᑦᑎᐊᓚᐅᖅᑑᒃ, ᓇᓗᓇᐃᖅᓯᓪᓗᑎᒃ ᐱᒻᒪᕆᐅᓂᖓᓂᒃ ᐃᓄᐃᑦ ᓇᑭᑐᐃᓐᓇᖅᐅᑭᐅᖅᑕᖅᑐᒦᙶᖅᑐᑦ ᐃᖃᓗᖕᓂ. ᑲᑎᒪᔭᖅᑐᖅᓯᒪᔪᑦ ᑐᓵᔪᓐᓇᓚᐅᕐᒥᔪᑦ ᓂᐱᓕᐅᖅᓯᒪᔪᒥᒃᒪᓕᒐᓕᐅᖅᑎᕐᔪᐊᖅ ᒫᒃ ᑳᓂ, ᑲᓇᑕᐅᑉ ᐊᖓᔪᖅᑳᕐᔪᐊᖓ, ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᑲᓇᑕᒥ, ᑲᓛᖦᖡᑦᓄᓈᑦ, ᐊᓛᔅᑲ, ᐊᒻᒪ ᓱᑲᑦᑲ.
ᒪᑐᐃᖅᑕᐅᑎᓪᓗᒍ ᑲᑎᒪᓂᖅ ᐃᖅᑲᐅᒪᓂᖃ
ᓚᐅᕆᕗᖅ ᐊᓛᔅᑲᒥᐅᑦ ᐃᓄᐃᑦ ᓯᕗᓕᖅᑎᑐᖃᖓᓂᒃ ᔨᒥ ᓯᑑᑦᔅᒥᒃ, ᓇᓗᓇᐃᖅᓯᓪᓗᓂ ᐱᒻᒪᕆᐊᓗᖕᒥᒃᐃᑲᔪᖅᓯᒪᓂᖓᓂᒃ ICC−ᑯᑦ ᐱᓕᕆᐊᖏᓐᓄᑦ ᐅᔾᔨᕐᓇᖅᓯᑎᑦᓯᓂᕐᒧᓪᓗ ᐃᓄᐃᑦ ᐱᔪᓐᓇᐅᑎᖏᓐᓂᒃ
ᓴᐃᕋ ᐆᓪᔅᕕᒡ ᐃᒃᓯᕙᐅᑕᖓᑕ ᐅᓂᒃᑳᖓᓂᒃ ᑐᓂᓯᓚᐅᖅᐳᖅ, ᐅᖃᐅᓯᖃᖅᓱᓂ ICC-ᑯᑦᖃᓄᐃᓕᐅᖅᓯᒪᓂᖏᓐᓂᒃ ᐊᒻᒪ ᐊᓂᒍᖅᑎᓯᒪᔭᖏᓐᓂᒃ ᐅᑭᐅᓂᒃ ᑎᓴᒪᓂᒃ ᐊᓂᒍᖅᑐᓂᒃ. ᑲᑎᒪᔭᖅᑐᖅᓯᒪᔪᑦᑐᓴᖅᑎᑕᐅᓚᐅᕆᕗᑦ ᑕᒪᐃᓐᓂᒃ ICC−ᑯᑦ ᑎᓴᒪᓂᒃ ᑎᑎᕋᕐᕕᖏᓐᓂᒃ, ᓇᓗᓇᐃᖅᓯᒃᑲᓐᓂᖅᓱᑎᒃᐱᓕᕆᐊᕆᓯᒪᔭᖏᓐᓂᒃ ᐊᓂᒍᖅᑎᓯᒪᔭᖏᓐᓂᒡᓗ ᑕᐃᒪᙵᑦ 14−ᒋᓕᖅᑕᖓᓂᑲᑎᒪᕕᒡᔪᐊᕐᓂᖃᓚᐅᖅᑎᓪᓗᒋᑦ, ᐅᐸᒍᑎᓯᒪᓪᓗᑎᒃ ᐊᒻᒪ ᖃᕆᓴᐅᔭᒃᑯᑦ 2022−ᒥ.
“ᓄᓇᕐᔪᐊᒥ ᐊᓯᔾᔨᖅᐸᓪᓕᐊᖏᓐᓇᐅᔭᖅᑐᒥ ᐊᒻᒪ ᒫᓐᓇᐅᓕᖅᑐᒥ ᐊᔪᕐᓇᖅᑐᒥ ᐊᔾᔨᖃᖅᑎᑦᑕᕆᐊᒃᓴᖅᑭᓱᑐᐃᓐᓇᕐᒧᑦ, ICC-ᑯᑦ ᐱᓕᕆᕐᔪᐊᖅᓯᒪᕗᑦ ᑲᑎᙵᑎᑦᓯᓪᓗᑎᒃ ᓂᐱᒋᔭᐅᓪᓗᑎᒃ. ᐱᓕᕆᖃᑎᒌᖕᓂᖅᐃᓅᓪᓗᑕ ᐱᒻᒪᕆᐅᓂᖅᓴᐅᖅᑰᔨᕗᖅ ᑕᐃᒪᙵᓂᑦ, ᓴᙱᔫᖏᓐᓇᖅᓱᑕᓗ ᓯᕗᓪᓕᖅᐸᐅᑦᑎᐅᑎᔪᒪᔭᑦᑎᓐᓂᒃᓯᕗᒻᒧᐊᒃᑎᑦᓯᓯᒪᓪᓗᑕᓗ ᐊᑐᐊᒐᑦᑎᓐᓂᒃ. ᑕᐃᒪᐃᓕᐅᖅᑎᓪᓗᑕ, ᐃᓚᐅᖃᑕᐅᓯᒪᕗᒍᑦ ᐃᓱᒪᓕᐅᕆᓂᕐᒧᑦᓄᓇᕐᔪᐊᓕᒫᒥ ᐊᑕᐅᓯᐅᓪᓗᑕ ᐃᓅᓪᓗᑕ: ᐃᓄᐃᑦ”, ᐅᖃᖅᑐᖅ ICC-ᑯᑦ ᐃᒃᓯᕙᐅᑕᖓ ᓴᐃᕋ ᐆᓪᔅᕕᒡ.
ᐅᓪᓘᑎᓪᓗᒍ ᐅᓂᒃᑳᖅᑐᖃᓚᐅᕆᕗᖅ ᒪᒃᑯᒃᑐᓂᒃ ᑲᑎᒪᔭᖅᑐᖅᓯᒪᔪᓂᒃ ᑕᒪᐃᓐᓂᒃ ᑎᓴᒪᓂᒃ ᐊᕕᒃᑐᖅᓯᒪᔪᓂᒃ,ᓇᓗᓇᐃᖅᓯᓪᓗᑎᒃ ᖃᓄᖅ ᐱᒻᒪᕆᐅᑎᒋᖕᒪᖔᑦ ᒪᒃᑯᒃᑐᑦ ᓯᕗᓕᖅᑎᐅᓂᖏᑦ ᐊᒻᒪ ᐱᓕᕆᖃᑎᒌᑦᓯᐊᕐᓂᖅᑭᖑᕚᕇᓄᑦ ᓯᕗᓂᒃᓴᑦᑎᓐᓄᑦ ᐃᓄᐃᑦ ᓇᖕᒥᓂᖅᓱᕈᓐᓇᕐᓂᖏᓐᓄᑦ ᐊᒻᒪ ᐅᑭᐅᖅᑕᖅᑐᓕᒫᒥᐱᓕᕆᖃᑎᒌᒍᓐᓇᖁᓪᓗᒋᑦ.
ᑲᑎᒪᕕᒡᔪᐊᕐᓂᖅ ᑲᔪᓯᓂᐊᖅᐳᖅ ᔪᓚᐃ 25−ᖑᕋᓱᖕᓂᖓᓂ, ᐅᖃᐅᓯᖃᖅᐸᒡᓗᑎᒃ ᐅᖃᐅᓯᖃᖅᐸᒃᑐᑎᒡᓗᖃᔅᓯᑲᓪᓚᖕᓂᒃ ᐃᓱᒪᒋᔭᒃᓴᓂᒃ ᐱᒻᒪᕆᐅᒋᔭᐅᔪᓂᒃ ᐃᓄᖕᓄᑦ, ᓯᕗᓪᓕᖅᐸᐅᔾᔭᐅᓯᒪᔪᓂᒃ ᐅᖃᐅᓯᖃᖅᐸᒃᑐᑎᒃ,ᓂᕈᐊᖅᐸᒃᑐᑎᒃ ICC−ᑯᑦ ᓄᑖᒥᒃ ᐃᒃᓯᕙᐅᑕᕆᓂᐊᖅᑕᖓᓂᒃ ᓯᕗᓕᖅᑎᓪᓗ ᑲᑎᒪᔨᒃᓴᖏᓐᓂᒃ,ᐃᓱᓕᑦᑎᓗᑎᒡᓗ ᐊᑎᓕᐅᖅᓯᓂᕐᒥᒃ ᓱᓕᓂᕋᕈᑎᒥᒃ ᑐᑭᒧᐊᒍᑕᐅᓂᐊᖅᑐᒥᒃ ᐊᕐᕌᒍᓄᑦ ᑎᓴᒪᓄᑦᐱᓕᕆᐊᖑᓂᐊᖅᑐᓄᑦ. ᑲᑎᒪᕕᒡᔪᐊᕐᓂᖅ ᐃᓱᓕᑉᐸᑦ, ᐃᒃᓯᕙᐅᑕᕆᔭᐅᔪᖅ ᐃᓄᐃᑦ ᑲᑎᒪᔨᕐᔪᐊᖏᓐᓄᑦᑲᓛᖦᖠᑦ ᓄᓈᓂᑦ ᑲᓇᑕᒨᓛᖅᑐᖅ. ᑲᑎᒪᕐᔪᐊᓐᓂᖅ ᐃᓄᓕᒫᓄᑦ ᐃᑭᐊᖅᑭᕕᒃᑯᑦ ᐊᑐᐃᓐᓇᐅᓚᖓᔪᖅᓴᖅᑭᔮᖅᑎᑕᐅᓗᓂᓗ ᑕᒪᐃᓐᓂᒃ ᖃᓪᓗᓈᑐᑦ, ᑲᓛᖠᓱᑦ, ᐃᓄᒃᑎᑐᑦ, ᐃᓄᐱᐊᖅᑐᓐ, ᐅᐊᖕᓇᐅᑉ ᐃᓄᐱᐊᖅᑐᓐ,ᕿᑎᐊᑕ ᔫᐱᒃᑐᓐ, ᐅᓛᓯᐊᑎᑐᓪᓗ.
The general assembly will be streamed and available to watch in English, Kalaallisut, Inuktitut, Inupiaq, Northwest Inupiaq, Central Yup’ik, Russian;
ᑕᐅᑐᒍᓐᓇᖅᑕᐃᑦ ᑲᑎᒪᕕᒡᔪᐊᕐᓇᖅ ᑕᑯᒃᓴᐅᑎᑕᐅᔪᖅ ᐅᕙᓂ: https://encoreglobal.zoom.us/j/93716388201?pwd=B7248rKHub8WrDTUTmmV7y1U6bXR0E.1
-30-
ᓲᕕᐊ ᔩᔅᓗ
ICC (ᑲᓛᖦᖡᑦ ᓄᓈᑦ)
299 34 22 25
sofia@inuit.org
ᑭᐊᓕ ᐃᓄᙳᐊᖅ
ICC (ᐊᓛᔅᑲ)
907-274-9058
kelly@iccalaska.org
ᑲᓵᓐᑐᕋ ᐃᐊᓕᐊᑦ
ICC (ᑲᓇᑕ)
613-407-2642
celliott@inuitcircumpolar.com
1977-ᒥ ᐱᒋᐊᖅᑎᑕᐅᓚᐅᖅᓯᒪᓪᓗᓂ, ᐃᓄᐃᑦ ᐅᑭᐅᖅᑕᖅᑐᒥᐅᑕᐅᖃᑎᒌᑦ ᑲᑎᒪᔨᖏᑦ (ICC) ᓄᓇᕐᔪᐊᓕᒫᒥᑲᑐᔾᔨᖃᑎᒌᖑᕗᑦ ᓄᓇᖃᖅᑳᖅᓯᒪᔪᓄᑦ, ᑭᒡᒐᖅᑐᐃᓪᓗᑎᒃ ᐃᓄᖕᓂᒃ ᐊᓛᔅᑲᒥ, ᑲᓇᑕᒥ, ᑲᓛᖦᖡᑦ ᓄᓈᑦ, ᐊᒻᒪ ᓱᑲᑦᑲ. ICC−ᑯᑦ ᑕᐅᑐᒐᖃᖅᐳᑦ ᐃᓄᖕᓂᒃ ᑲᑎᑎᑦᓯᔪᒪᓪᓗᑎᒃ, ᐅᔾᔨᕐᓇᖅᓯᑎᑦᓯᔪᒪᓪᓗᑎᒃ ᐱᔪᓐᓇᐅᑎᖏᓐᓂᒃᐱᔪᒪᔭᖏᓐᓂᒡᓗ ᓄᓇᕐᔪᐊᓕᒫᒥ, ᓴᖅᑭᑎᑦᓯᓂᕐᒥᒡᓗ ᐊᕗᖓᑲᓪᓚᒃ ᐱᕙᒌᔭᖅᑕᐅᓯᒪᔪᓂᒃ ᓴᐳᔾᔨᓯᒪᔪᒪᓪᓗᑎᒃᐅᑭᐅᖅᑕᖅᑐᒥ ᐊᕙᑎᒋᔭᐅᔪᒥᒃ. ᐱᓕᕆᖃᑦᑕᕆᕗᑦ ᐃᓄᐃᑦ ᓂᐱᖃᑦᓯᐊᖁᓪᓗᒋᑦ ᐃᓚᐅᖁᓪᓗᒋᓪᓗ ᒐᕙᒪᓕᕆᓂᕐᒧᑦ,ᑮᓇᐅᔭᓕᐅᖕᓂᕐᒧᑦ ᐱᕙᓪᓕᐊᓂᕐᒧᓪᓗ ᐅᑭᐅᖅᑕᖅᑐᒥ.
ICC-ᑯᑦ ᐱᒋᐊᖅᑎᑦᓯᖃᑕᐅᓚᐅᖅᐳᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᓂᒃ ᑕᐃᑲᓂᓗ ᐃᓚᐅᖏᓐᓇᓕᖅᓱᑎᒃ.ᓄᓇᕐᔪᐊᓕᒫᒥ ᐱᓕᕆᐊᒃᓴᖃᕐᒥᔪᖅ, ᓲᕐᓗ ᐅᖃᐅᔾᔨᒋᐊᖅᑎᐅᖃᑕᐅᓪᓗᓂ II ᓄᓇᕐᔪᐊᕐᒥ ᑲᑐᔾᔨᖃᑎᒌᓄᑦᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᐃᓄᓕᕆᓂᕐᒧᑦ ᑲᑎᒪᔨᓄᑦ, ᓈᓚᒃᑎᐅᖃᑕᐅᓪᓗᓂ ᒐᕙᒪᐅᖃᑎᒌᑦ ᖃᐅᔨᓴᖅᑎᖏᓐᓄᑦᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᐊᒻᒪ ᐅᖃᐅᔾᔨᒋᐊᖅᑎᐅᖏᓐᓇᖅᓱᓂ ᓄᓇᕐᔪᐊᓕᒫᒥ ᑕᕆᐅᕐᔪᐊᕐᒥᑲᑐᔾᔨᖃᑎᒌᓄᑦ, ᐊᓯᖏᓪᓗ ᐅᖃᐅᔾᔨᒋᐊᖅᑎᐅᓪᓗᑎᒃ ᐅᓄᖅᑐᓂᒃ ᓄᓇᕐᔪᐊᓕᒫᒥ ᑲᑎᒪᕕᒡᔪᐊᖅᑐᓂᒃ.