Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᖁᕕᐊᓲᑎᖃᖅᐳᑦ ᐃᓄᓐᓄᑦ ᐅᓪᓗᕆᑎᑕᐅᔪᖅ ᐱᓪᓗᒍ

ᐋᑐᐋ – 7 ᓄᕕᐱᕆ 2012 –ᑐᐊᐃᓐ ᓯᒥᔅ,ᐊᖓᔪᖅᑳᖓᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᓇᑕᒥ ᐅᓪᓗᒥ ᑕᐃᓯᕗᖅ ᐃᓘᓐᓇᖏᓐᓂᑦ ᐃᓄᓐᓂᑦ ᐊᒻᒪᓗ ᑲᓇᑕᒥᐅᓕᒫᓂᒃ ᖁᕕᐊᓲᑎᖃᖁᓪᓗᒋᑦ ᐃᓄᓐᓄᑦ ᐅᓪᓗᕆᑎᑕᐅᔪᒥ.

2006−ᖑᑎᓪᓗᒍ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᑐᐃᓐᓇᕐᒥᒃ ᑲᑎᒪᓂᖃᖅᑎᓪᓗᒋᑦ ᐱᐅᕐᕈ, ᐊᓛᔅᑲᒥ ᐅᖃᐅᔾᔨᔪᒥᓂᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂᑦ ᐃᒪᐃᖁᓪᓗᒋᑦ ”ᐊᕐᕌᒍᑕᒫᑦ ᐅᖃᐅᓯᐅᖃᑦᑕᖁᓪᓗᒍ ᓄᕕᐱᕆ 7 ᓇᓪᓕᐅᓂᖅᓯᐅᕕᐅᓂᖓᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑕᑯᓐᓇᒐᖓᑦ, (ᐃᐊᐸᓐ ᕼᐊᑉᓴᓐ, ᐊᖏᔪᑦᓯᖅ., ᐃᓄᓐᓄᑦ ᐅᓪᓗᕆᔭᐅᑎᑕᐅᓂᖓ, ᐊᒻᒪᓗ ᐅᖃᐅᑎᒋᐊᖅᓱᒋᑦ ᐃᓘᓐᓇᑎᒃ ᐃᓄᐃᑦ ᒐᕙᒪᖏᑦ, ᐃᖅᑲᓇᐃᔭᕐᕕᖏᑦ, ᐊᒻᒪᓗ ᓄᓇᓕᖏᑦ ᐊᕐᕌᒍᑕᒫᖅ ᑕᐃᔭᐅᖃᑦᑕᖁᓪᓗᒍ ᐅᓪᓗᖅ ᑖᓐᓇ ᐃᓄᓐᓄᑦ ᐅᓪᓗᕆᔭᐅᑎᑕᐅᓂᖓᓂᒃ, ᐊᒻᒪᓗ ᐊᐅᓚᑦᓯᓗᑎᒃ ᓇᓪᓕᐅᓂᖅᓯᐅᓂᕐᓂᒃ ᑕᒪᑐᒧᖓᓕᖓᔪᓂᒃ ᐊᒻᒪᓗ ᖁᕕᐊᓲᑎᖃᕈᑎᒋᓗᒋᑦ ᑕᒪᑯᐊ.”

ᑕᐃᒪᙵᓂᒃ 1977−ᒥᓂᒃ ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᖏᓪᓕᐅᒥᓯᒪᕗᖅ ᐊᒻᒪᓗ ᐱᕈᖅᐹᓪᓕᖅᓯᒪᑦᓱᓂ ᐊᖏᓂᖅᐸᐅᓕᖅᓱᓂᓗ ᓄᓇᕐᔪᐊᒥ ᒐᕙᒪᐅᓇᓂ ᑎᒥᐅᓂᖓ ᑭᒡᒐᖅᑐᐃᔪᖅ ᒥᑦᓴᐅᑦᑐᓂ ᑕᒫᓂ 150,000−ᓂᑦ ᐃᓄᖏᓐᓂ ᐊᓛᔅᑲᐅᑉ, ᑲᓇᑕ, ᑲᓛᖠᑦ ᓄᓈ, ᐊᒻᒪᓗ ᓱᑯᑦᑲ (ᕋᓴ) ᐊᒻᒪᓗ ᐃᑦᓯᕚᕐᕕᖃᖅᐸᑦᓱᑎᒃ ᖃᐅᔨᒋᐊᕐᕕᐅᓂᕐᒧᑦ ᖃᓄᐃᓕᖓᔪᖃᓕᕐᒪᖔᖅ II ᑲᑐᔾᔨᖃᑎᒌᓂ ᓄᓇᓕᐅᔪᓄᑦ.

“ᓄᕕᐱᕆ 7−ᖑᑎᓪᓗᒍ ᓇᓪᓕᐅᓂᖅᓯᐅᓂᓖᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂᑦ ᐱᒋᐊᖅᑎᑦᓯᔪᒥᓂᕐᒥᒃ, ᐃᐊᐸᓐ ᕼᐊᑉᓴᓐᒥᒃ ᐊᖏᔪᑦᓯᕐᒥᒃ ᐊᒻᒪᓗ ᐊᑕᐅᓯᖃᑎᒌᑦ ᐃᓄᐃᑦ ᓄᓇᕐᔪᐊᓕᒫᒥ, ᑐᙵᓱᑦᑎᑕᕗᑦ ᑖᓐᓇ ᐅᓪᓗᖅ ᖁᕕᐊᓲᑎᒋᓪᓗᒍ ᐱᖅᑯᓯᖅᑎᒍᑦ ᑭᓇᐅᓂᕗᑦ ᐅᖃᐅᓯᖅᑎᒍᑦ, ᐃᓚᒌᓐᓂᖅᑎᒍᒍᑦ ᐊᒻᒪᓗ ᓴᓇᓂᒃᑯᑦ” ᐅᖃᖅᑐᖅ ᒥᔅᑕ ᓯᒥᔅ.

ᐅᖃᐅᓯᕗᑦ ᐃᓗᓕᓕᒃ 4 ᑕᐅᓴᐃᑦ ᐅᑭᐅᑦ ᐃᓅᑉ ᐊᓐᓇᐅᒪᓂᖓᓂᒃ ᐱᐅᖅᓱᐊᓂᒃᑯᑦ ᐊᒻᒪᓗ ᐊᐅᓚᑦᓯᓯᐊᕐᓂᒃᑯᑦ ᐅᑭᐅᖅᑕᖅᑐᑎᓐᓂᑦ ᐊᒥᒐᖏᑦᑐᒥᒃ. (ᐃᐊᐸᓐ ᕼᐊᑉᓴᓐ, 1977)

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.