Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᑐᓐᖓᓱᑦᑎᑦᑎᔪᖅ ᓯᓚᕐᔪᐊᒥ ᓇᓪᓕᐅᓂᖅᓯᐅᕐᓂᐊᖅᑎᓪᓗᒋᑦ ᐅᑭᐅᓄᑦ 40-ᓄᑦ ᐅᑭᐅᖅᑕᖅᑐᒥ ᓂᓪᓕᐊᔨᐅᑎᓪᓗᒋᑦ ᑭᒡᒐᖅᑐᐃᓪᓗᑎᑦ ᐃᓄᓐᓂᑦ: ᐃᓄᓐᓄᑦ, ᐃᓄᓐᓂᑦ, ᐃᓅᖃᑎᒥᓂᓪᓗ

ᔫᓂ 15, 2017, ᐊᐅᓗ, ᕕᓐᓚᓐ– ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖅ, ᐅᑲᓕᖅ ᐃᔨᑦᓯᐊᖅ, ᐅᓪᓗᒥᐅᔪᖅ ᖃᐃᖁᔨᕗᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓇᓪᓕᐅᓂᖅᓯᐅᕐᓂᐊᖅᑎᓪᓗᒋᑦ ᐅᑭᐅᓄᑦ 40−ᓄᑦ. ᐃᔨᑦᓯᐊᖅ, ᑲᑎᒪᖃᑕᐅᔪᖅ “ᐃᑯᐱᑦᑐᓕᕆᓂᕐᒥᑦ ᐅᑭᐅᖅᑕᖅᑐᒥ − ᐊᔾᔨᐅᖏᑦᑐᓕᓇᓱᐊᕐᓂᖅ” ᑲᑎᒪᑎᑦᑎᓪᓗᑎᑦ ᓯᓚᕐᔪᐊᒥ ᑕᕆᐅᑉ ᐊᑭᐊᓂ ᑲᑎᒪᔨᖏᑦ, ᓯᓚᕐᔪᐊᒦᑦᑐᓂᑦ ᐱᖃᑕᐅᖁᔨᕗᖅ ᐃᓄᓐᓂᑦ ᓯᕗᓂᑦᑎᓂᓪᓗ ᐊᑐᖅᑕᐅᖏᓐᓇᕐᓂᐊᖅᑐᒥᑦ ᐅᑭᐅᖅᑕᖅᑐᒥᑦ.

“ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑕᑯᓐᓇᓐᖑᐊᖃᑦᑕᓚᐅᕐᖓᓪᓕ ᐅᑉᐱᕆᔭᐅᑦᑎᐊᖅᑐᓂᓗ ᐃᓄᑉᐱᐊᖅ, ᓯᕗᓕᖅᑎ, ᐄᑕᓐ ᕼᐊᑉᓇᓐ, ᐸᖅᑭᑦᑎᖁᔨᓪᓗᓂ ᐱᔪᓐᓇᐅᑎᖏᓐᓂ ᐃᓄᐃᑦ ᐆᒪᔪᕋᓱᖃᑦᑕᐃᓐᓇᕈᓐᓇᖁᓪᓗᓂᒋᑦ ᐃᒪᕐᒥᐅᑕᕐᓂᑦ ᐊᑑᓪᓚᕆᒻᒪᑕ ᐃᓄᐃᑦ ᓂᕿᒋᒻᒪᔾᔪᒃ ᑕᒪᑯᐊ ᐃᓱᒫᓗᓇᖅᑐᑦ ᐅᖅᓱᐊᓗᐃᑦ ᒑᓯᓂᓪᓗ ᕿᓂᖅᐸᑦᑐᑦ” ᐃᔨᑦᓯᐊᖅ ᐅᖃᖅᑐᓂ. “ᑐᑭᓯᓪᓗᓂᓗ ᐃᓄᐃᑦ ᓂᐱᖏᑦ ᓴᓐᖏᔪᐊᓘᒻᒪᑕ ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ ᑎᒍᒥᐊᕐᖓᑕ. ᖃᐅᒪᒻᒥᔪᖅᑕᐅ ᐱᓕᕆᖃᑎᒌᓐᓂᒃᑯᑦ, ᐃᓄᐃᑦ ᕿᒪᐃᔾᔮᖏᑦᑎᐊᕐᖓᑕ ᐊᓯᖏᓐᓂ ᐃᓄᖃᑎᖏᓐᓂ ᐱᓕᕆᑎᓪᓗᒋᑦ,” ᐅᖃᓚᐅᖅᑐᖅ ᑕᑎᐊᓇ ᐊᑦᓯᔩᓇ, ᐊᖏᔪᖅᑳᑉ ᑐᖏᓕᖓ, ᓯᑳᑦᑕ.

“ᐃᓄᐃᓪᓗ, ᐅᐊᑦᑎᐊᕈᕐᓂᓴᕐᓂᑦ ᑎᒍᒥᐊᖏᓐᓇᕋᑦᑕ, ᐅᖓᓯᑦᑑᒐᓗᐊᖅᑲᑦ ᒫᓐᓇᓕᓴᐅᒐᓗᐊᖅᑯᓪᓗ. ᐊᑕᐅᓯᐅᒐᑦᑕ ᐃᓅᓇᓱᐊᖅᑐᑎᒍᑦ ᑲᓛᖡᑦ ᓄᓈᓂ, ᑲᓇᑕᒥ, ᐊᓛᔅᑲᒥ, ᐅᓛᓵᒥᓪᓗ 5−ᒥᓕᐊᓂ ᑭᓚᒦᑕᓂᒃ ᐊᖏᓂᖃᖅᑐᓂ ᓯᓚᕐᔪᐊᒥ,” ᐅᖃᐅᓯᕆᓚᐅᖅᑕᖓ ᔩᒻ ᓯᑳᑦᔅ, ᐊᖏᔪᖅᑲᑉ ᑐᖏᓕᖓ, ᐊᓛᔅᑲᒧᑦ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᖃᑕᐅᖏᓐᓇᖅᑐᑦ ᐅᑭᐅᖅᑕᖅᑐᒥ ᑲᑎᒪᔨᓄᑦ ᑎᒍᒥᐊᖃᑕᐅᓪᓗᓂᓗ ᐱᓕᕆᖃᑎᒌᓐᓂᕐᒥᑦ ᑲᑐᔾᔨᖃᑎᒌᓐᓄᑦ ᓯᓚᕐᔪᐊᒥ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑭᒡᒐᖅᑐᐃᔨᐅᔪᑦ ᓂᐱᖃᖅᑎᐅᓪᓗᑎᑦ ᓯᓚᕐᔪᐊᑉ ᐅᑭᐅᖅᑕᖅᑐᓕᒫᖏᓐᓂ ᐃᓄᖏᓐᓄ ᓯᓚᕐᔪᐊᒥᓪᓗ ᐱᒻᒪᕆᐅᔪᓂᒃ. “ᐅᑭᐅᓂᑦ 40−ᓂᑦ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᔪᓯᑦᑎᐊᖅᓯᒪᒻᒪᑕ ᑭᒡᒐᖅᑐᐃᓪᓗᑎᑦ ᓂᓪᓕᐊᔨᐅᓪᓗᑎᓪᓗ ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᓐᓂ ᒪᑯᓄᖓ ᐱᖅᑯᓯᖏᓐᓄᑦ, ᓂᕿᔅᓴᖃᑦᑎᐊᕐᓂᕐᒧᑦ ᓄᓇᖃᖅᑳᖅᑐᒥᓃᑦ ᖃᐅᔨᒪᓂᖏᓐᓄᑦ ᐱᐅᖅᓱᐊᕐᓂᖏᓐᓂᓪᓗ ᐅᖃᐅᓯᕐᒥᒃ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᐃᕙᖃᑎᖃᖅᓯᒪᔪᑦ ᓯᓚᕐᔪᐊᒥ ᐊᖏᕈᑎᒥᒃ ᓱᕈᓐᓇᖅᑐᑕᖃᓐᖏᓂᖅᓴᐅᓕᖁᓪᓗᑦ ᐅᑭᐅᖅᑕᖅᑐᒨᖅᐸᑦᑐᓂᒃ, ᓴᐳᒻᒥᓪᓗᑎᑦ ᐃᓄᐃᑦ ᐱᔪᓐᓇᐅᑎᖏᓐᓂ ᑕᒫᓂ ᓂᓪᓚᓱᑦᑐᒥ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᓗ ᐊᒻᒪᓗ ᓂᓪᓕᐊᔨᐅᓪᓗᑎᑦ ᐱᓯᐅᕙᓪᓕᖁᔨᓪᓗᑎᑦ ᐃᓄᐃᑦ ᐋᓐᓂᐊᖅᑕᐃᓕᒪᓂᖏᓐᓂ, ᐃᓅᓇᓱᐊᑦᑎᐊᕐᓂᖓᓐᓂ ᐃᓄᓕᕆᓂᕐᒥᓪᓗ ᒪᑭᒪᑦᑎᐊᕋᓱᐊᕐᓂᕐᒥ,” ᐅᖃᓚᐅᖅᑐᖅ ᕼᐊᔭᓪᒪᕐ ᕼᐊᓪ, ᐃᔅᓯᕙᐅᑕᐅᑉ ᑐᖏᓕᖓ, ᑲᓛᖡᑦ ᓄᓈᓂ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓛᖅᑐᑦ 13−ᖓᓐᓂ ᑲᑎᒪᕕᔾᔪᐊᕐᓗᑎᑦ ᐅᑦᕿᐊᕕᒻᒥ (ᐳᕉᓚᐅᖅᓯᒪᔪᒥ), ᐊᓛᔅᑲᒥ, ᔪᓚᐃᒥ 16-19, 2018. ᖁᕕᐊᓲᑎᖃᓛᖅᑐᑦ ᐃᓄᐃᑦ ᐱᖅᑯᓯᖏᓐᓂ ᑎᒍᒥᐊᕐᓂᖏᓐᓂᓪᓗ ᑕᒪᓐᓇ ᐱᒻᒪᕆᐅᒻᒪᑦ ᐸᕐᓇᒋᐊᖃᕐᓂᖏᓐᓂ ᓯᓚᕐᔪᐊᑉ ᐅᑭᐅᖅᑕᖅᑐᖏᓐᓂ ᐃᓄᓐᓂᑦ, ᐊᑐᖅᑕᐅᔪᒫᕐᓂᐊᖅᑐᓂᑦ ᐅᑭᐅᓄᑦ ᑎᓴᒪᓄᑦ ᐃᓕᓯᒪᑎᓪᓗᒍ. “ᑐᓐᖓᓱᑦᑎᑦᑎᕗᒍᑦ ᓯᓚᕐᔪᐊᒥ ᐱᖃᑕᐅᔪᒪᔪᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᐃᓚᒌᓐᓂᒃ ᐅᑦᕿᐊᕕᒻᒥ 2018−ᒥ ᐅᖃᐅᓯᖃᕐᓂᐊᕋᑦᑕ ᐋᖅᑭᒋᐊᕈᑎᔅᓴᓂᒃ ᐊᔅᓱᕉᑕᐅᕙᑦᑐᓂᒃ ᒪᑭᒪᔾᔪᑎᔅᓴᓂᓪᓗ ᑕᒪᒃᑯᓂᖓ ᐅᑎᖅᑕᕐᓂᐊᖅᑐᓂᒃ ᐱᕙᑦᑕᑎᓐᓂ ᓄᓇᓕᑦᑎᓐᓂ,” ᐅᖃᖅᑐᓂ ᓯᑳᑦᔅ.

“ᓯᓚᕐᔪᐊᖅ ᑕᑯᔪᒪᑎᓪᓗᒍ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑰᖃᑦᑕᕈᒪᔪᓂᒃ, ᓱᓇᒃᑯᑖᖅᑖᕈᒪᔪᓂᒃ, ᐃᖃᓗᓕᕆᓂᕐᒥᑦ ᑎᒍᓯᒍᒪᓂᕐᒥᓪᓗ, ᐃᓄᐃᑦ ᓇᓪᓕᐅᓂᖅᓯᐅᖅᑐᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᐅᑭᐅᓄᑦ 40−ᓄᑦ ᑕᑯᓐᓇᖅᑕᖏᓐᓂ ᐅᑭᐅᖅᑕᖅᑐᒥ ᑕᑯᔪᒪᔭᑦᑎᓐᓂ ᓱᕈᓯᑦᑎᓐᓄᑦ ᐊᒻᒪᓗ ᐃᕐᖑᑕᖅᑎᓐᓄ ᐅᑭᐅᓄ 40−ᑲᓐᓂᕐᓄᑦ,” ᐃᔨᑦᓯᐊᖅ ᐅᖃᖅᑐᓂ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓴᖅᑮᓯᒪᔪᑦ ᐅᑉᐱᕈᓱᑦᑐᓂᒃ ᑕᕐᕆᔮᔅᓴᒥᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓱᒪᒋᔭᖏᓐᓂ ᑲᔪᓯᓯᒪᔭᖏᓐᓂᓪᓗ. ᓇᕿᓪᓗᒍ ᐅᓇ ᑕᑯᓐᓇᕈᓐᓇᖅᑕᐃᑦ https://www.youtube.com/watch?v=hxgDyuUxvsM&t=3s

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.