Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᓈᓐᓯ ᖃᕆᑕᖅ-ᓕᓐᑎᐅᓪ ᑕᐃᔭᐅᓚᐅᖅᑐᖅ ᐃᔅᓯᕙᐅᑕᐅᑉ ᑐᖏᓕᖓᓐᓂ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓄᑦ

ᐅᑐᐱᕆ 1, 2017 – ᐋᑐᐋ, ᐊᓐᑎᐅᕆᔪ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖅ ᐅᑲᓕᖅ ᐃᔨᑦᓯᐊᖅ ᓇᓗᓇᐃᖅᓯᓪᓗᓂ ᓂᕈᐊᖅᑕᐅᓂᕐᒥᓂᑦ ᓄᓇᕗᒻᒥ ᒪᓕᒐᓕᐅᕐᕕᒻᒥ ᐅᓪᓗᑐᐃᓐᓇᐅᑎᓪᓗᒍ, ᓯᑎᐱᕆ 29, 2017 ᐊᑭᓕᖅᓱᖅᑕᐅᖏᓪᓗᓂ ᓄᖅᑲᖓᑲᐃᓐᓇᓛᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂ ᐅᑐᐱᕆᕈᕋᓱᐊᕐᓂᖓᓐᓂ 30, 2017.

ᑕᐃᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᖏᓐᓂ ᓇᐃᓐᒥ, ᓄᓇᑦᓯᐊᕗᑦ ᐱᓇᓱᐊᕈᓯᕆᓚᐅᖅᑕᑎᓐᓂ, ᐃᓱᒪᓕᐅᓚᐅᖅᑐᑦ ᓈᓐᓯ ᖃᕆᑕᖅ-ᓕᓐᑎᐅᓪ ᐃᔅᓯᕙᐅᑕᐅᑲᐃᓐᓇᕐᓂᐊᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᔪᖃᕋᓱᐊᕐᓂᖓᓐᓂ. ᖃᕆᑕᖅ-ᓕᓐᑎᐅᓪ ᐃᔅᓯᕙᐅᑕᐅᓂᕐᒧᑦ ᐱᓕᕆᓗᓂ ᑲᒪᒋᔭᖏᓐᓂᓪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓪᓚᕕᖓᓐᓂ ᑲᓛᖡᑦ ᓄᓈᓂᑦ, ᐊᓛᔅᑲᒥ ᐊᒻᒪᓗ ᓯᑳᑦᑕᒥ ᐱᔨᑦᑎᕋᕐᓂᖓᓐᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐊᖏᔪᖅᑳᖑᓗᓂ, ᐃᓛᓐᓂᑯᐃᓐᓈᖃᑦᑕᕐᓗᓂ ᑲᓇᑕᒥ ᐃᔅᓯᕙᐅᑕᐅᓯᓐᓈᕐᓗᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ.

“ᑲᑎᒪᑦᑎᐊᖅᑐᐊᓘᓚᐅᖅᑐᒍᑦ ᓇᐃᓐᒥ ᐸᕐᓇᐅᑎᓕᐅᖅᑐᑕ ᐱᔭᔅᓴᓕᖅᐹᓘᓛᖅᑐᒍ ᐊᕐᕌᒍᒋᔭᑦᑎᓐᓂ ᐊᐅᔭᐅᓛᖅᑐᕐᓗ ᑲᑎᒪᕕᔾᔪᐊᓕᕈᑦᑕ ᐊᓛᔅᑲᒥ. ᐅᐱᒍᓱᑦᑎᐊᖅᑐᖓ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓯᕗᓕᖅᑎᓄᑦ ᑲᑎᒪᔨᖏᓐᓂ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᑲᑎᒪᔨᓄᑦ ᐅᑉᐱᕆᔭᐅᒐᒪ ᑕᒪᑐᒥᖓ ᐱᒻᒪᕆᐅᔪᒥᑦ ᓯᓚᕐᔪᐊᒥ ᓯᕗᒧᐊᑦᑎᐊᕋᓱᐊᕐᓂᐊᑎᓪᓗᑕ ᐃᔅᓯᕙᐅᑕᐅᖏᑦᑐᖃᑲᐃᓐᓇᑎᓪᓗᒍ”, ᐅᖃᖅᑐᓂ ᖃᕆᑕᖅ-ᓕᓐᑎᐅᓪ.

ᐊᒻᒪᓗ ᐅᖃᐅᓯᖃᕐᓗᑎᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ 13−ᖓᓐᓂ ᑲᑎᒪᕕᔾᔪᐊᖅᑎᓪᓗᒋᑦ, ᐊᓯᖏᓐᓂ ᐅᖃᐅᓯᖃᓚᕐᒥᔪᑦ ᑲᑎᒪᔾᔪᑎᖃᕐᓗᑎᑦ ᐅᑭᐅᖅᑕᖅᑐᒥ ᑲᑎᒪᔨᐅᓂᕐᒥᑦ, ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᐅᓛᖅᑐᒥ ᐆᒪᔪᓕᕆᓂᕐᒥᑦ ᐊᐅᓚᑦᑎᓂᕐᒧᑦ (ᑲᓇᑕᒥ) ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒥᑦ (ᑲᓛᖡᑦ ᓄᓈᓂ), ᓴᖅᑭᖅᑕᐅᓛᖅᑐᑎᓪᓗ ᐅᓂᒃᑲᑦ ᐱᑭᐊᓚᓱᕐᓱᐊᖅ ᑎᓕᔭᐅᔾᔪᑕᐅᓯᒪᔪᑦ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓚᒋᔭᐅᓂᖏᑦ ᓯᓚᕐᔪᐊᒥ ᑲᑐᔾᔨᖃᑎᒌᑦ ᑎᒥᖏᑦ.

ᑕᕐᕆᔮᖅᓴᖅᑕᓕ ᐱᓕᕆᐊᖑᓯᒪᔪᓂᒃ 40−ᖓᓐᓂ ᓇᓪᓕᐅᓂᖅᓯᐅᓂᖓᓐᓂ ᓯᕗᓪᓕᖅᐹᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᖓᓐᓂ, ᐴᕈᒥ, ᐊᓛᔅᑲᒥ 1977−ᒥ ᑕᑯᔅᓴᐅᒻᒥᔪᖅ ᑕᑯᓐᓇᖅᑕᐅᔪᓐᓇᖅᑐᓂᓗ ᐅᕙᓂ https://youtu.be/hxgDyuUxvsM

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.