ᐳᕝᕕᕆᓐᓈᓗᒃ, ᖃᐅᔨᒪᔭᐅᔪᖅ ᓄᕙᒡᔪᐊᕐᓇᖅ 19-ᒥᑦ, ᓯᓚᕐᔪᐊᓕᒫᒥ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓄᑦ ᑲᑐᔾᔨᖃᑎᒌᓐᓄᑦ ᓇᓗᓇᐃᖅᑕᐅᓚᐅᖅᓯᒪᔪᖅ ᒫᔾᔨ 11−ᖑᑎᓪᓗᒍ, 2020. ᐊᒥᓱᕐᔪᐊᕌᓗᓐᓂᒃ ᐊᑦᑐᐃᓚᐅᖅᑐᖅ ᐳᕝᕕᕆᓐᓈᓗᒃ ᓇᒥᓕᒫᑦᑎᐊᖅ ᓯᓚᕐᔪᐊᓕᒫᒥ, ᐅᑭᐅᖅᑕᖅᑐᖅ ᐃᓚᒋᔭᐅᓪᓗᓂ. ᐃᓄᐃᑦ ᑲᓇᑕᒥ ᑎᓴᒪᓂᒃ ᐅᑭᐅᖅᑕᖅᑐᓂᒃ ᑭᓪᓕᖏᓐᓂ ᓄᓇᒋᔭᖅ ᐃᓄᓐᓄᑦ, ᐊᑦᑐᖅᑕᐅᓯᒪᒻᒥᔪᖅ ᓄᕙᖕᓇᕐᔪᐊᕐᓈᓗᒻᒧᑦ, ᒪᑐᔭᐅᑦᑎᐊᒻᒪᕆᑦᑐᑎᑦ ᓯᓚᕐᔪᐊᖅ, ᓄᕙᒡᔪᐊᕐᓇᖅ-19 ᒥᑭᓂᖅᓴᓂᑦ ᓄᓇᓕᓪᓕ ᐃᓱᖃᖅᑎᑦᑎᒻᒪᑦ ᐃᑲᔪᖅᑕᐅᔪᓐᓇᕐᓂᖏᓐᓂ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓂ ᑕᐃᒃᑯᐊᓗ ᐊᖏᓂᖅᓴᒦᑦᑐᑦ ᑕᐃᒪᐃᓗᐊᕋᑎᑦ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓱᒫᓘᑎᖃᐃᓐᓇᕐᖓᑕ ᐱᒋᐊᕐᖓᕐᓂᖓᓐᓂ ᖃᓄᖅ ᐅᖓᓯᑦᑐᒦᑦᑐᑦ ᓄᓇᓖᑦ ᐱᓇᓱᐊᖅᑕᕐᒪᖔᑕ. ᖃᓂᒪᓐᓈᓗᒃ ᑕᑯᓐᓇᓂᖅᓴᐅᔮᖃᑦᑕᕐᖓᑦ ᑲᑎᒪᔨᕈᔪᓐᓂᒃ ᐊᒻᒪᓗ ᑭᒃᑯᑐᐃᓐᓇᕐᓂᑦ ᖃᓂᒪᐃᓐᓇᖃᑦᑕᓲᕐᓂᑦ ᐃᑲᔪᕐᕕᑦᑕᖃᓐᖏᓗᐊᖅᑎᓪᓗᒍ, ᒪᑯᓄᖓ ᐃᓄᒋᐊᓗᐊᖅᑐᓄᑦ ᐃᓪᓗᓕᓐᓂᒃ ᒥᓪᓗᐊᑎᑦᑎᔭᐅᑦᑎᐊᖃᑦᑕᖏᑦᑐᑦ ᐊᖏᕐᕋᖏᑦ ᑯᕕᔫᖃᑦᑎᐊᖏᑦᑐᓪᓗ ᐊᒥᓱᑦ ᓄᓇᓖᑦ. ᑲᓇᑕᒥ, ᖃᓂᒪᓐᓈᓗᒃ ᓄᓇᕗᒻᒧ ᓴᖅᑭᖅᓯᒪᓕᕐᖓᑦ ᑕᐃᒪᙵᓂ ᓄᕕᐱᕆ 2020−ᒥ. ᓯᐊᕐᒪᐸᓪᓕᐊᖏᓐᓇᖅᑐᖅ ᖃᓂᒪᓐᓇᖅ ᑐᐊᕕᕐᓇᓕᖅᑐᓂ ᐋᖅᑭᑦᑕᐅᓇᓱᐊᕆᐊᖃᕐᓂᖏᑦ ᓱᓇᒃᑯᑖᖅᑕᖃᓐᖏᓗᐊᕐᖓᑦ ᐃᑲᔫᑎᔅᓴᓂᒃ ᐃᓄᐃᑦ ᓄᓇᖏᓐᓂ.
ᑕᒪᒃᑯᐊ ᓱᓇᒃᑯᑖᑦ ᐱᑕᖃᓐᖏᓗᐊᕐᓂᖏᓐᓄᑦ ᐃᓱᒫᓗᕆᔭᐅᒻᒪᑕ ᐅᖃᐅᓯᐅᕙᑦᑐᑎᓪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᑭᐅᖅᑕᖅᑐᓂ ᐃᓄᐃᑦ ᐋᓐᓂᐊᖅᑕᐃᓕᒪᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ. ᑲᑎᒪᔨᕋᓛᑦ ᐃᓱᒫᓘᑎᖃᕐᖓᑕ ᑕᒪᒃᑯᓂᖓ ᐊᑦᑐᐃᓂᖃᕈᓐᓇᕐᓂᖏᓐᓂ ᑕᒪᑐᒥᖓ ᐊᑐᐃᓐᓇᖅᑕᖃᓐᖏᓗᐊᕐᓂᖏᓐᓄᑦ ᐃᑲᔪᖅᑕᐅᕕᔅᓴᓂᒃ. ᑖᒃᑯᐊ ᐅᑭᐅᖅᑕᖅᑐᓂ ᐃᓄᐃᑦ ᐋᓐᓂᐊᖅᑕᐃᓕᒪᔪᓕᕆᓂᔨᒃᑯᑦ ᑲᑎᒪᔨᕋᓛᖏᑦ ᑲᑎᒪᖃᑎᖃᓚᐅᖅᑐᑦ ᕗᕌᓐᓯᔅᑯ ᑳᓕ ᑕᓴᐃᒥᑦ, ᑲᑐᔾᔨᖃᑎᒌᓐᓂᒃ ᓯᓚᕐᔪᐊᒥ ᐱᓕᕆᔨᒥᑦ ᑕᒪᒃᑯᓂᖓ ᐱᔪᓐᓇᐅᑎᖃᕐᓂᖏᓐᓂ ᓄᓇᖃᖅᑳᖅᑐᒥᓃᑦ ᓰᑎᐱᕆ 2020−ᒥ. ᑲᑎᒪᔨᕋᓛᑦ ᑖᒃᑯᓂᖓ ᓯᑳᑦᑲᒥᑦ, ᐊᓛᔅᑲᒪ ᑲᓇᑕᒥ, ᑲᓛᖡᓪᓗ ᓄᓈᓂ ᐅᓪᓗᒥᒧᑦ ᖃᓄᐃᓕᖓᓕᕐᓂᖏᓐᓂ ᐅᓂᒃᑳᓚᐅᖅᑐᑦ ᓄᕙᒡᔪᐊᕐᓇᖅ 19-ᒥ ᖃᓄᐃᓕᖓᓂᖓᓐᓂ ᑭᓪᓕᖏᓐᓂ ᐱᒋᐊᕈᑕᐅᓯᒪᔪᓪᓗ ᐃᑲᔫᑎᔅᓴᐅᔪᑦ ᐃᓄᓐᓄᑦ ᐅᓂᒃᑳᖑᓪᓗᑎᑦ. ᐱᓕᕆᔨᐅᔪᒃ ᐅᖃᖅᑐᓂ ᐊᔾᔨᑐᐃᓐᓇᐸᓗᖏᓐᓂᑦᑕᐅ ᑕᐃᒫᒃ ᐊᓯᖏᓐᓂ ᓄᓇᖃᖅᑳᖅᑐᒥᓂᕐᓂᑦ ᓯᓚᕐᔪᐊᓕᒫᒥᑦ ᓱᓇᒃᑯᑖᖅᑕᖃᑦᑎᐊᖏᓐᓂᖏᓐᓄᑦ ᑐᓴᖃᑦᑕᕐᒥᔪᑦ, ᐱᐅᓯᕚᓪᓕᕆᐊᖃᕐᖓᑕ ᑕᒪᒃᑯᐊ ᐋᓐᓂᐊᖅᑕᐃᓕᒪᔪᓕᕆᓂᕐᒥᑦ ᐊᑐᕈᓐᓇᕐᓗᑎᑦ, ᐊᑦᑐᐃᓂᖃᖅᑐᑎᓪᓗ ᓯᐊᕐᒪᕐᓂᖓᓐᓂ ᐱᖅᑯᓯᖏᑦᑕ ᐅᑉᐱᕆᔭᖏᓐᓂ ᐃᓕᖅᑯᓯᖏᓐᓂᓪᓗ. ᓇᐃᓈᖅᓯᒪᔪᒥᑦ ᑲᑎᒪᓂᐅᔪᒥᑦ ᐱᑕᓕᒃ, ᒪᑯᓂᖓᓗ ᑲᑎᒪᔨᕋᓛᖏᓐᓂ, ᑕᕝᕙᓂᓗ ᑕᑯᔭᐅᔪᓐᓇᖅᑐᑎᑦ.
ᖃᕋᓴᐅᔭᒃᑯᑦ ᑐᑭᓯᒋᐊᕈᑎᓂᒃ ᐱᑕᓕᒃ ᑕᒪᑐᒥᖓ ᓄᕙᒡᔪᐊᕐᓇᖅ 19 ᒥᔅᓵᓅᖓᔪᓂᒃ ᖃᓄᖅ ᐊᑦᑐᐃᓂᖃᕐᒪᖔᖅ ᐅᑭᐅᖅᑕᖅᑐᒥ, ᖃᓄᕐᓗ ᐊᑦᑐᐃᓂᖃᕐᒪᖔᖅ ᓄᓇᖃᖅᑳᖅᑐᒥᓂᕐᓂᑦ ᓯᓚᕐᔪᐊᒥ. ᑐᑭᓯᒋᐊᕈᑎᓂᒃ ᖃᐅᔨᒋᐊᖃᑦᑕᕐᓕ ᓄᕙᒡᔪᐊᕐᓇᐅᑉ ᒥᔅᓵᓄᑦ ᓄᓇᓕᖓᓐᓄᑦ ᑭᓪᓕᖏᓐᓄᓪᓗ ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᓐᓂ.
ᑲᓇᑕᒥ
ᐃᓄᐃᑦ ᑲᑐᔾᔨᖃᑎᒌᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑏᑦ ᑲᓇᑕᒥ ᐊᕕᑦᑐᖅᓯᒪᔪᓂᓪᓗ ᓄᕙᒡᔪᐊᕐᓇᐅᑉ ᒥᔅᓵᓄᑦ ᐊᑐᐃᓐᓇᐅᔪᑦ ᒪᑯᐊ:
ᐃᓅᕕᐊᓗᐃᑦ ᑯᐊᐳᕇᓴᒃᑯᑦ – ᐃᓄᕕᐊᓗᐃᑦ: www.irc.inuvialuit.com
ᓄᓇᕗᑦ ᑐᓐᖓᕕᒃᑯᑦ – ᓄᓇᕗᑦ: www.tunngavik.com
ᓄᓇᕗᑦ ᒐᕙᒪᒃᑯᖏᑦ – ᓄᓇᕗᑦ: www.gov.nu.ca
ᒪᑭᕕᒃ ᑯᐊᐳᕇᓴᒃᑯᑦ – ᓄᓇᕕᒃ: www.makivik.org
ᓄᓇᕕᒃ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐃᓄᓕᕆᓂᕐᒧᓪᓗ ᑲᑎᒪᔨᖏᑦ – ᓄᓇᕕᒃ: www.nrbhss.ca/en/coronavirus
ᓄᓇᑦᓯᐊᕗᑦ ᒐᕙᒪᒃᑯᖏᑦ – ᓄᓇᑦᓯᐊᕗᑦ: www.gov.nu.ca
ᐃᓄᐃᑦ ᓄᓇᖓᓐᓂ:
ᐋᓐᑐ ᑯᔅ ᑐᓴᕋᔅᓴᓕᕆᔨᒃᑯᓐᓂ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᐃᓅᓇᓱᐊᑦᑎᐊᕐᓂᒧᓪᓗ ᐅᑭᐅᖅᑐᖅᑐᓂ: ᐳᕙᓪᓗᓇᖅᑐᖅᑖᓕᑎᑦᑎᑦᑕᐃᓕᒪᐃᓐᓇᓱᐊᖅᑐᖅ ᑕᒫᓂ. ᖃᓪᓗᓈᑎᑑᖅᑐᖅ. https://www.uarctic.org/news/2020/3/anders-koch-from-tn-on-health-and-well-being-in-the-arctic-it-is-imperative-to-keep-the-coronovirus-out-of-the-region/
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᕙᓪᓕᐊᔪᒃᑯᑦ ᑐᓴᕋᔅᓴᕈᑎᖅᑎᑕᐅᓯᒪᔪᑦ:
https://www.inuitcircumpolar.com/news/coronavirus-and-other-health-risks-among-inuit/