Puvvirinnaaluk, qaujimajaujuq Nuvagjuarnaq 19-mit, Silarjualimaami Aanniaqtailimajulirijikkunnut Katujjiqatigiinnut Nalunaiqtaulauqsimajuq Maajji 11−ngutillugu, 2020 Amisurjuaraalunnik attuilauqtuq puvvirinnaaluk namilimaattiaq silarjualimaami, ukiuqtaqtuq ilagijaulluni Inuit kanatami tisamanik ukiuqtaqtunik killinginni nunagijaq inunnut, attuqtausimammijuq nuvangnarjuarnaalummut, matujauttiammarittutit silarjuaq, Nuvagjuarnaq-19 mikiniqsanit nunalilli isuqaqtittimmat ikajuqtaujunnarninginni Aanniaqtailimajulirijikkunni taikkualu anginiqsamiittut taimailuaratit.
Inuit Ukiuqtaqtumiuqatigiit Katimajingit isumaaluutiqainnarngata pigiarngarninganni qanuq ungasittumiittut nunaliit pinasuaqtarmangaata. Qanimannaaluk takunnaniqsaujaaqattarngat katimajirujunnik ammalu kikkutuinnarnit qanimainnaqattasuurnit ikajurvittaqanngiluaqtillugu, makununga inugialuaqtunut illulinnik milluatittijauttiaqattangittut angirrangit kuvijuuqattiangittullu amisut nunaliit. Kanatami, qanimannaaluk nunavummu saqqiqsimalirngat taimanngani Nuvipiri 2020−mi. Siarmapallianginnaqtuq qanimannaq tuavirnaliqtuni aaqqittaunasuariaqarningit sunakkutaaqtaqanngiluarngat ikajuutissanik Inuit Nunanginni.
Tamakkua sunakkutaat pitaqanngiluarninginnut isumaalurijaummata uqausiuvattutillu Inuit Ukiuqtaqtumiuqatigiit Katimajingit Ukiuqtaqtuni Inuit Aanniaqtailimajulirijikkut Katimajiralaanginnut. Katimajiralaat isumaaluutiqarngata tamakkuninga attuiniqarunnarninginni tamatuminga atuinnaqtaqanngiluarninginnut ikajuqtauvissanik. Taakkua Ukiuqtaqtuni Inuit Aanniaqtailimajulirinijikkut Katimajiralaangit katimaqatiqalauqtut Vuraansisku Kaali Tasaimit, Katujjiqatigiinnik Silarjuami Pilirijimit Tamakkuninga Pijunnautiqarninginni Nunaqaqqaaqtuminiit Sitipiri 2020−mi. Katimajiralaat taakkuninga Sikaatkamit, Alaaskama, Kanatami, Kalaałiillu Nunaani ullumimut qanuilingalirninginni unikkaalauqtut Nuvagjuarnaq 19-mi qanuilinganinganni killinginni pigiarutausimajullu ikajuutissaujut Inunnut unikkaangullutit. Pilirijiujuk Uqaqtuni Ajjituinnapalunginnittau taimaak asinginni Nunaqaqqaaqtuminirnit silarjualimaamit sunakkutaaqtaqattianginninginnut tusaqattarmijut, piusivaalliriaqarngata tamakkua aanniaqtailimajulirinirmit aturunnarlutit, attuiniqaqtutillu siarmarninganni piqqusingitta uppirijanginni iliqqusinginnillu. Nainaaqsimajumit katimaniujumit pitalik, makuningalu katimajiralaanginni, tavvanilu takujaujunnaqtutit.
Qarasaujakkut tukisigiarutinik pitalik tamatuminga Nuvagjuarnaq 19 missaanuungajunik qanuq attuiniqarmangaaq ukiuqtaqtumi, qanurlu attuiniqarmangaaq Nunaqaqqaaqtuminirnit silarjuami. Tukisigiarutinik qaujigiaqattarli Nuvagjuarnaup missaanut nunalingannut killinginnullu aanniaqtailimajulirijikkunginni.
Kanatami
Inuit Katujjiqatigiit qarasaujakkut tukisigiarutiit Kanatami avittuqsimajunillu Nuvagjuarnaup missaanut atuinnaujut makua:
Inuit Tapiriit Kanatami – Nunalirjuaq : www.itk.ca
Inuuvialuit Kuapuriisakkut – Inuvialuit : www.irc.inuvialuit.com
Nunavut Tunngavikkut – Nunavut: www.tunngavik.com
Nunavut Gavamakkungit – Nunavut: www.gov.nu.ca
Makivik Kuapuriisakkut – Nunavik: www.makivik.org
Nunavik Aanniaqtailimajulirinirmut Inulirinirmullu Katimajingit – Nunavik: nrbhss.ca/en/coronavirus
Nunatsiavut Gavamakkungit – Nunatsiavut: www.gov.nu.ca
Inuit Nunanganni:
Inuit Ukiuqtaqtumiuqatigiit Katimajingit Qarasaujakkuurutiit Nipiliugait: Mini Gurai, Issivautaq Inuit Ukiuqtaqtumiuqatigiit Katimajingit Silarjuap Ukiuqtaqtunganni Inuit Aanniaqtailimajulirinirmut Katimajiralaangit, ammalu Iqqanaijaqtinut Sivuliqti Nunavummi Katimajingit Aanniaqtailimajulirinirmut Inulirijikkunullu, uqausiqaqtuq qanuq puvvirinnaaluk attuiniqarmangaaq taassuminga Nunavummillu. Qaujimaniaqqutit qarasaujakkut nipiliugait Qallunaatituungammata https://www.buzzsprout.com/1171082
Aantu Kus Tusarassalirijikkunni Aanniaqtailimajulirinirmut Inuunasuattiarnimullu Ukiuqtuqtuni: Puvallunaqtuqtaalitittittailimainnasuaqtuq tamaani. Qallunaatituuqtuq. https://www.uarctic.org/news/2020/3/anders-koch-from-tn-on-health-and-well-being-in-the-arctic-it-is-imperative-to-keep-the-coronovirus-out-of-the-region/
Inuit Ukiuqtaqtumiuqatigiit Katimajingit Pivalliajukkut Tusarassarutiqtitausimajut:
Aipulu 21, 2020 – Pivallianginnaqtut Qanimannaaluup Missaanut Nalunaijaisimajut Kisut Pitaqanngiluarmangaata Ukiuqtaqtumi Inunnut Aanniaqtailimajulirinirmuungajunik – Sanngininginni Takussautittujut Inunnit https://www.inuitcircumpolar.com/news/ongoing-coronavirus-pandemic-highlights-infrastructure-gaps-across-circumpolar-regions-related-to-inuit-health-demonstrates-strength-of-inuit-culture/
Maajji 3, 2020 – Puvvirinnaq asingillu aanniaqtailimanirmut ulurianarunnaqtut Inunnut https://www.inuitcircumpolar.com/news/coronavirus-and-other-health-risks-among-inuit/