ᐅᑐᐱᕆ 26, 2020 – ᐋᓐᑯᕆᑦᔅ, ᐊᓛᔅᑲ – ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᓴᖅᑮᓚᐅᖅᓯᒪᒻᒪᑕ ᐱᖁᔭᔅᓴᓂᒃ ᑕᒪᑐᒥᖓ ᐅᖃᐅᓯᓕᒻᒥᑦ “ᓄᓇᓖᑦ”, ᓇᓗᓇᐃᔭᐃᓯᒪᔪᑦ ᒪᓕᒐᕐᓂᑦ ᖃᓄᖅ ᓴᖅᑭᖅᓯᒪᒻᒪᖔᑕ ᒪᑯᓂᖓᓗ ᐃᓄᐃᑦ ᐱᔪᓐᓇᐅᑎᖏᓐᓂ ᓯᓚᕐᔪᐊᒥ ᑲᑐᔾᔨᖃᑎᒌᓐᓄᑦ ᐃᓚᒋᔭᐅᓪᓗᑎᓪᓗ ᐊᒻᒪᓗ ᐊᖏᔫᑎᓄᑦ ᓯᓚᕐᔪᐊᒥ ᑎᒥᐅᔪᓄᑦ ᒪᑯᓂᖓᓗ ᐊᔾᔨᐅᙱᑦᑐᓂᑦ ᑎᒥᐅᔪᓄᑦ ᓯᓚᕐᔪᐊᒥ ᑲᑐᔾᔨᖃᑎᒌᓐᓂᒃ ᐊᕕᑦᑐᖅᓯᒪᔪᓂᓪᓗ ᑎᒥᐅᔪᓂᒃ ᓲᕐᓗ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ.
ᑎᓴᒪᐅᔪᖅᑐᓂᒃ ᒪᑉᐱᒐᓕᒃ ᐱᖁᔭᖅ ᐅᖃᐅᓯᖃᖅᑐᖅ ᑭᒃᑰᒻᒪᖔᑕ ᐃᓄᐃᑦ ᐊᔾᔨᐅᙱᑦᑐᑦ, ᐅᐊᑦᑎᐊᕈᓗ ᖃᓄᐃᑦᑑᓚᐅᖅᓯᒪᓂᖏᓐᓂ ᐅᓂᒃᑳᖃᖅᑐᑎᑦ ᓄᓇᖃᖅᑳᖅᑐᒥᓂᕐᓂᑦ ᐱᓗᐊᖅᑐᒥᑦ ᐱᔪᓐᓇᐅᑎᒋᔭᖏᓐᓂ ᐃᓄᐃᑦ ᐃᑲᔫᑎᐅᔪᓂᒃ ᓄᓇᖃᖅᑳᖅᑐᓕᒫᓄᑦ ᐱᔭᐅᔪᒪᔪᓄᑦ. ᐱᖃᓯᐅᔾᔨᓪᓗᑎᓪᓗ ᐆᑦᑑᑎᐅᔪᓂᒃ ᖃᓄᖅ ᑲᑐᔾᔨᔩᑦ ᑲᑎᓐᖓᓪᓗᒋᑦ ᐃᓄᐃᑦ “ᓄᓇᓖᑦ” ᓴᓐᖐᓪᓕᑎᑦᑎᑲᓐᓂᕐᖓᑦ ᓴᖅᑭᖅᓯᒪᔪᓂᒃ ᐃᓄᐃᑦ ᐱᔪᓐᓇᐅᑎᖏᓐᓂ. ᑕᓪᓕᒪᓂᒃ ᐊᑐᖁᔭᖏᓐᓂ ᐋᖅᑭᐅᒪᔾᔪᑕᐅᓂᐊᖅᑐᓂᑦ ᑎᑎᕋᖅᓯᒪᔪᖅᑕᖃᖅᑯᓂ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐃᔅᓯᕙᐅᑕᖓ ᑕᓖ ᓴᒻᐳ ᑐᕈ ᐅᖃᓚᐅᖅᓯᒪᔪᖅ “ᒥᑭᓪᓕᑎᑦᑎᓇᓱᐊᕐᓗᓂ ᐱᔪᓐᓇᐅᑎᖏᓐᓂ ᐃᓄᐃᑦ ᐊᓯᖏᓐᓂᓪᓗ ᓄᓇᖃᖅᑳᖅᑐᒥᓂᕐᓂᑦ ᐅᖃᐅᓯᒥᓂᕐᓂᑦ ᐊᕕᑦᑐᖅᓯᒪᔪᓂᒃ ᓯᓚᕐᔪᐊᒥᓪᓗ ᑲᑐᔾᔨᖃᑎᒌᓐᓂᒃ ᓈᒻᒪᖏᓪᓚᕆᑦᑐᖅ, ᐱᓗᐊᖅᑐᒥᑦ ᓯᓚᕐᔪᐊᒥ ᐃᓚᒋᔭᐅᔪᒪᓂᖅᓴᐅᓕᑎᓪᓗᒋᑦ ᐱᓕᕆᖃᑕᐅᓂᖅᓴᐅᓕᖅᑎᓪᓗᒋᓪᓗ ᐃᓄᐃᑦ ᓄᓇᖏᑦ ᒫᓐᓇᓗ ᓴᖅᑭᓂᖅᓴᐅᕙᓪᓕᐊᓕᖅᑐᑎᑦ ᑕᒪᓐᓇᓗ ᓯᓚ ᐊᓯᔾᔨᐸᓪᓕᐊᓕᕐᓂᖓᓐᓂ ᑲᑉᐱᐊᓇᒻᒪᕆᓕᖅᑐᖅ ᑕᒪᓐᓇᓗ ᖃᓂᒪᓐᓈᓗᒃ. ᑕᒪᒃᑯᐊ ᑕᐃᔭᐅᑎᓪᓗᒋᑦ ᓄᓇᖃᖅᑳᖅᑐᒥᓃᑦ “ᓄᓇᓖᑦ” ᑲᑎᒪᓂᕐᔪᐊᕐᓂᑦ ᐊᔾᔨᒌᙱᑦᑐᓂᓪᓗ ᐊᖏᕈᑎᓂᒃ ᓱᒃᑲᐃᓪᓕᑎᑦᑎᓯᒪᒻᒪᑕ ᓯᐊᕐᒪᑎᑦᑎᔫᔮᕐᖓᑕ ᑕᐃᒫᒃ ᐃᓱᒪᒋᔭᐅᓂᖏᓐᓂ ᐊᓯᐊᓄᑦᑕᐅ ᑕᐃᒫᒃ ᐃᓱᒪᒋᔭᐅᑐᐃᓐᓇᕆᐊᖃᕐᖓᑕ, ᐃᒻᒥᒃᑰᖅᑐᓂᒃ ᑕᑯᔅᓴᐅᙱᑦᑐᓂᑦ ᐱᔪᓐᓇᐅᑎᓂᒃ ᓄᓇᖃᖅᑳᖅᑐᒥᓂᕐᓂᑦ.”
ᐱᖁᔭᐃᑦ ᑎᑎᕋᖅᓯᒪᔪᑦ ᐊᐃᕙᔾᔪᑎᖃᖅᑐᖅ ᐃᓕᖅᑯᓯᕆᔭᐅᕙᑦᑐᑦ ᐃᓄᐃᑦ ᑲᑎᑦᑕᐅᑐᐃᓐᓇᕐᓂᖏᑦ ᐊᓯᖏᓪᓗ ᓄᓇᖃᖅᑳᖅᑐᒥᓂᑦ “ᓄᓇᓖᑦ” ᖁᐊᖅᓵᓇᒻᒪᕆᒻᒪᑦ ᐊᓯᔾᔨᕐᓂᖏᑦ ᖃᓄᕐᓗ ᐃᓱᒪᖃᕐᓂᖏᑦ ᐊᕕᑦᑐᖅᓯᒪᔪᓂᒃ ᓲᕐᓗ ᒪᓕᒐᖏᓐᓂ ᒥᑭᓪᓕᕚᓪᓕᑎᑦᑎᔪᑦ ᓯᓚᕐᔪᐊᒥ ᑲᑐᔾᔨᖃᑎᒌᓐᓂᒃ ᓇᓗᓇᐃᖅᑕᐅᓯᒪᔪᓂᒃ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᓃᑦ, ᐱᖃᓯᐅᑎᓗᒋᑦ ᐱᒋᐊᕈᑕᐅᓯᒪᔪᑦ ᐅᑉᐱᕆᔭᐃᑦ ᒥᑭᓪᓕᕚᓪᓕᑎᖅᑕᐅᓯᒪᔪᑦ ᓄᓇᖃᖅᑳᖅᑐᒥᓃᑦ ᐅᑉᐱᕆᔭᖏᑦ ᖃᓄᐃᑦᑑᓂᖏᑦ, ᐱᔪᓐᓇᐅᑎᖏᑦ ᐱᓕᕆᐊᖏᓪᓗ. ᓲᕐᓗ ᐊᖏᔪᐊᓗᒻᒥ ᓯᓚᕐᔪᐊᒥ ᐊᔾᔨᒌᙱᑦᑐᓂᑦ ᐊᒥᓱᓂᒃ ᐊᖏᕈᑎᖃᐅᕐᖓᑕ ᓄᓇᖃᖅᑳᖅᑐᒥᓂᕐᓂᑦ ᐊᒻᒪᓗ “ᓄᓇᓕᓐᓂᑦ” ᑲᑐᔾᔨᓪᓗᑎᑦ ᑕᐃᑲᓂ 1992−ᒥ ᕆᐅ ᓇᓗᓇᐃᖅᑕᐅᓯᒪᔪᖅ ᐊᕙᑎᓕᕆᓂᕐᒧᑦ ᐱᕙᓪᓕᐊᕐᓂᕐᒥᑦ, ᖃᐅᔨᒪᔭᐅᔪᖅ ᐱᓕᕆᐊᔅᓴᖅ 21−ᒥᑦ.
ᒫᓐᓇᕈᓗᓪᓗ 2015−ᒥ ᐅᐃᕖᑦ ᓄᓇᖓᓐᓂ ᐸᕆᔅᒥ ᐊᖏᕈᑎ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᑲᑎᖅᓱᖅᓯᒪᖃᑎᖃᖅᑐᖅ ᓄᓇᖃᖅᑳᖅᑐᒥᓂᕐᓂᑦ ᐊᒻᒪᓗ ᓄᓇᓕᓐᓂᑦ ᐃᓗᐊᓂ ᑎᑎᕋᖅᓯᒪᔪᓂ. ᖃᓄᐃᑦᑑᓂᖏᓐᓂ ᓇᓗᓇᐃᖅᓯᒪᔪᓂᒃ ᐱᐅᕆᔅᒥ ᐊᖏᕈᑎᒃ ᐅᖃᖅᓯᒪᔪᖅᑕᓕᒃ “ᓄᓇᓕᓐᓂᑦ” ᐊᒻᒪᓗ ᓄᓇᖃᖅᑳᖅᑐᒥᓂᕐᓂᑦ” ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᔅᓱᕉᑎᖃᖅᓯᒪᔪᑦ ᑕᒪᒃᑯᓂᖓ ᒪᕐᕉᓐᓂᒃ ᐊᑦᑕᓇᐃᖅᓯᒪᔫᓐᓂᒃ ᐃᓄᐃᑦ ᓯᕗᓪᓕᖅᐸᐅᑎᒋᐊᓕᖏᓐᓂ, ᐃᓅᓯᕆᔭᖏᓐᓂ, ᐊᒻᒪᓗ ᐱᔪᓐᓇᐅᑎᖏᓐᓂ ᐊᔾᔨᒌᓐᖏᒍᓐᓇᕐᖓᑎᒃ ᐊᒻᒪᓗ ᐅᑉᐱᕆᔭᐅᑦᑎᐊᕐᒥᓗᑎᒃ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᑐᓕᖁᔭᒥᓂᒃ ᓴᖅᑮᓚᐅᖅᑐᑦ ᑕᓕᒪᓂᒃ ᐱᖁᔭᕐᒧᑦ ᐊᕕᑦᑐᖅᓯᒪᔪᓂᒃ ᐊᒻᒪᓗ ᓯᓚᕐᔪᐊᒥᑦ ᑲᑐᔾᔨᖃᑎᒌᓐᓄᑦ ᐊᑐᓕᖁᔭᓪᓗᑎᒃ ᐋᖅᑭᐅᒪᔾᔪᑕᐅᖁᓪᓗᒋᑦ ᐃᓕᖅᑯᓯᕆᔭᐅᓕᕐᓗᑎᑦ. ᐋᖅᑮᒋᐊᒃᑲᓐᓂᕋᓱᐊᖅᑐᑦ ᖃᓄᖅ ᒪᓕᖃᑦᑕᕐᓂᐊᕐᒪᖔᑕ ᑕᒪᒃᑯᓂᖓ ᐱᖃᑕᐅᑦᑎᐊᖃᑦᑕᕐᓗᑎᓪᓗ ᐃᓄᐃᑦ ᐊᓯᖏᓪᓗ ᓄᓇᖃᖅᑳᖅᑐᒥᓃᑦ; ᑎᒍᓯᓗᑎᓪᓗ ᐊᑐᓕᖁᔭᐅᔪᓂᒃ ᐊᔾᔨᐅᓐᖏᑦᑐᓂᑦ ᐱᖁᔭᕐᓂᑦ, ᐊᑐᕐᓗᑎᑦ ᓯᓚᕐᔪᐊᒥ ᑲᑐᔾᔨᖃᑎᒌᓐᓂᒃ ᓇᓗᓇᐃᖅᑕᐅᓯᒪᔪᓂᒃ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᑦ ᐱᓕᕆᐊᔅᓴᖏᑦ ᐱᕙᓪᓕᐊᓗᑎᒃ ᑎᑎᕋᕐᓗᑎᑦ ᐅᕝᕙᓘᓐᓃᑦ ᐊᖏᕈᑎᒥᑦ ᓇᓗᓇᐃᖅᓯᓯᒪᔪᓂᒃ ᐱᔪᓐᓇᐅᑎᖏᓐᓂ ᖃᓄᐃᓕᖓᓂᖏᓐᓂᓪᓗ ᓄᓇᖃᖅᑳᖅᑐᒥᓃᑦ.
ᐱᖁᔭᐃᑦ ᐱᖃᓯᐅᔾᔨᓯᒪᔪᑦ ᑎᑎᕋᖅᓯᒪᓪᓗᑎᑦ, “ᐃᓄᐃᑦ ᑎᒍᒥᐊᖅᑎᐅᒻᒪᑕ ᐱᔪᓐᓇᐅᑎᓂᒃ ᐊᒻᒪᓗ ᐃᓗᐃᑦᑐᓂᒃ ᐊᑑᑎᖃᓪᓚᕆᓪᓗᑎᓪᓗ ᐱᖃᑕᐅᒍᒪᓪᓚᕆᑦᑐᒍᑦ ᑲᑎᒪᓂᕐᔪᐊᕐᓂᑦ, ᐊᔾᔨᒌᓐᖏᑦᑐᓂᒃ ᐊᖏᕈᑎᓂᒃ, ᓯᓚᕐᔪᐊᒥᓗ ᐱᕙᓪᓕᐊᔪᓕᕆᓂᕐᒥᑦ ᐱᔪᓐᓇᐅᑎᖃᕐᒥᒐᑦᑕ, ᐱᖅᑯᓯᑎᑦᑎᓐᓂ, ᐃᓅᓯᕗᓪᓗ ᐊᑦᑐᖅᑕᐅᖃᑦᑕᕐᓂᖏᓐᓄᑦ. ᑕᒪᒃᑯᐊ ᑲᔪᓯᒍᓐᓇᕋᔭᖅᑐᑦ ᑭᓯᐊᓂ ᑭᓪᓕᖃᖅᑐᓂᒃ ᐊᕕᑦᑐᖅᓯᒪᔪᓂᒃ ᐊᒻᒪᓗ ᒐᕙᒪᒃᑯᑦ ᐃᓗᐊᓂ ᑲᑐᔾᔨᖃᑎᒌᓐᓂᒃ ᐊᕕᑦᑐᐃᖏᓪᓗᑎᑦ ᐊᒻᒪᓗ ᒥᑭᓪᓕᕚᓪᓕᑎᑦᑎᖏᓪᓗᑎᑦ ᓄᓇᖃᖅᑳᖅᑐᒥᓂᕐᓂᑦ “ᓄᓇᓕᓐᓂ”, ᐱᑐᖃᐅᓕᕐᖓᑕ ᑕᒪᒃᑯᐊ ᒪᓕᒐᐃᑦ ᐃᓄᓐᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᑐᒥᓂᕐᓂᑦ ᐊᒻᒪᓗ ᐋᖅᑮᓗᑎᑦ ᓯᓚᕐᔪᐊᒥ ᑲᑐᔾᔨᖃᑎᒌᓐᓄᑦ ᓇᓗᓇᐃᓯᔾᔪᑎᑦ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᓃᑦ ᐱᓕᕆᐊᔅᓴᖏᓐᓂ ᖁᕝᕙᐸᓪᓕᐊᑎᑦᑎᒋᐊᖃᕐᖓᑕ ᖃᓄᐃᓕᖓᓂᖏᓐᓂ, ᐱᔪᓐᓇᐅᑎᖏᓐᓂ ᐱᖃᑕᐅᖃᑦᑕᕆᐊᖃᕐᓂᖏᓐᓂᓪᓗ ᓄᓇᖃᖅᑳᖅᑐᒥᓂᕐᓂᑦ.”
-30-
ᑐᑭᓯᒋᐊᕐᕕᔅᓴᖅ:
Kelly Eningowuk
ICC (Alaska)
907-274-9058
kelly@iccalaska.org
ᑭᐅᕈ ᓴᐃᒪᓐ
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕ)
613-563-2642
csimon@inuitcircumpolar.com