Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᐳᕝᕕᕆᓐᓇᖅ ᐊᓯᖏᓪᓗ ᐋᓐᓂᐊᖅᑐᓕᕆᓂᕐᒧᑦ ᐅᓗᕆᐊᓇᕈᓐᓇᖅᑐᑦ ᐃᓄᓐᓄᑦ

ᒫᔾᔨ 3, 2020 – ᐋᓐᑯᕆᑦᔅ, ᐊᓛᔅᑲᒥ − ᐊᒥᓱᕈᖅᐸᓪᓕᐊᑐᐃᓐᓇᐸᓪᓕᐊᑐᐃᓐᓇᑎᓪᓗᒋᑦ ᓯᓚᕐᔪᐊᒥ ᓄᕙᔾᔪᐊᕐᓇᒥᑦ, ᐃᓄᐃᑦ ᐅᑭᐅᖅᑕᖅᑐᒦᖁᖓᑎᒌᑦ ᑲᑎᒪᔨᖏᑦ ᐃᓱᒫᓘᑎᖃᕐᖓᑕ ᖃᓄᕐᓕ ᐅᖓᓯᑦᑐᒦᑦᑐᑦ, ᓄᓇᓖᑦ ᐅᓗᕆᐊᓇᖅᑐᒦᓐᓂᖅᓴᐅᑎᓪᓗᒋᑦ ᐊᐃᑦᑐᕐᓗᖅᑕᐅᔪᓐᓇᑎᓪᓗᒋᑦ ᐃᑲᔫᑎᑕᖃᙱᑦᑎᐊᕐᖓᑦ ᐊᓯᖏᓐᓂ, ᒪᑯᓂᖓᓗ ᑭᓈᓗᖃᕐᕕᓐᓂ ᐃᒥᖅᑐᖅᑐᓂᑦ ᑯᕕᓲᓂᑦ ᓄᓇᓕᑦᑎᓐᓂ.

ᑕᒪᓐᓇ ᓯᐊᕐᒪᐸᓪᓕᐊᓂᖓᓐᓂ ᐳᕝᕕᕆᓐᓈᓗᒃ ᑐᐊᕕᕐᓇᖅᓯᒻᒪᑦ ᐋᖅᑭᒋᐊᕆᐊᖃᕐᓂᖏᓐᓂ ᑭᓱᑐᐃᓐᓇᕐᓂᑦ ᓱᓇᒃᑯᑖᕐᓂᑦ ᐃᓄᐃᑦ ᓄᓇᖏᓐᓂ ᐊᑦᑐᖅᑕᐅᔪᓐᓇᖅᑐᓄᑦ ᐋᓐᓂᐊᖅᑕᐃᓕᒪᒐᓱᐊᕐᓂᖏᓐᓂᓪᓗ ᐊᔅᓱᕉᑕᐅᓕᕐᖓᑦ ᐊᒥᓱᓄᑦ ᐃᓄᓐᓄᑦ. ᐃᓄᐃᑦ ᓄᓇᓕᖏᑦ ᐃᓅᒍᓐᓃᖅᓯᒪᓕᕐᖓᑕ ᐊᒥᓱᑦ ᐊᓐᓇᐅᒪᒍᓐᓇᖏᓐᓂᖏᓐᓄ ᖃᓂᒪᓐᓈᓗᓐᓄᑦ ᐊᓯᖏᓐᓂ ᓲᕐᓗ ᓄᕙᔾᔪᐊᕐᓇᒥᑦ, ᐳᕙᓪᓗᓐᓇᒥᑦ ᐊᓯᖏᓐᓂᓪᓗ ᐋᓐᓂᐊᖑᔪᓂᒃ ᖃᓂᒪᒍᑕᐅᕙᑦᑐᓂᓪᓗ. ᑐᖁᔾᔪᑕᐅᔪᓐᓇᖅᑐᓂᑦ ᑕᒪᒃᑯᓂᖓ ᐱᑕᖃᓕᖅᑎᓪᓗᒍ ᐃᑲᔪᕐᕕᐅᔪᓐᓇᖅᑐᓂᑦ ᐱᑕᖃᓐᖏᓗᐊᕐᖓᑦ ᓄᖅᑲᖓᑎᑦᑎᔾᔪᑕᐅᔪᓐᓇᖅᑐᓂᒃ ᑕᒪᒃᑯᓂᖓ ᐱᓕᕆᓇᓱᐊᕋᓗᐊᖅᑎᓪᓗᒋᑦ. ᑭᓱᑐᐃᓐᓇᐃᑦ ᖃᓄᐃᓐᓂᖏᑦ ᐊᑦᑐᖅᑕᐅᖃᑦᑕᖅᓯᒪᒻᒪᑕ ᐊᒥᓲᓗᐊᖅᑐᑦ ᓄᓇᓕᑦᑎᓐᓂ ᐅᓪᓗᒥᒧᑦ ᑎᑭᑦᑐᒍ, ᒪᑯᓂᖓ ᐳᕙᓪᓗᓐᓇᒥᑦ, ᐊᓂᖅᑎᕆᑦᑎᐊᕈᓐᓇᖏᓐᓂᕐᒥᑦ, ᐊᓯᖏᓐᓂᓪᓗ ᖃᓂᒪᓐᓇᐅᔪᓂᒃ ᐋᓐᓂᐊᔾᔪᑕᐅᕙᑦᑐᓂᓪᓗ.

ᑕᒪᒃᑯᐊᖑᒐᓗᐊᖅᑎᓪᓗᒋᑦ ᐊᖏᕐᕋᕆᔭᐅᒐᓗᐊᖅᑎᓪᓗᒋᑦ ᐊᓯᖏᓐᓄᑦ ᐊᕕᑦᑐᖅᓯᒪᔪᓂᒃ ᓯᓚᕐᔪᐊᒥ, ᐃᓚᑯᑦᑕᖃᕐᓂᖅᓴᑐᐃᓐᓇᕐᖓᑕ ᐃᑲᔪᖅᑕᐅᕕᐅᔪᓐᓇᖅᑐᓂᑦ ᐅᓗᕆᐊᓇᖅᑐᒦᓕᖅᑎᑦᑎᓪᓗᑎᑦ ᑎᒥᖏᓐᓂ. ᐃᓄᒋᐊᓗᐊᖅᑐᑦ, ᓂᕿᔅᓴᑭᓗᐊᖅᑐᑦ, ᐃᓅᑯᑖᔾᔭᖏᑦᑐᑦ, ᐳᕙᓪᓗᖃᑦᑕᕋᔪᑦᑐᑦ ᐊᑦᑐᐊᔪᐃᓐᓇᑦᑎᐊᖑᒻᒪᑕ ᐃᓅᖃᑎᒌᑦᓐᓄᑦ ᑕᒪᒃᑯᓄᖓ ᑭᓱᓂᑦ ᓱᓇᒃᑯᑖᕐᓂᑦ ᐃᑲᔪᖅᑕᐅᕕᔅᓴᖅᑕᖃᖅᑎᓐᓇᒍ. ᐊᒥᓱᑦ ᐊᖏᕐᕋᐃᓪᓗ ᖁᕕᓲᖃᓐᖏᑦᑎᐊᖅᑐᑦ ᖁᕝᕕᖏᓪᓗ ᐅᕕᓲᖑᓐᓇᑎᑦ. ᐊᒥᓱᓪᓗ ᐱᑕᖄᓗᓪᓗᑎᑦ ᐱᐅᒍᓐᓃᐸᓪᓗᐊᓪᓗᑎᓪᓗ ᓱᓪᓗᓕᖏᑦ ᐅᓯᑲᑦᑕᖅᑕᐅᖃᑦᑕᕐᓂᖏᓪᓗ ᓱᓇᒃᑯᑖᑦ. ᑕᒪᒃᑯᐊ ᐱᔾᔪᑕᐅᒻᒥᒻᒪᑕ ᖃᓂᒪᓐᓈᓗᓐᓄᑦ ᐊᔾᔨᒌᓐᖏᑦᑐᓄᑦ, ᐱᖃᓯᐅᑎᓪᓗᒋᑦ ᐳᕙᖏᑎᒍᑦ ᐃᒻᒪᔅᓯᒪᔪᑦ ᖁᑦᑎᓂᖅᐹᖑᖃᑕᐅᒻᒪᑕ ᓯᓚᕐᔪᐊᒥ. ᐃᓪᓗᐃᓪᓗ ᐃᓄᒋᐊᕌᓘᓪᓗᑎᑦ ᐊᒥᓱᓪᓗ ᐊᑦᑐᖃᑦᑕᐅᑎᖃᑦᑕᖅᑐᑎᑦ ᖃᓄᐃᑦᑐᖃᖅᑎᓪᓗᒍ, ᐃᓱᒪᒥᑎᒍᓪᓗ ᐊᑲᐃᓪᓕᐅᕈᑎᓖᑦ ᑎᒥᒥᖏᑎᒍᓪᓗ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.