Maajji 3, 2020 – Aankurits, Alaaskami − amisuruqpalliatuinnapalliatuinnatillugit silarjuami nuvajjuarnamit, Inuit Ukiuqtaqtumiiqungatigiit Katimajingit isumaaluutiqarngata qanurli ungasittumiittut, nunaliit ulurianaqtumiinniqsautillugit aitturluqtaujunnatillugit ikajuutitaqanngittiarngat asinginni, makuningalu kinaaluqarvinni imiqtuqtunit kuvisuunit nunalittinni.
Tamanna siarmapallianinganni puvvirinnaaluk tuavirnaqsimmat aaqqigiariaqarninginni kisutuinnarnit sunakkutaarnit inuit nunanginni attuqtaujunnaqtunut aanniaqtailimagasuarninginnillu assuruutaulirngat amisunut inunnut. Inuit nunalingit inuugunniiqsimalirngata amisut annaumagunnanginninginnu qanimannaalunnut asinginni suurlu nuvajjuarnamit, puvallunnamit asinginnillu aanniangujunik qanimagutauvattunillu. Tuqujjutaujunnaqtunit tamakkuninga pitaqaliqtillugu ikajurviujunnaqtunit pitaqanngiluarngat nuqqangatittijjutaujunnaqtunik tamakkuninga pilirinasuaraluaqtillugit. Kisutuinnait qanuinningit attuqtauqattaqsimammata amisuuluaqtut nunalittinni ullumimut tikittugu, makuninga puvallunnamit, aniqtirittiarunnanginnirmit, asinginnillu qanimannaujunik aanniajjutauvattunillu.
Tamakkuangugaluaqtillugit angirrarijaugaluaqtillugit asinginnut avittuqsimajunik silarjuami, ilakuttaqarniqsatuinnarngata ikajuqtauviujunnaqtunit ulurianaqtumiiliqtittillutit timinginni. Inugialuaqtut, niqissakiluaqtut, inuukutaajjangittut, puvalluqattarajuttut attuajuinnattiangummata inuuqatigiitnnut tamakkununga kisunit sunakkutaarnit ikajuqtauvissaqtaqaqtinnagu. Amisut angirraillu quvisuuqanngittiaqtut quvvingillu uvisuungunnatit. Amisullu pitaqaalullutit piugunniipalluallutillu sullulingit usikattaqtauqattarningillu sunakkutaat. Tamakkua pijjutaummimmata qanimannaalunnut ajjigiinngittunut, piqasiutillugit puvangitigut immassimajut quttiniqpaanguqataummata silarjuami. Illuillu inugiaraaluullutit amisullu attuqattautiqattaqtutit qanuittuqaqtillugu, isumamitigullu akailliurutiliit timimingitigullu.