Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᐃᓄᐃᑦ ᐃᖅᑲᐅᒪᑦᑎᓂᖏᑦ ᓯᓚᕐᔪᐊᒥ ᐅᖃᐅᓯᕆᒋᐊᕐᖓᖅᓯᒪᔭᖏᓐᓂ ᐅᓪᓗᕆᔭᖓ ᐅᖃᐅᓯᓕᕆᓂᖅ

ᕖᕝᕗᐊᕆ 21, 2019 – ᐋᑐᐋ, ᑲᓇᑕ – ᑕᕝᕙᓂ ᐅᓪᓗᒻᒥ ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ ᐃᓕᓴᖅᓯᕗᑦ ᐃᖅᑲᐅᒪᑦᑎᓪᓗᑎᓪᓗ ᓯᓚᕐᔪᐊᒥ ᐊᓈᓇᐅᑉ ᐅᖃᐅᓯᖓᑦᑕ ᐅᓪᓗᖓᓐᓂ. ᓴᖅᑭᔮᖅᑎᑦᑎᒋᐊᖃᕋᑦᑕ ᐸᖅᑭᓗᑎᒋᓪᓗ ᐱᐅᖅᓱᐊᕐᓗᒍᓗ ᐅᖃᐅᓕᓯᒫᕗᑦ. ᐅᓪᓗᖓ ᑖᓐᓇ ᕖᕝᕈᐊᕆ 21−ᖑᓪᓗᓂ ᑕᐃᒪᓐᖓᓂ 2000−ᒥᑦ ᐅᖃᐅᓯᐅᒻᒪᑦ ᑲᑐᔾᔨᖃᑎᒌᑦ ᓯᓚᕐᔪᐊᒧᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᖃᐅᔨᓴᖅᑐᓕᕆᓂᖅ ᐱᖅᑯᓯᓕᕆᓂᕐᒧᓪᓗ ᑲᑐᔾᔨᖃᑎᒌᑦ.

ᐃᓅᓪᓗᑕ, ᐅᖃᐅᓯᕗᑦ , ᐃᓄᐃᑦ ᖃᐅᔨᒪᓂᕆᒻᒪᔾᔪᒃ ᐊᑐᖅᑕᐅᑎᓪᓗᒍ. ᑕᐃᒫᒃ ᐅᓂᒃᑳᖅᐸᑦᑐᒍᑦ ᐃᓱᒪᒋᔭᑦᑎᓐᓂ ᐅᖃᐅᓯᖃᖅᑐᑕ ᐱᖅᑯᓯᑦᑎᓐᓂ ᐅᑉᐱᕆᔭᑦᑎᓐᓂ, ᐃᓚᒌᓐᓂᑎᓐᓂ ᐊᒻᒪᓗ ᐃᓅᖃᑎᑦᑎᓐᓂ, ᓄᓇᖅᑲᑎᑦᑎᓂᓪᓗ ᐊᒻᒪᓗ ᓯᓚᑖᓂ ᓄᓇᓕᕐᔪᐊᖅᑕ.
ᐊᓛᔅᑲᒥ, ᐱᔪᒪᓂᓪᓚᕆᖏᑦ ᐃᓅᓱᑦᑐᐃᑦ, ᐃᓚᒋᔭᕗᑦ, ᑯᐊᑎᓕᐊ ᕿᒡᓈᖅ ᑭᓕ, ᐃᓄᑉᐱᐊᖅᑎᓄᑦ ᓂᓪᓕᐊᓲᖅ ᐋᖅᑭᔅᓱᐃᔨᐅᓪᓗᓂᓗ ᐊᒻᒪᓗ ᒐᕙᒪᒃᑯᓐᓂ ᐱᓕᕆᔨᐅᓪᓗᓂ ᐅᖃᐅᔾᔨᒋᐊᖅᑐ ᐃᓕᓴᕐᕕᒃ ᓯᓚᑦᑐᖅᓴᕐᕕᖓᓐᓂ, ᐅᖃᓚᐅᖅᑐᖅ “ᐅᖃᐅᓯᕗᑦ ᐆᒻᒪᑎᒃᑲᓐᓂᕆᐊᖃᓕᕋᑦᑎᒍ ᐃᓅᓪᓗᑕ ᓄᓇᖃᖅᑳᖅᑐᒥᓂᐅᓪᓗᑕᓗ ᓴᖅᑭᑎᒃᑲᓂᕐᓗᒍ ᐅᐱᓐᓇᕋᓂ ᐅᖃᐅᓯᕗᑦ ᓲᕐᓗ ᑕᕐᓂᕆᒐᑦᑎᒍ ᑭᓇᐅᓂᑦᑎᓐᓂ; ᐃᓱᒪᒋᔭᕗᑦ ᑕᖏᖃᓕᖅᑎᑦᑐᑎᒍ ᑲᓱᖅᓯᒪᖃᑦᑕᐅᑎᓂᖅ. ᐱᕈᖅᐸᓪᓕᐊᒋᐊᖃᕋᑦᑕ ᓄᓇᖃᖅᑳᖅᑐᒥᓂᐅᓪᓗᑕ ᓯᕗᓕᒥᓂᑦᑎᓐᓂ ᐊᑐᕐᓗᑎᒍ ᐊᒻᒪᓗ ᐃᓄᓕᒫᑦᑎᐊᖅ ᑕᐃᒪᐃᓪᓗᑎᑦ ᑕᐃᒪᓐᖓᓂᐊᓗᒃ ᐱᒋᐊᓚᐅᖅᓯᒪᒻᒪᑕ.”

ᓅᒃᒥ, ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ ᑲᓛᖡᑦ ᓄᓈᓂ ᐅᓪᓗᒥ ᓇᓗᓇᐃᖅᓯᓂᐊᖅᑐᑦ ᑲᑐᐊᖅ ᐱᖅᑯᓯᓕᕆᕕᖓᓐᓂ ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ ᑲᓛᖡᑦ ᓄᓈᓂ ᐊᖏᔪᖅᑲᖅ ᕼᐊᔭᓪᒪᕐ ᑕᓪ ᐅᖃᖅᑎᐅᖃᑕᐅᔪᖅ. “ᐱᕕᖃᖅᑎᑕᐅᒐᑦᑕ ᐅᓪᓗᒥ ᐊᑐᕈᓐᓇᖅᑐᑎᒍ ᓴᖅᑭᔮᖅᑎᓪᓗᑎᒍᓪᓗ ᓯᓚᕐᔪᐊᒧᑦ ᐅᓪᓗᕆᔭᐅᔪᖅ ᓄᓇᖃᖅᑖᖅᑐᒥᓃᑦ ᐅᖃᐅᓯᖏᑦ. ᖃᐃᖁᔨᓯᒪᔪᒍᑦ ᒥᓂᔅᑕᒥ ᐃᓕᓐᓂᐊᖅᑐᓕᕆᔨᒃᑯᓐᓂ ᒪᑐᐃᖅᓯᖁᓪᓗᒍ ᖁᕕᐊᓲᑎᖃᕐᓂᐅᓂᐊᖅᑐᖅ. ᓂᓪᓕᐊᔪᖃᕐᓂᐊᖅᑐᓂᓗ ᐅᖃᐅᓯᓕᕆᔨᒃᑯᑦ ᑲᑎᒪᔨᖏᓐᓂ ᐊᒻᒪᓗ ᑲᓛᖡᑦ ᓄᓈᓂ ᑎᑎᕋᖅᑎᐅᔪᓄᑦ ᑲᑐᔾᔨᖃᑎᒌᖏᓐᓂ. ᑕᑯᓐᓇᓂᐅᖅᓴᒍᒪᔪᒍᑦ ᑲᓛᖡᑦ ᓄᓈᓂᒥᐅᑎᑐᑦ ᐃᓄᑦᑎᑑᕐᓗᑕ ᖃᓄᕐᓗ ᓴᖅᑭᔮᖅᑎᑲᓐᓂᕈᓐᓇᕐᓂᐊᕐᒪᖔᑦᑎᒍ ᐸᖅᑭᓗᑎᒍᓪᓗ. ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ (ICC) ᑲᓛᖡᑦ ᓄᓈᓂ ᑕᑯᓐᓇᕐᓂᐊᕐᒥᔪᑦ ᐃᓄᐃᑦ ᐱᔪᓐᓇᐅᑎᖏᓐᓂ ᒪᑯᓄᖓ ᐃᓕᓐᓂᐊᖅᑐᓕᕆᓂᕐᒧᑦ ᐅᖃᐅᓯᓕᕆᓂᕐᒧᓪᓗ,” ᐅᖃᓚᐅᖅᑐᖅ ᑕᓪ ᓂᓪᓕᐊᔪᖃᓚᐅᖅᑎᓪᓗᒋᑦ ᐱᖅᑯᓯᕐᒥᓂᑦ ᐊᑐᕐᓗᑎᑦ ᑕᑯᕋᓐᓈᑎᑦᑎᓂᐊᖅᑐᑦ.

ᐅᖃᐅᓯᓕᕆᔨᒻᒪᕆᒃ ᔅᕙᓚᓐᑏᓇ ᓕᐅᓄᕙ ᓯᑳᑦᑲᒥᐅᖅ, ᐅᓛᓵᒥᑦ, ᐅᖃᓚᐅᖅᑐᖅ: “ᐊᓈᓇᐅᑉ ᐅᖃᐅᓯᑐᖃᖓ ᐊᔾᔨᐅᖏᒻᒪᑦ ᐅᕙᑦᑎᓐᓂ ᐊᓯᑦᑎᓂᓪᓗ ᓇᓗᓇᐃᖅᓯᔾᔪᑎᐅᔪᖅ − ᐃᓅᖃᑎᒃᑲᓂ. ᓈᓚᒍᓐᓇᖅᑎᑕᐅᒐᑦᑕ ᐊᔾᔨᐅᖏᑦᑐᒥᓪᓗ ᓂᓪᓕᐊᒍᓐᓇᖅᑐᑕ − ᖁᕕᐊᖃᓇᓪᓚᕆᑦᑐᐊᓗᒻᒥ ᐊᑐᕐᓗᑕ. ᓇᓗᓇᐃᖅᑐᖅ ᑭᓯᐊᓂ ᖃᓄᖅ ᓇᑭᓐᖔᕐᒪᖔᑕᓗᓐᓃᑦ ᐃᑉᐱᓐᓂᐊᓂᕗᑦ ᑕᕝᕙᓐᖓᑦ ᑕᕐᓂᑎᓐᓂ. ᑭᓯᐊᓂᓕ ᑕᐃᔭᐅᕙᑦᑐᖅ ᓄᓇᖃᖅᑳᖅᑐᒥᓂᑦ ᐅᖃᐅᓯᑐᖃᖏᓐᓂ. ᓲᕐᓗ ᑕᒪᓐᓇ ᐆᒻᒪᓇᖅᑐᖅ ᓴᓐᖓᑎᔾᔪᑎᒋᓪᓗᑎᒍ ᐊᔅᓱᕈᓐᓇᖅᑐᒃᑰᕋᓗᐊᖅᑎᓪᓗᑕ, ᓯᕗᒧᐊᒋᐊᖃᖅᑯᒍᑦ.”

“ᓯᓚᕐᔪᐊᑉ ᐊᕐᕌᒍᖓᓐᓂ ᓄᓇᖃᖅᑳᖅᑐᒥᓂᕐᓄᑦ ᐅᖃᐅᓯᖓᓐᓂ, ᐅᐱᒋᔭᖃᓚᐅᖅᑐᒍᑦ ᐃᓄᓐᓂ ᑎᒥᐅᔪᓂᓪᓗ ᓴᖅᑭᔮᖅᑎᑦᑎᕙᑦᑐᓂᒃ ᐅᖃᐅᓯᑦᑎᓐᓂ,” ᐅᖃᓚᐅᖅᑐᖅ ᐃᓄᐃᑦ ᐅᑭᐅᖅᑕᖅᑐᒦᐅᖃᑎᒌᑦ ᑲᑎᒪᔨᖏᑦ (ᑲᓇᑕ) ᐊᖏᔪᖅᑲᖓ ᒪᓂᑲ ᐃᐅᓪ-ᑲᓇᔪᖅ ᐃᖃᓗᒻᒥᐅᖅ, ᓄᓇᕗᑦ. “ᐃᓄᑦᑎᑐᑦ ᐃᓕᓴᕆᔭᐅᓯᒪᒻᒪ ᐃᓚᒋᔭᐅᓪᓗᓂ ᐅᖃᐅᓯᕐᓂᑦ ᓄᓇᑦᑎᐊᕐᒥ, ᓄᓇᕗᒻᒥ ᓄᓇᑦᑎᓯᐊᕗᓪᓗ ᒐᕙᒪᒃᑯᖏᓐᓄᑦ. ᓄᓇᕕᒻᒥ ᔭᒻᔅ ᐸᐃ ᐊᒻᒪᓗ ᑯᐸᐃᑉ ᑕᕐᕆᖓᑕ ᐊᖏᕈᑎᖓᓐᓂ ᐃᓕᓴᖅᓯᓯᒪᒻᒥᔪᑦ ᐃᓄᒃᑐᑦ ᐃᓕᓐᓂᐊᖅᑐᓕᕆᓂᕐᒥᑦ, ᐊᒻᒪᓗ ᑲᑭᕙᒃᑯᑦ ᒐᕙᒪᒃᑯᖏᑦ ᑲᑎᒪᑎᓪᓗᒋᑦ ᐃᓄᒃᑑᓚᐅᕐᒥᔪᑦ. ᐅᐱᒋᐸᑦᑎᒍ ᐃᓄᐃᑦ ᓴᖅᑭᔮᖅᑎᑦᑎᔪᑦ, ᑎᑎᕋᖅᑏᑦ, ᓴᓇᓐᖑᐊᖅᑏᑦ ᑕᕐᕆᔭᓕᐅᖅᑏᑦ ᐅᖃᐅᓯᑦᑎᓐᓂ ᐆᒪᑎᑦᑎᒻᒪᑕ. ᐅᐱᒋᒐᑦᑎᒍ ᐊᓈᓇᕗᑦ ᐊᑖᑕᕗᓪᓗ, ᐃᓐᓇᐃᓪᓗ, ᐃᓄᓱᑦᑐᐃᓪᓗ ᐃᓄᒃᑑᖅᐸᑦᑐᑦ ᖃᐅᑕᒪᑦ.”

ᒪᓕᑦᑐᒋᑦ 2016 ᑲᓇᑕᒥᐅᑦ ᓈᓴᖅᑕᐅᓂᖏᑦ 41,650 ᐃᓄᐃᑦ ᐅᖃᕈᓐᓇᕐᓂᕋᓚᐅᖅᑐᑦ ᐃᓄᑦᑎᑐᑦ ᐅᖃᖃᑎᖃᕈᓐᓇᕐᒪᕆᓪᓗᑎᑦ, ᑖᒃᑯᓂᖓ 64.0%−ᓂᑦ ᐃᓄᓐᓂᑦ. ᑕᐃᒫᔅᓴᐃᓐᓇᖅᑕᐅ ᐃᓄᒃᑐᑦ ᐅᖃᕈᓐᓇᖅᑐᑦ ᐊᓈᓇᖓᑕ ᐅᖃᐅᓯᑐᖃᖓᓂ 57% ᐃᓄᐃᑦ. ᑲᓇᑕᒥ, ᐃᓄᒃᑐᑦ ᓴᓐᖏᓂᖅᐹᖑᖃᑕᐅᔪᖅ ᓄᓇᖃᖅᑳᖅᑐᒥᓂᕐᓂᑦ ᐅᖃᐅᓯᕐᓂᑦ, ᐃᓄᐃᑦ ᔭᒐᐃᑦᑕᐃᓕᒐᓱᒋᐊᖃᖅᑐᑦ ᐅᖃᐅᓯᕐᒥᓂᒃ, ᐊᔅᓱᕈᐃᓐᓇᑦᑎᐊᕐᓗᑎᑦ ᐆᒪᑎᑦᑎᓇᓱᓪᓗᑎᑦ ᐅᖃᐅᓯᕐᒥᓂᒃ ᐃᓚᖏᓐᓂ ᔭᒐᐃᓯᒪᕙᓪᓕᐊᓕᕐᖓᑕᓕ.
ᑕᒫᓂᖃᐃ 6000−ᓂᑦ ᐅᖃᐅᓯᕐᓂᑦ ᓯᓚᕐᔪᐊᒥ ᐅᖃᐅᓯᓖᑦ. ᒥᔅᓴᐅᓴᑦᑕᐅᓯᒪᔪᑦ 43% ᐅᓗᕆᐊᓇᖅᑐᒦᓕᖅᑐᑦ. ᒪᓕᑦᑐᒋᑦ ᓯᓚᕐᔪᐊᑉ ᑲᑐᔾᔨᖃᑎᒌᖏᑦ, ᖃᑦᑎᑲᓪᓚᐃᒃᑭᐊᖅ ᕼᐊᓐᓇᓚᖏᓐᓃᑦᑐᑦ ᐃᓕᓐᓂᐊᖅᑐᓕᕆᓂᕐᒥᑦ ᐊᑐᖅᑕᐅᔪᓐᓇᖅᑐᑦ ᑭᒃᑯᑐᐃᓐᓇᕐᓄᑦ. ᐊᑖᓂ 100 ᖃᕋᓴᐅᔭᒃᑯᑦ ᐊᑕᖅᑕᐅᓪᓗᑎᑦ ᓯᓚᕐᔪᐊᒥ. ᐃᓄᐃᑦ ᐅᖃᐅᓯᖏᑦ ᖃᕋᓴᐅᔭᒃᑯᑦᑕᐅ ᐊᑐᖅᑕᐅᕙᒻᒥᔪᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.