Press Releases

Documenting our Progress

Donate to ICC

ICC Alaska

ICC Greenland

ICC Chukotka

ᐃᓄᐃᑦ ᓄᖅᑲᖁᔨᔪᑦ ᐅᖅᓱᐊᓗᓐᓂ ᓴᓗᒻᒪᓴᖅᓯᒪᓐᑦᑐᓂᑦ ᑐᔅᓯᕋᐅᑕᐅᓚᐅᖅᑐᖅ ᓯᓚᕐᔪᐊᒥ ᐃᒪᕐᒥᐅᑕᓕᕆᓂᕐᒥᑦ ᑲᑐᔾᔨᖃᑎᒌᖏᓐᓂ ᐃᒪᕐᒥᐅᑕᓕᕆᓂᕐᒥᑦ ᐸᖅᑭᑦᑎᔩᑦ ᑲᑎᒪᔨᕋᓛᖏᑦ ᑲᑎᒪᑎᓪᓗᒋᑦ ᓚᓐᑕᓐᒥ

ᐅᑐᐱᕆ 29, 2018 – ᐋᑐᐋ, ᑲᓇᑕ – ᐃᓄᐃᑦ ᐱᓕᕆᖃᑎᖃᓚᐅᖅᑐᑦ 14−ᓂᑦ ᓄᓇᓕᕐᔪᐊᓂᑦ ᐊᖏᓯᓐᓂ ᐱᕙᓪᓕᐊᑎᑦᑎᓇᓱᐊᖅᑐᑎᑦ ᓄᖅᑲᑎᑦᑎᔾᔪᑕᐅᒐᔭᖅᑐᒥᑦ ᐊᑐᖅᑕᐅᖃᑦᑕᕐᓂᖏᓐᓂ ᐅᖅᓱᐊᓗᓐᓂ ᓴᓗᒻᒪᓴᖅᓯᒪᓐᖏᑦᑐᓂᑦ ᐅᑭᐅᖅᑕᖅᑐᒥ, ᒫᓐᓇᐅᔪᖅ ᐊᑐᖅᑕᐅᖃᑦᑕᕈᓐᓃᖅᑐᓪᓕ ᐋᓐᑖᑦᑎᑲᒥ. ᐃᓱᒪᓕᐅᖅᑕᐅᓂᖏᑦ ᓄᖅᑲᖅᑎᑕᐅᓂᖏᓐᓂ ᓯᓚᕐᔪᐊᒥ ᐃᒪᕐᒥᐅᑕᓕᕆᓂᕐᒧᑦ ᑲᑐᔾᔨᖃᑎᒌᑦ ᐸᖅᑭᑦᑎᓂᕐᒧᑦ ᑲᑎᒪᔨᕋᓛᖏᑕ ᑲᑎᒪᓂᖏᓐᓂ (MEPC 73) ᓚᓐᑕᒥ ᐅᑐᐱᕆᐅᑎᓪᓗᒍ 25, 2018.

14 ᓄᓇᓕᕐᔪᐊᑦ – ᐋᔅᑐᕆᐊ, ᐹᓐᒋᓕᑖᔅ, ᑲᓇᑕ, ᑕᓐᒫᒃ, ᕗᕌᓐᔅ, ᔫᒪᓂ, ᐊᐃᔅᓛᓐ, ᐊᐃᕆᓚᓐ, ᓇᑐᓚᓐ, ᓅ ᔩᓚᓐ, ᓄᐊᕙᐃ, ᓯᐸᐃᓐᕝ, ᐴᓚᓐ, ᐊᒻᒪᓗ ᑯᐃᑉ ᓄᓇᖓᑕ ᐃᖕᖓᓕᒃ – ᐊᖏᖃᑎᒌᒍᑎᒥᑦ ᐱᓚᐅᖅᑐᑦ ᑲᑎᒪᔨᕋᓛᖑᓪᓗᑎᒃ ᐱᓕᕆᕙᓪᓕᐊᓂᐊᓕᖅᑐᑦ ᐊᑦᑐᐃᓂᖃᖅᑐᓂᑦ ᐊᑐᕐᓗᑎᑦ ᐅᖅᓱᐊᓗᓐᓂ ᓴᓗᒻᒪᓴᖅᓯᒪᓐᖏᑦᑐᓂᑦ ᐅᑭᐅᖅᑕᖅᑐᑦ ᐃᒪᖓᓐᓂ, ᓱᖅᑲᑎᑦᑎᓕᕐᓗᑎᑦ.

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ (ᑲᓇᑕ) ᐊᖏᔪᖅᑳᑉ ᑐᖏᓕᖓ ᓖᓴ ᖁᐱᕐᕈᐊᓗᒃ ᑭᒡᒐᖅᑐᐃᓚᐅᖅᑐᖅ ᐃᓄᓐᓂᑦ ᓛᓐᑕᒻᒧᑦ ᑲᑎᒪᔭᖅᑐᖅᓯᒪᓪᓗᓂ. ᐅᖃᓚᐅᖅᑐᖅ, “ᓴᓐᖏᔪᐊᓗᒻᒥ ᐱᒋᐊᕈᑎᖃᑦᑎᐊᖅᑐᓯ ᐊᑐᖅᑕᐅᖁᔭᐅᓇᑎᑦ ᐅᖅᓱᐊᓗᐃᑦ ᓴᓗᒻᒪᓴᖅᓯᒪᓐᖏᑦᑐᑦ ᐅᑭᐅᖅᑕᖅᑐᒥ. ᓄᓇᓕᕗᑦ ᐱᐅᓐᖏᑦᑐᐊᓗᒃᑯᑦ ᐊᑦᑐᓂᕐᓗᖅᑕᐅᖁᓐᖏᓇᑦᑎᒍ ᐊᒻᒪᓗ ᐊᑭᓖᖔᓕᕐᓗᑕ ᐊᓯᔾᔨᕆᐊᓕᑦᑕᖃᕐᓂᖅᑲᑦ ᐊᑐᖅᑕᐅᖁᔭᐅᓐᖏᓐᓂᖏᓐᓂ ᐅᖅᓱᐊᓗᓐᓂ ᓴᓗᒻᒪᓴᖅᓯᒪᓐᖏᑦᑐᓂᑦ ᐅᑭᐅᖅᑕᖅᑐᒥ ᐊᑭᑐᔪᐊᓘᒌᕐᖓᑕ ᓱᓇᒃᑯᑖᑦ ᓄᓇᓕᓐᓂᑦ. ᓱᓇᒃᑯᑖᑦ ᐅᑭᐅᖅᑕᖅᑐᒨᖅᑕᐅᕙᒻᒪᑕ ᐅᒥᐊᕐᔪᐊᒃᑯᑦ ᐊᐅᔭᐅᓕᕋᐃᒻᒪᑦ.” ᐅᖅᓱᐊᓗᐃᑦ ᓴᓗᒻᒪᓴᖅᓯᒪᓐᖏᑦᑐᑦ, ᐅᖅᓱᐊᓗᑐᐃᓐᓇᐅᓂᕋᖅᑕᐅᒻᒥᔪᑦ, ᐊᑭᑭᓐᓂᖅᐹᖑᒻᒪᑕ ᐅᓯᑲᑦᑕᖅᑐᒋᑦ ᐅᖅᓱᐊᓗᑦᑕᐅᑎᒃᑯᑦ.

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ ᑎᒍᓯᓚᐅᖅᑐᑦ ᐅᑦᑭᐊᕕᒃ ᓇᓗᓇᐃᖅᓯᓂᖓᓐᓂ 13−ᖓᓐᓂ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ ᑲᑎᒪᓂᕐᔪᐊᒥᑦ ᐅᑦᑭᐊᕕᒻᒥ, ᐊᓛᔅᑲ ᔪᓚᐃᒥ 2018−ᒥ. ᓇᓗᓇᐃᖅᓯᓪᓗᑎᑦ ᐱᔭᕆᖅᑕᐅᖁᔭᐅᓪᓗᑎᑦ ᐊᑯᑦᑐᔫᑎᐅᓗᒋᑦ ᑖᒃᑯᓂᖓ ᐅᖅᓱᐊᓗᓕᕆᓂᕐᒥᑦ ᓴᓗᒻᒪᖅᓯᒪᓐᖏᑦᑐᒥᑦ ᐅᑭᐅᖅᑕᖅᑐᒥ ᑎᑎᕋᖅᓯᒪᔪᖅ 18−ᒥ, ᐃᒪᐃᓕᖓᓪᓗᓂ:

“ᐱᓕᕆᐊᖑᔭᕆᐊᓕᒃ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ ᓂᓪᓕᐊᔨᐅᓗᓂ ᐊᔭᐅᖅᑐᐃᓗᓂᓗ ᓯᓚᕐᔪᐊᒥ ᐃᒪᓕᕆᓂᕐᒥᑦ ᑲᑐᔾᔨᖃᑎᒌᓐᓂᒃ ᐅᑭᐅᖅᑕᖅᑐᒥ, ᐊᓯᖏᓐᓂᓪᓗ ᓯᓚᕐᔪᐊᒦᑦᑐᓂᑦ ᐊᒻᒪᓗ ᐊᕕᑦᑐᖅᓯᒪᔪᑦ ᐱᖁᔭᖏᓐᓂ, ᑐᐊᕕᕐᓇᖅᑐᓂᓪᓗ ᑲᒪᖃᑦᑕᕆᐊᖃᕐᓂᕐᒥᑦ, ᐊᒻᒪᓗ ᐊᑯᑦᑐᔫᑎᐅᓗᒋ ᑲᒪᒋᔭᐅᒋᐊᖃᕐᓂᖏᑦ ᐅᖅᓱᐊᓗᓕᕆᓂᕐᒥᑦ ᓴᓗᒻᒪᓴᖅᓯᒪᓐᖏᑦᑐᓂᑦ ᐊᑦᑐᐃᓂᖃᓗᐊᖁᓇᒋᑦ ᐃᒪᕐᒥᐅᑕᕐᓂᑦ ᐃᖃᓗᓐᓂᓪᓗ ᐊᒻᒪᓗ ᐸᕝᕕᓴᑦᑕᐅᖁᓇᒋᑦ ᐊᓯᕙᕐᓂᐅᕙᑦᑐᑦ ᓯᓚᐃᑦ ᒪᓕᑦᑐᒋᑦ, ᐊᒻᒪᓗ ᐊᑦᑕᓇᖅᑐᒦᒋᐊᖃᓐᖏᓐᓂᖏᓐᓂ ᐊᒻᒪᓗ ᐊᕙᑎᕗᑦ ᐸᖅᑭᓗᑎᒍ.”

ᓂᕆᐅᒋᔭᐅᒐᓗᐊᖅ ᑲᒪᒋᔭᐅᓂᐊᕐᓂᖏᓐᓂ ᑲᑎᒪᔨᕋᓛᓄᑦ ᓄᖅᑲᖅᑎᑕᐅᓇᓱᓐᓂᕐᒧᑦ ᑎᒍᔭᐅᓛᖅᑐᔅᓴᐅᒐᓗᐊᖅᑯᖅ 2021, ᓯᐊᕐᒪᐊᓪᓕᐊᓗᒍᓗ 2023−ᒧᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.