ᑎᓯᐱᕆ 8, 2018 – ᐱᐅᕆᔅ, ᕗᕌᓐᔅ – ᒐᕙᒪᒃᑯᖏᑦ ᓄᓇᕗᑦ (ᑲᓇᑕ) ᐊᒻᒪᓗ ᑲᓛᖡᑦ ᓄᓈ (ᑎᐊᓐᒫᒃ) ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑐᓴᖅᑎᑦᓯᒍᑎᒥᓕᒥᓃᑦ ᑲᑐᔾᔨᖃᑎᒌᒎᑎᒋᔭᒥᓐᓂᒃ ᐅᖃᐅᓯᖃᖅᑐᓂᒃ ᓯᓚᐅᑉ ᐊᓯᔾᔨᕐᓂᖓᑕ ᒥᒃᓵᓄᑦ ᐊᕙᑎᑦ ᐊᑕᐅᓯᕐᓗ ᑲᑎᒪᓂᕆᓕᖅᑕᖓᓂ ᐱᓕᕆᖃᑎᒌᑦ ᑖᒃᑯᓄᖓ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᔪᓄᑦ ᐸᕐᓇᐅᑕᐅᔪᒥ ᑲᑎᒪᓂᕐᒥ ᓯᓚᐅᑉ ᐊᓯᔾᔨᕐᓂᖓ ᐱᓪᓗᒍ (COP21) ᑲᑎᒪᓂᐅᔪᒥ ᐱᐅᕆᔅᒥ ᐅᓪᓗᒥ.
ᐅᑭᐅᖅᑕᖅᑐᖅ ᐊᑑᑎᓕᕐᒪᑦ ᐊᑦᑐᐃᓂᕐᓗᒍᑕᐅᔪᑦ ᐊᑦᑐᐃᓂᖏᓐᓂᑦ ᐊᑦᑐᐊᓂᖃᖅᑐᑦ ᓯᓚᐅᑉ ᐊᓯᔾᔨᕐᓂᖓᓄᑦ, ᐅᐊᔪᐃᑦᑐᑦ ᒪᙳᖃᑦᑕᓕᖅᑐᑦ, ᐅᖅᑰᓂᖅᓴᐅᕙᓕᖅᓱᓂᓗ ᓂᕈᒥᓐᓂᖅᓴᐅᓕᕐᓂᖓᓄᑦ, ᓯᑯᔪᐃᑦᑐᑦ ᐊᐅᓯᒪᓕᖅᓱᑎᒃ ᓯᒃᑯᖃᑦᑕᕈᓐᓃᑐᓪᓗ, ᓯᓚᐅᑉ ᐊᐅᓚᑕᖓᓄᑦ ᐱᕐᕈᓗᐊᕆᕐᔪᐊᓕᖅᐸᑦᑐᑦ ᐅᓚᕕᑕᐅᓕᖅᓱᑎᓪᓗ ᐅᑭᐅᖅᑕᖅᑐᒥ ᐆᒪᔪᑦ.ᐊᓯᔾᔨᕐᓂᖅ ᒥᑭᒐᓗᐊᖅᐸᑦ ᓂᕈᒥᓂᖅ ᓂᒡᓚᓱᓐᓂᖅ ᒪᓕᓪᓗᒍ ᐅᓚᕕᑦᓯᕙᑦᑐᑦ ᑕᒪᒃᑯᐊ ᐅᑭᐅᖅᑕᖅᑐᒥ ᐃᓅᓇᓱᐊᕐᓂᕐᐅᔪᓂᒃ ᐃᖅᑲᓇᐃᔮᕐᓂᐅᔪᓂᓗ.
ᐃᓕᑕᕆᔭᐅᔭᕆᐊᖃᓕᖅᑐᖅ ᒫᓐᓇᐅᔪᖅ ᐳᔪᕐᓗᒦᖔᖅᑐᑦ ᓯᐊᒻᒪᖅᓯᒪᔪᑦ ᐃᖅᑲᓇᐃᔭᕐᕕᐅᔪᓃᙶᐸᑦᑐᑦ ᓴᓇᔪᓂ ᓄᓇᓕᐅᔪᓂ ᐃᖅᑲᓇᐃᔮᕈᑕᐅᔪᓃᙶᖅᑐᑦ ᐅᑭᐅᖅᑕᖅᑑᑉ ᓯᓚᑖᓃᙶᖅᓃᙶᐸᒻᒪᑕ, ᓄᓇᕗᑦ ᓯᕗᓕᖅᑎᖓ ᐲᑕ ᑕᑉᑐᓇ, ᑲᓛᖡᑦ ᓄᓈᓂ ᒥᓂᔅᑕ ᑮᓇᐅᔭᓕᕆᓂᕐᒧᑦ, ᐅᔭᕋᕐᓴᐃᑦ ᐱᕈᒃᑲᓐᓂᕈᓐᓇᖏᑦᑐᑦ ᐊᒻᒪᓗᐊᑐᖅᑕᐅᒍᓐᓇᖅᑐᑦ ᐊᒻᒪᓗ ᐅᖓᓯᑦᑐᒥᐅᓅᖓᔪᓄᑦ, ᕕᑦᑕᔅ ᖁᔭᐅᑭᑦᓱᖅ, ᐊᒻᒪᓗ ICC−ᑯᑦ ᐃᒃᓯᕙᐅᑕᖓ ᐅᑲᓕᖅ ᐃᔨᑦᓯᐊᖅ ᑎᓕᐅᕆᔪᒥᓂᖅ ᓄᓇᓕᕐᓃᙶᖅᓯᒪᔪᓕᒫᓄᑦ ᑲᑎᒪᔭᖅᑐᖅᓯᒪᔪᓄᑦ ᑖᓐᓇ COP21 ᐱᓪᓗᒍ ᑲᑎᒪᓂᖅ ᑕᒫᓂ ᐱᐅᕆᔅᓯ ᐊᖏᖃᑎᒌᒍᑦ ᐃᒪᐃᖁᓪᓗᒍ:
• ᓴᙱᓈᕆᐊᖅᓯᒪᓗᓂ ᐊᑐᐊᒐᖅ ᐊᔾᔨᒌᓐᓂᐅᔪᑦ ᑭᓯᐊᓂ ᐊᔾᔨᒌᖏᑦᑐᓂᒃ ᐱᔭᑦᓴᖃᐅᓂᖏᑦ ᐱᓕᕆᖃᑕᐅᔪᑦ ᓯᓚᐅᑉ ᐊᓯᔾᔨᕐᓂᖓᓂᒃ ᑎᑎᖅᓯᒪᑦᓯᐊᕐᓗᑎᒃ.
• ᐊᑑᑎᖃᕆᐊᖅᑐᓂᒃ ᐱᓕᕆᔾᔪᑎᖃᕐᓗᑎᒃ ᓄᖅᑲᐅᒥᑎᑕᐅᖁᓪᓗᒍ ᓄᓇᕐᔪᐊᒥ ᐳᔪᕐᓗᓐᓄᑦ ᐊᑦᑐᖅᑕᐅᓯᒪᓂᖃᓃᑦ ᐊᑖᓃᑦᑐᑦ ᐆᑦᑑᑎᑎᒍᑦ ~450 ᐃᓚᐅᕈᑦᑐᑦ ᒥᓕᐊᓐ ᐊᑕᐅᓯᖅ ᐊᖏᓂᖓ ᒪᓕᓪᓗᒍ ᑕᐃᒪᐃᓕᖓᐃᓐᓇᖅᑎᒋᐊᖅᓯᒪᓗᒍ ᐊᑯᓐᓂᖏᓐᓂ ᐅᑯᐊ 1.5°C ᐊᒻᒪᓗ 2°C.
• ᐃᓕᑕᖅᓯᓯᒪᓂᖃᕐᓗᓂ ᓴᐳᔾᔨᓂᖃᕐᓗᓂᓗ ᓄᓇᖃᖅᑳᖅᓯᒪᓂᒃ ᐃᓅᓯᖃᐅᓯᖏᓐᓂᓪᓗ, ᐱᔪᒪᔭᖏᓐᓂᒃ, ᐱᖅᑯᓯᖓᓂᒃ ᐱᖅᑯᓯᑐᖃᖏᓐᓂᓪᓗ ᐃᓄᐃᑦ ᐅᑭᐅᖅᑕᖅᑐᒥᐅᑦ.
• ᐊᔾᔨᒌᑎᑦᓯᓂᖃᑦᓯᐊᕐᓗᑎᒃ ᐱᔪᓐᓇᐅᑎᑎᒍᑦ ᐱᕙᓪᓕᐊᑎᑕᐅᔪᓂ, ᐱᖃᑕᐅᑏᑕᐅᓗᑎᒃ ᐃᓄᐃᑦ ᐅᑭᐅᖅᑕᖅᑐᒥᐅᑦ.
• ᓇᓗᓇᐃᖅᓯᓯᒪᓂᖅ ᐊᑭᑐᔪᒥᒃ ᐃᓅᓇᓱᐊᕈᑎᖃᕐᒪᑕ ᐅᑭᐅᖅᑕᖅᑐᒥᐅᑦ ᑮᓇᐅᔭᑎᒍᓪᓗ ᐊᑦᓱᕈᖅᑎᑕᐅᒃᑲᓂᕈᓐᓃᕐᓗᑎᒃ ᐅᑭᐅᖅᑕᖅᑐᒥ ᓄᓇᓖᑦ ᐊᕕᑦᑐᖅᑕᐅᓯᒪᔪᑦ.
• ᓂᓪᓕᐊᔾᔪᑎᖃᕐᓂᖅ ᐱᕙᓪᓕᐊᔭᐅᓂᖏᑕ ᐊᒻᒪᓗ ᐃᓚᔭᐅᕙᓪᓕᐊᑐᐃᓐᓇᕐᓂᖏᑕ ᐆᒻᒪᖁᑎᓕᕆᓂᕐᒨᖓᔪᑦ ᒥᑭᓪᓕᕚᓪᓕᑎᑦᓯᒍᓐᓇᖅᑐᑦ ᐳᔪᕐᓘᑦ ᓯᐊᒻᒪᐸᓐᓂᐊᓂᖏᓐᓂᒃ, ᓲᕐᓗ ᐅᑭᐅᖅᑕᖅᑐᒥ ᓄᓇᓕᖃᕐᕖᑦ ᐃᓚᖏᓐᓂᑦᑕᐅᖅ.
• ᓴᐳᑎᔭᐅᓯᒪᑦᓯᐊᕆᐊᕐᓗᓂ ᐃᓄᐃᑦ ᓂᕿᖃᐅᓯᖓᑦ.
• ᑲᔪᖏᖅᓴᐃᒍᑎᖃᕐᓂᖅ ᑮᙴᒪᔭᐅᓂᖓᓂᒃ ᐃᓕᑦᑐᓂᕐᒧᑦ ᐊᐅᓚᔾᔭᒋᐊᕈᑕᐅᒐᔭᖅᑐᓄᑦ ᐱᓗᐊᖅᑐᒥ ᑕᐃᒃᑯᓄᖓ ᐊᑦᑐᓂᕐᓗᑦᑕᐅᓯᒪᓕᖅᑐᓄᑦ ᓯᓚᐅᑉ ᐊᓯᔾᔨᕐᓂᖓᓄᑦ, ᓲᕐᓗ ᐅᑭᐅᖅᑕᖅᑐᖅ, ᐊᒻᒪᓗ ᓱᕐᕋᐃᑦᑑᑎᑦᓯᓂᕐᒧᑦ ᑮᓇᐅᔭᑎᒍ ᐃᑲᔪᖅᓯᓯᒪᓂᖅ ᐱᒋᐊᖅᑎᑦᓯᒍᑕᐅᓗᑎᒃ ᑕᓯᐅᖅᓯᒍᑎᓂᕐᒨᖓᔪᓄᑦ ᑐᕌᖓᔪᓂᒃ.
• ᐃᓕᑕᖅᓯᓂᖅ ᐊᑑᑎᖃᓪᓚᕆᓐᓂᖓᓂᒃ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ, ᐃᑲᔪᖅᓯᓯᓂᖓ ᓇᓗᓇᖏᓯᐊᕐᓂᖓ ᑐᑭᓯᐊᒻᒪᑕ ᓯᓚᐅᑉ ᐊᓯᔾᔨᕐᓂᖓᓂᒃ, ᐱᖃᑕᐅᓂᕐᒥᓐᓂᓗ ᐊᑑᑎᖃᕐᓂᕋᐃᖅᓱᑎᒃ ᑭᓪᓕᓯᓂᐊᕐᓂᕐᒨᖓᔪᓄᑦ ᖃᐅᔨᓴᖅᑐᓕᕆᓂᒃᑯᑦ ᐱᓕᕆᖃᑕᐅᓂᒃᑯᑦ ᑐᖅᑯᖅᑐᐃᖃᑕᐅᓂᕐᒥᓐᓂᒃ ᐸᐸᑖᖑᓂᐊᖅᑐᑎᒍᑦ.
ᑖᒃᑯᐊ ᐱᖓᓱᑦ ᑲᑐᔾᔨᖃᑎᒌᑦ ᐃᒻᒥᑰᖅᑐᑦ ᐱᓕᕆᖃᑎᒌᒍᒪᓂᕐᒧᑦ ᐊᖏᖃᑎᒌᒍᑎᖃᖅᓯᒪᓗᑎᒃ ᐃᓄᐃᑦ ᐅᑭᐅᖅᑕᖅᑐᒥᐅᓕᒫᑦ ᓴᙱᔪᒥᒃ ᐊᑕᐅᓯᐅᖃᑎᒌᓂᖃᖅᑐᒥᓪᓗ ᓂᓪᓕᐊᒍᑎᖃᕐᓂᖓ ᐱᔾᔪᑕᐅᑎᓪᓗᒍ ᓯᓚᐅᑉ ᐊᓯᔾᔨᕐᓂᖓ.
ᐅᖃᐅᓯᐅᓯᒪᔪᑦ
“ᑕᒫᓃᒃᑲᑦᑕ ᑐᐊᕕᕐᓇᖅᑑᑎᓪᓗᒍ ᐅᖃᐅᓯᕆᔭᖅᑐᖅᓯᒪᑦᓱᒍ ᑭᒡᒐᑐᖅᓱᒋᑦ ᐃᓄᐃᑦ ᐅᑭᐅᖅᑕᖅᑐᒥᐅᑦ. ᐱᔾᔪᑕᐅᑎᓪᓗᒍ ᓯᓚᐅᑉ ᐊᓯᔾᔨᕐᓂᖓᑕ ᐅᖃᐅᓯᐅᓂᖓ, ᓄᓇᕗᑦ ᐊᑦᑐᖅᑕᐅᖃᑕᐅᓂᖅᐸᐅᔪᖅ ᓄᓇᕐᔪᐊᒥ. ᐃᓱᒫᓘᑎᕆᓪᓚᕆᒃᑲᑦᑎᒍ ᐊᑦᑐᐃᓂᕐᓗᓂᖏᑦ ᓯᓚᐅᑉ ᐊᓯᔾᔨᕐᓂᖓᑕ ᓯᑯ ᐱᓪᓗᒍ ᐃᓅᓯᖃᐅᓯᕗᓪᓗ. ᐅᕙᒍᑦ ᓇᖏᖅᐳᒍᑦ ᓯᕗᓂᑦᓯᓂ ᐅᓪᓗᒥ, ᓇᖏᖃᑎᖃᖅᓱᑕ ᒐᕙᒪᒃᑯᖏᓐᓂᒃ ᑲᓛᖡᑦ ᓄᓈᑕ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓂᒃ, ᑐᒃᓯᕋᕐᕕᒋᓪᓗᓯ ᑲᑐᔾᔨᖃᑎᒌᖑᔪᓯ ᓄᓇᓕᐅᑎᒌᖑᓪᓗᓯ ᐊᖏᖃᑎᒌᒍᑎᓕᐅᖁᓪᓗᓯ ᑐᕌᖓᑦᓯᐊᖅᑐᒥᒃ ᐊᐅᓚᔾᔭᒍᑎᒋᓂᐊᕐᓗᒍ ᐊᑦᑐᐃᓂᕐᓗᓂᖓ ᓯᓚᐅᑉ ᐅᑭᐅᖅᑕᖅᑐᒥ.”
– ᓄᓇᕗᑦ ᓯᕗᓕᖅᑎᖓ, ᐲᑕ ᑕᑉᑐᓇ
“ᑲᓛᖡᑦ ᓄᓈ ᐱᔭᒃᓴᖃᖃᑕᐅᒻᒪᕆᑉᐳᖅ ᑐᓴᖅᑕᐅᑎᓪᓗᒍ ᓄᓇᕐᔪᐊᒥ ᓯᓚᐅᑉ ᖃᐅᔨᓴᖅᑕᐅᓂᖓ. ᑲᓛᖡᑦ ᓄᓈᓂ ᓯᓚᒥᒃ ᖃᐅᔨᓴᖅᑐᑦ ᖃᐅᔨᓴᖅᑐᓕᕆᓂᒃᑯᑦ ᑲᑎᓯᓪᓗᓂ ᓄᓇᕐᔪᐊᒥ ᖃᐅᔨᓴᕈᑕᐅᒍᓐᓇᑐᖅᑎᒍᑦ ᑭᓪᓕᓯᓂᐊᕈᑕᐅᑦᓯᐊᕐᓗᑎᒃ ᐅᑭᐅᖅᑕᖅᑐᒥ ᑎᒥᓖᑦ ᐃᓅᓯᓖᑦ ᖃᐅᔨᔭᖏᑎᒍᑦ. ᑲᑐᔾᔨᖃᑎᒌᓪᓗᑕ ᓂᐱᖃᕈᑎᒋᕙᕗᑦ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᕗᑦ−ᖃᓄᖅ ᐅᑭᐅᖅᑕᖅᑐᓕᒫ ᑕᒪᓐᓇ ᑐᓴᖅᑕᐅᒋᐊᓕᒃ ᐱᖃᓯᐅᔾᔭᐅᓗᓂᓗ ᓄᓇᕐᔪᐊᒥ ᐊᑐᐊᒐᓕᐅᕈᔾᔨᔪᓂ. ᐱᓗᐊᖅᑐᒥᓕ, ᐅᑭᐅᖅᑕᖅᑐᒥᐅᑦ ᓄᓇᖃᖅᑳᖅᓯᒪᔪᑦ ᐱᖃᑕᐅᑎᑕᐅᑦᓯᐊᕆᐊᒃᑲᓐᓂᕆᐊᖃᖅᐳᑦ ᓇᓪᒧᑦᑎᑕᐅᓗᑎᒃ ᐱᔪᓐᓇᐅᑎᖃᖅᑎᑕᐅᓂᕐᒧᑦ ᐱᕙᓪᓕᐊᔭᐅᔪᓂ. ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᑦ ᐱᔪᒪᔭᕆᔭᙱᓪᓗ ᐱᖃᑕᐅᓯᒪᔭᕆᐊᖃᖅᐳᑦ ᑲᑎᒪᓂᕐᒥ COP21−ᐱᓪᓗᒍ ᑭᖑᓂᖓᒍᑦ ᑎᑎᕋᖅᑕᐅᓯᒪᔪᒥ.”
– ᑲᓛᖡᑦ ᓄᓈᓄᑦ ᒥᓂᔅᑕ, ᕕᑦᑕᔅ ᖁᔭᐅᑭᑦᓱᖅ
“ᑭᒡᒐᖅᑐᐃᔨᐅᓪᓗᑕ ᐃᓄᖕᓂᑦ ᐅᑭᐅᖅᑕᖅᑐᓕᒫᒥ, ᑕᑯᓯᒪᓕᖅᑐᖓ ᑐᓴᖅᓯᒪᓪᓗᖓᓗ ᐊᑦᑐᐃᓂᕐᓗᒍᑎᖏᓐᓂᒃ ᓯᓚᐅᑉ ᐊᓯᔾᔨᕐᓂᒐᑕ ᓄᓇᓕᖅᑐᓂᖅᓴᐅᔪᓂ ᐊᓛᔅᑲᒥᒃ ᑎᑭᑦᓱᒍ ᑲᓛᖡᑦ ᓄᓇ, ᑲᓇᑕ ᐊᒻᒪᓗ ᓱᑯᑦᑲ. ᐱᓇᓱᐊᕐᓃᑦ ᒥᒃᖠᕚᓪᓕᖅᑎᒐᓱᐊᕐᓂᕐᒧᑦ ᐃᓕᑦᑐᐃᑎᑦᓯᓂᕐᒧᓪᓗ ᐃᓱᒪᒋᔭᖃᖃᓯᐅᑎᒋᐊᓖᑦ ᐊᑐᖅᑕᖏᓐᓂᑦ ᐃᓄᐃᑦ ᐊᓯᖏᑕᓗ ᓄᓇᖃᖅᑳᖅᓯᒪᔪᑦ ᐊᑦᑐᓂᕐᓗᑦᑕᐅᔪᑦ ᓇᖕᒥᓂᖅ ᓯᓚᐅᑉ ᐊᓯᔾᔨᕐᓂᖓᓄᑦ. ᑖᓐᓇ ᐱᐅᕆᔅᒥ ᑲᑎᒪᓂᕐᒥ ᐊᖏᖃᑎᒌᒍᑦ ᐊᑐᓕᖅᑎᑕᐅᓂᒃᓴᖓᓗ ᐃᖅᑲᒋᔭᖃᓪᓚᕆᒋᐊᓕᒃ ᐱᔪᓐᓇᐅᑎᖏᓐᓂᒃ ᐃᓄᐃᑦ ᓄᓇᖃᖅᑳᖅᓯᒪᔪᑦ ᐋᖅᑭᐅᒥᓂᐊᕐᒪᑦ ᓄᓇᕐᔪᐊᕗᑦ”
– ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦᑕ ᐃᒃᓯᕙᐅᑕᖓ, ᐅᑲᓕᖅ ᐃᔨᑦᓯᐊᖅ